Maꞈtehˬ 2:13 - Akha

¹³ Aˬ yawꞈ maꞈ gʼoꞈ-iˇ dzeuˇ ngeh, Yoˇsehˆ yuꞈ maˆ maˆ-eu laꞈ kʼoeˇ Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ doˆ le-awˇ, heu loꞈ-ehˇ ehˇ-eu meh. “Aˬ li zaˬ nahˬ heu gʼaˬ-ahˇ sehꞈ-eu lehˇ Heˬloˆ poˆ tehꞈ-a. Kʼoeˇ miˇ neh tuˇ-awˇ, aˬ nyaꞈ ma zaˬ-ahˇ sheuˬ-awˇ, Iˇjiˇtuˆ miˇ kʼahˬ-ahˇ cehˆ-awˬ. Ngaˇ nawˬ-ahˇ maˬ ngehˬ cawˬ le kʼoeˇ keuˆ ni, kʼoeˇ gaˇ jawˇ-awˬ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Aqyawfmaf ghof-ir dzeur-euq nar-aq, Sanqpaq Miqyaer-euq mqtav ghaqkhaer tiq ghaq, Yorsaev yufmav mav-eu lafkhoer dovle-awr aer-eu, “Tur-awr, aqlizaq hawr-eu aqyawf-euq aqma sheuq-awr Irjirtuv-anr caevjawr-ir-awq. Ngar, nawq-anr aernaeqlaf ngae keuvni khoergar jawr-awq. Aqjeq mirnae aernar-aq, Heqlor, aqlizaq-anr saef-eu laer pov taef-a.”

Maꞈtehˬ 2:13 Iomraidhean Croise

1 Sahˬpaˬ 11:17

Ehˇ kʼawꞈ, aˬ li li zaˬ tiˬ gʼaˬ pyeuꞈ-eu Haˬdaˇ-aˬ, aˬ yawꞈ aˬ da-euˬ gaˇ mˇ-eu yaw huiˬ yaw mahˇ tiˬ paˆ na deuˬ nehˬ-ehˇ, Iˇjiˇtuˆ miˇ kʼahˬ-ahˇ cehˆ-euˬ meh.

1 Sahˬpaˬ 3:5

Kʼoeˇ ngeh miˇ aˬ yawꞈ yuꞈ maˆ maˆ-eu laꞈ kʼoeˇ, Sahˬpaˬ Miˬyehˇ aˬ yawꞈ jawˇ gaˇ doˆ le-awˇ, “Nawˇ ngaˬ-ahˇ aˬ geu jeˬ shaˇ mawꞈ te” lehˇ ehˇ le-euˬ meh.

Yawˇbaˆ 33:15

Uˬ ciꞈ paw tsawˇ haˬ zaˬ yuꞈ kʼaˆ ngeh, yuꞈ maˆ maˆ-eu laꞈ kʼoeˇ hawˇ-eu yaw sahˇ laꞈ kʼoeˇ Miˬyehˇ dawˬ ngehˬ cawˬ-eu meh.

Yawˇbaˆ 33:17

Aˬ yawꞈ maꞈ iˬ baˇ mˇ-eu byehˇ dzeh-awˇ, nui ma huiˬ-eu mahˇ-eu jeˬ laꞈ kʼoeˇ aˬ yawꞈ maꞈ-ahˇ ka kʼoꞈ-eu gʼaˇ duˬ, Miˬyehˇ dawˬ ngehˬ luꞈ-eu meh.

Doˆ-iˇ 1:22

Kʼoeˇ naˇ, “Kʼaˇ dehꞈ le-euˬ Heˬbyehˇ tsawˇ jeuˬ aˬ li deuˬ-ahˇ Niˬlaˇ lawˇ baˬ laꞈ kʼoeˇ biˬ puꞈ-awˬ. Ehˇ kʼawꞈ, aˬ buˇ deuˬ bi dehꞈ-awˬ” lehˇ, aˬ yawꞈ-euˬ tsawˇ haˬ deuˬ-ahˇ sahˬ paˬ dawˬ biꞈ-euˬ meh.

Maꞈtehˬ 1:20

Kʼoeˇ loꞈ-ehˇ shaˇ noeˬ luꞈ-eu aˇ yamˬ-ahˇ, aˬ yawꞈ yuꞈ maˆ maˆ-eu laꞈ kʼoeˇ, Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ aˬ yawꞈ jawˇ gaˇ doˆ le-awˇ, heu loꞈ-ehˇ ehˇ-eu meh. “Daˬbiˇ-euˬ aˬ li Yoˇsehˆ-oˇ, Maˬliˇ-ahˇ sheuˬ-eu gaˇ kawˆ taˬ noeˬ shaˬ. Aˬ yawꞈ zaˬ tsehˆ leˇ-euˬ-aˬ, Muiˬ-eu shawˇ-eu Yaw sahˇ Miˬyehˇ baˬ da neh meh.

Maꞈtehˬ 10:23

Meuˬ tiˬ meuˬ laꞈ kʼoeˇ, aˬ caw naw maꞈ-ahˇ kʼehˬ laˇ naˇ, yawˬ meuˬ yawˬ-ahˇ cehˆ-awˬ. Iˇsaˬleˬlaˆ miˇ kʼahˬ laꞈ kʼoeˇ jaˆ-eu meuˬ yawˬ meuˬ na luꞈ-ahˇ naw maꞈ gaˇ maˬ mˇ jiˇ mi naˆ-ehˇ, Tsawˇhaˬ-euˬ Zaˬmaˇ oe keuˆ tehꞈ-a lehˇ, ngaˇ naw maꞈ-ahˇ maˇ jawˆ ni ehˇ-eu ma.

Maꞈtehˬ 2:12

Aˬ yawꞈ maꞈ sahˬ paˬ Heˬloˆ jawˇ gaˇ maˬ ya gʼoꞈ-iˇ ni, yuꞈ maˆ maˆ-eu laꞈ kʼoeˇ Miˬyehˇ neh aˬ yawꞈ maꞈ-ahˇ ehˇ nehˬ-euˬ miˇ neh, yawˬ paw yawˬ gaˇ jaw jaw-awˇ aˬ yawꞈ maꞈ-euˬ miˇ kʼahˬ-ahˇ gʼoꞈ-iˇ-euˬ meh.

Maꞈtehˬ 2:14

Kʼoeˇ naˇ, Yoˇsehˆ tuˇ-awˇ, aˬ nyaꞈ ma zaˬ-ahˇ sheuˬ-awˇ, uˬ ciꞈ sehˇ gʼahˇ Iˇjiˇtuˆ miˇ kʼahˬ-ahˇ cehˆ-euˬ meh.

Maꞈtehˬ 2:16

Nahˇ ma doˆ kʼehˬ paw neh laˇ-euˬ zaˬ siˬ tsawˇ gahˇ ahˇ-eu tsawˇ haˬ kʼoeˇ deuˬ, aˬ yawꞈ-ahˇ tsawˇ gahˇ gahˇ-awˇ gʼoꞈ dzeuˇ-euˬ gaˇ kawˆ Heˬloˆ ya siˬ duˬ ngeh, nui ma pehˇ dui dui-euˬ meh. Kʼoeˇ ngeh, Behˬlehˬhehˬ meuˬ hawˇ-eu kʼoeˇ-euˬ tahˬ gʼoꞈ tahˬ jawˇ kʼaˇ jawˇ-eu, nyiˬ kʼoꞈ-ahˇ neh laꞈ oˆ paw-euˬ aˬ li zaˬ nahˬ dawˬ tawˆ luꞈ-ahˇ sehꞈ jiˇ-eu gʼaˇ duˬ aˬ yawꞈ dawˬ biꞈ-euˬ meh. Zaˬ siˬ tsawˇ gahˇ ahˇ-eu tsawˇ haˬ kʼoeˇ deuˬ neh aˬ yawꞈ-ahˇ ehˇ nehˬ taˬ-euˬ aˬ guiˇ kʼoeˇ siˬ doˆ laˇ-euˬ aˇ yamˬ shaˇ sawˇ duˬ-awˇ, aˬ li zaˬ nahˬ deuˬ-ahˇ bi sehꞈ-eu gʼaˇ duˬ kʼoeˇ loꞈ-ehˇ dawˬ biꞈ-euˬ meh.

Maꞈtehˬ 2:22

Ehˇ kʼawꞈ, Heˬloˆ-euˬ dah zaˇ aˬ yawꞈ-euˬ aˬ li Aˬgeˬlaˇ gʼaˬ Yuˇdaˆ miˇ kʼahˬ-euˬ sahˬ paˬ geuꞈ luꞈ-eu Yoˇsehˆ ya gaˬ ngeh, kʼoeˇ gaˇ maˬ gʼoꞈ leˇ peuˬ-a. Yuꞈ maˆ maˆ-eu laꞈ kʼoeˇ aˬ yawꞈ-ahˇ tiˬ poˆ paˇ mehˬ gahˇ nehˬ-euˬ loꞈ-ehˇ, Gaˬliˬlehˇ miˇ kʼahˬ-ahˇ le-euˬ meh.

Gʼaˬkʼehˇ 10:22

Aˬ ha smˇ gʼaˬ ehˇ-eu, “Guiˇ maꞈ-ahˇ uˆ lahˇ-eu yaw huiˬ yaw mahˇ pyeuꞈ-eu Gawˬneˬliˇ neh nga maꞈ-ahˇ kʼehˇ leꞈ-euˬ meh. Aˬ yawꞈ-aˬ, Miˬyehˇ-ahˇ uˬ duˬ tahˬ-eu tsawˇ haˬ yaw muiˬ tiˬ gʼaˬ pyeuꞈ-awˇ, Yuˇdaˆ tsawˇ haˬ dawˬ tawˆ luꞈ aˬ yawꞈ-ahˇ yaw zeu baw-eu meh. Nawˬ-ahˇ aˬ yawꞈ-euˬ nymˇ-ahˇ kuˇ ahˇ-awˇ, nawˬ neh ngehˬ-euˬ tmˇ-euˬ dawˬ-ahˇ naˇ haˬ-eu gʼaˇ duˬ, Miˬyehˇ-euˬ mˬ taˆ gʼaˬ kʼehˇ tiˬ gʼaˬ aˬ yawꞈ-ahˇ ehˇ le-euˬ meh.”

Gʼaˬkʼehˇ 10:7

Kʼoeˇ naˇ, mˬ taˆ gʼaˬ kʼehˇ kʼoeˇ gʼaˬ gʼoꞈ doˆ-iˇ-euˬ meh. Gawˬneˬliˇ-aˬ, aˬ yawꞈ-euˬ zaˬ kʼaˆ nyiˬ gʼaˬ hawˇ-eu yehˇ tiˬ gʼaˬ-ahˇ kuˇ-euˬ meh. Yehˇ kʼoeˇ gʼaˬ-aˬ, guiˬ lahˬ saꞈ laˇ paw gʼaˬ kʼaˆ-awˇ, aˬ yawꞈ-euˬ kuiˇ laꞈ geuꞈ luꞈ-eu yehˇ tiˬ gʼaˬ meh.

Gʼaˬkʼehˇ 12:11

Kʼoeˇ ngeh, Beˬtuˆluˆ yaw muiˬ paˬ-ehˇ noeˬ gahˇ laˇ-awˇ, heu loꞈ-ehˇ ehˇ-eu meh. “Nymˬ-mˇ poˆ jawˇ-aˬ, yuꞈ maˆ maˆ-eu maˬ ngeuˇ-ehˇ aˬ diˇ aˬ maˇ pyeuꞈ luꞈ law hawˇ ngaˬ tawˇ. Sahˬpaˬ Miˬyehˇ-aˬ, aˬ yawꞈ-euˬ mˬ taˆ gʼaˬ kʼehˇ pyehˬ gʼeh leꞈ-awˇ, Heˬloˆ-euˬ baoˬ laꞈ kʼoeˇ maˬ ehˇ, Yuˇdaˆ tsawˇ haˬ deuˬ neh ngaˬ-ahˇ jahˇ nehˬ-eu lehˇ noeˬ tmˬ taˬ-euˬ jeˬ laꞈ kʼoeˇ maˬ ehˇ, ngaˬ-ahˇ bi ka kʼoꞈ le-euˬ ngaˇ.”

Gʼaˬkʼehˇ 12:7

Ja pyuˬ ni SahˬpaˬMiˬyehˇ-euˬ mˬ taˆ gʼaˬ kʼehˇ tiˬ gʼaˬ kʼoeˇ gaˇ yawꞈ le-awˇ, paˬ kuˆ aˇ lawˆ kʼoeˇ lawˆ-ahˇ yaw shehꞈ bya le-euˬ meh. Mˬ taˆ gʼaˬ kʼehˇ kʼoeˇ gʼaˬ Beˬtuˆluˆ-euˬ baꞈ pu-ahˇ ngawˬ zuˆ-awˇ, “Yaw kawˇ-ehˇ tuˇ-awˬ” lehˇ laˆ noeˬ-euˬ meh. Beˬtuˆluˆ-euˬ aˬ laꞈ-ahˇ paꞈ taˬ-euˬ shmˇ caˆ kʼoeˇ deuˬ ga puiˇ-iˇ-euˬ meh.

Gʼaˬkʼehˇ 16:36

Kʼoeˇ miˇ neh, tawˬ-ahˇ haw-eu kʼoeˇ gʼaˬ Pawˇluˆ-ahˇ ehˇ nehˬ-eu, “Siˬlaˆ naw nyaꞈ-ahˇ pyehˬ nehˬ-eu gʼaˇ duˬ yaw huiˬ yaw mahˇ deuˬ-euˬ dawˬ oe keuˆ gʼaˬ-euˬ meh. Teu miˇ neh doˆ laˇ-awˇ laˬ kʼaˬ tiˬ cehˇ gʼoꞈ leˇ-awˬ.”

Gʼaˬkʼehˇ 5:19

Ehˇ kʼawꞈ, kʼoeˇ ngeh miˇ Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ paꞈ kuˆ laˇ gʼoˆ pah le-awˇ, gʼaˬ kʼehˇ deuˬ-ahˇ sheuˬ doˆ nehˬ-awˇ, heu loꞈ-ehˇ ehˇ nehˬ-euˬ meh.

Gʼaˬkʼehˇ 7:19

Aˬ yawꞈ-aˬ, aˬ dui-euˬ aˬ poeˬ aˬ bawˇ kʼoeˇ deuˬ-ahˇ tsawˇ gahˇ gahˇ-euˬ uˬ taꞈ, gʼawˬ shaˬ tiˬ pawꞈ-iˬ maˬ gaˬ-aˬ. Zaˬ nahˬ deuˬ bi shiˇ jiˇ-eu gʼaˇ duˬ, iˇ kahˇ laꞈ kʼoeˇ maˬ bi jawˇ ni, laꞈ nyiˇ bi ciˬ dzeh-euˬ meh.

Yawˇshuˆ 3:13

Miˇ tsaˬ dawˬ tawˆ luꞈ-ahˇ uˆ lahˇ-eu Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ baꞈ luꞈ-eu piˇ ma deuˬ iˇ cuꞈ-ahˇ aˬ kuiˇ cawˬ puꞈ ngeh, Yawˇdaˬ lawˇ baˬ iˇ cuꞈ yoeˇ-eu naˬ leˇ-awˇ, yoeˇ ka luꞈ-eu iˇ cuꞈ deuˬ tiˬ gaˇ tehꞈ-ehˇ dahˬ goˇ leꞈ tehꞈ-a.”

Yawˇshuˆ 3:17

Iˇsaˬleˬlaˆ tsawˇ haˬ deuˬ gui coˇ ni gʼeh-eu miˇ tsaˬ-ahˇ nawˬ-awˇ lawˇ baˬ tsehˆ luꞈ ngeh, aˬ yawꞈ maꞈ dawˬ tawˆ luꞈ maˬ tsehˆ doˆ jiˇ kʼoeˇ keuˆ ni, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ baꞈ luꞈ-eu piˇ ma deuˬ gui coˇ ni gʼeh-eu lawˇ baˬ gʼahˇ ceh yawꞈ luꞈ-eu meh.

Yawˇshuˆ 4:10

Iˇsaˬleˬlaˆ tsawˇ haˬ deuˬ-ahˇ bi mˇ-eu gʼaˇ duˬ Sahˬpaˬ Miˬyehˇ neh Yawˇshuˆ-ahˇ dawˬ kʼaˇ biꞈ nehˬ-euˬ yawˬ jeˬ na luꞈ mˇ gʼaˬ jiˇ ngeh keuˆ ni, piˇ ma deuˬ Yawˇdaˬ lawˇ baˬ gʼahˇ ceh yawꞈ-euˬ meh. Kʼoeˇ loꞈ-ehˇ mˇ-awˬ lehˇ Moˇseˬ neh dawˬ biꞈ taˬ-euˬ jaˆ-eu meh. Iˇsaˬleˬlaˆ tsawˇ haˬ deuˬ Yawˇdaˬ lawˇ baˬ-ahˇ yaw kawˇ-ehˇ tsehˆ doˆ-euˬ meh.

Yawˇshuˆ 4:18

Piˇ ma deuˬ lawˇ baˬ lawˇ deh-ahˇ doˆ keuˆ laˇ ngeh, lawˇ baˬ iˇ cuꞈ bi lehˬ lehˬ lehˬ-ehˇ paˇ yoeˇ ka gʼeh-euˬ meh.

Panmaeq 12:14

Zaˬ miˬ zaˬ kʼoeˇ gʼaˬ, smˇ kʼoꞈ uˬ taꞈ tiˬ paˆ keuˆ ni byaˆ yahˬ kʼoeˇ mawˇ-euˬ laꞈ-ahˇ neh haw piˇ nehˬ-eu lehˇ lehˬ hmˬ nehˬ taˬ-euˬ bawˇ tsahˬ kʼoeˇ tsahˇ-ahˇ zaw kʼoꞈ gʼeh nya ni, kʼaˬ dzeˇ dzeˇ ma-euˬ aˬ dahˇ nyiˬ pyawˬ laˆ tsoꞈ nehˬ taˬ-euˬ meh.

Panmaeq 12:4

Aˬ yawꞈ-euˬ dawˬ miˬ neh mˬ taˆ-euˬ aˬ guiˇ smˬ bymˇ tiˬ bymˇ-ahˇ miˇ tsaˬ kʼoeˇ taˆ yaˆ dzeh leꞈ-euˬ meh. Byaˆ yahˬ kʼoeˇ mawˇ zaˬ miˬ zaˬ kʼoeˇ gʼaˬ-euˬ mehˬ shi yawꞈ-awˇ, zaˬ ciˬ doˆ leꞈ-eu nehˬ-ehˇ dzaˬ-eu lehˇ gʼeh-eu meh.

Panmaeq 12:6

Zaˬ miˬ zaˬ kʼoeˇ gʼaˬ-aˬ, Miˬyehˇ neh aˬ yawꞈ-euˬ gʼaˇ duˬ lehˬ hmˬ taˬ-euˬ bawˇ tsahˬ-ahˇ cehˆ-euˬ meh. Kʼoeˇ gaˇ, aˬ yawꞈ-ahˇ tiˬ heˇ nyiˬ yaˇ koꞈ tseˇ nah byah ni bo saˆ haw piˇ nehˬ-eu gʼaˇ duˬ pyeuꞈ-eu meh.