Maꞈtehˬ 14:6 - Akha

⁶ Heˬloˆ dehꞈ le-euˬ aˇ nah-ahˇ noeˬ keuˆ-eu bawˬ-iˬ gʼeh luꞈ ngeh, tsawˇ haˬ dawˬ tawˆ luꞈ-euˬ mehˬ shi Heˬloˇdiˇ-euˬ aˬ buˇ gaˇ nyeh nyeh mehˬ gaˇ, Heˬloˆ nui ma tsaˬ dui dui-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Heqlor daefle-euq arnan-anr noeqkeuv-eu yawbui builuf ngae, Heqlordir-euq zaqmiq, tsawrhaq khoermyav ni-euq maeqshi garnyae nyae-eu gar Heqlor nuikhanrshir duidui-eu mae.

Maꞈtehˬ 14:6 Iomraidhean Croise

Aˇ dahˬ 40:20

Smˬ nah byah laˇ ngeh, sahˬ paˬ dehꞈ le-euˬ bawˬ-iˬ jahˇ-eu aˇ nah paˇ keuˆ laˇ-euˬ miˇ neh, aˬ yawꞈ-euˬ gaˇ mˇ-eu yaw huiˬ yaw mahˇ deuˬ-ahˇ kuˇ uiˬ-awˇ, bawˬ-iˬ gʼeh-eu laꞈ kʼoeˇ dzaˬ taꞈ dawˇ taꞈ-euˬ meh. Kʼoeˇ ngeh, aˬ yawꞈ gʼaˇ duˬ aˬ gaꞈ dzaˇ uiˇ jahˇ-eu paw aˬ yuiꞈ geuꞈ-eu gʼaˬ hawˇ-eu, kaˬ muˇ jahˇ-eu paw aˬ yuiꞈ geuꞈ-eu gʼaˬ-ahˇ pyehˬ doˆ-awˇ, yaw huiˬ yaw mahˇ deuˬ-euˬ mehˬ shi bi sheuˬ laꞈ-euˬ meh.

Iˇsaˬtaˆ 2:18

Iˇsaˬtaˆ-ahˇ taˬ huiˬ-eu laꞈ kʼoeˇ huiˬ dui dui-eu dzaˬ byawˇ tiˬ byawˇ sahˬ paˬ lawˇ-awˇ, aˬ yawꞈ-euˬ gaˇ mˇ-eu yaw huiˬ yaw mahˇ deuˬ hawˇ-eu miˇ kʼahˬ-ahˇ uˆ lahˇ-eu sahˬ paˬ sahˬ ma bi geuꞈ-euˬ deuˬ dawˬ tawˆ luꞈ-ahˇ kuˇ uiˬ-euˬ meh. Aˇ nah kʼoeˇ nah laꞈ kʼoeˇ aˬ yawꞈ-euˬ miˇ kʼahˬ kʼahˬ lah ni gaˇ maˬ mˇ ni bi naˬ-awˇ, sahˬ paˬ tiˬ gʼaˬ biꞈ-eu geuˇ-eu laꞈ sawˬ deuˬ, miˇ kʼahˬ zaˬ deuˬ-ahˇ bi biˇ nehˬ-euˬ meh.

Maꞈtehˬ 14:3

Heˬloˆ-aˬ, Yoˇhaˬ-ahˇ nyehꞈ-eu gʼaˇ duˬ dawˬ biꞈ-awˇ, tawˬ-ahˇ bi dawˆ taˬ-euˬ meh. Aˬ yawꞈ-euˬ mehˇ nmˇ Piˇliˇpuˆ-euˬ miˬ zaˬ Heˬloˇdiˇ baˬ da neh, aˬ yawꞈ kʼoeˇ loꞈ-ehˇ jahˇ-euˬ meh.

Maꞈtehˬ 14:7

Kʼoeˇ miˇ neh, “Nawˇ kʼaˇ shaˇ-eu jeˬ biꞈ ma lehˇ ngaˇ saˇ jaˇ dzaˬ-eu ma” lehˇ, aˬ buˇ kʼoeˇ buˇ-ahˇ Heˬloˆ ehˇ nehˬ-euˬ meh.

Maꞈtehˬ 22:24

“Saˬ laˬ-oˇ, Moˇseˬ neh ehˇ taˬ-euˬ heu loꞈ-ehˇ jaˆ-eu meh. ‘Tsawˇ haˬ tiˬ gʼaˬ zaˬ maˬ jawˇ le mi naˆ-ehˇ shiˇ naˇ, aˬ yawꞈ-euˬ tsuiꞈ maˬ ya bi dahˬ-iˇ-eu gʼaˇ duˬ, aˬ yawꞈ-euˬ miˬ zaˬ-ahˇ aˬ yawꞈ-euˬ aˬ nyiˇ paˇ ya bi sheuˬ meh’ lehˇ ehˇ taˬ-euˬ meh.

Maˬkuˆ 6:14

Gaˇ kawˆ kʼoeˇ deuˬ dawˬ tawˆ luꞈ sahˬ paˬ Heˬloˆ ya gaˬ-euˬ meh. Aˬ jeˬ miˇ neh ehˇ naˇ, Yeˬsuˇ-euˬ gaˇ kawˆ yawˬ gaˇ na luꞈ gaˬ doe-iˇ luꞈ-eu meh. “Iˇ cuꞈ shawˇ-eu Yoˇhaˬ gʼoꞈ dehꞈ laˇ-euˬ ngaˇ. Kʼoeˇ miˇ neh, zahˬ leˇ paˬ-ehˇ gʼeh-eu gaˇ heu deuˬ mˇ nya-eu baoˬ aˬ yawꞈ jaˆ-eu ngaˇ” lehˇ, tsawˇ haˬ tiˬ paˆ na deuˬ ehˇ-eu meh.

Maˬkuˆ 6:17

Heˬloˆ-aˬ, yawˬ ha-euˬ mehˇ nmˇ tsi tsi ni gʼeh-eu Piˇliˇpuˆ-euˬ miˬ zaˬ Heˬloˇdiˇ-ahˇ sheuˬ-euˬ meh. Zaˬ miˬ zaˬ kʼoeˇ gʼaˬ baˬ da neh, Yoˇhaˬ-ahˇ paꞈ-awˇ tawˬ-ahˇ bi dawˆ-eu gʼaˇ duˬ, Heˬloˆ neh dawˬ biꞈ-euˬ meh.

Maˬkuˆ 6:19

Kʼoeˇ miˇ neh, Yoˇhaˬ-ahˇ Heˬloˇdiˇ muiˇ dui dui-awˇ, sehꞈ mawꞈ-eu meh. Ehˇ kʼawꞈ, Heˬloˆ-ahˇ maˬ laˆ tawˆ nya-eu miˇ neh, maˬ sehꞈ nya-ehˇ jawˇ-euˬ meh.

Maˬkuˆ 8:15

Zaˬ lahˇ deuˬ-ahˇ Yeˬsuˇ ehˇ nehˬ-eu, “Noeˬ gahˇ-awˬ. Paˬliˬsehˇ deuˬ-euˬ dehˬ tseˬ hawˇ-eu sahˬ paˬ Heˬloˆ-euˬ dehˬ tseˬ-ahˇ naw maꞈ yaw kʼaˆ kʼaˆ-ehˇ ya yahˇ meh.”

Luˇkaꞈ 13:31

Kʼoeˇ ngeh, Paˬliˬsehˇ tiˬ paˆ na deuˬ Yeˬsuˇ jawˇ gaˇ laˇ-awˇ, “Heu gaˇ taˬ paˇ jawˇ. Sahˬ paˬ Heˬloˆ nawˬ-ahˇ sehꞈ mawꞈ-eu meh” lehˇ ehˇ-eu meh.

Luˇkaꞈ 23:11

Heˬloˆ hawˇ-eu aˬ yawꞈ-euˬ yehˇ deuˬ Yeˬsuˇ-ahˇ yehˬ bawˬ sehˇ lu-ehˇ ehˇ-awˇ naˬ gʼa-euˬ meh. Kʼoeˇ loꞈ-ehˇ jahˇ gʼaˬ ngeh, sahˬ paˬ sahˬ ma deuˬ dm-eu muiˬ dui dui-eu mehˬ tsoeˬ bi dm-awˇ, sahˬ paˬ Piˇlaˆ jawˇ gaˇ bi sheuˬ kʼoꞈ gʼeh-euˬ meh.

Luˇkaꞈ 23:7

Yeˬsuˇ-aˬ, sahˬ paˬ Heˬloˆ uˆ lahˇ-eu miˇ kʼahˬ-ahˇ jawˇ-eu tsawˇ haˬ pyeuꞈ-eu gaˇ kawˆ sahˬ paˬ Piˇlaˆ ya siˬ ngeh, Yeˬluˇsaˬlehˬ meuˬ-ahˇ laˇ taˬ-awˇ jawˇ-eu sahˬ paˬ Heˬloˆ jawˇ gaˇ bi sheuˬ gʼeh-euˬ meh.

Luˇkaꞈ 3:1

Gehˇsaˬ Deˬbeˬliˇ dzoeˬ dzaˬ-eu tseˇ ngaˬ kʼoꞈ byah laˇ ngeh, Yuˇdaˆ miˇ kʼahˬ-ahˇ BoˬtiˆPiˇlaˆ uˆ lahˇ-awˇ, Gaˬliˬlehˇ miˇ kʼahˬ-ahˇ Heˬloˆ uˆ lahˇ-awˇ, Iˇtuˬlehˇ miˇ kʼahˬ hawˇ-eu Daˬlaˬgawˇniˇ miˇ kʼahˬ-ahˇ Heˬloˆ-euˬ aˇ doˆ Piˇliˇpuˆ uˆ lahˇ-awˇ, Aˬbiˇleˬ miˇ kʼahˬ-ahˇ Luˇsaˬniˇ uˆ lahˇ luꞈ-eu meh.

Luˇkaꞈ 3:19

Ehˇ kʼawꞈ, sahˬ paˬ Heˬloˆ-aˬ, aˬ yawꞈ-euˬ aˇ doˆ-euˬ miˬ zaˬ pyeuꞈ-eu Heˬlawˇdiˇ-ahˇ sheuˬ-euˬ uˬ taꞈ, yaw haiˬ gʼawˬ mya jeˬ mˇ-euˬ miˇ neh, lehˬ dui dui meh lehˇ Yoˇhaˬ ehˇ-euˬ meh.

Luˇkaꞈ 8:3

Heˬloˆ-euˬ saˇ naˇ-ahˇ gaˇ mˇ-eu Kuˇzaˬ-euˬ nymˇ dahˬ Yoˇaˬnaˆ tiˬ gʼaˬ, Suˬsaˇnaˬ tiˬ gʼaˬ hawˇ-eu, nui deuˬ gʼawˬ mya gʼaˬ meh. Zaˬ miˬ zaˬ kʼoeˇ deuˬ-aˬ, yawˬ ha kʼaˇ jaˆ-eu jeˬ yuˇ doˆ-awˇ, Yeˬsuˇ hawˇ-eu aˬ yawꞈ-euˬ zaˬ lahˇ deuˬ-ahˇ caw ba nehˬ-euˬ meh.

Gʼaˬkʼehˇ 12:1

Aˇ yamˬ kʼoeˇ yamˬ laꞈ kʼoeˇ, Ka li zaˬ aˇ muˇ laꞈ kʼoeˇ uˇ-eu tsawˇ haˬ tiˬ paˆ na deuˬ-ahˇ, sahˬ paˬ Heˬloˆ neh kʼehˬ-euˬ meh.

Gʼaˬkʼehˇ 4:27

Nawˬ neh Ka li bi geuꞈ-euˬ nawˬ-euˬ muiˬ-eu shawˇ-eu Zaˬ kʼaˆ pyeuꞈ-eu Yeˬsuˇ-ahˇ muiˇ-eu gʼaˇ duˬ, Heˬloˆ hawˇ-eu Boˬtiˇ Piˇlaˆ aˬ nyaꞈ, lawˇ ciꞈ zaˬ deuˬ hawˇ-eu Iˇsaˬleˬlaˇ tsawˇ haˬ deuˬ nehˬ-ehˇ meuˬ heu meuˬ laꞈ kʼoeˇ aˬ diˇ aˬ maˇ mehˬ bawˬ mˇ-euˬ meh.