Maꞈtehˬ 19:9 - Akha

⁹ Naw maꞈ-ahˇ ngaˇ heu loꞈ-ehˇ ehˇ-eu ma. Tsawˇ haˬ tiˬ gʼaˬ na, yawˬ ha-euˬ miˬ zaˬ aˬ cawˬ nehˬ-ehˇ maˬ bahˬ-euˬ gaˇ kʼoꞈ dzeh-awˇ, miˬ zaˬ yawˬ gʼaˬ yawˬ sheuˬ paˇ naˇ, zaˬ miˬ zaˬ kʼoeˇ gʼaˬ-ahˇ bahˬ-euˬ meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Ngar, nawmaf-anr aernaeq nyar, banq-awr khaqmiq sheu-euq maqngeur-eu gar nae yawqha-euq miqzaq-anr khof-awr, yawqghaq yawq-anr sheuq-eu tsawrhaq aqgeu ghaq maqkaq, zaqmiq aqbur khoerghaq-anr banq-awr joe-euq mae.”

Maꞈtehˬ 19:9 Iomraidhean Croise

Aˇ dahˬ 20:3

Tiˬ miˇ keuˆ laˇ ngeh, Aˬbiˇmaˬlehˆ yuꞈ maˆ maˆ-eu laꞈ kʼoeˇ, aˬ yawꞈ jawˇ gaˇ Miˬyehˇ oe-awˇ, “Zaˬ miˬ zaˬ heu gʼaˬ-ahˇ sheuˬ-euˬ baˬ da neh nawˇ ya shiˇ tehꞈ-a. Aˬ yawꞈ aˬ cawˬ-euˬ miˬ zaˬ meh” lehˇ ehˇ nehˬ le-euˬ meh.

2 Laˬsaˬbaˬ 21:11

Yuˇdaˆ miˇ kʼahˬ laꞈ kʼoeˇ jaˆ-eu gawˬ jawˬ yaw goˇ deuˬ-ahˇ, lawˇ ciꞈ zaˬ deuˬ uˬ duˬ tahˬ-eu jawˇ duˬ tsoˆ-awˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ laꞈ kʼoeˇ jawˇ-eu tsawˇ haˬ deuˬ Sahˬpaˬ Miˬyehˇ-ahˇ mˇ bahˬ ni aˬ yawꞈ sheuˬ gʼeh-euˬ meh.

Yeˬlaˬmiˇ 3:1

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ tiˬ gʼaˬ miˬ zaˬ kʼoꞈ-awˇ, aˬ cawˬ-ahˇ paˇ mˇ dzaˬ-iˇ gʼaˬ-euˬ gaˇ, sheuˬ kʼoꞈ geuꞈ nya ta loˇ. Kʼoeˇ loꞈ-ehˇ jahˇ-eu jeˬ miˇ tsaˬ tahˬ kʼawˇ-ahˇ bahˬ-eu meh. Ehˇ kʼawꞈ Iˇsaˬleˬlaˆ nawˇ-aˬ, miˇ kʼahˬ doe ni meh maˬ laˇ geuꞈ doe-awˇ, ngaˇ jawˇ gaˇ paˇ gʼoꞈ poˆ laˇ mawꞈ-eu meh.

Yeˬlaˬmiˇ 3:8

Iˇsaˬleˬlaˆ ngaˬ-ahˇ byehˇ dzeh yaꞈ-awˇ, meh maˬ laˇ geuꞈ iˇ-euˬ baˬ da neh, aˬ yawꞈ-ahˇ ngaˇ kʼoꞈ-awˇ teh dzeh nehˬ-euˬ gaˇ, Yuˇdaˆ mawˇ duˬ taˬ-euˬ meh. Ehˇ kʼawꞈ, Iˇsaˬleˬlaˆ-euˬ aˬ nyiˇ gʼaˬ pyeuꞈ-eu saˇ jaˇ maˬ ziꞈ-eu Yuˇdaˆ-aˬ, guˆ-eu nui ma maˬ ahˇ-ehˇ, aˬ yawꞈ gʼaˬ kʼawꞈ meh maˬ laˇ paˇ geuꞈ-euˬ meh.

Yeˬsaˬgeˬlaˇ 16:15

“Ehˇ kʼawꞈ, nawˇ aˇ gʼehˇ muiˬ-awˇ tsawˇ myahˇ doˆ dui dui miˇ-a lehˇ noeˬ noeˬ-ehˇ, kʼaˇ puˬ kʼaˇ mawˇ le-eu tsawˇ haˬ nehˬ-ehˇ yuꞈ-euˬ meh.

Yeˬsaˬgeˬlaˇ 16:29

Jeˬ gaꞈ jeˬ ka gʼeh-eu tsawˇ jeuˬ pyeuꞈ-eu Baˬbuˇloˬ tsawˇ haˬ deuˬ nehˬ-ehˇ nawˇ meh maˬ laˇ geuꞈ-awˇ jawˇ-euˬ meh. Ehˇ kʼawꞈ, kʼoeˇ deuˬ kʼawꞈ, nawˬ-ahˇ nui kʼahˇ maˬ laˆ shiˇ nehˬ nya-a.”

Yeˬsaˬgeˬlaˇ 16:8

“Ngaˇ yawˬ poˆ yawˬ paˇ oe tsehˆ ngeh, nawˇ cawˬ shaˇ baw yamˬ tsaˬ laˇ taˬ-euˬ meh. Neˇ myawˆ ni gʼeh-eu nawˬ-euˬ gʼawˇ mawˇ-ahˇ, ngaˬ-euˬ pehˇ kʼahˬ neh tsahˇ lahˇ nehˬ-awˇ, nawˬ-ahˇ sheuˬ ma lehˇ saˇ jaˇ biꞈ yaꞈ-euˬ ma. Ngeuˇ ma. Nawˬ-ahˇ sheuˬ-eu gʼaˇ duˬ ngaˇ saˇ jaˇ dzaˬ gʼaˬ-awˇ, nawˇ ngaˬ-euˬ zaˬ kʼaˬ pyeuꞈ laˇ gʼaˬ-euˬ ma” lehˇ Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Maꞈtehˬ 19:10

Zaˬ lahˇ deuˬ Yeˬsuˇ-ahˇ ehˇ-eu, “Sheuˬ dahˬ dzaˬ-eu jeˬ teu naˆ naˆ-ehˇ shaˬ-eu ngeuˇ naˇ, maˬ sheuˬ dahˬ dzaˬ ni jawˇ-eu zaˬ dzehˬ ngaˇ.”

Maꞈtehˬ 19:8

Yeˬsuˇ ehˇ-eu, “Naw maꞈ nui ma gʼahˇ-awˇ naˬ bawˇ tuˇ-eu miˇ neh, Moˇseˬ naw maꞈ-ahˇ miˬ zaˬ kʼoꞈ-eu aˬ kawˬ-aˬ biꞈ-euˬ meh. Ehˇ kʼawꞈ, mˬ beh miˇ beh ngeh maˇ diˇ-aˬ, kʼoeˇ loꞈ-ehˇ maˬ ngeuˇ-a.

Maꞈtehˬ 5:32

Ehˇ kʼawꞈ, ngaˇ naw maꞈ-ahˇ heu loꞈ-ehˇ ehˇ-eu ma. Tsawˇ haˬ aˬ geu gʼaˬ maˬ kaˬ, yawˬ ha-euˬ miˬ zaˬ aˬ cawˬ nehˬ-ehˇ bahˬ-euˬ muˆ-euˬ maˬ jaˆ gaˇ kʼoꞈ dzeh nehˬ-awˇ, miˬ zaˬ kʼoeˇ gʼaˬ yawˬ zahˇ yawˬ iˇ paˇ naˇ, miˬ zaˬ gʼaˬ aˬ cawˬ-euˬ yo zaˬ-ahˇ bahˬ ni kʼaˬ dzeˇ zaˬ gʼaˬ neh jahˇ-euˬ meh. Aˬ cawˬ-euˬ miˬ kʼoꞈ-ahˇ sheuˬ-eu tsawˇ haˬ aˬ geu gʼaˬ maˬ kaˬ, aˬ cawˬ-euˬ miˬ zaˬ-ahˇ bahˬ-eu meh.

Luˇkaꞈ 16:18

“Yawˬ ha-euˬ miˬ zaˬ kʼoꞈ-awˇ, yawˬ gʼaˬ yawˬ sheuˬ paˇ-eu tsawˇ haˬ aˬ geu gʼaˬ maˬ kaˬ, yawˬ ha-euˬ miˬ zaˬ-ahˇ bahˬ-eu meh. Aˬ cawˬ-euˬ miˬ kʼoꞈ-ahˇ sheuˬ-eu tsawˇ haˬ kʼawꞈ, aˬ cawˬ-euˬ miˬ zaˬ-ahˇ bahˬ-eu meh.

1 Gawˇliˬtu 5:1

Zaˬ miˬ zaˬ hawˇ-eu kʼaˬ dzeˇ zaˬ yuꞈ taꞈ jawˇ taꞈ-eu gaˇ kawˆ-ahˇ taꞈ leˇ-awˇ, lawˇ ciꞈ zaˬ deuˬ maˬ mˇ peuˬ gaˇ keuˆ ni naw maꞈ mˇ keuˆ luꞈ meh lehˇ ngaˇ ya gaˬ duˬ taˬ-euˬ ma. Tsawˇ haˬ tiˬ gʼaˬ yawˬ ha-euˬ aˬ ma ma nyiˇ nehˬ-ehˇ joe-euˬ gaˇ kawˆ ngaˇ ya gaˬ-euˬ ma.

1 Gawˇliˬtu 7:39

Kʼaˬ dzeˇ zaˬ baw-eu zaˬ miˬ zaˬ-aˬ, yawˬ ha-euˬ kʼaˬ dzeˇ zaˬ kʼaˇ dehꞈ kʼoeˇ keuˆ ni yawˬ zahˇ yawˬ maˬ ya iˇ paˇ-a. Kʼaˬ dzeˇ zaˬ shiˇ dzeuˇ naˇ, yawˬ ha kʼaˇ dahˬ dzaˬ-iˇ mawꞈ gaˇ dahˬ dzaˬ-iˇ nya meh. Ehˇ kʼawꞈ, Ka li zaˬ-ahˇ tehꞈ-ehˇ ya dahˬ dzaˬ-iˇ meh.

1 Gawˇliˬtu 7:4

Miˬ zaˬ gʼaˬ yawˬ ha-euˬ gʼawˇ mawˇ-ahˇ yawˬ haˇ yawˬ ha maˬ uˆ lahˇ ni, kʼaˬ dzeˇ zaˬ gʼaˬ neh ya bi uˆ lahˇ meh. Kʼoeˇ gaˇ duˇ ni, kʼaˬ dzeˇ zaˬ gʼaˬ kʼawꞈ, yawˬ ha-euˬ gʼawˇ mawˇ-ahˇ yawˬ haˇ yawˬ ha maˬ uˆ lahˇ ni, miˬ zaˬ gʼaˬ neh ya bi uˆ lahˇ meh.