Maꞈtehˬ 20:12 - Akha

¹² ‘Jeˬ nah nah saˬ oe-awˇ mˇ le-euˬ deuˬ naˬ liˬ tiˬ laꞈ mˇ-euˬ tehꞈ meh. Nga maꞈ-aˬ, nah ga-ehˇ nahˇ tsaˇ lawꞈ lawꞈ-ehˇ mˇ-euˬ ma. Ehˇ kʼawꞈ, nawˇ gʼaˬ gaˇ poeˬ biꞈ laꞈ ngeh, tiˬ kawˆ myaˆ ni tehꞈ-ehˇ biꞈ laꞈ-eu nga’ lehˇ ehˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² ‘Mrsaq saqle-euq khoerdeuq naqliq tiq laf mr-euq taef khawf, nga’maf nan’ga-i mrsaef lef-euq deuq-anr sawxnaeq-eu lof-aer, nawr, aqyawf maf-anr sawxnaeq-eu le laq?’

Maꞈtehˬ 20:12 Iomraidhean Croise

Yawˇnaˆ 4:8

Nahˇ ma goˇ laˇ ngeh, nahˇ ma doˆ kʼehˬ paw-euˬ lahˇ dui dui-eu jaˬ lehˇ-ahˇ Miˬyehˇ pyehˬ gʼeh laꞈ-euˬ miˇ neh, Yawˇnaˆ-euˬ uˬ duˬ-ahˇ nahˇ tsaˇ zaw dui dui leˇ-awˇ, myaꞈ leˇ paˬ-ehˇ pyeuꞈ-iˇ-euˬ meh. Kʼoeˇ ngeh, ya shiˇ law nmˇ-aˬ gʼaˬ miˇ-a lehˇ aˬ yawꞈ noeˬ-awˇ, “Dehꞈ-eu naˆ maˬ tseˇ shiˇ-eu-aˬ ngaˬ-euˬ gʼaˇ duˬ zaˬ miˇ-a” lehˇ ehˇ-eu meh.

Maˬlaˬkiˇ 1:13

‘Gaˇ heu maˬ mˇ nahˇ-ehˇ pyeuꞈ laˇ taˬ nyaˬ’ lehˇ naw maꞈ ehˇ-awˇ, ngaˬ-ahˇ naˇ mehˇ mˇ juꞈ haw-eu meh. Kʼoeˬ-euˬ jeˬ zaˬ, kuiˇ kuˆ laꞈ kuˆ kuˆ-eu jeˬ zaˬ hawˇ-eu, naˇ gawˇ ahˇ-eu jeˬ zaˬ deuˬ tsahˇ-awˇ, naw maꞈ ngaˬ-ahˇ lawˇ nehˬ laˇ-euˬ meh. Kʼoeˇ loꞈ-ehˇ gʼeh-eu lawˇ-eu shehˇ-eu jeˬ-ahˇ ngaˇ ha geuꞈ tehꞈ-a lehˇ naw maꞈ noeˬ te loˇ.

Maˬlaˬkiˇ 3:14

Naw maꞈ heu loꞈ-ehˇ ehˇ-euˬ meh. ‘Miˬyehˇ ehˇ dawˬ naˇ haˬ-eu yawꞈ ngehꞈ ngaˇ. Aˬ yawꞈ neh ehˇ-euˬ loꞈ-ehˇ mˇ-awˇ, aˬ dui neh mˇ-euˬ yaw lehˬ jeˬ gʼaˇ duˬ, Baoˬ huiˬ-eu Sahˬpaˬ Miˬyehˇ mehˬ shi noeˬ shaˬ-eu jahˇ geuꞈ-eu tiˬ jeˬ-iˬ gaˇ dahˇ maˬ tsoeˬ-aˇ.

Maꞈtehˬ 20:11

Aˬ yawꞈ maꞈ-ahˇ gʼaˬ gaˇ poeˬ biꞈ nehˬ ngeh, aˬ gaꞈ yaˇ kmˇ yaw sahˇ gʼaˬ-ahˇ aˬ yawꞈ maꞈ gʼawˬ mya jeˬ toˇ-eu meh.

Luˇkaꞈ 12:55

Laꞈ oˆ paw pyawˬ-ahˇ-euˬ jaˬ lehˇ baw daˆ laꞈ gaˇ ya mawˇ ngeh, ‘Lahˇ dui dui-eu aˇ yamˬ keuˆ le-eu ngaˇ’ lehˇ naw maꞈ ehˇ-eu meh. Ehˇ-eu loꞈ-ehˇ aˬ diˇ keuˆ le-eu meh.

Lormav 3:27

Toˆ-ehˇ ngeuˇ naˇ, aˬ dui nui ma huiˬ kʼaˇ aˬ gaˇ paˇ za ta. Tiˬ gaˇ-iˬ maˬ paˇ za meh. Aˬ jeˬ miˇ neh ehˇ naˇ, Zahˇ dawˬ kʼoꞈ dawˬ mehˬ nah caw teh-eu baˬ da neh Miˬyehˇ-ahˇ tsaˬ leˇ tsahˇ leˇ-eu tsawˇ haˬ pyeuꞈ laˇ nya-eu maˬ ngeuˇ-a. Jah-eu baˬ da neh tehꞈ-ehˇ pyeuꞈ laˇ nya-eu meh.

Lormav 3:30

Tsawˇ jeuˬ dawˬ tawˆ luꞈ gʼaˇ duˬ Miˬyehˇ tiˬ gʼaˬ tehꞈ meh. Kʼoeˇ miˇ neh, baˆ kʼoˆ mehˬ dzaˬ yehˬ-euˬ Yuˇdaˆ tsawˇ haˬ-ahˇ maˬ ehˇ, baˆ kʼoˆ mehˬ dzaˬ maˬ yehˬ-euˬ aˬ cawˬ tsawˇ jeuˬ-ahˇ maˬ ehˇ, jah-eu tiˬ jeˬ baˬ da neh tehꞈ-ehˇ aˬ yawꞈ-ahˇ tsaˬ laˇ tsahˇ laˇ nya ni jahˇ tehꞈ-a.

1 Gawˇliˬtu 4:11

Nymˬ-mˇ keuˆ ni nga maꞈ mehꞈ luꞈ shuꞈ luꞈ-eu ma. Mehˬ tsoeˬ dm-eu maˬ jaˆ-ehˇ, aˬ cawˬ neh bi diˬ bi diˬ-ehˇ, yuꞈ zaˇ jawˇ zaˇ maˬ baw ni shaˬ luꞈ-eu ma.

Eˇpeˇsu 3:6

Zaꞈ taˬ-euˬ kʼoeˇ-aˬ, heu loꞈ-ehˇ meh. Laˬ kʼaˬ cehˇ-eu guiˬ lahˬ dawˬ baˬ da neh, Yuˇdaˆ tsawˇ haˬ maˬ ngeuˇ-eu deuˬ kʼawꞈ Yuˇdaˆ tsawˇ haˬ deuˬ nehˬ-ehˇ tiˬ kawˆ loꞈ-ehˇ Miˬyehˇ-euˬ guiˬ lahˬ jeˬ biˇ oꞈ-eu meh. Nyiˬ deuˬ luꞈ gʼawˇ mawˇ tiˬ mawˇ-ahˇ tehꞈ-ehˇ taꞈ-eu aˇ sehˇ deuˬ pyeuꞈ-awˇ, Yeˬsuˇ Ka li-ahˇ gʼoe-awˇ Miˬyehˇ neh saˇ jaˇ dzaˬ taˬ-euˬ jeˬ tiˬ kawˆ loꞈ-ehˇ za-euˬ meh.

Yaˬkoˆ 1:11

Nahˇ ma doˆ laˇ-awˇ nahˇ tsaˇ kʼaˆ laˇ ngeh, yaˇ moꞈ kʼoeˇ nyoeˬ-iˇ koˆ-iˇ-eu meh. Kʼoeˇ ngeh jawˇ, aˇ yehˆ kʼoeˇ ga ka-awˇ haw muiˬ-eu jeˬ cawˆ-iˇ jiˇ-eu meh. Kʼoeˇ gaˇ duˇ ni, smˇ muiˬ muiˬ-eu tsawˇ haˬ kʼawꞈ, yawˬ ha-euˬ gaˇ-ahˇ kʼoꞈ gʼa luꞈ ngeh ya luˬ ya seˇ-iˇ tehꞈ-a.