Maꞈtehˬ 21:10 - Akha

¹⁰ Yeˬsuˇ Yeˬluˇsaˬlehˬ meuˬ-ahˇ uˇ leˇ ngeh, meuˬ meuˬ lah-ehˇ lawꞈ gʼa-awˇ ehˇ-eu, “Tsawˇ haˬ teu gʼaˬ aˬ suˇ gʼaˬ-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Khoernar-aq, Yeqsur, Yeqlursaqlaeq-anr urler ngae, meuq meuqlanni lawfgha lar-awr aer-eu, “Tsawrhaq heughaq aqsur ghaq nga?”

Maꞈtehˬ 21:10 Iomraidhean Croise

Dawˬ caˇ 3:6

Muˇ laˬ yaw saw hawˇ-eu baw gaꞈ deuˬ ahˬ-eu tsiˇ yaw saw gʼawˬ mya jeˬ saw dui dui-eu laꞈ kʼoeˇ, bawˇ tsahˬ bawˇ dahˇ paw neh uˬ kʼoeˬ uꞈ uꞈ-ehˇ laˇ luꞈ-eu aˬ pa jeˬ nga.

Iˇsaˬyaˇ 63:1

“Eˬdoˬ miˇ kʼahˬ Bawˇzaˬlahˬ meuˬ-ahˇ neh oe-euˬ, tsawˇ haˬ kʼoeˇ gʼaˬ aˬ suˇ gʼaˬ-a. Yaw shehꞈ kʼahˬ sehˇ huiˬ-eu mehˬ tsoeˬ paˇ neˇ dm-awˇ, baoˬ hawˇ-eu gʼaˬ huiˬ dui dui-eu laꞈ kʼoeˇ, mehˬ hu paw oe luꞈ-eu kʼoeˇ gʼaˬ aˬ suˇ gʼaˬ-a. Kʼoeˇ-aˬ, ka kʼoꞈ-eu baoˬ ahˇ-eu Sahˬpaˬ Miˬyehˇ pyeuꞈ-awˇ, aˬ yawꞈ gʼaˬ leˇ-eu gaˇ kawˆ ja gaˬ-eu lehˇ oe-eu meh.”

Maꞈtehˬ 2:3

Gaˇ kawˆ kʼoeˇ sahˬ paˬ Heˬloˆ ya gaˬ ngeh, nui ma tiˬ pawꞈ-iˬ maˬ saˇ-a. Kʼoeˇ loꞈ-ehˇ duˇ ni, Yeˬluˇsaˬlehˬ meuˬ meuˬ lah-ehˇ nui ma maˬ saˇ-a.

Maꞈtehˬ 21:11

Tsawˇ haˬ aˇ maꞈ kʼoeˇ maꞈ ehˇ kʼoꞈ nehˬ-eu, “Tsawˇ haˬ heu gʼaˬ-aˬ, Yeˬsuˇ lehˇ kuˇ-eu, Gaˬliˬlehˇ miˇ kʼahˬ Naˬzaˬlehˇ meuˬ-ahˇ jawˇ-eu Miˬyehˇ gʼaˇ duˬ ngehˬ dah-eu gʼaˬ meh.”

Maꞈtehˬ 21:9

Yeˬsuˇ-euˬ mehˬ hu paw hawˇ-eu, mehˬ nah paw cah luꞈ-eu tsawˇ haˬ aˇ maꞈ kʼoeˇ deuˬ, heu loꞈ-ehˇ guˇ-eu meh. “Daˬbiˇ-euˬ Zaˬmaˇ-ahˇ ja ceuˬ-awˬ. SahˬpaˬMiˬyehˇ-euˬ tsawˇ myahˇ uˬ moˆ oe-euˬ gʼaˬ-ahˇ, Miˬyehˇ guiˬ lahˬ biꞈ luꞈ-uˇ. Miˬyehˇ-ahˇ jaˬ ceuˬ-awˬ.”

Luˇkaꞈ 20:2

“Nawˇ aˬ gaˇ-euˬ baoˬ-ahˇ gʼoe-awˇ teu loꞈ-ehˇ mˇ te. Baoˬ teu aˬ suˇ gʼaˬ neh nawˬ-ahˇ biꞈ laꞈ-euˬ ta lehˇ nga maꞈ-ahˇ ehˇ nehˬ laꞈ sheˇ.”

Luˇkaꞈ 5:21

Kʼoeˇ ngeh, Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˬsehˇ deuˬ tiˬ gʼaˬ tiˇ gʼaˬ ehˇ-eu, “Miˬyehˇ-ahˇ yehˬ bawˬ sehˇ lu-ehˇ ehˇ-eu tsawˇ haˬ teu gʼaˬ aˬ suˇ gʼaˬ nga. Miˬyehˇ maˬ ngeuˇ naˇ aˬ suˇ gʼaˬ iˬ baˇ pyehˬ nehˬ nya ta.”

Luˇkaꞈ 7:49

Kʼoeˇ ngeh, aˬ yawꞈ nehˬ-ehˇ hawˬ jeh-ahˇ jawˬ luꞈ-eu tsawˇ haˬ deuˬ-euˬ nui ma laꞈ kʼoeˇ heu loꞈ-ehˇ ehˇ-eu, “Iˬ baˇ-ahˇ keuˆ ni pyehˬ nehˬ nya-eu tsawˇ haˬ heu gʼaˬ aˬ suˇ gʼaˬ maˬ siˬ ngaˇ.”

Luˇkaꞈ 9:9

Heˬloˆ ehˇ-eu, “Yoˇhaˬ-ahˇ ngaˬ neh uˬ duˬ toˆ tsehˆ-euˬ ma tawˇ. Aˬ suˇ gʼaˬ-euˬ gaˇ kawˆ zahˬ leˇ paˬ-ehˇ paˇ gaˬ le ta.” Kʼoeˇ naˇ, Yeˬsuˇ-ahˇ ya mawˇ ni aˬ yawꞈ leh jeh-euˬ meh.

Yoˇhaˬ 2:18

Yuˇdaˆ tsawˇ haˬ aˬ yuiꞈ aˬ tsu deuˬ Yeˬsuˇ-ahˇ ehˇ-eu, “Nawˇ teu loꞈ-ehˇ jahˇ nya-eu a kawˬ-aˬ jaˆ-eu nga maꞈ ya siˬ duˬ ni, kʼaˆ jeˬ-ehˇ gʼeh-eu bi siˬ bi mawˇ-eu aˬ geu jeˬ nga maꞈ-ahˇ jahˇ mehˬ-eu gʼeh te.”

Gʼaˬkʼehˇ 9:5

Aˬ yawꞈ ehˇ-eu, “Sahˬpaˬ-oˇ, nawˇ aˬ suˇ gʼaˬ te.”

Luˇta 1:19

Kʼoeˇ naˇ, Behˬlehˬhehˬ meuˬ-ahˇ keuˆ ni, aˬ yawꞈ nyaꞈ le gʼeh leꞈ-euˬ meh. Aˬ yawꞈ nyaꞈ kʼoeˇ gaˇ le keuˆ ngeh, meuˬ meuˬ lah ni luiˬ gʼa laˇ-awˇ, “Tsawˇ haˬ heu gʼaˬ Nawˇmi maˬ ngeuˇ nga loˇ” lehˇ zaˬ miˬ zaˬ deuˬ ehˇ-eu meh.

1 Saˬmeuˬlaˆ 16:4

Saˬmeuˬlaˆ-aˬ. Sahˬpaˬ Miˬyehˇ neh kʼaˇ ehˇ nehˬ-euˬ loꞈ-ehˇ jahˇ-awˇ, Behˬlehˬhehˬ meuˬ-ahˇ iˇ-euˬ meh. Kʼoeˇ gaˇ jawˇ-eu meuˬ-euˬ aˬ yuiꞈ aˬ tsu geuꞈ luꞈ-eu deuˬ aˬ yawꞈ jawˇ gaˇ laˇ-awˇ, yaw dzuˬ dzuˬ-eu laꞈ kʼoeˇ, “Shaˆ ma-oˇ, yaw lehˬ aˬ geu jeˬ paˇ doˆ laˇ-euˬ miˇ neh heu gaˇ oe teˬ” lehˇ naˇ haˬ-euˬ meh.