Maꞈtehˬ 15:6 - Akha

⁶ Naw maꞈ kʼoeˇ loꞈ-ehˇ ehˇ-eu laꞈ kʼoeˇ, aˇ hu ba neh tawˬ ka leꞈ-euˬ zahˇ oeˇ-ahˇ tehꞈ-ehˇ leh jeh-awˇ, Miˬyehˇ neh biꞈ taˬ-euˬ dawˬ deuˬ-ahˇ naw maꞈ yaw zeu maˬ baw-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ aqyawf, yawqha-euq aqma aqda-anr bosav-eu laer maqya ghae-ar’ laer nawmaf aeraer-aer zanroer tawq-eu mirnae, Miqyaer-euq zanrdawq khofdawq-anr lavcawv-eu mae.

Maꞈtehˬ 15:6 Iomraidhean Croise

Jaceuq 119:126

Sahˬpaˬ Miˬyehˇ-oˇ, tsawˇ haˬ zaˬ nawˬ-euˬ zahˇ dawˬ kʼoꞈ dawˬ-ahˇ maˬ naˇ haˬ-eu miˇ neh, nawˬ-euˬ nui ma bi mawˇ yamˬ tsaˬ laˇ-euˬ meh.

Jaceuq 119:139

Ngaˬ-ahˇ muiˇ-eu deuˬ nawˬ-euˬ dawˬ-ahˇ yaw zeu maˬ baw-eu miˇ neh, ngaˇ nui ma pehˇ-eu jeˬ miˬ dzaˬ doꞈ luꞈ-eu ma.

Yeˬlaˬmiˇ 8:8

Naw maꞈ tsawˇ gahˇ ahˇ-eu miˇ neh, ngaˬ-euˬ zahˇ dawˬ kʼoꞈ dawˬ siˬ nya ma lehˇ, aˬ joˆ-ehˇ ehˇ nya te. Haw yawˬ. Ngaˬ-euˬ zahˇ dawˬ kʼoꞈ dawˬ deuˬ-ahˇ, maˬ sui maˬ dawˇ-eu zahˇ dzoeˬ miˬ ma deuˬ, boꞈ poˆ boꞈ paˇ jiˇ taˬ-euˬ meh.

Hawˇseˬ 4:6

Ngaˬ-euˬ tsawˇ jeuˬ cawˆ-iˇ-euˬ-aˬ, ngaˬ-ahˇ siˬ nya gaˇ taꞈ leˇ-eu tsawˇ gahˇ teˬ-eu baˬ da neh meh. Naw maꞈ piˇ ma geuꞈ-eu deuˬ-aˬ, ngaˬ neh mehˬ-euˬ dawˬ deuˬ pyeuꞈ-eu, tsawˇ gahˇ-ahˇ byehˇ dzeh-euˬ miˇ neh, ngaˬ-euˬ piˇ ma maˬ paˇ ngeuˇ meh. Miˬyehˇ-euˬ zahˇ dawˬ kʼoꞈ dawˬ-ahˇ, naw maꞈ byehˇ dzeh-euˬ baˬ da neh, naw maꞈ-euˬ zaˬ deuˬ uˆ deuˬ-ahˇ, ngaˇ maˬ haw cawˬ ni byehˇ dzeh ma.

Maꞈtehˬ 15:5

Ehˇ kʼawꞈ, ‘Naw maꞈ-ahˇ biꞈ paˬ-ehˇ gʼeh-eu jeˬ Miˬyehˇ-ahˇ biꞈ dzeuˇ-euˬ ma lehˇ, yawˬ ha-euˬ aˬ da aˬ ma-ahˇ ehˇ nehˬ-eu tsawˇ haˬ-aˬ, aˬ da aˬ ma-ahˇ yaw zeu baw-eu maˬ loˬ-a’ lehˇ, naw maꞈ mehˬ-eu tsoˆ-eu meh.

Maꞈtehˬ 15:7

Awꞈ-aꞈ tahˬ kʼoˬ-ahˇ duˇ-eu tsawˇ haˬ deuˬ-oˇ, Miˬyehˇ gʼaˇ duˬ ngehˬ dah-eu Iˇsaˬyaˇ neh naw maꞈ gaˇ kawˆ ehˇ taˬ-euˬ aˇ naˆ ni tsaˬ-eu nga.

Maˬkuˆ 7:13

Kʼoeˇ loꞈ-ehˇ mehˬ-eu tsoˆ-eu laꞈ kʼoeˇ, naw maꞈ neh tawˬ ka leꞈ-euˬ zahˇ sahˇ kʼoꞈ baˬ da neh Miˬyehˇ-euˬ dawˬ byoˆ-iˇ byawˬ-iˇ ni naw maꞈ jahˇ-eu meh. Kʼoeˇ loꞈ-ehˇ duˇ-eu gʼawˬ mya jeˬ, naw maꞈ mˇ luꞈ shaˇ luꞈ-eu meh.”

Lormav 3:31

Heu loꞈ-ehˇ ehˇ-eu baˬ da neh Zahˇ dawˬ kʼoꞈ dawˬ-ahˇ aˬ dui byehˇ dzeh-eu ma lehˇ ehˇ mawꞈ ta loˇ. Maˬ ngeuˇ. Maˬ byehˇ dzeh-eu uˬ taꞈ, ziꞈ dah ni tuˆ tehˬ taˬ-eu ma.

1 Tiˆmoˇseˬ 5:16

Ehˇ kʼawꞈ, Ka li zaˬ zaˬ miˬ zaˬ tiˬ gʼaˬ na, yawˬ ha-euˬ nymˇ jiˇ laꞈ kʼoeˇ miˬ coeˬ miˬ ma deuˬ jawˇ naˇ, Ka li zaˬ aˇ muˇ-ahˇ maˬ bi daˇ ni miˬ coeˬ miˬ ma kʼoeˇ deuˬ-ahˇ yawˬ haˇ yawˬ ha cu-eu tsaˬ tehꞈ-a. Kʼoeˇ loꞈ-ehˇ ngeuˇ naˇ, Ka li zaˬ aˇ muˇ-aˬ, caw ba ngehˬ gʼeh nehˬ-eu gʼaˬ maˬ jawˇ-eu miˬ coeˬ miˬ ma deuˬ-ahˇ yaw muiˬ paˬ-ehˇ ngehˬ gʼeh nehˬ nya tehꞈ-a.

1 Tiˆmoˇseˬ 5:8

Tsawˇ haˬ tiˬ gʼaˬ na, yawˬ ha-euˬ aˬ yuiꞈ aˬ nyiˇ-ahˇ ngehˬ maˬ gʼeh-eu uˬ taꞈ, kʼoeˇ naˆ maˬ tseˇ, yawˬ ha-euˬ nymˇ jiˇ-ahˇ keuˆ ni ngehˬ maˬ gʼeh naˇ, jah-eu jeˬ-ahˇ byehˇ dzeh-euˬ gaˇ duˇ-awˇ, Ka li-ahˇ maˬ jah-eu tsawˇ haˬ deuˬ naˆ maˬ tseˇ doeˇ dui dui-eu meh.