Maꞈtehˬ 16:18 - Akha

¹⁸ Kʼoeˇ miˇ neh, ngaˇ nawˬ-ahˇ heu loꞈ-ehˇ ehˇ-eu ma. Beˬtuˆluˆ nawˇ-aˬ, kʼaˬ lo meh. Kʼaˬ lo heu kʼoeˇ taˆ dawˬ pehˬ taˬ-awˇ, ngaˬ-euˬ aˇ muˇ ngaˇ gawˇ daˆ leꞈ ma. Shiˇ-eu jeˬ-euˬ baoˬ, aˇ muˇ heu muˇ-ahˇ maˬ gʼa leˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Ngar, nawq-anr aernaeq nyar, nawr-aq, Beqtuvluv ngar-a. Ngar, khaqlo heu-euq khoertav ngaq-euq armur tsovdav ma. Shir-eu mirkhanq-euq larghov-aq, armur heumur-anr maq ghaqlar nya-ar.

Maꞈtehˬ 16:18 Iomraidhean Croise

Aˇ dahˬ 22:17

Nawˬ-euˬ zaˬ nawˬ-euˬ uˆ deuˬ-ahˇ, mˬ kʼoeˇ taˆ jaˆ-eu aˬ guiˇ deuˬ loꞈ-ehˇ maˬ ehˇ, iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ deh loꞈ-ehˇ maˬ ehˇ, ngaˇ bi jeuˬ bi o le ma. Aˬ yawꞈ maꞈ-aˬ, aˬ yawꞈ maꞈ-ahˇ muiˇ-eu deuˬ-ahˇ gʼaˬ leˇ tehꞈ-a.

2 Saˬmeuˬlaˆ 18:4

Kʼoeˇ ngeh, “Naw maꞈ neh muiˬ meh lehˇ noeˬ-euˬ jeˬ-ahˇ ngaˇ geuꞈ ma” lehˇ sahˬ paˬ ehˇ-eu meh. Kʼoeˇ naˇ, aˬ yawꞈ-euˬ tsawˇ haˬ deuˬ aˇ heˇ gʼaˬ, aˇ yaˇ gʼaˬ lehˇ aˇ muˇ muˇ-awˇ doˆ-iˇ ngeh, meuˬ-euˬ lahˇ kʼehˬ dawˬ peh aˬ yawꞈ yawꞈ luꞈ-eu meh.

Yawˇbaˆ 38:17

Zahˇ tsui ni gʼeh-eu shiˇ-eu miˇ kʼahˬ-ahˇ iˇ-eu laˇ gʼoˆ-ahˇ, aˬ cawˬ nawˬ-ahˇ sheuˬ mehˬ nehˬ laꞈ haw taˬ loˇ.

Jaceuq 107:18

Aˬ yawꞈ maꞈ dzaˇ-ahˇ maˬ haw nahˇ-ehˇ pyeuꞈ-iˇ-awˇ, shiˇ taw tehˬ laˇ taˬ-euˬ meh.

Jaceuq 127:5

Kʼoeˇ loꞈ-ehˇ gʼeh-eu kaˆ myaˬ gʼawˬ mya ni jaˆ-eu tsawˇ haˬ laˬ kʼaˬ ya cehˇ tehꞈ-a. Yaˇ kʼaˬ daˇ duˬ-ahˇ muiˇ-eu deuˬ nehˬ-ehˇ aˬ yawꞈ ya ja dzaˬ ngeh, ya shaꞈ dawˇ gaˇ tiˬ jawˇ-iˬ maˬ keuˆ-a.

Jaceuq 129:2

Ngaˇ nyiˇ ngeh neh muiˇ-eu deuˬ ngaˬ-ahˇ kʼehˬ dui kʼaˆ dui dui nehˬ laꞈ-euˬ meh. Ehˇ kʼawꞈ, ngaˬ-ahˇ maˬ gʼaˬ laˇ-a.

Jaceuq 69:12

Aˬ yawꞈ maꞈ meuˬ doe ni ngaˬ-eu gaˇ kawˆ ja bu-awˇ, jiˇ baˬ yehꞈ-eu deuˬ ngaˬ-ahˇ caˇ niˇ gʼa-eu meh.

Jaceuq 9:13

Sahˬpaˬ Miˬyehˇ-oˇ, ngaˬ-ahˇgʼawˬshaˬgaˬnehˬlaꞈ-awˬ. Muiˇ-eu deuˬkʼehˬlaꞈgaˇmawˇ-awˬ. Shiˇ-eu miˇkʼahˬlaˇgʼoˆ-ahˇneh, ngaˬ-ahˇciˬkʼoꞈdoˆnehˬlaꞈ-awˬ.

Dawqdaq 24:7

Dawˬ tsuiꞈ naꞈ-eu dawˬ daˬ-ahˇ aˬ dzawˬ aˇ gah deuˬ maˬ gʼoˆ shaw nya-a. Gaˇ kawˆ yaw huiˬ ja uˇ ngeh, aˬ yawꞈ dawˬ ngehˬ tsaˬ maˬ siˬ-a. -23-

Iˇsaˬyaˇ 28:16

Ehˇ kʼawꞈ, Sahˬpaˬ Miˬyehˇ heu loꞈ-ehˇ ehˇ-eu meh. “Ziˇoˬ meuˬ-euˬ dawˬ pehˬ ziꞈ dah ni ngaˇ gawˬ-euˬ ma. ‘Jah-eu ziꞈ-eu jeˬ-aˬ kamˬ coeˇ-eu jeˬ meh’ lehˇ boꞈ taˬ-euˬ, ziꞈ dah ni gʼeh-eu kʼaˬ lo neh, laꞈ coeˇ gawˬ tehˬ-euˬ ma.

Iˇsaˬyaˇ 28:6

Yaˇ kʼaˬ daˇ-eu tsawˇ haˬ deuˬ-ahˇ, yaw tsaˬ yaw dawˇ jeˬ aˬ yawꞈ biꞈ-awˇ, meuˬ lahˇ kʼehˬ-ahˇ guiˇ deuˆ piˇ-eu tsawˇ haˬ deuˬ-ahˇ, gʼaˬ biꞈ lahˬ nehˬ tehꞈ-a.

Iˇsaˬyaˇ 38:10

Ngaˬ-euˬ aˇ kʼoꞈ muiˬ ngeh loˆ ngeh, ziˇ maˬ dehꞈ jiˇ nya ni, shiˇ-eu miˇ kʼahˬ-ahˇ iˇ miˇ-a lehˇ noeˬ-euˬ ma.

Iˇsaˬyaˇ 54:17

Ehˇ kʼawꞈ, nawˬ-ahˇ laˆ tahˬ laˆ naˇ nya-eu, guiˇ deuˆ-eu keu ka maˬ jaˆ-a. Nawˬ-ahˇ yaˇ kʼaˬ kʼaˇ ja laˇ-eu tsawˇ haˬ deuˬ-ahˇ, nawˇ ja gʼaˬ nya tehꞈ-a. Ngaˬ-euˬ zaˬ kʼaˆ deuˬ-ahˇ ngaˇ haw piˇ-awˇ, gʼaˬ leˇ-eu tsawˇ haˬ bi pyeuꞈ ma” lehˇ Sahˬpaˬ Miˬyehˇ ehˇ-eu meh.

Yawˇnaˆ 2:6

Gawˬ jawˬ ciˇ tahˬ dawˬ dah jaˆ-awˇ, gʼoˆ kaꞈ tiˬ jawˇ-iˬ maˬ pah-eu, miˇ kʼahˬ-ahˇ ngaˇ ga keuˆ-euˬ kʼawꞈ, naꞈ-eu miˇ oˆ miˇ kʼahˬ-ahˇ neh, ngaˬ-euˬ Miˬyehˇ Sahˬpaˬ Miˬyehˇ, ngaˬ-ahˇ sheuˬ kʼoꞈ doˆ laꞈ-euˬ meh.

Maꞈtehˬ 10:2

Gʼaˬ kʼehˇ tseˇ nyiꞈ gʼaˬ-euˬ tsawˇ myahˇ-aˬ, heu loꞈ-ehˇ meh. Beˬtuˆluˆ lehˇ kuˇ-eu Siˇmoˬ hawˇ-eu Aˬdehˬlehˬ aˬ nyaꞈ mehˇ nmˇ, Zeˬbeˬdehˇ-euˬ aˬ li Yaˬkoˆ hawˇ-eu Yoˇhaˬ aˬ nyaꞈ mehˇ nmˇ,

Maꞈtehˬ 11:23

Gaˬbeˬneˬoˬ meuˬ-oˇ, nawˇ toe. Mˬ-ahˇ tuˆ ni bi ciˬ huiˬ bi ciˬ mahˇ mawꞈ-eu nya loˇ. Nawˬ-ahˇ shiˬ buiˇ lah ma-ahˇ biˬ ahˇ nehˬ laꞈ tehꞈ-a. Nawˬ-ahˇ mˇ mehˬ nehˬ-euˬ zahˬ dui dui leˇ paˬ-ehˇ gʼeh-eu gaˇ kʼoeˇ deuˬ, Sawˇdoˬ meuˬ-ahˇ mˇ mehˬ-euˬ law nmˇ-aˬ, meuˬ kʼoeˇ meuˬ iˬ nah keuˆ ni maˬ cawˆ-iˇ ni jaˆ tehꞈ-a.

Maꞈtehˬ 18:17

Aˬ yawꞈ maꞈ-euˬ ehˇ dawˬ-ahˇ kʼawꞈ aˬ yawꞈ maˬ naˇ haˬ naˇ, gaˇ kawˆ kʼoeˇ dawˬ tawˆ luꞈ Ka li zaˬ aˇ muˇ-ahˇ dzawˇ nehˬ-awˬ. Yaw li uˬ duˬ, Ka li zaˬ aˇ muˇ neh mehˬ nehˬ-euˬ gaˇ kʼawꞈ aˬ yawꞈ maˬ geuꞈ naˇ, lawˇ ciꞈ zaˬ deuˬ hawˇ-eu kawˬ taꞈ-eu tsawˇ haˬ deuˬ-ahˇ sawˇ dzeh-eu loꞈ-ehˇ, aˬ yawꞈ-ahˇ kʼawꞈ sawˇ dzeh nehˬ-awˬ.

Maꞈtehˬ 4:18

Yeˬsuˇ Gaˬliˬlehˇ lah lah dzeˇ iˇ luꞈ ngeh, ngaˬ shaˬ poˆ-eu tsawˇ haˬ pyeuꞈ-eu Beˬtuˆluˆ lehˇ kuˇ-eu Siˇmoˬ hawˇ-eu Aˬdehˬlehˬ aˬ nyaꞈ nmˇ lah laꞈ kʼoeˇ za dzeh luꞈ gaˇ ya mawˇ-euˬ meh.

Maꞈtehˬ 7:24

“Ngaˬ neh mehˬ-euˬ dawˬ-ahˇ ya gaˬ-awˇ naˇ haˬ geuꞈ-eu tsawˇ haˬ yawˬ gʼaˬ na luꞈ, kʼaˬ lo kʼoeˇ taˆ nymˇ tsoˆ-eu noeˬ dahˇ doe-eu tsawˇ haˬ-ahˇ duˇ-eu meh.

Yoˇhaˬ 1:42

Kʼoeˇ naˇ, Siˇmoˬ-ahˇ Yeˬsuˇ jawˇ gaˇ aˬ yawꞈ sheuˬ gʼeh-euˬ meh. Yeˬsuˇ Siˇmoˬ-ahˇ haw-awˇ ehˇ-eu, “Nawˬ-euˬ tsawˇ myahˇ-aˬ, Yoˇhaˬ-euˬ aˬ li Siˇmoˬ meh. Ehˇ kʼawꞈ, nawˬ-ahˇ Geˬpaˇ lehˇ kuˇ tehꞈ-a.” lehˇ ehˇ nehˬ-euˬ meh. (ʼGeˬpaˇʼ hawˇ-eu ʼBeˬtuˆluˆʼ lehˇ ehˇ-eu tsawˇ myahˇ heu nyiˬ myahˇ dawˬ tsuiꞈ duˇ leˇ-awˇ, ʼKʼaˬ loʼ lehˇ ehˇ mawꞈ-eu meh.

Gʼaˬkʼehˇ 2:47

Kʼoeˇ loꞈ-ehˇ jahˇ luꞈ ngeh, Miˬyehˇ-euˬ guiˬ lahˬ-ahˇ ja ceuˬ-awˇ, tsawˇ haˬ dawˬ tawˆ luꞈ aˬ yawꞈ maꞈ-ahˇ nui kʼahˇ shiˇ dui dui-euˬ meh. Ka kʼoꞈ-eu jeˬ za-euˬ tsawˇ haˬ deuˬ, tiˬ nah saˇ-iˬ tiˬ nah aˬ yawꞈ maꞈ-euˬ aˇ muˇ laꞈ kʼoeˇ bi lahˬ laˇ ni SahˬpaˬMiˬyehˇ mˇ luꞈ-eu meh.

Gʼaˬkʼehˇ 20:28

Kʼoeˇ miˇ neh, naw maꞈ-euˬ gʼawˇ mawˇ yaw muiˬ paˬ-ehˇ yahˇ-awˇ dehꞈ-eu uˬ taꞈ, Muiˬ-eu shawˇ-eu Yaw sahˇ Miˬyehˇ neh naw maꞈ-ahˇ a nehˬ-awˇ bi haw bi pyaˆ-euˬ yawˇ yawˇ maꞈ-ahˇ yaw muiˬ paˬ-ehˇ bo saˆ haw piˇ-awˬ. Miˬyehˇ neh aˬ yawꞈ-euˬ Zaˬmaˇ bi shiˇ dah-awˇ zeuˇ tsehˆ taˬ-euˬ aˬ yawꞈ-euˬ Ka li zaˬ aˇ muˇ-ahˇ yawˇ bo-eu loꞈ-ehˇ bo-awˬ.

Gʼaˬkʼehˇ 8:1

Aˬ yawꞈ-ahˇ kʼoeˇ loꞈ-ehˇ sehꞈ gaˇ, Sawˇluˆ kʼawꞈ nui ma tsaˬ-euˬ meh. Kʼoeˇ ngeh nah, Yeˬluˇsaˬlehˬ meuˬ-ahˇ jawˇ-eu Ka li zaˬ aˇ muˇ, kʼehˬ-eu kʼaˆ-eu jeˬ-ahˇ yaw kʼaˆ-ehˇ ya daˬ-euˬ meh. Gʼaˬ kʼehˇ deuˬ maˬ ngeuˇ naˇ, jah-eu tsawˇ haˬ dawˬ tawˆ luꞈ Yuˇdaˆ miˇ kʼahˬ hawˇ-eu Saˬmaˬliˇ miˇ kʼahˬ doe ni cehˆ byaˆ jiˇ-euˬ meh.

1 Gawˇliˬtu 15:55

Shiˇ-eu jeˬ-oˇ, nawˬ neh gʼaˬ-euˬ aˬ lehˬ. Shiˇ-eu jeˬ-oˇ, nawˬ-euˬ byaˬ iˬ aˬ lehˬ.”

Gaˬlaˬtiˆ 2:9

Aˬ yuiꞈ aˬ tsu geuꞈ luˬ-eu deuˬ pyeuꞈ-eu, Yaˬkoˆ, Beˬtuˆluˆ, Yoˇhaˬ aˬ ha maꞈ kʼawꞈ, Miˬyehˇ neh ngaˬ-ahˇ huiˬ-eu gaˇ heu hmˬ bi mˇ-euˬ meh lehˇ jah-eu meh. Kʼoeˇ miˇ neh, Baˬnaˬbaˆ nga nyaꞈ-ahˇ laꞈ tsaꞈ tsaꞈ-awˇ mˇ cawˬ shaˇ cawˬ loꞈ-ehˇ ha geuꞈ nehˬ laꞈ-euˬ meh. Baˬnaˬbaˆ nga nyaꞈ-aˬ, aˬ cawˬ tsawˇ jeuˬ jawˇ gaˇ mˇ leˇ-awˇ, aˬ yawꞈ maꞈ-aˬ, Yuˇdaˆ tsawˇ haˬ deuˬ jawˇ gaˇ gaˇ mˇ-eu gʼaˇ duˬ yawˬ gʼaˬ na luꞈ nui ma tsaˬ-euˬ ma.

Eˇpeˇsu 3:10

Kʼoeˇ loꞈ-ehˇ dehˬ kaˬ taˬ-euˬ kʼoeˇ-aˬ, nymˬ-mˇ-euˬ aˇ yamˬ-ahˇ Ka li zaˬ aˇ muˇ-ahˇ gʼoe-eu laꞈ kʼoeˇ, mˬ kʼoeˇ taˆ uˆ lahˇ luꞈ-eu mˬ taˆ gʼaˬ kʼehˇ deuˬ hawˇ-eu baoˬ jaˆ-eu deuˬ-ahˇ Miˬyehˇ-euˬ zaˬ siˬ tsawˇ gahˇ gʼawˬ mya jeˬ bi siˬ bi mawˇ-eu gʼaˇ duˬ pyeuꞈ-eu meh.

Eˇpeˇsu 5:32

Jaˇliꞈ aˇ deuˆ heu deuˆ laꞈ kʼoeˇ, naꞈ dui dui-eu zaꞈ taˬ-euˬ jeˬ pah mehˬ luꞈ-eu meh. Kʼoeˇ-aˬ, Ka li hawˇ-eu Ka li zaˬ aˇ muˇ-ahˇ ehˇ mawꞈ-eu meh lehˇ ngaˇ gʼoˆ shaw-eu ma.

Gawˇlawˇsehˇ 1:18

Aˬ yawꞈ-aˬ, aˬ yawꞈ-euˬ gʼawˇ mawˇ pyeuꞈ-eu Ka li zaˬ aˇ muˇ-euˬ uˬ duˬ pyeuꞈ-awˇ, gʼawˇ mawˇ kʼoeˇ-ahˇ yaw dehꞈ bi dehꞈ-eu gʼaˬ pyeuꞈ-eu meh. Kʼaˇ jawˇ kʼaˇ jaˆ-eu jeˬ dawˬ tawˆ luꞈ kʼoeˇ taˆ aˬ yawꞈ huiˬ dzehˬ mahˇ dzeh ni, shiˇ-euˬ gaˇ gʼoꞈ dehꞈ laˇ-euˬ dehꞈ beh beh le-euˬ gʼaˬ pyeuꞈ-eu meh.

1 Tiˆmoˇseˬ 3:15

Ehˇ kʼawꞈ, ngaˇ yaw kawˇ-ehˇ maˬ laˇ keuˆ nya lawˬ naˇ, dehꞈ luꞈ-eu Miˬyehˇ-euˬ Ka li zaˬ aˇ muˇ pyeuꞈ-awˇ, yaw tsaˬ yaw dawˇ jeˬ-ahˇ toˆ diˇ taˬ-euˬ kʼawˇ zeuˇ pyeuꞈ-eu Miˬyehˇ-euˬ nymˇ jiˇ-ahˇ aˬ joˆ-ehˇ ya sheuˬ gʼeh-eu gaˇ kawˆ, sahˬ boꞈ heu taꞈ nawˬ-ahˇ mehˬ nehˬ laꞈ tehꞈ-a.

1 Tiˆmoˇseˬ 3:5

Aˬ jeˬ miˇ neh ehˇ naˇ, yawˬ ha-euˬ nymˇ jiˇ-ahˇ maˬ gʼaˬ leˇ-eu tsawˇ haˬ-aˬ, Miˬyehˇ-euˬ Ka li zaˬ aˇ muˇ-ahˇ aˬ joˆ-ehˇ bo saˆ nya nmˇ.

HeˬByehˇ 12:28

Kʼoeˇ baˬ da neh, maˬ nyeh laˇ nya-eu miˇ kʼahˬ aˬ dui za taˬ-euˬ miˇ neh Miˬyehˇ-euˬ guiˬ lahˬ-ahˇ ja ceuˬ kaˇ-euˇ. Miˬyehˇ-ahˇ guiˬ lahˬ huiˬ-awˇ guˆ guˆ-ehˇ yaw zeu baw-eu laꞈ kʼoeˇ, aˬ yawꞈ nui ma tsaˬ-eu loꞈ-ehˇ uˬ duˬ tahˬ kaˇ-euˇ.

Panmaeq 11:15

Kʼoeˇ naˇ, mˬ taˆ gʼaˬ kʼehˇ shiꞈ gʼaˬ tiˬ gʼaˬ daˇ heh baw ngeh, mˬ kʼoeˇ taˆ teˇ saˇ yaw kʼaˆ-ehˇ lawꞈ gʼa laˇ-awˇ ehˇ-eu, “Miˇ tsaˬ heu kʼoeˇ taˆ uˆ lahˇ-eu baoˬ, nymˬ-mˇ aˬ dui-euˬ Sahˬpaˬ Miˬyehˇ hawˇ-eu aˬ yawꞈ-euˬ Ka li-ahˇ oꞈ-awˇ, mˬ maˬ maˬ byaˆ zaˇ ziˇ aˬ yawꞈ uˆ lahˇ tehꞈ-a.”

Panmaeq 21:14

Lahˇ kʼoeˇ lahˇ-aˬ, kʼaˬ lo lo ma tseˇ nyiꞈ siˬ kʼoeˇ taˆ gawˬ taˬ-euˬ meh. Kʼaˬ lo kʼoeˇ deuˬ kʼoeˇ taˆ, Yawˇzaˬ-euˬ gʼaˬ kʼehˇ tseˇ nyiꞈ gʼaˬ-euˬ tsawˇ myahˇ boꞈ taˬ-euˬ meh.