Maꞈtehˬ 21:42 - Akha

⁴² Aˬ yawꞈ maꞈ-ahˇ Yeˬsuˇ ehˇ nehˬ-eu, “Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ naw maꞈ tiˬ jawˇ-iˬ maˬ gui haw-aˬ loˇ. ‘Nymˇ gawˬ-eu deuˬ maˬ geuꞈ nahˇ-ehˇ, baꞈ dzeh taˬ-euˬ kʼaˬ lo kʼoeˇ siˬ, kʼaˬ lo dawˬ tawˆ maˬ tseˇ poeˬ-eu, laꞈ coeˇ lo ziꞈ pyeuꞈ laˇ-euˬ meh. SahˬpaˬMiˬyehˇ neh jahˇ-euˬ kʼoeˇ, aˇ naˆ ni zahˬ leˇ duˬ jaˆ nga.’

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴² Yeqsur, aqyawf maf-anr heulof-aer aernaeq-euq mae, “Yaerbof-euq lafkhoer heulof-aer boftaq-euq gar nawmaf maq guihaw-aq lor? ‘Nymr tsov-eu deuq nae bafdzae taq-euq khaqlo khoersiq, Lafcoer-euq lozif pyeuflar-euq mae. Sanqpaq Miqyaer nae heulof-aer janr-euq mae. Heu-aq, aqdui-euq myavnuiv-euq gharduq arnavni zanqler paq-aer ghae-eu nga.’ (Jc 118:22-23)

Maꞈtehˬ 21:42 Iomraidhean Croise

Iˇsaˬyaˇ 28:16

Ehˇ kʼawꞈ, Sahˬpaˬ Miˬyehˇ heu loꞈ-ehˇ ehˇ-eu meh. “Ziˇoˬ meuˬ-euˬ dawˬ pehˬ ziꞈ dah ni ngaˇ gawˬ-euˬ ma. ‘Jah-eu ziꞈ-eu jeˬ-aˬ kamˬ coeˇ-eu jeˬ meh’ lehˇ boꞈ taˬ-euˬ, ziꞈ dah ni gʼeh-eu kʼaˬ lo neh, laꞈ coeˇ gawˬ tehˬ-euˬ ma.

Haˬbaˬkuˆ 1:5

Sahˬpaˬ Miˬyehˇ aˬ yawꞈ-euˬ tsawˇ haˬ zaˬ-ahˇ ehˇ-eu, “Miˇ kʼahˬ tsawˇ jeuˬ-ahˇ haw taˬ yawˬ. Nawˇ zahˬ dui ya dui leˇ tehꞈ-a. Ehˇ mehˬ ngeh maˬ jah coeˇ-eu jeˬ, nawˇ dehꞈ luꞈ-eu aˇ yamˬ laꞈ kʼoeˇ, ngaˇ jahˇ nehˬ gaˇ ya mawˇ tehꞈ-a.

Maꞈtehˬ 21:43

“Kʼoeˇ miˇ neh, naw maꞈ-ahˇ ngaˇ ehˇ nehˬ nyaˇ. Miˬyehˇ Miˇkʼahˬ naw maꞈ-euˬ laꞈ-ahˇ neh yuˇ doˆ-awˇ, yaw tsaˬ yaw dawˇ jeˬ mˇ-eu tsawˇ jeuˬ tiˬ jeuˬ-ahˇ a nehˬ tehꞈ-a.”

Gʼaˬkʼehˇ 4:11

Jaˇliꞈ laꞈ kʼoeˇ, ‘Naw maꞈ nymˇ tsoˆ gaˇ maˬ geuꞈ-ehˇ, baꞈ dzeh taˬ-euˬ kʼaˬ lo kʼoeˇ siˬ, kʼaˬ lo dawˬ tawˆ maˬ tseˇ poeˬ-eu, laꞈ coeˇ lo ziꞈ pyeuꞈ laˇ-euˬ meh.’ lehˇ ehˇ taˬ-euˬ kʼoeˇ-aˬ, Yeˬsuˇ-ahˇ ehˇ mawꞈ-eu meh.

Lormav 9:33

Jaˇliꞈ laꞈ kʼoeˇ ehˇ taˬ-euˬ, “Haw yawˬ, tsawˇ haˬ bi coˬ-iˇ-eu, tsawˇ haˬ sahˬ tiꞈ tiꞈ duˬ kʼaˬ lo, Ziˇoˬ meuˬ-ahˇ ngaˇ bi jaˆ ma. Ehˇ kʼawꞈ, aˬ yawꞈ-ahˇ jah-eu deuˬ daˬ ga-awˇ maˬ ya shaꞈ dawˇ-aˇ.”

Eˇpeˇsu 2:20

Naw maꞈ kʼawꞈ, gʼaˬ kʼehˇ deuˬ hawˇ-eu Miˬyehˇ gʼaˇ duˬ ngehˬ dah-eu deuˬ neh gawˬ dahˬ beh taˬ-euˬ gaˇ gawˬ tsaꞈ daˆ leꞈ-euˬ nymˇ pyeuꞈ-awˇ, Yeˬsuˇ Ka li-aˬ, laꞈ coeˇ lo ziꞈ pyeuꞈ-eu meh.