Maꞈtehˬ 18:4 - Akha

⁴ Yawˬ haˇ yawˬ ha nui ma nahˬ yu ni taˬ-awˇ, zaˬ yaw nyiˇ heu gʼaˬ loꞈ-ehˇ pyeuꞈ laˇ-euˬ tsawˇ haˬ-aˬ, Mˬtaˆ Miˇkʼahˬ laꞈ kʼoeˇ dawˬ tawˆ luꞈ naˆ maˬ tseˇ huiˬ dzehˬ-eu gʼaˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Khoermirnae, zaq yawnyir heughaq lof-aer nuima nanqyuni taq-eu tsawrhaq-aq, mqtav mirkhanq-euq lafkhoer huiqdzaeq-eu ghaq mae.

Maꞈtehˬ 18:4 Iomraidhean Croise

Iˇsaˬyaˇ 57:15

“Huiˬ-eu goˇ-eu muiˬ-eu shawˇ-eu Miˬyehˇ ngaˇ ma. Mˬ maˬ maˬ byaˆ zaˇ ziˇ ziꞈ-eu ngaˇ ma. Muiˬ-eu shawˇ-eu jawˇ duˬ yaw goˇ-ahˇ ngaˇ jawˇ kʼawꞈ, iˬ baˇ noeˬ poˆ-awˇ nahˬ yu ni gʼeh-eu deuˬ nehˬ-ehˇ ngaˇ jawˇ-awˇ, aˬ yawꞈ maꞈ noeˬ tmˬ kʼaˇ bi za-eu ma.

Maꞈtehˬ 18:1

Kʼoeˇ ngeh, zaˬ lahˇ deuˬ Yeˬsuˇ jawˇ gaˇ laˇ-awˇ ehˇ-eu, “Mˬtaˆ Miˇkʼahˬ laꞈ kʼoeˇ dawˬ tawˆ luꞈ naˆ maˬ tseˇ huiˬ dzehˬ-eu aˬ suˇ gʼaˬ-a.”

Maꞈtehˬ 18:3

Kʼoeˇ naˇ, aˬ yawꞈ maꞈ-ahˇ heu loꞈ-ehˇ ehˇ nehˬ-euˬ meh. “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Naw maꞈ nui ma paˇ-awˇ, zaˬ yaw nyiˇ tiˬ gʼaˬ loꞈ-ehˇ maˬ pyeuꞈ laˇ kʼoeˇ keuˆ ni, Mˬtaˆ Miˇkʼahˬ laꞈ kʼoeˇ naw maꞈ maˬ ya uˇ leˇ-a.

Maꞈtehˬ 18:5

Ngaˬ-euˬ tsawˇ myahˇ uˬ moˆ heu loꞈ-ehˇ gʼeh-eu zaˬ yaw nyiˇ tiˬ gʼaˬ-ahˇ ha-eu tsawˇ haˬ-aˬ, ngaˬ-ahˇ ha gaˇ duˇ-eu meh.

Maˬkuˆ 10:43

Ehˇ kʼawꞈ, naw maꞈ kʼoeˇ loꞈ-ehˇ maˬ ya geuꞈ-a. Naw maꞈ laꞈ kʼoeˇ, aˬ cawˬ naˆ maˬ tseˇ huiˬ mawꞈ mahˇ mawꞈ-eu gʼaˬ-aˬ, aˬ cawˬ-euˬ myawˬ kʼehˇ ya gʼoˆ tehꞈ-a.

Maˬkuˆ 9:34

Ehˇ kʼawꞈ, aˬ yawꞈ maꞈ dawˬ maˬ ngehˬ ni ciˬ cuˇ ni jawˇ-eu meh. Aˬ jeˬ miˇ neh ehˇ naˇ, aˬ geu gʼaˬ aˬ cawˬ naˆ maˬ tseˇ huiˬ dzehˬ-eu gaˇ kawˆ, aˬ yawꞈ maꞈ yaw kaˬ gaˇ pehˇ-ahˇ tsawˇ pyehˇ pyehˇ-euˬ meh.

Luˇkaꞈ 14:11

Aˬ jeˬ miˇ neh ehˇ naˇ, yawˬ haˇ yawˬ ha taˬ huiˬ-eu tsawˇ haˬ yawˬ gʼaˬ na luꞈ, aˬ cawˬ taˬ nyiˇ nehˬ gaˇ ya daˬ-awˇ, yawˬ haˇ yawˬ ha taˬ nyiˇ-eu tsawˇ haˬ yawˬ gʼaˬ na luꞈ, taˬ huiˬ nehˬ-eu jeˬ-ahˇ za tehꞈ-a.”

Luˇkaꞈ 9:48

aˬ yawꞈ maꞈ-ahˇ heu loꞈ-ehˇ ehˇ nehˬ-euˬ meh. “Ngaˬ-euˬ tsawˇ myahˇ uˬ moˆ zaˬ yaw nyiˇ heu gʼaˬ-ahˇ kʼaˇ ha geuꞈ-eu tsawˇ haˬ-aˬ, ngaˬ-ahˇ ha geuꞈ gaˇ duˇ-eu meh. Ngaˬ-ahˇ kʼaˇ ha geuꞈ-eu tsawˇ haˬ-aˬ, ngaˬ-ahˇ kʼehˇ gʼeh leꞈ-euꞈ gʼaˬ-ahˇ kʼawꞈ ha geuꞈ gaˇ duˇ-eu meh. Aˬ jeˬ miˇ neh ehˇ naˇ, naw maꞈ laꞈ kʼoeˇ aˬ cawˬ naˆ maˬ tseˇ nyiˇ dzehˬ-eu gʼaˬ-aˬ, aˬ cawˬ naˆ maˬ tseˇ huiˬ dzehˬ-eu gʼaˬ pyeuꞈ-eu meh.”

Yaˬkoˆ 4:10

Sahˬpaˬ Miˬyehˇ-euˬ mehˬ shi nui ma nahˬ yu ni taˬ-awˬ. Aˬ yawꞈ naw maꞈ-ahˇ ciˬ huiˬ ciˬ mahˇ nehˬ laꞈ tehꞈ-a.

1 Beˬtuˆluˆ 5:5

Kʼoeˇ loꞈ-ehˇ duˇ ni, zaˬ guˬ deuˬ gʼeh tsawˇ mawˬ deuˬ-euˬ ehˇ dawˬ naˇ haˬ-awˬ. Naw maꞈ dawˬ tawˆ luꞈ nui nahˬ nui yu ahˇ-eu laꞈ kʼoeˇ tiˬ gʼaˬ tiˇ gʼaˬ caw ba-awˬ. A jeˬ miˇ neh ehˇ naˇ, “Nui ma huiˬ-eu mahˇ-eu deuˬ-ahˇ Miˬyehˇ muiˇ-awˇ, nui nahˬ nui yu ahˇ-eu deuˬ-ahˇ gʼawˬ shaˬ gaˬ nehˬ-eu meh” lehˇ, Jaˇliꞈ laꞈ kʼoeˇ ehˇ taˬ-euˬ meh.