Maꞈtehˬ 19:12 - Akha

¹² Miˬ zaˬ maˬ sheuˬ-eu gaˇ kawˆ, tiˬ gʼaˬ tiˇ gʼaˬ maˬ duˇ-a. Tiˬ paˆ na deuˬ dehꞈ le ngeh neh kʼoeˇ loꞈ-ehˇ seu le-euˬ meh. Tiˬ paˆ na deuˬ-aˬ, tsawˇ haˬ zaˬ neh jahˇ-euˬ gaˇ kawˆ baˬ da neh maˬ sheuˬ ni jawˇ-eu meh. Tiˬ paˆ na deuˬ-aˬ, Mˬtaˆ Miˇkʼahˬ gʼaˇ duˬ miˬ zaˬ maˬ sheuˬ ni jawˇ-eu meh. Mehˬ taˬ tsoˆ taˬ-euˬ gaˇ kawˆ heu deuˬ-ahˇ ha geuꞈ nya-eu deuˬ ha geuꞈ luꞈ-uˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Aqjeq mirnae aernar-aq, tsawrhaqzaq-aq, daefle ngae nae miqtsuif pyeuf-eu tsawrhaq khawf jawr-awr, tsawrhaq nae shawf-euq khawf jawr-eu uqtaf, mqtav mirkhanq-euq gharduq maqsheuq-eu khawf jawr-eu mae. Dawq heudawq-anr aqsur ghaq hageufcoer nya laer hageuf-awq.”

Maꞈtehˬ 19:12 Iomraidhean Croise

Iˇsaˬyaˇ 39:7

Nawˬ-euˬ o neh jeuˬ le o le-euˬ nawˬ-euˬ oeˬ paˬ oeˬ ma tiˬ paˆ na deuˬ kʼawꞈ, Baˬbuˇloˬ miˇ kʼahˬ-ahˇ bi nyehꞈ gʼeh-awˇ, Baˬbuˇloˬ sahˬ paˬ-euˬ nymˇ laꞈ kʼoeˇ zaˬ kʼaˆ ya geuꞈ tehꞈ-a lehˇ ehˇ-eu meh.”

Maꞈtehˬ 19:11

Yeˬsuˇ ehˇ-eu, “Heu loꞈ-ehˇ mehˬ taˬ tsoˆ taˬ-euˬ gaˇ kawˆ heu-aˬ, yawˬ gʼaˬ na luꞈ gʼaˇ duˬ maˬ ngeuˇ-a. Miˬ yehˇ neh gaˇ kawˆ heu-ahˇ noeˬ mawˇ nya-eu jeˬ biꞈ taˬ-euˬ deuˬ gʼaˇ duˬ tehꞈ meh.

Maꞈtehˬ 19:13

Kʼoeˇ naˇ, Yeˬsuˇ neh aˬ laꞈ baꞈ daˆ-awˇ guiˬ lahˬ bi biꞈ-eu gʼaˇ duˬ, zaˬ yaw nyiˇ tiˬ deuˬ-ahˇ Yeˬsuˇ jawˇ gaˇ sheuˬ laꞈ-euˬ meh. Zaˬ sheuˬ ha laˇ-euˬ tsawˇ haˬ kʼoeˇ deuˬ-ahˇ zaˬ lahˇ deuˬ neh dehˬ-euˬ meh.

1 Gawˇliˬtu 9:15

Ehˇ kʼawꞈ, ngaˇ za geuˇ-eu kʼoeˇ deuˬ-ahˇ ngaˇ maˬ geuꞈ-aˬ. Kʼoeˇ deuˬ-ahˇ za mawꞈ-eu miˇ neh nymˬ-mˇ sahˬ boꞈ heu taꞈ boꞈ-eu kʼawꞈ maˬ ngeuˇ. Ngaˇ nui ma huiˬ kʼaˇ za-eu heu-ahˇ aˬ cawˬ laˆ cawˆ laˇ gaˇ keuˆ naˇ, ngaˬ-euˬ gʼawˇ mawˇ shiˇ dah ma.

1 Gawˇliˬtu 9:5

Gʼaˬ kʼehˇ nui deuˬ pyeuꞈ-eu Sahˬpaˬ Yeˬsuˇ-euˬ mehˇ nmˇ deuˬ hawˇ-eu Beˬtuˆluˆ maꞈ loꞈ-ehˇ, ngaˇ gʼeh Ka li-ahˇ jah-eu miˬ zaˬ tiˬ gʼaˬ sheuˬ-awˇ cah-eu aˬ kawˬ-aˬ maˬ jaˆ ta loˇ.

Panmaeq 14:4

Aˬ yawꞈ maꞈ-aˬ, zaˬ miˬ zaˬ nehˬ-ehˇ maˬ yuꞈ taꞈ-eu tsawˇ shawˇ deuˬ meh. Yawˇ zaˬ kʼaˇ iˇ-eu mehˬ nah aˬ yawꞈ maꞈ caw teh-eu meh. Tsawˇ haˬ zaˬ dawˬ tawˆ luꞈ laꞈ kʼoeˇ aˬ yawꞈ maꞈ-ahˇ ka kʼoꞈ-awˇ, Miˬyehˇ hawˇ-eu Yawˇzaˬ-ahˇ damˬ nehˬ beh beh-euˬ deuˬ pyeuꞈ-eu meh.