Maꞈtehˬ 21:33 - Akha

³³ Yeˬsuˇ ehˇ-eu, “Yaw jeˬ ma jeˬ yawˬ hmˬ yawˬ-ahˇ paˇ naˇ haˬ sheˇ. Baw leˬ tiˬ gʼaˬ jawˇ-eu meh. Aˬ yawꞈ aˬ gaꞈ gaꞈ yaˇ tiˬ yaˇ yaˇ-awˇ, yaˇ kmˇ mˇ jawˬ-awˇ, aˬ gaꞈ dzaˇ uiˇ nawˬ-eu duˬ kʼahˬ kʼahˬ-awˇ, loꞈ-eu nymˇ goˇ tiˬ nymˇ tsoˆ taˬ-euˬ meh. Kʼoeˇ naˇ, yaˬ kmˇ mˇ-eu deuˬ-ahˇ mˇ paˆ bi paˆ yaꞈ-awˇ, yawˬ kʼahˬ yawˬ miˇ yawˬ-ahˇ iˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³³ “Yawjeq majeq dawq yawqdawq yawq-anr narhaq sher-eq. Yarsanr aqda tiq ghaq, aqgaf yarkmr tiq kmr mr-awr, yarkmr yawmuiq-aer mrjawq-awr, yarkmr-euq lafkhoer aqgaf dzaruir nawqdovduq janr-awr nae, yarkmr-anr lof-eu nymrgor tiq nymr khawf tsov-euq mae. Khoernar-aq, aqgaf yarkmr-anr mr-eu deuq-anr ngaqnaeq yaf-awr, yawqkhanq yawqmir yawq-anr ghawqmyanrni jawr-ir-euq mae.

Maꞈtehˬ 21:33 Iomraidhean Croise

1 Sahˬpaˬ 22:19

Miˇkaˬyaˇ paˇ ehˇ-eu, “Sahˬpaˬ Miˬyehˇ ehˇ gaˇ naˇ haˬ sheˇ. Sahˬpaˬ Miˬyehˇ-aˬ, mˬ kʼoeˇ taˆ aˬ yawꞈ-euˬ nuiˇ mahˬ-ahˇ nuiˇ luꞈ-awˇ, aˬ yawꞈ-euˬ mˬ taˆ gʼaˬ kʼehˇ dawˬ tawˆ luꞈ, aˬ yawꞈ dawˬ peh yawꞈ luꞈ-eu ngaˬ-ahˇ mawˇ laˇ miˇ-a.

Iˇsaˬyaˇ 1:10

Sawˇdoˬ meuˬ kʼoeˇ taˆ uˆ lahˇ-eu deuˬ-oˇ, Sahˬpaˬ Miˬyehˇ-euˬ dawˬ-ahˇ naˇ haˬ sheˇ. Gawˇmawˇlaˆ meuˬ-ahˇ jawˇ-eu tsawˇ haˬ deuˬ-oˇ, Miˬyehˇ mehˬ-eu tsoˆ-eu dawˬ-ahˇ naˬ bawˇ ciˬ kʼmˇ sheˇ.

Yeˬlaˬmiˇ 19:3

Sahˬpaˬ Miˬyehˇ ngaˬ-ahˇ heu loꞈ-ehˇ bi ngehˬ bi tmˇ laꞈ-euˬ meh. “Yuˇdaˆ sahˬ paˬ deuˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ Iˇsaˬleˬlaˆ-euˬ Miˬyehˇ ehˇ gaˇ naˇ haˬ-awˬ. Kʼaˇ ya gaˬ-eu tsawˇ haˬ deuˬ myaꞈ leˇ jiˇ paˬ-ehˇ gʼeh-eu guˆ-eu gaˆ-eu jeˬ, jawˇ duˬ heu tsahˇ-ahˇ ngaˇ bi keuˆ le ma.

Yeˬlaˬmiˇ 2:21

Muiˬ dui dui-eu aˇ nuiˆ pahˬ-awˇ ka-euˬ aˬ gaꞈ baw duˆ loꞈ-ehˇ, nawˬ-ahˇ ngaˇ ka-euˬ ma. Ehˇ kʼawꞈ, nymˬ-mˇ nawˬ-ahˇ haw ngeh, buꞈ-iˇ-awˇ gaˇ dahˇ maˬ tsoeˬ-eu aˬ gaꞈ baw duˆ-ahˇ duˇ-eu meh.

Hawˇseˬ 4:1

Sahˬpaˬ Miˬyehˇ ngehˬ-eu dawˬ-ahˇ, Iˇsaˬleˬlaˆ naˬ bawˇ gaˬ-awˬ. “Miˇ kʼahˬ heu-euˬ tsawˇ haˬ deuˬ-ahˇ, aˬ yawꞈ ja-eu gaˇ kawˆ jaˆ meh. Saˇ jaˇ ziꞈ-eu gaˇ kawˆ maˬ ehˇ, gʼawˬ shaˬ gaˬ-eu gaˇ kawˆ maˬ ehˇ, Miˬyehˇ-ahˇ siˬ nya-eu maˬ ehˇ, miˇ kʼahˬ heu kʼahˬ laꞈ kʼoeˇ maˬ jaˆ.

Maꞈtehˬ 13:18

“Siˬ yoeˬ sehˬ-eu gaˇ kawˆ yaw jeˬ ma jeˬ-euˬ dawˬ tsuiꞈ-ahˇ naˇ haˬ sheˇ.

Maꞈtehˬ 20:1

“Mˬtaˆ Miˇkʼahˬ-aˬ, heu gaˇ duˇ leˇ-eu meh. Tsawˇ haˬ tiˬ gʼaˬ uˬ shawˬ yaw naꞈ-ehˇ doˆ-iˇ-awˇ, aˬ yawꞈ-euˬ aˬ gaꞈ yaˇ kmˇ laꞈ kʼoeˇ gaˇ bi mˇ-eu tsawˇ haˬ poˆ-iˇ-euˬ meh.

Maꞈtehˬ 21:28

Yeˬsuˇ paˇ ehˇ-eu, “Naw maꞈ aˬ joˆ-ehˇ noeˬ-eu nya. Tsawˇ haˬ tiˬ gʼaˬ aˬ li nyiˬ li jawˇ-eu meh. Aˬ li aˬ yuiꞈ gʼaˬ jawˇ gaˇ aˬ yawꞈ iˇ-awˇ, ‘Aˬ li-oˇ, iˬ nah aˬ gaꞈ yaˇ kmˇ-ahˇ gaˇ mˇ-iˇ de’ lehˇ kʼehˇ-euˬ meh.

Maꞈtehˬ 23:2

“Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˇsehˇ deuˬ-aˬ, Moˇseˬ-euˬ Zahˇ dawˬ kʼoꞈ dawˬ-ahˇ dawˬ tsuiꞈ yuˇ doˆ-eu aˬ kawˬ-aˬ za taˬ-euˬ tsawˇ haˬ deuˬ meh.

Maˬkuˆ 13:34

Gaˇ kawˆ kʼoeˇ-aˬ, tsawˇ haˬ tiˬ gʼaˬ aˬ yawꞈ-euˬ zaˬ kʼaˆ deuˬ-ahˇ gaˇ biˇ nehˬ yaꞈ-awˇ gaˇ ma doˆ-iˇ gaˇ duˇ tehꞈ-a. Zaˬ kʼaˆ aˬ yawꞈ gʼaˬ yawꞈ-ahˇ gaˇ biꞈ yaꞈ-awˇ, laˇ gʼoˆ-ahˇ loꞈ-eu gʼaˬ-ahˇ yaw beuˇ beuˇ-ehˇ loꞈ-eu gʼaˇ duˬ mehˬ nehˬ yaꞈ-awˇ doˆ-iˇ-euˬ meh.

Luˇkaꞈ 19:12

Kʼoeˇ miˇ neh, aˬ yawꞈ heu loꞈ-ehˇ ehˇ-eu meh. “Sahˬ paˬ-euˬ aˇ jeuˬ pyeuꞈ-eu yaw huiˬ yaw mahˇ tiˬ gʼaˬ, sahˬ paˬ-euˬ aˇ yaˬ ha laˬ-iˇ-eu lehˇ, gaˇ mahˇ kaˬ-eu miˇ kʼahˬ-ahˇ iˇ-euˬ meh.

Yoˇhaˬ 15:1

Ngaˇ-aˬ, maˇ maˇ ni gʼeh-eu aˬ gaꞈ baw duˆ ma. Ngaˬ Da-aˬ, aˬ gaꞈ yaˇ kmˇ-ahˇ bo saˆ-eu gʼaˬ meh.

Dawˬmehˬ 16:18

“Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ biꞈ-euˬ meuˬ yawˬ meuˬ na luꞈ laꞈ kʼoeˇ, yaˇ kʼaˬ daˇ-eu tsawˇ haˬ deuˬ hawˇ-eu yaw huiˬ yaw mahˇ geuꞈ-eu deuˬ ya tseˇ doˆ meh. Tsawˇ haˬ kʼoeˇ deuˬ-aˬ, myaˆ pyawˬ huiˬ nyiˇ maˬ tseˇ ni yaˇ kʼaˬ ya daˇ meh.