Maꞈtehˬ 15:32 - Akha

³² Yeˬsuˇ aˬ yawꞈ-euˬ zaˬ lahˇ deuˬ-ahˇ kuˇ uiˬ-awˇ, heu loꞈ-ehˇ ehˇ nehˬ-euˬ meh. “Tsawˇ haˬ heu deuˬ-ahˇ ngaˇ gʼawˬ shaˬ gaˬ miˇ-a. Aˬ yawꞈ maꞈ ngaˬ nehˬ-ehˇ jawˇ luꞈ-eu smˬ nah byah laˇ-awˇ, aˬ yawꞈ maꞈ dzaˬ-eu tiˬ jeˬ-iˬ maˬ paˇ jaˆ meh. Aˬ yawꞈ maꞈ-ahˇ tiˬ jeˬ-iˬ maˬ dzaˬ-ehˇ maˬ bi gʼoꞈ-iˇ mawꞈ nya. Gaˇ pehˇ-ahˇ gʼaˬ juˬ dui dui-iˇ gaˇ kʼahˬ laˇ nya.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³² Yeqsur, zaqlanr deuq-anr kur-awr aernaeq-eu, “Ngar, tsawrhaq heudeuq-anr ghawqshaqgaq nya. Aqyawfmaf, ngaq naeq-aer heugar jawrluf-eu smq nan byanlar-awr, tiqjeq-iq dzaq-eu maqpar anr-eu ngar-a. Ngar, aqyawf maf-anr hawqmaef maef-eu lafkhoer maqbi ghof-ir mawf nya. Bighof-ir nar-aq, garpaer-anr myafler-eu baw-mr.”

Maꞈtehˬ 15:32 Iomraidhean Croise

2 Sahˬpaˬ 4:42

Yawˬ poˆ yawˬ-aˬ, tsawˇ haˬ tiˬ gʼaˬ Baˬlaˇshaˬliˇshahˬ meuˬ-ahˇ neh Eˇliˇshehˇ jawˇ gaˇ laˇ-awˇ, yehˬ beh beh-euˬ cehˇ neh jahˇ-euˬ kaˬ muˇ nyiˬ tseˇ siˬ hawˇ-eu, keuˆ beh beh le-euˬ cehˇ ui cuiˆ yuˇ laꞈ nehˬ-euˬ meh. “Dzaˇ kʼoeˇ deuˬ yuˇ-awˇ, Miˬyehˇ gʼaˇ duˬ ngehˬ dah-eu tsawˇ haˬ kʼoeˇ deuˬ-ahˇ bi dzaˬ-awˬ” lehˇ, aˬ yawꞈ-euˬ zaˬ kʼaˆ-ahˇ Eˇliˇshehˇ ehˇ nehˬ-euˬ meh.

Maꞈtehˬ 12:40

Ngaˬ shaˬ shaˬ ma-euˬ uˬ maˆ laꞈ kʼoeˇ Yawˇnaˆ smˬ nah smˬ miˇ uˇ-euˬ loꞈ-ehˇ, Tsawˇhaˬ-euˬ Zaˬmaˇ kʼawꞈ, miˇ tsaˬ dawˬ dah smˬ nah smˬ miˇ ya uˇ tehꞈ-a.

Maꞈtehˬ 14:13

Yoˇhaˬ-euˬ gaˇ kawˆ Yeˬsuˇ ya gaˬ ngeh, jawˇ duˬ kʼoeˇ tsahˇ-ahˇ neh doˆ-iˇ-awˇ, ciˬ cuˇ ni gʼeh-eu jawˇ duˬ-ahˇ tiˬ gʼaˬ tehꞈ-ehˇ iˇ-euˬ meh. Aˬ yawꞈ iˇ-euˬ gaˇ kawˆ tsawˇ haˬ aˇ maꞈ ya siˬ ngeh, aˬ yawꞈ maꞈ jawˇ-eu meuˬ deuˬ-ahˇ neh doˆ laˇ-awˇ, aˬ yawꞈ-euˬ mehˬ nah kuiˇ zoˬ caw teh-iˇ-euˬ meh.

Maꞈtehˬ 15:33

Zaˬ lahˇ deuˬ aˬ yawꞈ-ahˇ ehˇ-eu, “Heu loꞈ-ehˇ gʼeh-eu bawˇ tsahˬ bawˇ dahˇ kʼaˇ shuiꞈ deh yaˇ laꞈ kʼoeˇ, tsawˇ haˬ heu myaˆ ni-ahˇ bi dzaˬ bi dawˇ loꞈ-eu gʼaˇ duˬ, dzaˬ dzaˬ dawˇ dawˇ aˬ gaˇ laˬ-iˇ nmˇ.”

Maꞈtehˬ 20:34

Aˬ yawꞈ nyaꞈ-ahˇ Yeˬsuˇ gʼawˬ shaˬ haw gaˬ-awˇ, myaˆ nuiˆ-ahˇ toeˬ ciˆ nehˬ ngeh, aˬ yawꞈ nyaꞈ-euˬ myaˆ nuiˆ tiˬ poˆ tehꞈ-ehˇ mawˇ laˇ-awˇ, aˬ yawꞈ-euˬ mehˬ nah caw teh gʼeh-euˬ meh.

Maꞈtehˬ 27:63

Aˬ yawꞈ maꞈ sahˬ paˬ Piˇlaˆ-ahˇ ehˇ nehˬ-eu, “Sahˬ paˬ-oˇ, jaꞈ myawꞈ aˬ da kʼoeˇ gʼaˬ maˬ shiˇ mi naˆ-ehˇ, smˬ nah byah laˇ naˇ Miˬyehˇ aˬ yawꞈ-ahˇ paˇ bi gʼoꞈ dehꞈ laˇ meh lehˇ aˬ yawꞈ ehˇ-eu nga maꞈ ya gaˬ taˬ-euˬ ma.

Maꞈtehˬ 9:36

Tsawˇ haˬ aˇ maꞈ-ahˇ aˬ yawꞈ ya mawˇ ngeh, gʼawˬ shaˬ haw gaˬ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ-aˬ, yawˇ bo-eu yaw sahˇ maˬ baw-eu yawˇ deuˬ loꞈ-ehˇ, guˆ-awˇ gʼaˬ baˬ luꞈ-eu meh.

Maˬkuˆ 9:22

Miˬ dzaˬ-ahˇ bi coˬ puiˆ-awˇ, iˇ cuꞈ-ahˇ bi coˬ duiˆ-eu laꞈ kʼoeˇ, aˬ yawꞈ ya shiˇ ni nehꞈ teu mawˇ gʼawˬ mya poˆ leh jeh-euˬ meh. Gʼeh nya naˇ, nga nyaꞈ da zaˬ-ahˇ gʼawˬ shaˬ gaˬ-eu laꞈ kʼoeˇ, tiˬ poˆ caw ba nehˬ laꞈ-awˬ lehˇ shaˇ-eu ma.”

Luˇkaꞈ 7:13

Miˬ coeˬ miˬ ma kʼoeˇ gʼaˬ-ahˇ Sahˬpaˬ Yeˬsuˇ ya mawˇ ngeh, gʼawˬ shaˬ haw gaˬ-awˇ, “Taˬ ngoeˇ” lehˇ ehˇ nehˬ-euˬ meh.

Gʼaˬkʼehˇ 27:33

Uˬ bya bya taw taw laˇ ngeh, aˬ yawꞈ maꞈ dawˬ tawˆ luꞈ tiˬ jeˬ paˬ dzaˬ-eu gʼaˇ duˬ Pawˇluˆ gʼaˬ biꞈ-euˬ meh. Aˬ yawꞈ ehˇ-eu, “Naw maꞈ tiˬ jeˬ-iˬ maˬ dzaˬ ni heu loꞈ-ehˇ dzahˬ luꞈ-eu tseˇ oeˬ nah byah laˇ-euˬ meh.

HeˬByehˇ 4:15

Aˬ dui-euˬ Piˇma Yaw huiˬ gʼaˬ-aˬ, aˬ dui-euˬ gʼaˬ baˬ duˬ-ahˇ gʼawˬ shaˬ gaˬ-eu maˬ siˬ nya-eu gʼaˬ maˬ ngeuˇ-a. Aˬ dui loꞈ-ehˇ muˇ juˇ juˇ-eu yawˬ jeˬ na luꞈ-ahˇ ya daˬ haw-euˬ Piˇma Yaw huiˬ tiˬ gʼaˬ aˬ dui jawˇ-eu ma. Ehˇ kʼawꞈ, aˬ yawꞈ iˬ baˇ maˬ mˇ haw-aˬ.