Maꞈtehˬ 16:23 - Akha

²³ Yeˬsuˇ Beˬtuˆluˇ jawˇ paw ciˬ pyawˇ-awˇ ehˇ nehˬ-eu, “Saˬdaˬ-oˇ, ngaˇ jawˇ gaˇ neh doˆ-iˇ-awˬ. Nawˇ-aˬ, ngaˬ-ahˇ laˆ tsoeˬ-eu gʼaˬ meh. Nawˇ teu loꞈ-ehˇ ehˇ-eu teu, Miˬyehˇ neh bi noeˬ doˆ-euˬ jeˬ maˬ ngeuˇ-a. Tsawˇ haˬ neh bi noeˬ doˆ-euˬ jeˬ meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Khoerngae, Yeqsur nanrghof ghofhaw-awr Beqtuvluv-anr aernaeq-eu, “Naef Saqdaq-or! Ngaq-euq narkhan paw caev-awq. Nawr, ngaq-anr sanqtif bitif-eu laer ghae-eu nga. Aqjeq mirnae aernar-aq, nawq-euq nuinoeq-aq, Miqyaer-euq nuinoeq maqngeur-eu, tsawrhaq-euq nuinoeq sharnoeq luf-eu nga.”

Maꞈtehˬ 16:23 Iomraidhean Croise

Aˇ dahˬ 3:17

Miˬyehˇ pyeuꞈ-eu Sahˬpaˬ Miˬyehˇ-aˬ, kʼaˬ dzeˇ zaˬ gʼaˬ-ahˇ kʼawꞈ heu loꞈ-ehˇ ehˇ nehˬ-euˬ meh. “Nawˬ-euˬ miˬ zaˬ-euˬ ehˇ dawˬ naˇ haˬ-awˇ, ngaˬ neh taˬ dzaˬ lehˇ ehˇ taˬ-euˬ aˇ siˬ-ahˇ nawˇ dzaˬ-euˬ meh. Nawˇ kʼoeˇ loꞈ-ehˇ mˇ-euˬ miˇ neh, miˇ tsaˬ-aˬ, yaˬ kʼehˇ yaˬ nehˬ-eu jeˬ-ahˇ ya daˬ tehꞈ-a. Nawˇ ya dzaˬ ya dawˇ-eu gʼaˇ duˬ, nawˬ-euˬ tiˬ ziˇ maˬ naˬ leˇ ni miˇ tsaˬ-ahˇ ya beuˬ tehꞈ-a.

2 Saˬmeuˬlaˆ 19:22

Ehˇ kʼawꞈ, Aˬbiˇshaiˇ hawˇ-eu aˬ yawꞈ-euˬ aˇ doˆ Yoˇbaˬ-ahˇ Daˬbiˇ ehˇ nehˬ-eu, “Naw nyaꞈ-ahˇ aˬ jeˬ taꞈ ta. Iˬ nah naw nyaꞈ ngaˬ-ahˇ laˆ bahˬ-eu gʼeh te loˇ. Nymˬ-mˇ ngaˇ Iˇsaˬleˬlaˆ miˇ kʼahˬ-euˬ sahˬ paˬ pyeuꞈ-eu ma. Iˇsaˬleˬlaˆ tsawˇ haˬ tiˬ gʼaˬ-iˬ maˬ ya bi sehꞈ-a.”

1 Laˬsaˬbaˬ 21:1

Saˬdaˬ-aˬ, Iˇsaˬleˬlaˆ tsawˇ haˬ deuˬ-ahˇ laˆ bahˬ mawꞈ-eu miˇ neh, miˇ kʼahˬ zaˬ-euˬ tsawˇ seˬ gʼoˆ-eu gʼaˇ duˬ Daˬbiˇ noeˬ tsehˆ laˇ ni jahˇ-euˬ meh.

Iˇsaˬyaˇ 8:14

Ngaˇ muiˬ dui shawˇ dui dui-eu miˇ neh, tsawˇ haˬ kʼoeˇ deuˬ sahˬ tiꞈ tiꞈ duˬ kʼaˬ lo loꞈ-ehˇ pyeuꞈ-eu ma. Ngaˇ-aˬ, Yuˇdaˆ miˇ kʼahˬ, Iˇsaˬleˬlaˆ miˇ kʼahˬ hawˇ-eu, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ kʼmˇ taˬ-euˬ lahˇ ju-ahˇ duˇ-eu ma.

Maꞈtehˬ 16:22

Beˬtuˆluˆ neh Yeˬsuˇ-ahˇ gaˇ dzeˇ paw sheuˬ doˆ gʼeh-awˇ ehˇ-eu, “Sahˬ paˬ-oˇ, Miˬyehˇ nawˬ-euˬ kʼoeˇ taˆ kʼoeˇ loꞈ-ehˇ gʼeh-eu jeˬ maˬ bi keuˆ le kʼmˬ-aˇ.”

Maꞈtehˬ 18:7

Tsawˇ haˬ zaˬ-euˬ jah-eu nui ma byoˆ-iˇ ni jahˇ-eu gʼawˬ mya jeˬ jaˆ-eu baˬ da neh, miˇ tsaˬ tahˬ kʼawˇ heu aˇ naˆ ni guˆ laˇ paˬ-ehˇ gʼeh-eu nga. Kʼoeˇ loꞈ-ehˇ gʼeh-eu jeˬ aˬ myah luꞈ jaˆ luꞈ meh. Ehˇ kʼawꞈ, kʼoeˇ loꞈ-ehˇ gʼeh-eu jeˬ bi doˆ laˇ ni mˇ-eu tsawˇ haˬ deuˬ ya noeˬ shaˬ dui dui tehꞈ-a.

Maꞈtehˬ 4:10

Kʼoeˇ ngeh jawˇ, Yeˬsuˇ ehˇ-eu, “Saˬdaˬ-oˇ, doˆ-iˇ-awˬ. ‘Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ tehꞈ-ehˇ nawˇ uˬ duˬ ya tahˬ-awˇ, aˬ yawꞈ-euˬ nui kʼahˇ tehꞈ-ehˇ ya mˇ meh’ lehˇ, Jaˇ liꞈ laꞈ kʼoeˇ boꞈ taˬ-euˬ meh.”

Maˬkuˆ 8:33

Ehˇ kʼawꞈ, Yeˬsuˇ aˬ yawꞈ-euˬ zaˬ lahˇ deuˬ-ahˇ nahˇ gʼoꞈ gʼoꞈ haw-awˇ, Beˬtuˆluˆ-ahˇ dehˬ-awˇ ehˇ-eu, “Saˬdaˬ-oˇ, cehˆ-awˬ. Nawˬ-euˬ nui noeˬ teu-aˬ, Miˬyehˇ-euˬ nui noeˬ maˬ ngeuˇ nga. Tsawˇ haˬ zaˬ-euˬ nui noeˬ nga.”

Luˇkaꞈ 4:8

Yeˬsuˇ aˬ yawꞈ-ahˇ ehˇ kʼoꞈ nehˬ-eu, “‘Nawˬ-euˬ Miˬyehˇ pyeuꞈ-eu SahˬpaˬMiˬyehˇ-ahˇ tehꞈ-ehˇ nawˇ uˬ duˬ ya tahˬ-awˇ, aˬ yawꞈ-euˬ nui kʼahˇ tehꞈ-ehˇ ya mˇ meh’ lehˇ, Jaˇliꞈ laꞈ kʼoeˇ ehˇ taˬ-euˬ meh.”

Yoˇhaˬ 6:70

Yeˬsuˇ ehˇ-eu,“Naw maꞈ tseˇ nyiꞈ gʼaˬ-ahˇ ngaˬ neh tseˇ doˆ-euˬ maˬ ngeuˇ-a loˇ. Ehˇ kʼawꞈ, naw maꞈ laꞈ kʼoeˇ tiˬ gʼaˬ-aˬ, Nehꞈsahˬpaˬ meh.”

Lormav 14:13

Kʼoeˇ miˇ neh, aˬ dui tiˬ gʼaˬ tiˇ gʼaˬ iˬ baˇ poˆ-eu jeˬ-ahˇ byehˇ dzeh kaˇ-euˇ. Yawˬ ha-euˬ cawˬ Ka li zaˬ deuˬ sahˬ tiꞈ tiꞈ-awˇ iˬ baˇ laꞈ kʼoeˇ bi coˬ ahˇ-eu gʼaˇ duˬ tiˬ jeˬ-iˬ maˬ mˇ lehˇ, naw maꞈ noeˬ tsehˆ-eu tsaˬ meh.

Lormav 14:21

Shaˬ jiˇ dzaˬ-eu, jiˇ baˬ dawˇ-eu, yawˬ ha-euˬ cawˬ Ka li zaˬ tiˬ gʼaˬ na iˬ baˇ mˇ ni jahˇ-eu, heu loꞈ-ehˇ gʼeh-eu deuˬ-ahˇ yahˇ-eu muiˬ meh.

Piˇliˇpiˆ 3:19

Aˬ yawꞈ maꞈ-aˬ, shiˬ buiˇ lah ma-ahˇ aˇ saˬ ya saˬ-iˇ meh. Aˬ jeˬ miˇ neh ehˇ naˇ, aˬ yawꞈ maꞈ-euˬ shiˬ shaˬ jiˇ nui kʼahˇ-aˬ, aˬ yawꞈ maꞈ-euˬ miˬyehˇ meh. Aˬ yawꞈ maꞈ-aˬ, yawˬ ha shaꞈ dawˇ paˬ-ehˇ gʼeh-eu jeˬ-ahˇ maˬ shaꞈ dawˇ ni jahˇ gʼeh haw-awˇ, miˇ tsaˬ shiˬ shaˬ jiˇ-ahˇ taꞈ-eu jeˬ tehꞈ-ehˇ shaˇ noeˬ luꞈ-eu meh.

Gawˇlawˇsehˇ 3:2

Mˬ kʼoeˇ taˆ jaˆ-eu jeˬ-ahˇ naw maꞈ-euˬ nui ma noeˬ tsoˆ taˬ-awˬ. Miˇ tsaˬ kʼoeˇ taˆ jaˆ-eu jeˬ-ahˇ taˬ noeˬ tsoˆ taˬ.