Maꞈtehˬ 20:2 - Akha

² Tiˬ nah mˇ-euˬ gʼaˬ gaˇ poeˬ pyuˇ maˇ byaˆ tiˬ byaˆ biꞈ ma lehˇ ja tsaˬ-awˇ, aˬ gaꞈ yaˇ kmˇ laꞈ kʼoeˇ gaˇ bi mˇ-iˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Tiq nan pyur marbyav tiq byav bif ma laer jatsaq-awr, aqyawf maf-anr aqgaf yarkmr-euq lafkhoer gar bimr-ir-euq mae.

Maꞈtehˬ 20:2 Iomraidhean Croise

1 Sahˬpaˬ 18:12

Ngaˇ iˇ-eu nehˬ-ehˇ, Sahˬpaˬ Miˬyehˇ-euˬ yaw sahˇ nawˬ-ahˇ tiˬ gaˇ paw sheuˬ byoˆ gʼeh naˇ aˬ joˆ-ehˇ jahˇ nmˇ. Nawˇ heu gaˇ jawˇ meh lehˇ Aˬhaˆ-ahˇ ngaˇ ehˇ nehˬ-awˇ, nawˬ-ahˇ aˬ yawꞈ maˬ poˆ mawˇ nya naˇ, aˬ yawꞈ ngaˬ-ahˇ sehꞈ tehꞈ-a. Ngaˇ-aˬ, yaw nyiˇ gʼeh ngeh neh Sahˬpaˬ Miˬyehˇ-ahˇ yaw zeu baw dui dui-eu laꞈ kʼoeˇ, uˬ duˬ tahˬ-euˬ tsawˇ haˬ tiˬ gʼaˬ pyeuꞈ gaˇ noeˬ keuˆ nehˬ laꞈ-awˬ.

2 Laˬsaˬbaˬ 34:3

Yawˇshiˆ sahˬ paˬ geuꞈ-euˬ yehꞈ kʼoꞈ tiˬ kʼoꞈ keuˆ laˇ-awˇ, aˬ yawꞈ zaˬ guˬ guˬ zaˬ pyeuꞈ luꞈ ngeh, aˬ yawꞈ-euˬ aˬ poeˬ sahˬ paˬ Daˬbiˇ-euˬ Miˬyehˇ-ahˇ uˬ duˬ tahˬ-euˬ meh. Kʼoeˇ naˇ kʼah, oeˬ kʼoꞈ keuˆ laˇ ngeh, lawˇ ciꞈ zaˬ deuˬ uˬ duˬ tahˬ-eu jawˇ duˬ deuˬ-ahˇ maˬ ehˇ, Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ deuˬ-ahˇ maˬ ehˇ, tahˬ pahˬ aˬ ma mawˇ kawˇ nui deuˬ dawˬ tawˆ luꞈ-ahˇ maˬ ehˇ, aˬ yawꞈ laˆ cawˆ nehˬ jiˇ-euˬ meh.

Dawˬ tsoˆ 12:1

Nawˇ zaˬ guˬ pyeuꞈ ngeh neh, nawˬ-ahˇ beh-euˬ yaw sahˇ-ahˇ noeˬ keuˆ-awˬ. Tsawˇ kʼaˆ kʼaˆ laˇ-awˇ nui saˇ maˬ oꞈ-eu miˇ neh, “Yaw dehꞈ maˬ dehꞈ nahˇ nya” lehˇ ya ehˇ-eu aˇ nah aˇ yamˬ maˬ keuˆ laˇ mi naˆ-ehˇ, Beh-euˬ yaw sahˇ-ahˇ noeˬ keuˆ-awˬ.

Maꞈtehˬ 18:28

“Kʼoeˇ naˇ, zaˬ kʼaˆ kʼoeˇ gʼaˬ gʼoꞈ-iˇ-awˇ, aˬ yawꞈ-ahˇ pyuˇ tiˬ yaˇ byaˆ tehꞈ-ehˇ daˆ-eu aˬ yawꞈ-euˬ cawˬ zaˬ kʼaˆ tiˬ gʼaˬ-ahˇ tahˬ puˬ-euˬ meh. Aˬ yawꞈ-euˬ cawˬ kʼoeˇ gʼaˬ-euˬ kuˬ byahˬ-ahˇ aˬ yawꞈ tsuˆ-awˇ, ‘Ngaˬ-euˬ dziˇ dzoˆ tsoeˬ nehˬ laꞈ’ lehˇ kʼaˬ nehˬ-euˬ meh.

Maꞈtehˬ 20:1

“Mˬtaˆ Miˇkʼahˬ-aˬ, heu gaˇ duˇ leˇ-eu meh. Tsawˇ haˬ tiˬ gʼaˬ uˬ shawˬ yaw naꞈ-ehˇ doˆ-iˇ-awˇ, aˬ yawꞈ-euˬ aˬ gaꞈ yaˇ kmˇ laꞈ kʼoeˇ gaˇ bi mˇ-eu tsawˇ haˬ poˆ-iˇ-euˬ meh.

Maꞈtehˬ 20:13

“Tsawˇ haˬ kʼoeˇ deuˬ laꞈ kʼoeˇ tiˬ gʼaˬ-ahˇ, aˬ gaꞈ yaˇ kmˇ yaw sahˇ gʼaˬ heu loꞈ-ehˇ ehˇ kʼoꞈ nehˬ-euˬ meh. ‘Naw maꞈ-ahˇ ngaˇ mehˇ shuiˇ shuiˇ-euˬ maˬ ngeuˇ. Tiˬ nah-euˬ gʼaˬ gaˇ poeˬ pyuˇ maˇ byaˆ tiˬ byaˆ sawˇ-awˇ mˇ-eu gʼaˇ duˬ naw maꞈ nui ma tsaˬ-euˬ meh.

Maꞈtehˬ 20:3

Aˬ cawˬ yaˇ smˇ iˇ tsiˇ jiˇ ngeh yamˬ-ahˇ, lehˆ lehˆ kawˆ paw aˬ yawꞈ paˇ iˇ haw ngeh, gaˇ mˇ-eu maˬ jaˆ-ehˇ yawꞈ luꞈ-eu tsawˇ haˬ tiˬ deuˬ-ahˇ aˬ yawꞈ mawˇ-euˬ meh.

Maꞈtehˬ 20:9

Uˬ ciꞈ paw kuiˬ dzaˇ zaꞈ dzaˇ biꞈ ngeh yamˬ-ahˇ hawˇ-eu mˇ le-euˬ deuˬ-ahˇ, tiˬ gʼaˬ-ahˇ pyuˇ maˇ byaˆ tiˬ byaˆ biꞈ-euˬ meh.

Maꞈtehˬ 22:19

Kawˬ taꞈ gaˇ biꞈ-eu pyuˇ maˇ byaˆ tiˬ byaˆ hehˇ laꞈ haw sheˇ.” Kʼoeˇ ngeh, aˬ yawꞈ maꞈ aˬ yawꞈ-ahˇ pyuˇ maˇ byaˆ tiˬ byaˆ biꞈ nehˬ-euˬ meh.

Maꞈtehˬ 9:37

Kʼoeˇ ngeh, aˬ yawꞈ-euˬ zaˬ lahˇ deuˬ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Cehˇ myah laˇ taˬ-euˬ gʼawˬ mya ni jaˆ kʼawꞈ, yehˬ-eu tsawˇ haˬ ui cuiˆ tehꞈ meh.

Maˬkuˆ 12:15

Nga maꞈ doˆ nehˬ-eu tsaˬ meh loˇ. Maˬ tsaˬ-a loˇ.” Ehˇ kʼawꞈ, aˬ yawꞈ maꞈ nui ma laꞈ kʼoeˇ aˬ joˆ-ehˇ noeˬ-awˇ dawˬ ngehˬ luꞈ-eu Yeˬsuˇ mawˇ jiˇ-awˇ ehˇ-eu, “Aˬ jeˬ miˇ neh naw maꞈ ngaˬ-ahˇ lahˇ ju kʼmˇ-eu lehˇ leh jeh te. Pyuˇ mehˇ byaˆ tiˬ byaˆ hehˇ laꞈ-awˬ. Ngaˇ haw la.”

Luˇkaꞈ 1:15

Aˬ jeˬ miˇ neh ehˇ naˇ, Sahˬpaˬ Miˬyehˇ mehˬ shi, aˬ yawꞈ yaw huiˬ yaw mahˇ pyeuꞈ laˇ tehꞈpa. Aˬ gaꞈ dzaˇ uiˇ hawˇ-eu yehꞈ laˇ-eu dzaˇ uiˇ deuˬ-ahˇ aˬ yawꞈ maˬ ya dawˇ-a. Aˬ ma-euˬ uˬ maˆ laꞈ kʼoeˇ neh maˬ dehꞈ doˆ le mi naˆ-ehˇ, Muiˬ-eu shawˇ-eu Yaw sahˇ Miˬyehˇ aˬ yawꞈ laꞈ kʼoeˇ tiˬ byah ni ahˇ tehꞈ-a.

Luˇkaꞈ 10:35

Yawˬ nah yawˬ aˬ yawꞈ pyuˇ maˇ byaˆ nyiˬ byaˆ yuˇ doˆ-awˇ, daˬ yah yaꞈ-eu nymˇ kʼoeˇ nymˇ-ahˇ haw-eu gʼaˬ-ahˇ biꞈ-awˇ, heu loꞈ-ehˇ ehˇ nehˬ yaꞈ-euˬ meh. ‘Tsawˇ haˬ heu gʼaˬ-ahˇ yaw muiˬ paˬ-ehˇ tiˬ poˆ bo saˆ nehˬ laꞈ sheˇ. Heu myaˆ maˬ tseˇ zmˬ jiˇ naˇ, ngaˇ paˇ gʼoꞈ le ngeh nawˬ-ahˇ tsoeˬ kʼoꞈ nehˬ ma.’

Luˇkaꞈ 20:24

“Ngaˬ-ahˇ pyuˇ maˇ byaˆ tiˬ byaˆ bi haw laꞈ sheˇ. Heu gaˇ ahˇ-eu heu aˬ suˇ gʼaˬ-euˬ aˇ baˇ hawˇ-eu tsawˇ myahˇ nga.” Aˬ yawꞈ maꞈ ehˇ-eu, “Loˇmaˆ sahˬ paˬ-euˬ aˇ baˇ meh.”

2 Tiˆmoˇseˬ 3:15

Nawˇ nyiˇ ngeh neh Muiˬ-eu shawˇ-eu Jaˇliꞈ-ahˇ siˬ nya-euˬ gaˇ taˬ ngehˇ. Jaˇliꞈ kʼoeˇ-aˬ, Yeˬsuˇ Ka li-ahˇ jah-eu laꞈ kʼoeˇ ka kʼoꞈ-eu jeˬ za ni sheuˬ gʼeh-eu zaˬ siˬ tsawˇ gahˇ nawˬ-ahˇ biꞈ nehˬ laꞈ-euˬ meh.

Panmaeq 6:6

Dehꞈ luꞈ-eu jeˬ zaˬ oeˬ mawˇ jawˇ gaˇ neh doˆ le-euˬ teˇ saˇ-ahˇ duˇ-awˇ, heu loꞈ-ehˇ ehˇ-eu dawˬ-ahˇ ngaˇ ya gaˬ-euˬ ma. “Cehˇ tiˬ pehˬ-euˬ tiˬ nah gʼaˬ gaˇ poeˬ tsaˬ-awˇ, lawˬ loeˇ smˇ pehˬ-euˬ tiˬ nah gʼaˬ gaˇ poeˬ tsaˬ-eu meh. Ehˇ kʼawꞈ, saˬ loˬ aˇ bawˇ hawˇ-eu aˬ gaꞈ gaꞈ yaˇ-ahˇ taˬ laˆ cawˆ.”

1 Saˬmeuˬlaˆ 2:18

Aˇ yamˬ kʼoeˇ yamˬ laꞈ kʼoeˇ, aˬ li li zaˬ Saˬmeuˬlaˆ-aˬ, shawˇ jehˆ ni gʼeh-eu saˬ paˇ neh guꞈ taˬ-euˬ muiˬ-eu shawˇ-eu pehˇ kʼahˬ pehˇ mahˇ dm-awˇ, Sahˬpaˬ Miˬyehˇ-euˬ gaˇ mˇ luꞈ-eu meh.

1 Saˬmeuˬlaˆ 2:26

Aˬ li Saˬmeuˬlaˆ-aˬ, tiˬ nah saˇ-iˬ tiˬ nah huiˬ laˇ luꞈ-awˇ, Sahˬpaˬ Miˬyehˇ maˬ ehˇ, tsawˇ haˬ zaˬ maˬ ehˇ, aˬ yawꞈ-ahˇ nui kʼahˇ shiˇ-eu meh.

1 Saˬmeuˬlaˆ 3:1

Eˇliˆ neh mehˬ nehˬ tsoˆ nehˬ-euˬ loꞈ-ehˇ, Sahˬpaˬ Miˬyehˇ-euˬ gaˇ-ahˇ Saˬmeuˬlaˆ mˇ luꞈ-eu aˇ nah aˇ yamˬ kʼoeˇ yamˬ laꞈ kʼoeˇ, Sahˬpaˬ Miˬyehˇ neh bi tsaꞈ le-euˬ dawˬ-ahˇ yaw kʼaˆ-ehˇ maˬ ya gaˬ-ehˇ, Sahˬpaˬ Miˬyehˇ neh pah mehˬ nehˬ-euˬ jeˬ-ahˇ kʼawꞈ yaw kʼaˆ-ehˇ maˬ ya mawˇ ni pyeuꞈ-iˇ-euˬ meh.

1 Saˬmeuˬlaˆ 3:21

Sahˬpaˬ Miˬyehˇ-aˬ, Saˬmeuˬlaˆ jawˇ gaˇ oe-awˇ dawˬ ngehˬ cawˬ le-euˬ jawˇ duˬ pyeuꞈ-eu Shiˇloˬ meuˬ-ahˇ, aˬ yawꞈ-euˬ gʼawˇ mawˇ maˬ tsehˆ leˇ ni pah mehˬ-euˬ meh. Saˬmeuˬlaˆ dawˬ kʼaˇ ngehˬ doˆ laˇ ngeh, Iˇsaˬleˬlaˆ miˇ kʼahˬ kʼahˬ lah ni naˇ haˬ geuꞈ-eu meh.