Maꞈtehˬ 2:17 - Akha

¹⁷ Kʼoeˇ loꞈ-ehˇ jahˇ-eu laꞈ kʼoeˇ, Miˬyehˇ gʼaˇ duˬ ngehˬ dah-eu Yeˬlaˬmiˇ neh heu loꞈ-ehˇ ehˇ taˬ-euˬ dawˬ byah laˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Heu-aq, Miqyaer gharduq ngaeqdan-eu Yeqlaqmir nae aertaq-euq dawq heudawq byanlar-euq mae:

Maꞈtehˬ 2:17 Iomraidhean Croise

Yeˬlaˬmiˇ 1:1

Sahˬ boꞈ heu taꞈ-aˬ, Hiˇlaˬkiˇ-euˬ aˬ li Yeˬlaˬmiˇ-euˬ dawˬ boꞈ taˬ-euˬ sahˬ boꞈ tiˬ taꞈ pyeuꞈ-eu meh. Hiˇlaˬkiˇ-aˬ, Beˬyaˬmiˬ miˇ kʼahˬ Aˬnaˬtawˇ meuˬ-ahˇ jawˇ-eu piˇ ma tiˬ gʼaˬ pyeuꞈ-eu meh.

Maꞈtehˬ 2:15

Heˬloˆ shiˇ ngeh keuˆ ni, aˬ yawꞈ pehˬ kʼoeˇ gaˇ jawˇ-euˬ meh. SahˬpaˬMiˬyehˇ neh aˬ yawꞈ gʼaˇ duˬ ngehˬ dah-eu tsawˇ haˬ-ahˇ gʼoe-awˇ ehˇ taˬ-euˬ dawˬ pyeuꞈ-eu, “Ngaˬ li-ahˇ Iˇjiˇtuˆ miˇ kʼahˬ laꞈ kʼoeˇ neh kuˇ doˆ-euˬ ma” lehˇ ehˇ-eu dawˬ kʼoeˇ dawˬ byah laˇ-eu gʼaˇ duˬ, kʼoeˇ loꞈ-ehˇ pyeuꞈ laˇ-euˬ meh.

Maꞈtehˬ 2:16

Nahˇ ma doˆ kʼehˬ paw neh laˇ-euˬ zaˬ siˬ tsawˇ gahˇ ahˇ-eu tsawˇ haˬ kʼoeˇ deuˬ, aˬ yawꞈ-ahˇ tsawˇ gahˇ gahˇ-awˇ gʼoꞈ dzeuˇ-euˬ gaˇ kawˆ Heˬloˆ ya siˬ duˬ ngeh, nui ma pehˇ dui dui-euˬ meh. Kʼoeˇ ngeh, Behˬlehˬhehˬ meuˬ hawˇ-eu kʼoeˇ-euˬ tahˬ gʼoꞈ tahˬ jawˇ kʼaˇ jawˇ-eu, nyiˬ kʼoꞈ-ahˇ neh laꞈ oˆ paw-euˬ aˬ li zaˬ nahˬ dawˬ tawˆ luꞈ-ahˇ sehꞈ jiˇ-eu gʼaˇ duˬ aˬ yawꞈ dawˬ biꞈ-euˬ meh. Zaˬ siˬ tsawˇ gahˇ ahˇ-eu tsawˇ haˬ kʼoeˇ deuˬ neh aˬ yawꞈ-ahˇ ehˇ nehˬ taˬ-euˬ aˬ guiˇ kʼoeˇ siˬ doˆ laˇ-euˬ aˇ yamˬ shaˇ sawˇ duˬ-awˇ, aˬ li zaˬ nahˬ deuˬ-ahˇ bi sehꞈ-eu gʼaˇ duˬ kʼoeˇ loꞈ-ehˇ dawˬ biꞈ-euˬ meh.

Maꞈtehˬ 2:18

“Tsawˇ ngoeˇ ngoeˇ dui dui-eu teˇ saˇ, Laˬmahˇ meuˬ-ahˇ gaˬ doˆ laˇ nya. Laˬkeˬlaˇ ngoeˇ dui dui luꞈ meh. Zaˬ bi shiˇ byoˆ jiˇ-euˬ miˇ neh, maˬ muˇ taˬ nya ni ngoeˇ luꞈ meh.”

Maꞈtehˬ 27:9

Miˬyehˇ gʼaˇ duˬ ngehˬ dah-eu Yeˬlaˬmiˇ neh ehˇ taˬ-euˬ dawˬ, kʼoeˇ gaˇ byah laˇ-euˬ meh. “Iˇsaˬleˬlaˆ tsawˇ haˬ deuˬ neh aˬ yawꞈ-euˬ aˇ poeˬ daˇ tsehˆ-euˬ loꞈ-ehˇ, aˬ yawꞈ maꞈ pyuˇ mehˇ byaˆ smˬ tseˇ byaˆ yuˇ-euˬ meh.