Maꞈtehˬ 19:5 - Akha

⁵ Kʼoeˇ baˬ da neh, kʼaˬ dzeˇ zaˬ-aˬ, yawˬ ha-euˬ aˬ da aˬ ma-ahˇ gʼawˬ-iˇ-awˇ, yawˬ ha-euˬ miˬ zaˬ nehˬ-ehˇ dehꞈ taꞈ-eu laꞈ kʼoeˇ, nyiˬ gʼaˬ-euˬ tiˬ shiˬ tiˬ shaˬ tehꞈ-ehˇ ya pyeuꞈ laˇ meh lehˇ, Miˬyehˇ neh ehˇ taˬ-euˬ-meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ ‘Khoermirnae, zaqyo aqli-aq, yawqha-euq aqma aqda-anr nae yaghawq-awr, yawqha-euq miqzaq naeq-aer gawf-ir-eu lafkhoer, nyiq ghaq khawf tiq ghaq taef-aer pyeuflar-eu mae’ (Adb 2:24) laer boftaq-euq Yaerbof khoerdeuv, nawmaf maq guihaw-aq lor?

Maꞈtehˬ 19:5 Iomraidhean Croise

Aˇ dahˬ 34:3

Diˇnaˆ aˇ gʼehˇ muiˬ dui dui-eu miˇ neh, Diˇnaˆ-ahˇ Sheˬkmˬ mawꞈ dui dui leˇ-awˇ, mehˇ shuiˇ shuiˇ shuiˇ-ehˇ muˇ-euˬ meh.

2 Saˬmeuˬlaˆ 1:26

Ngaˬ-euˬ mehˇ nmˇ Yawˇnaˆshaˬ-oˇ, nawˬ-ahˇ noeˬ-eu maˬ jiˇ leˇnya. Ngaˬ-euˬ dawˬ peh nawˇ jawˇ luꞈ ngeh, ngaˇ laˬ kʼaˬ cehˇ dui dui-euˬ ma. Nawˬ neh ngaˬ-ahˇ gaˬ-euˬ kʼoeˇ-aˬ, zaˬ miˬ zaˬ gaˬ-eu naˆ maˬtseˇ, maˬ ehˇ jiˇ coeˇ ni myaˬ-eu meh.

1 Sahˬpaˬ 11:2

Tsawˇ jeuˬ kʼoeˇ deuˬ-euˬ miˬ yehˇ deuˬ-ahˇ Iˇsaˬleˬlaˆ tsawˇ haˬ deuˬ uˬ duˬ tahˬ gaˇ guˆ-eu miˇ neh, tsawˇ jeuˬ kʼoeˇ deuˬ-ahˇ maˬ ya sheuˬ dahˬ dzaˬ-eu gʼaˇ duˬ Sahˬpaˬ Miˬyehˇ neh dawˬ biꞈ taˬ-euˬ jaˆ-eu kʼawꞈ, tsawˇ jeuˬ kʼoeˇ deuˬ-ahˇ aˬ yawꞈ sheuˬ-euˬ meh.

Jaceuq 45:10

Sahˬ paˬ-euˬ miˬ shuiꞈ-oˇ, ngaˇ ehˇ gaˇ naˇ haˬ sheˇ. Nawˬ-euˬ aˇ jeuˬ aˇ ca hawˇ-eu aˬ yuiꞈ aˬ nyiˇ deuˬ-ahˇ, nawˇ ya ngehˇ byoˆ jiˇ meh.

Jaceuq 63:8

Nawˬ-euˬ dawˬ peh ngaˇ tah uˇ laˇ ngeh, nawˬ-euˬ aˬ laꞈ ngaˬ-ahˇ byaˇ cuꞈ-eu meh.

Maˬlaˬkiˇ 2:15

Nyiˬ gʼaˬ-euˬ tiˬ mawˇ do tehꞈ-ehˇ pyeuꞈ-awˇ, nui ma tiˬ siˬ tehꞈ-ehˇ taꞈ ni Miˬyehˇ jahˇ-euˬ maˬ ngeuˇ-a loˇ. Aˬ yawꞈ-euˬ noeˬ tmˬ duˬ aˬ joˆ-ehˇ jaˆ ta. Naw nyaꞈ o neh jeuˬ le o le-euˬ zaˬ deuˬ Miˬyehˇ-euˬ tsawˇ haˬ maˇ maˇ ni pyeuꞈ laˇ gaˇ noeˬ tmˬ-euˬ maˬ ngeuˇ-a loˇ. Kʼoeˇ miˇ neh, naw maꞈ tiˬ gʼaˬ-iˬ yawˬ ha-euˬ miˬ zaˬ-ahˇ saˇ jaˇ taˬ puiˬ.

Maꞈtehˬ 19:6

Kʼoeˇ miˇ neh, aˬ nyaꞈ-aˬ, nyiˬ gʼaˬ maˬ paˇ ngeuˇ meh. Tiˬ shiˬ tiˬ shaˬ tehꞈ meh. Miˬyehˇ neh yuˇ dzoeˇ taˬ-euˬ gaˇ tsawˇ haˬ zaˬ maˬ ya laˆ gʼawˬ-a.”

Lormav 12:9

Gʼoeˇ-eu gaˬ-eu jeˬ-aˬ, maˇ maˇ ni gaˬ-eu jeˬ ya bi pyeuꞈ meh. Maˬ muiˬ maˬ jaˬ-eu jeˬ-ahˇ muiˇ-awˇ, muiˬ-eu jaˬ-eu jeˬ-ahˇ ziꞈ dah ni tuˆ tehˬ taˬ-awˬ.

1 Gawˇliˬtu 6:16

Meh maˬ laˇ nehˬ-ehˇ yuꞈ taꞈ-eu tsawˇ haˬ-aˬ, meh maˬ laˇ kʼoeˇ gʼaˬ nehˬ-ehˇ tiˬ shiˬ tiˬ shaˬ tehꞈ-ehˇ pyeuꞈ-iˇ-euˬ meh lehˇ naw maꞈ maˬ siˬ nya te loˇ. “Nyiˬ gʼaˬ-euˬ tiˬ shiˬ tiˬ shaˬ tehꞈ-ehˇ pyeuꞈ laˇ-euˬ meh” lehˇ, Jaˇliꞈ laꞈ kʼoeˇ bya cehˆ ni ehˇ taˬ-euˬ meh.

1 Gawˇliˬtu 7:2

Ehˇ kʼawꞈ, aˬ cawˬ nehˬ-ehˇ joe ni muˇ juˇ juˇ-eu jeˬ jaˆ myaˬ-eu miˇ neh, kʼaˬ dzeˇ zaˬ yawˬ gʼaˬ na luꞈ miˬ zaˬ baw-eu tsaˬ-awˇ, zaˬ miˬ zaˬ yawˬ gʼaˬ na luꞈ kʼawꞈ kʼaˬ dzeˇ zaˬ baw-eu tsaˬ meh.

1 Gawˇliˬtu 7:4

Miˬ zaˬ gʼaˬ yawˬ ha-euˬ gʼawˇ mawˇ-ahˇ yawˬ haˇ yawˬ ha maˬ uˆ lahˇ ni, kʼaˬ dzeˇ zaˬ gʼaˬ neh ya bi uˆ lahˇ meh. Kʼoeˇ gaˇ duˇ ni, kʼaˬ dzeˇ zaˬ gʼaˬ kʼawꞈ, yawˬ ha-euˬ gʼawˇ mawˇ-ahˇ yawˬ haˇ yawˬ ha maˬ uˆ lahˇ ni, miˬ zaˬ gʼaˬ neh ya bi uˆ lahˇ meh.

Eˇpeˇsu 5:31

“Kʼoeˇ miˇ neh, kʼaˬ dzeˇ zaˬ-aˬ, yawˬ ha-euˬ aˬ da aˬ ma-ahˇ gʼawˬ-iˇ-awˇ, yawˬ haˬ-euˬ miˬ zaˬ-ahˇ dehꞈ taꞈ-eu laꞈ kʼoeˇ, nyiˬ gʼaˬ-euˬ tiˬ shiˬ tiˬ shaˬ tehꞈ-ehˇ pyeuꞈ laˇ-euˬ meh” lehˇ, Jaˇliꞈ laꞈ kʼoeˇ ehˇ taˬ-euˬ meh.

Dawˬmehˬ 10:20

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ ehˇ dawˬ naˇ haˬ geuꞈ-awˇ, aˬ yawꞈ-ahˇ tehꞈ-ehˇ uˬ duˬ tahˬ-awˬ. Aˬ yawꞈ-ahˇ saˇ jaˇ ziꞈ-awˇ, aˬ yawꞈ-euˬ tsawˇ myahˇ laꞈ kʼoeˇ tehꞈ-ehˇ saˇ jaˇ dzaˬ-awˬ.

Dawˬmehˬ 11:22

“Ngaˬ neh naw maꞈ-ahˇ kʼaˇ biꞈ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ, saˇ jaˇ ziꞈ-eu laꞈ kʼoeˇ caw teh-awˬ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gaˬ-awˇ, aˬ yawꞈ neh dawˬ kʼaˇ biꞈ taˬ-euˬ yawˬ jeˬ na luꞈ mˇ-eu laꞈ kʼoeˇ, aˬ yawꞈ-ahˇ saˇ jaˇ ziꞈ-awˬ.

Dawˬmehˬ 4:4

Ehˇ kʼawꞈ, naw maꞈ laꞈ kʼoeˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ saˇ jaˇ ziꞈ-eu tsawˇ haˬ deuˬ iˬ nah keuˆ ni dehꞈ luꞈ meh.

1 Saˬmeuˬlaˆ 18:1

Sawˇluˆ hawˇ-eu Daˬbiˇ aˬ nyaꞈ dawˬ ngehˬ cawˬ gʼaˬ ngeh, Sawˇ luˆ-euˬ aˬ li Yawˇnaˆshaˬ gʼaˬ Daˬbiˇ-ahˇ nui kʼahˇ shiˇ dui dui-awˇ, yawˬ ha-euˬ gʼawˇ mawˇ-ahˇ gaˬ-eu loꞈ-ehˇ Daˬbiˇ-ahˇ gaˬ-euˬ meh.

1 Saˬmeuˬlaˆ 25:43

Daˬbiˇ-aˬ, Yeˬzaˬleˬlaˇ meuˬ-ahˇ jawˇ-eu Aˬhiˇnoˬ-ahˇ sheuˬ-awˇ jawˇ luꞈ-eu meh. Nymˬ-mˇ poˆ jawˇ, Aˬbiˇgeˬlaˆ gʼaˬ kʼawꞈ aˬ yawꞈ-euˬ miˬ zaˬ paˇ pyeuꞈ laˇ-euˬ meh.