Maꞈtehˬ 19:23 - Akha

²³ Kʼoeˇ ngeh, zaˬ lahˇ deuˬ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Ngaˇ naw maꞈ-ahˇ maˇ jawˆ ni ehˇ-eu ma. Smˇ muiˬ smˇ baw deuˬ Mˬtaˆ Miˇkʼahˬ-ahˇ uˇ leˇ-eu shaˬ dui dui meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Khoerngae, Yeqsur, aqyawf-euq zaqlanr deuq-anr heulof-aer aernaeq-euq mae, “Ngar, nawmaf-anr aqdirma-aer aernaeq nyar, smrmuiq smrbaw deuq, mqtav mirkhanq-anr urler-eu-aq shaq duidui-eu mae.

Maꞈtehˬ 19:23 Iomraidhean Croise

Dawqdaq 11:28

Yawˬ ha-euˬ pyuˇ shuiˇ myawˬ gahˬ-ahˇ nui ma huiˬ-eu tsawˇ haˬ, aˇ paꞈ paꞈ kuˬ ga-iˇ gaˇ duˇ-awˇ, yaw tsaˬ yaw dawˇ tsawˇ haˬ baw nmˬ nmˬ laˇ tehꞈ-a.

Maꞈtehˬ 13:22

Aˬ gah gah yaˇ-ahˇ ga-iˇ-euˬ siˬ yoeˬ lehˇ ehˇ-eu-aˬ, dawˬ kʼoeˇ deuˬ-ahˇ ya gaˬ-euˬ kʼawꞈ, shiˬ shaˬ jiˇ gaˇ kawˆ kʼahˬ lahˇ-eu jeˬ hawˇ-eu, pyuˇ shuiˇ myawˬ gahˬ-ahˇ gaˬ-eu nui ma neh bi uˆ tehˬ-awˇ, aˇ siˬ maˬ siˬ le nya-eu tsawˇ haˬ deuˬ-ahˇ ehˇ mawꞈ-eu meh.

Maꞈtehˬ 18:3

Kʼoeˇ naˇ, aˬ yawꞈ maꞈ-ahˇ heu loꞈ-ehˇ ehˇ nehˬ-euˬ meh. “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Naw maꞈ nui ma paˇ-awˇ, zaˬ yaw nyiˇ tiˬ gʼaˬ loꞈ-ehˇ maˬ pyeuꞈ laˇ kʼoeˇ keuˆ ni, Mˬtaˆ Miˇkʼahˬ laꞈ kʼoeˇ naw maꞈ maˬ ya uˇ leˇ-a.

Maꞈtehˬ 19:22

Dawˬ kʼoeˇ dawˬ-ahˇ ya gaˬ ngeh, zaˬ guˬ kʼoeˇ gʼaˬ nui ma cawˆ dui dui-awˇ gʼoꞈ-iˇ-euˬ meh. Aˬ jeˬ miˇ neh ehˇ naˇ, aˬ yawꞈ smˇ muiˬ muiˬ dui dui-eu meh.

Maꞈtehˬ 21:31

Aˬ li kʼoeˇ nyiˬ li, aˬ geu gʼaˬ aˬ da-euˬ nui kʼahˇ mˇ-euˬ nga.” Aˬ yawꞈ maꞈ ehˇ-eu, “Aˬ yuiꞈ gʼaˬ meh.” Aˬ yawꞈ maꞈ-ahˇ Yeˬsuˇ ehˇ nehˬ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Kawˬ taꞈ-eu tsawˇ haˬ deuˬ hawˇ-eu meh maˬ laˇ deuˬ, naw maꞈ-euˬ aˬ hu Miˬyehˇ Miˇkʼahˬ-ahˇ ya uˇ leˇ meh.

Maꞈtehˬ 5:20

Ngaˇ naw maꞈ-ahˇ ehˇ nehˬ nyaˇ. Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˬsehˇ deuˬ naˆ maˬ tseˇ naw maꞈ yaw tsaˬ yaw dawˇ jeˬ maˬ ahˇ dzehˬ naˇ, mˬ taˆ Miˇ kʼahˬ laꞈ kʼoeˇ naw maꞈ maˬ ya uˇ leˇ-a.

Maˬkuˆ 10:23

Yeˬsuˇ aˬ yawꞈ-euˬ zaˬ lahˇ deuˬ jawˇ paw ciˬ pyawˇ-awˇ ehˇ-eu, “Smˇ muiˬ smˇ baw deuˬ Miˬyehˇ Miˇkʼahˬ-ahˇ uˇ leˇ-eu aˇ naˆ ni shaˬ-eu nga.”

Luˇkaꞈ 18:24

Yeˬsuˇ aˬ yawꞈ-ahˇ haw-awˇ ehˇ-eu, “Pyuˇ shuiˇ jaˆ myaˬ-eu tsawˇ haˬ-aˬ, Miˬyehˇ Miˇkʼahˬ-ahˇ uˇ leˇ-eu aˇ naˆ ni shaˬ-eu nga.

Yoˇhaˬ 3:3

Yeˬsuˇ ehˇ-eu, “Ngaˇ nawˬ-ahˇ maˇ jawˆ ni ehˇ-eu ma. Tsawˇ haˬ tiˬ gʼaˬ-iˬ nyiˬ poˆ tiˬ poˆ maˬ dehꞈ paˇ naˇ, Miˬyehˇ miˇ kʼahˬ-ahˇ maˬ ya mawˇ-aˇ.”

Yoˇhaˬ 3:5

Yeˬsuˇ ehˇ-eu, “Ngaˇ nawˬ-ahˇ maˇ jawˆ ni ehˇ-eu ma. Iˇ cuꞈ laꞈ kʼoeˇ hawˇ-eu Yaw sahˇ Miˬyehˇ laꞈ kʼoeˇ maˬ dehꞈ le-euˬ tsawˇ haˬ-aˬ, Miˬyehˇ Miˇ kʼahˬ laꞈ kʼoeˇ maˬ ya uˇ leˇ-a.

Gʼaˬkʼehˇ 14:22

Jah-eu jeˬ laꞈ kʼoeˇ ziꞈ ni, jah-eu tsawˇ haˬ deuˬ-ahˇ aˬ yawꞈ nyaꞈ gʼaˬ biꞈ yaꞈ-euˬ meh. “Miˬyehˇ miˇ kʼahˬ-ahˇ uˇ leˇ-eu gʼaˇ duˬ, shaˬ zahˬ gʼawˬ mya jeˬ-ahˇ aˬ dui ya tahˬ puˬ tehꞈ-a” lehˇ mehˬ nehˬ tsoˆ nehˬ yaꞈ-euˬ meh.

1 Gawˇliˬtu 1:26

Aˬ yuiꞈ aˬ nyiˇ Ka li zaˬ deuˬ-oˇ, Miˬyehˇ naw maꞈ-ahˇ kuˇ ngeh naw maꞈ aˬ geu tiˆ-ahˇ dehꞈ-euˬ gaˇ taˬ ngehˇ. Shiˬ shaˬ jiˇ paw dzeˇ neh shaˇ sawˇ leꞈ naˇ, naw maꞈ laꞈ kʼoeˇ zaˬ siˬ tsawˇ gahˇ ahˇ-eu gʼawˬ mya gʼaˬ maˬ jawˇ-a. Baoˬ jaˆ-eu gʼawˬ mya gʼaˬ maˬ ahˇ-ehˇ, yaw huiˬ yaw mahˇ-euˬ aˇ jeuˬ laꞈ kʼoeˇ dehꞈ le-euˬ gʼawˬ mya gʼaˬ maˬ keuˬ-a.

Yaˬkoˆ 2:6

Ehˇ kʼawꞈ, shaˬ-eu zahˬ-eu tsawˇ haˬ deuˬ-ahˇ naw maꞈ yaw zeu maˬ baw-a. Naw maꞈ-euˬ kʼoeˇ taˆ nawˬ tehˬ-awˇ naw maꞈ-ahˇ yaˇ kʼaˬ daˇ duˬ-ahˇ sheuˬ gʼeh-eu kʼoeˇ, aˬ suˇ gʼaˬ-a. Smˇ muiˬ smˇ baw deuˬ maˬ ngeuˇ-a loˇ.