Maꞈtehˬ 20:8 - Akha

⁸ “Uˬ ciꞈ ciꞈ le ngeh, aˬ gaꞈ yaˇ kmˇ-euˬ yaw sahˇ gʼaˬ, aˬ gaꞈ yaˇ kmˇ laꞈ kʼoeˇ gaˇ mˇ gaˇ aˬ yuiꞈ geuꞈ-awˇ bi haw bi pyaˆ-euˬ gʼaˬ-ahˇ kuˇ-awˇ ehˇ nehˬ-eu, ‘Gaˇ mˇ le-euˬ tsawˇ haˬ deuˬ-ahˇ kuˇ-awˇ gʼaˬ gaˇ poeˬ biꞈ nehˬ-awˬ. Jeˬ nah nah saˬ mˇ le-euˬ deuˬ-ahˇ jeˬ huˬ biꞈ-awˇ, jeˬ hu hu saˬ mˇ le-euˬ deuˬ-ahˇ biꞈ saˬ saˬ-awˬ.’

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ “Uqcif cifle ngae, aqgaf yarkmr-euq yawsanr ghaq, yar-anr hawpir-eu ghaq-anr kur-awr aernaeq-eu, ‘Gar mrlar-euq deuq-anr kur-awr ghaqgarpoeq bifnaeq-awq. Mrsaq saqle-euq deuq-anr jeqhu bif-awr, mrbae baele-euq deuq-anr bifsaq saq-awq.’

Maꞈtehˬ 20:8 Iomraidhean Croise

Aˇ dahˬ 15:2

Ehˇ kʼawꞈ, Sahˬpaˬ Miˬyehˇ-ahˇ Aˬbyaˬ ehˇ kʼoꞈ nehˬ-eu, “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, ngaˇ zaˬ maˬ jawˇ. Ngaˬ-euˬ jeˬ biˇ-ahˇ za paˬ-ehˇ gʼeh-eu tsawˇ haˬ-aˬ, Daˬmaˬsehˇ meuˬ-ahˇ neh oe-euˬ Eˇliˇzaˬ tiˬ gʼaˬ jawˇ-eu tehꞈ ma.

Aˇ dahˬ 43:19

Kʼoeˇ miˇ neh, Yoˇsehˆ-euˬ nymˇ gʼoˆ kʼehˬ dawˬ peh le keuˆ ngeh, Yoˇsehˆ-euˬ nymˇ-ahˇ haw luꞈ pyaˆ luꞈ-eu zaˬ kʼaˆ kʼoeˇ gʼaˬ-ahˇ, aˬ yawꞈ maꞈ heu loꞈ-ehˇ ehˇ nehˬ-euˬ meh.

Uˬ duˬ 19:13

“Aˬ cawˬ kʼoeˇ taˆ mehˇ shuiˇ taˬ shuiˇ dzaˬ. Tahˇ joe taˬ joe dzaˬ. Yawˬ ha-ahˇ gʼaˬ mahˇ mahˇ dzaˬ-eu tsawˇ haˬ-ahˇ gʼaˬ gaˇ aˇ poeˬ maˬ biꞈ ni, tiˬ miˇ tehꞈ-ehˇ kʼawꞈ taˬ bi dzeuˇ-iˇ.

Maꞈtehˬ 20:7

‘Tsawˇ haˬ tiˬ gʼaˬ-iˬ nga maꞈ-ahˇ gaˇ bi mˇ-eu lehˇ maˬ poˆ le-euˬ miˇ neh, heu loꞈ-ehˇ jawˇ luꞈ-eu ma’ lehˇ aˬ yawꞈ maꞈ ehˇ-eu meh. ‘Toˆ-ehˇ ngeuˇ naˇ, naw maꞈ jiˇ ngaˬ-euˬ aˬ gaꞈ yaˇ kmˇ-ahˇ iˇ-awˇ gaˇ mˇ-iˇ-awˬ’ lehˇ, tsawˇ haˬ kʼoeˇ deuˬ-ahˇ aˬ yawꞈ ehˇ nehˬ-euˬ meh.

Maꞈtehˬ 20:9

Uˬ ciꞈ paw kuiˬ dzaˇ zaꞈ dzaˇ biꞈ ngeh yamˬ-ahˇ hawˇ-eu mˇ le-euˬ deuˬ-ahˇ, tiˬ gʼaˬ-ahˇ pyuˇ maˇ byaˆ tiˬ byaˆ biꞈ-euˬ meh.

Maꞈtehˬ 25:19

“Aˇ nah aˇ yamˬ myahˇ laˇ ngeh, zaˬ kʼaˆ kʼoeˇ deuˬ-euˬ baw leˬ gʼaˬ gʼoꞈ keuˆ laˇ-awˇ, zaˬ kʼaˆ kʼoeˇ deuˬ nehˬ-ehˇ pyuˇ sawˇ tsaˬ-euˬ meh.

Maꞈtehˬ 25:31

“Tsawˇhaˬ-euˬ Zaˬmaˇ mˬ taˆ gʼaˬ kʼehˇ deuˬ sheuˬ-awˇ, Sahˬ paˬ loꞈ-ehˇ zaꞈ le ngeh, aˬ yawꞈ-euˬ dzoeˬ dzaˬ nuiˇ mahˬ kʼoeˇ taˆ nuiˇ le tehꞈ-a.

Luˇkaꞈ 10:7

Aˬ yawꞈ kʼoeˇ nymˇ-ahˇ tehꞈ-ehˇ jawˇ-awˇ, kʼaˇ bi dzaˬ kʼaˇ bi dawˇ laꞈ-eu jeˬ dzaˬ-awˬ dawˇ-awˬ. Aˬ jeˬ miˇ neh ehˇ naˇ, gaˇ mˇ-eu tsawˇ haˬ-aˬ, gʼaˬ gaˇ poeˬ za-eu tsaˬ tehꞈ-a. Nymˇ daˆ taˬ daˆ paˇ.

Luˇkaꞈ 12:42

Sahˬpaˬ Yeˬsuˇ ehˇ-eu, “Saˇ jaˇ ziꞈ-awˇ zaˬ siˬ tsawˇ gahˇ ahˇ-eu zaˬ kʼaˆ aˬ geu gʼaˬ-a. Aˬ yawꞈ-aˬ, nymˇ jiˇ-ahˇ haw-eu pyaˆ-eu gʼaˇ duˬ hawˇ-eu, zaˬ kʼaˆ nui deuˬ-ahˇ aˇ yamˬ tsaˬ tsaˬ ni bi dzaˬ bi dawˇ-eu gʼaˇ duˬ, baw leˬ neh kʼehˇ taˬ-euˬ zaˬ kʼaˆ kʼoeˇ gʼaˬ meh.

Luˇkaꞈ 8:3

Heˬloˆ-euˬ saˇ naˇ-ahˇ gaˇ mˇ-eu Kuˇzaˬ-euˬ nymˇ dahˬ Yoˇaˬnaˆ tiˬ gʼaˬ, Suˬsaˇnaˬ tiˬ gʼaˬ hawˇ-eu, nui deuˬ gʼawˬ mya gʼaˬ meh. Zaˬ miˬ zaˬ kʼoeˇ deuˬ-aˬ, yawˬ ha kʼaˇ jaˆ-eu jeˬ yuˇ doˆ-awˇ, Yeˬsuˇ hawˇ-eu aˬ yawꞈ-euˬ zaˬ lahˇ deuˬ-ahˇ caw ba nehˬ-euˬ meh.

2 Gawˇliˬtu 5:10

Aˬ jeˬ miˇ neh ehˇ naˇ, aˬ dui dawˬ tawˆ luꞈ Ka li yaˇ kʼaˬ daˇ-eu nuiˇ mahˬ mehˬ shi ya uiˬ leˇ jiˇ meh. Tsawˇ haˬ yawˬ gʼaˬ na luꞈ shiˬ shaˬ jiˇ gʼawˇ mawˇ heu laꞈ kʼoeˇ kʼaˇ mˇ kʼaˇ shaˇ dzeuˇ-euˬ loꞈ-ehˇ, muiˬ-eu maˬ ehˇ, doeˇ-eu maˬ ehˇ, yawˬ ha-ahˇ kʼaˇ oꞈ-eu jeˬ za tehꞈ-a.

Dawˬmehˬ 24:15

Aˬ yawꞈ nah yawꞈ nahˇ ma maˬ ga ahˇ mi naˆ-ehˇ, tiˬ nah mˇ-euˬ gʼaˬ gaˇ poeˬ ya biꞈ meh. Gʼaˬ gaˇ poeˬ kʼoeˇ aˬ yawꞈ loˬ dui dui-awˇ, kʼoeˇ za ni aˬ yawꞈ leh jeh-euˬ meh. Gʼaˬ gaˇ poeˬ maˬ biꞈ nehˬ-eu miˇ neh, Sahˬpaˬ Miˬyehˇ-ahˇ aˬ yawꞈ ngoeˇ gaˬ nehˬ naˇ, nawˬ-euˬ kʼoeˇ taˆ iˬ baˇ jaˆ-eu meh.

Tiˇtuˆ 1:7

Ka li zaˬ aˇ muˇ-ahˇ sheuˬ gʼeh-eu tsawˇ haˬ deuˬ-aˬ, Miˬyehˇ-euˬ gaˇ-ahˇ haw-eu pyaˆ-eu tsawˇ haˬ pyeuꞈ-eu miˇ neh, iˬ baˇ taˬ kʼaˇ maˬ ya bi za-a. Yawˬ ha-euˬ nui noeˬ geuꞈ-eu, nui ma nymˇ-eu, aˬ gaꞈ dzaˇ uiˇ dawˇ yehꞈ-eu, aˬ cawˬ-ahˇ dawꞈ-eu ceh-eu, pyuˇ-ahˇ mehˇ juiˇ juiˇ-eu, heu loꞈ-ehˇ gʼeh-eu tsawˇ haˬ maˬ ya bi pyeuꞈ-a.

HeˬByehˇ 9:28

Kʼoeˇ gaˇ duˇ ni, tsawˇ haˬ gʼawˬ mya ni-euˬ iˬ baˇ yuˇ dzeh-eu gʼaˇ duˬ, Ka li-euˬ gʼawˇ mawˇ tiˬ poˆ lawˇ dah-euˬ meh. Aˬ yawꞈ tiˬ poˆ paˇ doˆ le tehꞈ-a. Ehˇ kʼawꞈ, iˬ baˇ shawˇ-eu gʼaˇ duˬ oe-euˬ maˬ ngeuˇ-a. Aˬ yawꞈ-ahˇ loꞈ luꞈ-eu tsawˇ haˬ deuˬ-ahˇ ka kʼoꞈ-eu gʼaˇ duˬ oe-euˬ jeˬ pyeuꞈ-eu meh.

1 Beˬtuˆluˆ 4:10

Tiˬ gʼaˬ tiˇ gʼaˬ za taˬ-euˬ Miˬyehˇ neh biꞈ laꞈ-euˬ laꞈ sawˬ deuˬ-ahˇ yaw muiˬ paˬ-ehˇ jeˬ hmˬ-awˇ, aˬ cawˬ gʼaˇ duˬ gaˇ dahˇ tsoeˬ ni zmˬ-awˬ.

Luˇta 2:6

Tsawˇ haˬ kʼoeˇ gʼaˬ ehˇ-eu, “Aˬ yawꞈ-aˬ, Mawˇbaˆ miˇ kʼahˬ-ahˇ neh Nawˇmi mehˬ nah caw teh laꞈ-euˬ boeˇ miˬ shiˬ kʼaˬ tiˬ gʼaˬ meh.