Maꞈtehˬ 19:6 - Akha

⁶ Kʼoeˇ miˇ neh, aˬ nyaꞈ-aˬ, nyiˬ gʼaˬ maˬ paˇ ngeuˇ meh. Tiˬ shiˬ tiˬ shaˬ tehꞈ meh. Miˬyehˇ neh yuˇ dzoeˇ taˬ-euˬ gaˇ tsawˇ haˬ zaˬ maˬ ya laˆ gʼawˬ-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Tox-aer mar-iq, aqnyaf dzerzaq-aq, nyiq ghaq maqpar ngeur-aer, tiq ghaq taef mae. Khoermirnae, Miqyaer nae yurgawf-euq gar tsawrhaqzaq maq lavghawq khmq-a.”

Maꞈtehˬ 19:6 Iomraidhean Croise

Dawqdaq 2:17

Yo zaˬ-ahˇ saˇ jaˇ maˬ ziꞈ-ehˇ, saˇ jaˇ dzaˬ-euˬ dawˬ-ahˇ ngehˇ-eu, zaˬ miˬ yaw haiˬ-euˬ mehˇ shuiˇ-ahˇ, nawˇ jaw dzeuˇ nya tehꞈ-a.

Maˬlaˬkiˇ 2:14

Aˬ jeˬ miˇ neh lawˇ-eu shehˇ-eu jeˬ-ahˇ aˬ yawꞈ maˬ paˇ ha geuꞈ nehˬ laꞈ ta lehˇ, naw maꞈ ehˇ tehꞈ-a. Naw maꞈ zaˬ guˬ pyeuꞈ ngeh neh sheuˬ taˬ-euˬ miˬ zaˬ-ahˇ, naw maꞈ saˇ jaˇ puiˬ-euˬ gaˇ kawˆ aˬ yawꞈ siˬ nya-eu miˇ neh, maˬ ha geuꞈ-eu jeˬ pyeuꞈ-eu meh. Aˬ yawꞈ-aˬ, naw maꞈ-euˬ dehꞈ cawˬ pyeuꞈ-awˇ, aˬ yawꞈ-ahˇ aˬ myah luꞈ saˇ jaˇ ziꞈ ma lehˇ Miˬyehˇ mehˬ shi naw maꞈ saˇ jaˇ dzaˬ taˬ-euˬ jaˆ kʼawꞈ, saˇ jaˇ puiˬ-euˬ meh.

Maˬlaˬkiˇ 2:16

“Nymˇ dahˬ gʼawˬ gaˇ ngaˇ bye dui dui nya” lehˇ, Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ ehˇ-eu meh. “Naw maꞈ tiˬ gʼaˬ na yawˬ ha-euˬ miˬ zaˬ-ahˇ kʼehˬ-eu zuiˆ-eu jeˬ mˇ gaˇ ngaˇ maˬ haw nahˇ nya. Yawˬ ha-euˬ miˬ zaˬ-ahˇ saˇ jaˇ maˬ ya puiˬ-a lehˇ, maˬ shiˇ tiˬ ziˇ noeˬ taˬ-awˬ” lehˇ ehˇ-eu meh.

Maꞈtehˬ 19:5

Kʼoeˇ baˬ da neh, kʼaˬ dzeˇ zaˬ-aˬ, yawˬ ha-euˬ aˬ da aˬ ma-ahˇ gʼawˬ-iˇ-awˇ, yawˬ ha-euˬ miˬ zaˬ nehˬ-ehˇ dehꞈ taꞈ-eu laꞈ kʼoeˇ, nyiˬ gʼaˬ-euˬ tiˬ shiˬ tiˬ shaˬ tehꞈ-ehˇ ya pyeuꞈ laˇ meh lehˇ, Miˬyehˇ neh ehˇ taˬ-euˬ-meh.

Maꞈtehˬ 19:7

Paˬliˬsehˇ deuˬ ehˇ-eu, “Toˆ-ehˇ ngeuˇ naˇ, kʼaˬ dzeˇ zaˬ tiˬ gʼaˬ miˬ zaˬ kʼoꞈ-eu sahˬ boꞈ tiˬ dzeh biꞈ-awˇ, yawˬ ha-euˬ miˬ zaˬ-ahˇ teh gʼoꞈ nya meh lehˇ, Moˇseˬ-euˬ zahˇ dawˬ kʼoꞈ dawˬ laꞈ kʼoeˇ aˬ jeˬ miˇ neh ehˇ taˬ ta.”

Maˬkuˆ 10:9

Miˬyehˇ neh yuˇ dzoeˇ taˬ-euˬ gaˇ, tsawˇ haˬ zaˬ maˬ ya laˆ gʼawˬ-a.”

Lormav 7:2

Yaw jeˬ ma jeˬ ja ngeh, dahˬ dzaˬ-iˇ-euˬ zaˬ miˬ zaˬ tiˬ gʼaˬ-aˬ, yawˬ ha-euˬ kʼaˬ dzeˇ zaˬ kʼoeˇ gʼaˬ maˬ shiˇ-ehˇ kʼaˇ dehꞈ kʼoeˇ keuˆ ni aˬ yawꞈ-euˬ miˬ zaˬ pyeuꞈ-eu meh lehˇ zahˇ dawˬ kʼoꞈ dawˬ ehˇ-eu meh. Ehˇ kawꞈ, kʼaˬ dzeˇ zaˬ gʼaˬ shiˇ dzeuˇ ngeh jawˇ, zaˬ miˬ zaˬ koeˇ gʼaˬ aˬ yawꞈ-euˬ miˬ zaˬ meh lehˇ zahˇ dawˬ kʼoꞈ dawˬ maˬ paˇ ehˇ nya meh.

Eˇpeˇsu 5:28

Kʼaˬ dzeˇ zaˬ deuˬ-aˬ, yawˬ ha-euˬ gʼawˇ mawˇ-ahˇ gaˬ-eu loꞈ-ehˇ, yawˬ haˬ-euˬ miˬ zaˬ-ahˇ gaˬ-eu tsaˬ meh. Yawˬ ha-euˬ miˬ zaˬ-ahˇ gaˬ-eu kʼaˬ dzeˇ zaˬ-aˬ, yawˬ haˇ yawˬ ha gaˬ gaˇ duˇ-eu meh.

HeˬByehˇ 13:4

Sheuˬ dahˬ dzaˬ taꞈ-eu jeˬ-ahˇ tsawˇ haˬ yawˬ gʼaˬ na luꞈ ya taˬ huiˬ-awˇ, miˬ zaˬ yo zaˬ tiˬ gʼaˬ tiˇ gʼaˬ saˇ jaˇ ya ziꞈ meh. Maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ deuˬ hawˇ-eu, aˬ cawˬ nehˬ-ehˇ joe-eu tsawˇ ha deuˬ-ahˇ Miˬyehˇ yaˇ kʼaˬ daˇ tehꞈ-a.