Maꞈtehˬ 17:1 - Akha

¹ Koꞈ nah dzeuˇ-iˇ ngeh, Beˬtuˆluˆ hawˇ-eu, Yaˬkoˆ hawˇ-eu Yoˇhaˬ aˬ nyaꞈ nmˇ-ahˇ Yeˬsuˇ sheuˬ-awˇ, aˬ yawꞈ maꞈ tehꞈ-ehˇ gawˬ jawˬ yaw goˇ-ahˇ daˆ leˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Kof nan dzeur-euq nar-aq, Yeqsur-aq, Beqtuvluv, Yaqkov hawr-eu Yaqkov-euq aqnyir Yorhaq, heudeuq-anr taef-aer sheuq-awr, gawqjawq yawgor-anr davler-euq mae.

Maꞈtehˬ 17:1 Iomraidhean Croise

Maꞈtehˬ 17:2

A ha smˇ gʼaˬ-euˬ mehˬ shi, Yeˬsuˇ gʼawˇ mawˇ paˇ-euˬ meh. Aˬ yawꞈ-euˬ myaˆ pyawˬ nahˇ ma loꞈ-ehˇ yaw shehꞈ bya-awˇ, aˬ yawꞈ-euˬ mehˬ tsoeˬ pyuˇ deuˬ ni gʼeh-awˇ naˇ guiˇ guiˇ laˇ-eu meh.

Maꞈtehˬ 26:37

Beˬtuˆluˆ hawˇ-eu Zeˬbeˬdehˇ-euˬ aˬ li nyiˬ gʼaˬ-ahˇ aˬ yawꞈ sheuˬ-awˇ iˇ-euˬ meh. Aˬ yawꞈ noeˬ shaˬ dui dui-awˇ, nui ma laꞈ kʼoeˇ shaˬ zahˬ mˇ dui dui luꞈ-eu meh.

Maˬkuˆ 13:3

Uˬ duˬ tahˬ nymˇ nymˇ ma-euˬ nui baˬ paw jaˆ-eu Saˬloˬ gawˬ jawˬ-ahˇ Yeˬsuˇ nuiˇ luꞈ ngeh, Beˬtuˆluˆ, Yaˬkoˆ, Yoˇhaˬ, Aˬdehˬleh aˬ ha maꞈ tehꞈ-ehˇ ciˬ cuˇ ni laˇ-awˇ naˇ haˬ-eu,

Maˬkuˆ 5:37

Kʼoeˇ naˇ, Beˬtuˆluˆ hawˇ-eu, Yaˬkoˆ, Yoˇhaˬ aˬ nyaꞈ nmˇ maˬ ngeuˇ naˇ, aˬ cawˬ tiˬ gʼaˬ-iˬ aˬ yawꞈ mehˬ nah maˬ bi caw teh laˇ ni bi jawˇ yaꞈ-euˬ meh.

Luˇkaꞈ 8:51

Nymˇ kʼoeˇ nymˇ-ahˇ aˬ yawꞈ iˇ keuˆ ngeh, nui deuˬ maˬ bi uˇ leˇ ni, Beˬtuˆluˆ, Yoˇhaˬ, Yaˬkoˆ aˬ ha smˇ gʼaˬ hawˇ-eu, aˬ buˇ kʼoeˇ buˇ-euˬ aˬ da aˬ ma-ahˇ tehꞈ-ehˇ sheuˬ-awˇ uˇ leˇ-euˬ meh.

2 Gawˇliˬtu 13:1

Nymˬ-mˇ jawˇ poˆ naw maꞈ jawˇ gaˇ ngaˇ oe-eu lehˇ gʼeh-eu heu-aˬ, smˬ poˆ tiˬ poˆ ma. “Aˬ cawˬ-ahˇ yaˇ kʼaˬ ja ngeh tsawˇ kaˬ nyiˬ gʼaˬ smˇ gʼaˬ ya bi jawˇ meh” lehˇ Jaˇliꞈ laꞈ kʼoeˇ ehˇ taˬ-euˬ jaˆ-eu meh.

2 Beˬtuˆluˆ 1:16

Aˬ dui-euˬ Sahˬpaˬ Yeˬsuˇ Ka li baoˬ tiˬ byah ni zaꞈ le tehꞈ-a lehˇ naw maꞈ-ahˇ nga maꞈ bi siˬ-eu heu-aˬ, aˬ cawˬ neh noeˬ doˆ-awˇ ja-euˬ gaˇ kawˆ yuˇ-awˇ bi siˬ-eu maˬ ngeuˇ. Aˬ yawꞈ-euˬ huiˬ dui mahˇ dui dui-eu baoˬ-ahˇ nga maꞈ myaˆ ya mawˇ duˬ-euˬ ma.

2 Beˬtuˆluˆ 1:18

Muiˬ-eu shawˇ-eu gawˬ jawˬ kʼoeˇ taˆ aˬ yawꞈ nehˬ-ehˇ nga maꞈ ya jawˇ luꞈ ngeh, teˇ saˇ kʼoeˇ saˇ mˬ-ahˇ neh mahˇ doˆ le gaˇ nga maꞈ-euˬ naˬ bawˇ neh ya gaˬ-euˬ ma.