Maꞈtehˬ 2:15 - Akha

¹⁵ Heˬloˆ shiˇ ngeh keuˆ ni, aˬ yawꞈ pehˬ kʼoeˇ gaˇ jawˇ-euˬ meh. SahˬpaˬMiˬyehˇ neh aˬ yawꞈ gʼaˇ duˬ ngehˬ dah-eu tsawˇ haˬ-ahˇ gʼoe-awˇ ehˇ taˬ-euˬ dawˬ pyeuꞈ-eu, “Ngaˬ li-ahˇ Iˇjiˇtuˆ miˇ kʼahˬ laꞈ kʼoeˇ neh kuˇ doˆ-euˬ ma” lehˇ ehˇ-eu dawˬ kʼoeˇ dawˬ byah laˇ-eu gʼaˇ duˬ, kʼoeˇ loꞈ-ehˇ pyeuꞈ laˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Heqlor shir ngae keuvni, khoergar jawr-euq mae. Garkawv heu-aq, Sanqpaq Miqyaer nae aqyawf-euq gharduq ngaeqdan-eu tsawrhaq-anr ghoe-awr aertaq-euq dawq heudawq byanlarni pyeuflar-euq mae, “Ngar, ngaq-euq zaqyo-anr Irjirtuv-anr nae kurdov laf-euq ma.” (Hs 11:1)

Maꞈtehˬ 2:15 Iomraidhean Croise

Doˆ-iˇ 4:22

Kʼoeˇ ngeh, Sahˬpaˬ Miˬyehˇ heu loꞈ-ehˇ ehˇ-eu meh lehˇ aˬ yawꞈ-ahˇ nawˇ ehˇ nehˬ-awˬ. ‘Iˇsaˬleˬlaˆ tsawˇ haˬ-aˬ, ngaˬ-euˬ aˬ li aˬ yuiꞈ yuiꞈ saˬ gʼaˬ pyeuꞈ-eu ma.

Hawˇseˬ 11:1

Sahˬpaˬ Miˬyehˇ ehˇ-eu dawˬ-aˬ, “Iˇsaˬleˬlaˆ yaw nyiˇ gʼeh ngeh, aˬ yawꞈ-ahˇ ngaˇ gaˬ dui dui-awˇ, ngaˬ-euˬ aˬ li tiˬ gʼaˬ loꞈ-ehˇ, Iˇjiˇtuˆ miˇ kʼahˬ laꞈ kʼoeˇ neh, ngaˬ neh sheuˬ kʼoꞈ doˆ laꞈ-euˬ ma.

Bawˇtsahˬ 24:8

Iˇjiˇtuˆ miˇ kʼahˬ laꞈ kʼoeˇ Miˬyehˇ aˬ yawꞈ maꞈ-ahˇ sheuˬ doˆ laꞈ-euˬ meh. Aˬ yawꞈ maꞈ gʼaˇ duˬ nehꞈ nyoˬ laꞈ hiˇ loꞈ-ehˇ aˬ yawꞈ guiˇ deuˆ-euˬ meh. Aˬ yawꞈ maꞈ-ahˇ muiˇ-eu deuˬ-ahˇ aˬ yawꞈ maꞈ kawꞈ sehꞈ tehꞈ-a. Shaˬ yoeˬ ngawˬ kʼehꞈ ngawˬ kʼoeˆ nehˬ-awˇ, kaˆ myaˬ neh beuˆ byoe nehˬ tehꞈ-a.

Maꞈtehˬ 1:22

Sahˬpaˬ Miˬyehˇ neh aˬ yawꞈ-euˬ gʼaˇ duˬ ngehˬ dah-eu tsawˇ haˬ deuˬ-ahˇ gʼoe-awˇ ehˇ taˬ-euˬ dawˬ byah laˇ ni, kʼoeˇ loꞈ-ehˇ bi pyeuꞈ laˇ-euˬ meh.

Maꞈtehˬ 2:14

Kʼoeˇ naˇ, Yoˇsehˆ tuˇ-awˇ, aˬ nyaꞈ ma zaˬ-ahˇ sheuˬ-awˇ, uˬ ciꞈ sehˇ gʼahˇ Iˇjiˇtuˆ miˇ kʼahˬ-ahˇ cehˆ-euˬ meh.

Maꞈtehˬ 2:17

Kʼoeˇ loꞈ-ehˇ jahˇ-eu laꞈ kʼoeˇ, Miˬyehˇ gʼaˇ duˬ ngehˬ dah-eu Yeˬlaˬmiˇ neh heu loꞈ-ehˇ ehˇ taˬ-euˬ dawˬ byah laˇ-euˬ meh.

Maꞈtehˬ 2:19

Heˬloˆ shiˇ dzeuˇ ngeh jawˇ, Iˇjiˇtuˆ miˇ kʼahˬ-ahˇ Yoˇsehˆ yuꞈ maˆ maˆ-eu laꞈ kʼoeˇ, SahˬpaˬMiˬyehˇ-euˬ mˬ taˆ gʼaˬ kʼehˇ tiˬ gʼaˬ aˬ yawꞈ jawˇ gaˇ doˆ le-awˇ ehˇ-eu,

Maꞈtehˬ 2:23

Kʼoeˇ naˇ, Naˬzaˬlehˇ meuˬ-ahˇ aˬ yawꞈ jawˇ-euˬ meh. Miˬyehˇ gʼaˇ duˬ ngehˬ dah-eu tsawˇ haˬ deuˬ neh, Yeˬsuˇ-euˬ gaˇ kawˆ-ahˇ taꞈ leˇ-awˇ, “Aˬ yawꞈ-ahˇ Naˬzaˬlehˇ tsawˇ haˬ lehˇ kuˇ tehꞈ-a” lehˇ ehˇ taˬ-euˬ dawˬ kʼoeˇ dawˬ, kʼoeˇ loꞈ-ehˇ byah laˇ-euˬ meh.

Maꞈtehˬ 21:4

Miˬyehˇ gʼaˇ duˬ ngehˬ dah-eu tsawˇ haˬ neh ehˇ taˬ-euˬ dawˬ heu deuˬ byah laˇ ni, kʼoeˇ loꞈ-ehˇ pyeuꞈ laˇ-euˬ meh.

Maꞈtehˬ 26:54

Ehˇ kʼawꞈ, kʼoeˇ loꞈ-ehˇ jahˇ naˇ, heu loꞈ-ehˇ pyeuꞈ laˇ meh ehˇ taˬ-euˬ Jaˇliꞈ dawˬ kawˬ kʼoeˇ aˬ joˆ-ehˇ byah laˇ nya nmˇ.”

Maꞈtehˬ 26:56

Ehˇ kʼawꞈ, Miˬyehˇ gʼaˇ duˬ ngehˬ dah-eu deuˬ neh Jaˇliꞈ laꞈ kʼoeˇ kʼaˇ boꞈ taˬ-euˬ loꞈ-ehˇ byah laˇ ni, heu loꞈ-ehˇ bi pyeuꞈ laˇ-euˬ meh.” Kʼoeˇ ngeh, zaˬ lahˇ dawˬ tawˆ luꞈ, aˬ yawꞈ-ahˇ byehˇ dzeh yaꞈ-awˇ cehˆ jiˇ-euˬ meh.

Maꞈtehˬ 27:35

Aˬ yawꞈ maꞈ aˬ yawꞈ-ahˇ laꞈ yaꞈ kʼoeˇ taˆ taꞈ tehˬ-awˇ, aˬ yawꞈ-euˬ mehˬ tsoeˬ deuˬ-ahˇ, aˬ yawꞈ maꞈ yaw kaˬ shehˆ tsaˬ tsaˬ-awˇ biˇ geuꞈ-euˬ meh.

Maꞈtehˬ 8:17

Aˬ yawꞈ kʼoeˇ loꞈ-ehˇ mˇ-euˬ-aˬ,“Aˬ dui jawˇ saˇ maˬ doˆ-eu jeˬ-ahˇ aˬ yawꞈ yuˇ dzeh-awˇ, aˬ dui-euˬ naˇ gawˇ-ahˇ aˬ yawꞈ pi dzeh-euˬ meh” lehˇ, Miˬyehˇ gʼaˇ duˬ ngehˬ dah-eu Iˇsaˬyaˇ neh ehˇ taˬ-euˬ dawˬ kʼoeˇ dawˬ bi byah laˇ-eu gʼaˇ duˬ pyeuꞈ-eu meh.

Luˇkaꞈ 24:44

Kʼoeˇ naˇ, aˬ yawꞈ maꞈ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ maˬ ehˇ, Miˬyehˇ gʼaˇ duˬ ngehˬ dah-eu deuˬ neh boꞈ taˬ-euˬ sahˬ boꞈ deuˬ laꞈ kʼoeˇ maˬ ehˇ, Ja ceuˬ-eu sahˬ boꞈ laꞈ kʼoeˇ maˬ ehˇ, ngaˬ-euˬ gaˇ kawˆ boꞈ taˬ-euˬ yawˬ jeˬ na luꞈ, heu loꞈ-ehˇ pyeuꞈ laˇ-awˇ ya byah laˇ meh lehˇ, ngaˇ naw maꞈ nehˬ-ehˇ jawˇ ngeh neh naw maꞈ-ahˇ ehˇ nehˬ-euˬ ma.”

Yoˇhaˬ 19:28

Nymˬ-mˇ poˆ jawˇ, yawˬ jeˬ na luꞈ byah laˇ gʼaˬ-euˬ gaˇ kawˆ Yeˬsuˇ siˬ nya-euˬ meh. Jaˇliꞈ laꞈ kʼoeˇ ehˇ taˬ-euˬ loꞈ-ehˇ byah laˇ ni, “Iˇ cuꞈ mehꞈ nya” lehˇ Yeˬsuˇ ehˇ-eu meh.

Yoˇhaˬ 19:36

“Aˬ yawꞈ-euˬ shaˬ yoeˬ tiˬ kahˬ-iˬ ma ya kʼehꞈ-iˇ-aˇ” lehˇ Jaˇliꞈ laꞈ kʼoeˇ ehˇ taˬ-euˬ dawˬ kʼoeˇ dawˬ byah laˇ ni, kʼoeˇ loꞈ-ehˇ pyeuꞈ laˇ-euˬ meh.

Gʼaˬkʼehˇ 1:16

“Aˬ yuiꞈ aˬ nyiˇ deuˬ-oˇ, Yeˬsuˇ-ahˇ nyehꞈ-euˬ tsawˇ haˬ deuˬ-ahˇ gaˇ ma sheuˬ mehˬ nehˬ-euˬ gʼa pyeuꞈ-eu Yuˇdaˆ-euˬ gaˇ kawˆ, Muiˬ-eu shawˇ-eu Yaw sahˇ Miˬyehˇ neh Daˬbiˇ-ahˇ gʼoe-awˇ ehˇ taˬ-euˬ Jaˇliꞈ dawˬ kawˬ kʼoeˇ byah laˇ-euˬ meh.