Maꞈtehˬ 16:3 - Akha

³ Uˬ shawˬ yaw naꞈ-ehˇ mˬ neˇ naˆ naˆ naˇ, uˬ yehˇ yehˇ le ngaˇ lehˇ naw maꞈ ehˇ-eu meh. Naw maꞈ mˬ-ahˇ haw haw-ehˇ, uˬ yehˇ uˬ tsaˇ toꞈ nya-eu meh. Ehˇ kʼawꞈ, aˇ yamˬ aˇ law-ahˇ taꞈ-eu bi siˬ bi mawˇ-eu jeˬ-ahˇ naw maꞈ dawˬ tsuiꞈ maˬ yuˇ doˆ nya-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Uqshawq paw mqnerner-awr, zanrtsuini ghae nar-aq, ‘Iqnan-aq, mqjeq jaqlaer jav-eu ngar-a’ laer nawmaf aer-eu mae. Yawmuiq janrgeuf-eu tsawrhaq deuq-or! Nawmaf, mq-anr haw-awr, uqyaer uqtsar tofnya-eu gar nae, heuyamq heulaw-anr taf-eu bisiq bimawr-eu jeq-anr maq tserpav nya-eu beu.

Maꞈtehˬ 16:3 Iomraidhean Croise

1 Laˬsaˬbaˬ 12:32

Iˇsaˬkaˬ tsawˇ jeuˬ laꞈ kʼoeˇ, aˬ yuiꞈ geuꞈ-eu nyiˬ yaˇ gʼaˬ hawˇ-eu, aˬ yawꞈ maꞈ-euˬ gʼaˬ zaˬ deuˬ (Aˬ yuiꞈ geuꞈ-eu kʼoeˇ deuˬ-aˬ, Iˇsaˬleˬlaˆ miˇ kʼahˬ aˬ geu jeˬ mˇ paˬ-ehˇ gʼeh-eu gaˇ kawˆ hawˇ-eu, aˬ geu ngeh yamˬ-ahˇ mˇ paˬ-ehˇ gʼeh-eu gaˇ kawˆ siˬ nya-eu meh.)

Maꞈtehˬ 11:5

Myaˆ behꞈ mawˇ nya laˇ-euˬ, kuiˇ kuˆ cah nya laˇ-euˬ, coiˬ doi shawˇ laˇ-euˬ naˬ bawˬ gaˬ nya laˇ-euˬ, tsawˇ shiˇ gʼoꞈ dehꞈ laˇ-euˬ, shaˬ zaˬ zahˬ zaˬ deuˬ Laˬ kʼaˬ cehˇ-eu Guiˬ lahˬ dawˬ ya gaˬ-euˬ, gaˇ kawˆ heu deuˬ dzawˇ nehˬ-iˇ-awˬ.

Maꞈtehˬ 15:7

Awꞈ-aꞈ tahˬ kʼoˬ-ahˇ duˇ-eu tsawˇ haˬ deuˬ-oˇ, Miˬyehˇ gʼaˇ duˬ ngehˬ dah-eu Iˇsaˬyaˇ neh naw maꞈ gaˇ kawˆ ehˇ taˬ-euˬ aˇ naˆ ni tsaˬ-eu nga.

Maꞈtehˬ 22:18

Ehˇ kʼawꞈ, aˬ yawꞈ maꞈ yaw doeˇ jahˇ mawꞈ-eu nui ma laꞈ gʼoꞈ ahˇ gaˇ Yeˬsuˇ siˬ nya-awˇ ehˇ-eu, “Awꞈ-aꞈ tahˬ kʼoˬ-ahˇ duˇ-eu tsawˇ haˬ deuˬ-oˇ, aˬ jeˬ miˇ neh naw maꞈ ngaˬ-ahˇ lahˇ ju kʼmˇ paꞈ-eu lehˇ leh jeh te.

Maꞈtehˬ 23:13

“Awꞈ-aꞈ tahˬ kʼoˬ-ahˇ duˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˬsehˇ deuˬ-oˇ, naw maꞈ ya noeˬ shaˬ dui dui tehꞈ-a. Aˬ jeˬ miˇ neh ehˇ naˇ, tsawˇ haˬ zaˬ-euˬ mehˬ shi, Mˬtaˆ Miˇkʼahˬ-ahˇ uˇ leˇ-eu laˇ gʼoˆ-ahˇ naw maꞈ gʼoˆ sehˬ sehˬ taˬ-awˇ, yawˬ ha maˬ uˇ leˇ-eu uˬ taꞈ, uˇ leˇ-eu lehˇ leh jeh-eu tsawˇ haˬ deuˬ-ahˇ kʼawꞈ, naw maꞈ maˬ bi uˇ leˇ-a.

Maꞈtehˬ 4:23

Gaˬliˬlehˇ miˇ kʼahˬ doe ni Yeˬsuˇ cah-awˇ, aˬ yawꞈ maꞈ-euˬ uˬ duˬ tahˬ nymˇ laꞈ kʼoeˇ mehˬ-eu tsoˆ-eu jeˬ mˇ-awˇ, Miˬyehˇ Miˇ kʼahˬ-ahˇ taꞈ leˇ-eu laˬ kʼaˬ cehˇ-eu guiˬ lahˬ dawˬ mehˬ-eu uˬ taꞈ, naˇ gawˇ gʼawˬ mya jeˬ pi luꞈ-eu tsawˇ haˬ deuˬ-ahˇ kʼawꞈ, laˆ taˬ nehˬ-euˬ meh.

Maꞈtehˬ 7:5

Awꞈ-aꞈ tahˬ kʼoˬ-ahˇ duˇ-eu tsawˇ haˬ -oˇ, nawˬ-euˬ myaˆ nuiˆ-ahˇ tsmˬ-eu diˬ tm jeˬ huˬ baꞈ doˆ-awˬ. kʼoeˇ sawˇ miˇ tsa, nawˬ-euˬ mehˇ nmˇ-euˬ myaˆ nuiˆ-ahˇ ahˇ-eu myaˆ pawꞈ aˬ joˆ-ehˇ pehˆ doˆ paˬ nga lehˇ, nawˬ-ahˇ mawˇ duˬ laˇ tehꞈ-a.

Luˇkaꞈ 11:44

Naw maꞈ ya noeˬ shaˬ dui dui tehꞈ-a. Aˬ jeˬ miˇ neh ehˇ naˇ, naw maꞈ-aˬ, aˬ cawˬ maˬ siˬ nya-ehˇ nawˬ tehˬ nawˬ tehˬ-ehˇ cah luꞈ-eu lmˬ bymˇ-ahˇ duˇ-eu meh.”

Luˇkaꞈ 12:56

Awꞈ-aꞈ tahˬ kʼoˬ-ahˇ duˇ-eu tsawˇ haˬ deuˬ-oˇ, mˬ hawˇ-eu miˇ-ahˇ naw maꞈ haw-awˇ, uˬ yehˇ uˬ tsaˇ toꞈ nya-eu meh. Toˆ-ehˇ ngeuˇ naˇ, nymˬ-mˇ-euˬ aˇ yamˬ aˇ law-ahˇ aˬ jeˬ miˇ neh naw maꞈ maˬ tseˇ paˆ geuꞈ te.

Luˇkaꞈ 13:15

Sahˬpaˬ Yeˬsuˇ aˬ yawꞈ-ahˇ ehˇ kʼoꞈ nehˬ-eu, “Awꞈ-aꞈ tahˬ kʼoˬ-ahˇ duˇ-eu tsawˇ haˬ deuˬ-oˇ, naw maꞈ Jawˇ nah ngeh nah yawˬ ha-euˬ jeˬ zaˬ jeˬ kuˆ-ahˇ paꞈ taˬ-euˬ mawˇ neˇ hawˇ-eu mahˬ tahˬ laˆ puiˇ-awˇ, iˇ cuꞈ maˬ tsahˇ dawˇ-iˇ loˇ.

HeˬByehˇ 5:14

Dzaˇ yaw gʼahˇ-aˬ, yaw muiˬ yaw doeˇ tseˇ paˆ geuꞈ nya-eu huiˬ loˆ laˇ-euˬ tsawˇ haˬ deuˬ-euˬ gʼaˇ duˬ meh.