Maꞈtehˬ 15:1 - Akha

¹ Kʼoeˇ naˇ, Paˬliˬsehˇ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ Yeˬsuˇ jawˇ gaˇ laˇ-awˇ, heu loꞈ-ehˇ ehˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Khoerngae, Paqliqsaer deuq hawr-eu zanr maeq-eu deuq, Yeqlursaqlaeq-anr nae Yeqsur jawr-eu gar oe-awr aer-eu,

Maꞈtehˬ 15:1 Iomraidhean Croise

Maꞈtehˬ 23:2

“Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˇsehˇ deuˬ-aˬ, Moˇseˬ-euˬ Zahˇ dawˬ kʼoꞈ dawˬ-ahˇ dawˬ tsuiꞈ yuˇ doˆ-eu aˬ kawˬ-aˬ za taˬ-euˬ tsawˇ haˬ deuˬ meh.

Maꞈtehˬ 5:20

Ngaˇ naw maꞈ-ahˇ ehˇ nehˬ nyaˇ. Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˬsehˇ deuˬ naˆ maˬ tseˇ naw maꞈ yaw tsaˬ yaw dawˇ jeˬ maˬ ahˇ dzehˬ naˇ, mˬ taˆ Miˇ kʼahˬ laꞈ kʼoeˇ naw maꞈ maˬ ya uˇ leˇ-a.

Maˬkuˆ 3:22

Yeˬluˇsaˬlehˬ meuˬ-ahˇ neh oe-euˬ Zahˇ dawˬ kʼoꞈ dawˬ mehˬ-eu saˬ laˬ tiˬ paˆ na deuˬ-aˬ, “Aˬ yawꞈ-euˬ laꞈ kʼoeˇ Beˬlaˇzeˬbuˇlaˆ uˇ-eu nga. Nehꞈ sahˬ paˬ neh aˬ yawꞈ-ahˇ nehꞈ teh doˆ nya-eu baoˬ biꞈ taˬ-euˬ nga” lehˇ ehˇ-eu meh.

Luˇkaꞈ 5:17

Tiˬ nah-aˬ, Yeˬsuˇ mehˬ nehˬ tsoˆ nehˬ luꞈ ngeh, Paˬliˬsehˇ tiˬ paˆ na deuˬ hawˇ-eu, Zahˇ dawˬ kʼoꞈ dawˬ mehˬ-eu saˬ laˬ tiˬ paˆ na deuˬ kʼawꞈ, nuiˇ luꞈ-eu meh. Aˬ yawꞈ maꞈ-aˬ, Gaˬliˬlehˇ miˇ kʼahˬ hawˇ-eu Yuˇdaˆ miˇ kʼahˬ-ahˇ jaˆ-eu meuˬ yawˬ meuˬ na luꞈ hawˇ-eu, Yeˬluˇsaˬlehˬ meuˬ-ahˇ jawˇ-eu oe-euˬ meh. Naˇ-eu gawˇ-eu tsawˇ haˬ deuˬ-ahˇ Yeˬsuˇ laˆ taˬ nehˬ nya ni, Sahˬpaˬ Miˬyehˇ-euˬ baoˬ aˬ yawꞈ nehˬ-ehˇ jawˇ luꞈ-eu meh.

Luˇkaꞈ 5:21

Kʼoeˇ ngeh, Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˬsehˇ deuˬ tiˬ gʼaˬ tiˇ gʼaˬ ehˇ-eu, “Miˬyehˇ-ahˇ yehˬ bawˬ sehˇ lu-ehˇ ehˇ-eu tsawˇ haˬ teu gʼaˬ aˬ suˇ gʼaˬ nga. Miˬyehˇ maˬ ngeuˇ naˇ aˬ suˇ gʼaˬ iˬ baˇ pyehˬ nehˬ nya ta.”

Luˇkaꞈ 5:30

Paˬliˬsehˇ deuˬ hawˇ-eu aˬ yawꞈ maꞈ-euˬ aˇ muˇ-ahˇ taꞈ-eu Zahˇ dawˬ kʼoꞈ dawˬ mehˬ-eu saˬ laˬ deuˬ, Yeˬsuˇ-euˬ zaˬ lahˇ deuˬ-ahˇ ehˇ nehˬ-eu, “Aˬ jeˬ miˇ neh kawˬ taꞈ-eu tsawˇ haˬ deuˬ hawˇ-eu iˬ baˇ zaˬ deuˬ nehˬ-ehˇ naw maꞈ dzaˬ taꞈ dawˇ taꞈ te.”

Yoˇhaˬ 1:19

Yeˬluˇsaˬlehˬ meuˬ-ahˇ jawˇ-eu Yuˇdaˆ tsawˇ haˬ aˬ yuiꞈ aˬ tsu deuˬ neh, piˇ ma deuˬ hawˇ-eu Leˬbiˇ tsawˇ haˬ deuˬ-ahˇ Yoˇhaˬ jawˇ gaˇ kʼehˇ gʼeh-awˇ, “Nawˇ aˬ suˇ gʼaˬ te” lehˇ bi naˇ haˬ-iˇ-euˬ meh.

Gʼaˬkʼehˇ 23:9

Paˬliˬsehˇ aˇ muˇ-ahˇ taꞈ-eu Zahˇ dawˬ kʼoꞈ dawˬ mehˬ-eu saˬ laˬ tiˬ paˆ na deuˬ tsawˬ tuˇ laˇ-awˇ ehˇ-eu, “Tsawˇ haˬ heu gʼaˬ-euˬ yaw lehˬ tiˬ jeˬ-iˬ aˬ dui maˬ mawˇ-aˬ. Yaw sahˇ neh maˬ ngeuˇ naˇ, mˬ taˆ gʼaˬ kʼehˇ neh aˬ yawꞈ-ahˇ dawˬ ngehˬ cawˬ-euˬ maˬ siˬ tawˇ.”

Gʼaˬkʼehˇ 25:7

Pawˇluˆ laˇ keuˆ ngeh, Yeˬluˇsaˬlehˬ meuˬ-ahˇ neh oe-euˬ Yuˇdaˆ tsawˇ haˬ deuˬ aˬ yawˬ-euˬ tiˬ jawˬ yawꞈ-awˇ, aˬ yawꞈ lehˬ dui dui-eu gaˇ kawˆ gʼawˬ mya jeˬ ehˇ-eu meh. Ehˇ kʼawꞈ, aˬ yawꞈ maꞈ ehˇ-eu kʼoeˇ saˇ kiˇ maˬ jaˆ-eu uˬ taꞈ, yaw duˬ maˬ baw-a.