Maꞈtehˬ 13:41 - Akha

⁴¹ Tsawˇhaˬ-euˬ Zaˬmaˇ-aˬ, aˬ yawꞈ-euˬ mˬ taˆ gʼaˬ kʼehˇ deuˬ-ahˇ pyehˬ gʼeh leꞈ-awˇ, aˬ cawˬ iˬ baˇ mˇ ni jahˇ-eu tsawˇ haˬ dawˬ tawˆ luꞈ hawˇ-eu, yaw haiˬ jeˬ kʼaˇ mˇ-eu tsawˇ haˬ dawˬ tawˆ luꞈ-ahˇ, aˬ yawꞈ-euˬ Miˇ kʼahˬ laꞈ kʼoeˇ neh bi sheuˬ doˆ uiˬ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴¹ Tsawrhaq-euq Zaqyo, aqyawf-euq mqtav ghaqkhaer deuq-anr khaerlef-awr, aqcawq-anr sanqtif bi tiflar-eu yawqjeq navluf hawr-eu zanrdawq-anr leur-eu jeq mr-eu tsawrhaq dawqtawv luf-anr, aqyawf-euq uvlanr-eu jeq-euq lafkhoer nae yurdovdzae taef-a.

Maꞈtehˬ 13:41 Iomraidhean Croise

2 Saˬmeuˬlaˆ 23:6

Miˬyehˇ-ahˇ maˬ gʼoe-eu deuˬ-aˬ, aˬ laꞈ neh maˬ toeˬ ciˆ nya-ehˇ, yaˇ dzeˇ biˬ dzeh-awˇ bi jaˆ-euˬ, aˬ gah baw duˆ-ahˇ duˇ-eu meh.

Zeˬpaˬniˇ 1:3

Tsawˇ haˬ hawˇ-eu jeˬ zaˬ maˬ ehˇ, ho zaˬ nga jiˇ dawˬ tawˆ maˬ ehˇ, ngaˬ shaˬ ngaˬ deˇ deuˬ-ahˇ maˬ ehˇ, dawˬ tawˆ luꞈ ngaˇ laˆ byoˆ jiˇ ma. Haiˬ-eu tsawˇ haˬ bi ga-iˇ-awˇ, miˇ tsaˬ heu kʼoeˇ taˆ kʼaˇ jawˇ-eu, tsawˇ jeuˬ dawˬ tawˆ laˆ byoˆ ma lehˇ, ngaˇ Sahˬpaˬ Miˬyehˇ ehˇ-eu ma.

Maꞈtehˬ 13:49

Miˇ tsaˬ heu aˇ saˬ saˬ-eu aˇ nah keuˆ le ngeh, kʼoeˇ loꞈ-ehˇ pyeuꞈ laˇ tehꞈ-a. Mˬ taˆ gʼaˬ kʼehˇ deuˬ doˆ le-awˇ, haiˬ-eu tsawˇ haˬ deuˬ hawˇ-eu yaw tsaˬ yaw dawˇ tsawˇ haˬ deuˬ-ahˇ tseˇ paˆ le tehꞈ-a.

Maꞈtehˬ 18:7

Tsawˇ haˬ zaˬ-euˬ jah-eu nui ma byoˆ-iˇ ni jahˇ-eu gʼawˬ mya jeˬ jaˆ-eu baˬ da neh, miˇ tsaˬ tahˬ kʼawˇ heu aˇ naˆ ni guˆ laˇ paˬ-ehˇ gʼeh-eu nga. Kʼoeˇ loꞈ-ehˇ gʼeh-eu jeˬ aˬ myah luꞈ jaˆ luꞈ meh. Ehˇ kʼawꞈ, kʼoeˇ loꞈ-ehˇ gʼeh-eu jeˬ bi doˆ laˇ ni mˇ-eu tsawˇ haˬ deuˬ ya noeˬ shaˬ dui dui tehꞈ-a.

Maꞈtehˬ 24:31

Daˇ heh baw-eu teˇ saˇ yaw kʼaˆ-ehˇ mahˇ doˆ laˇ-awˇ, aˬ yawꞈ-euˬ mˬ taˆ gʼaˬ kʼehˇ deuˬ-ahˇ miˇ ma oeˬ coeˇ oeˬ pyawˬ-ahˇ aˬ yawꞈ pyehˬ gʼeh-awˇ, mˬ dzeˇ miˇ dzeˇ heu coeˇ kʼoeˇ coeˇ doˆ ni jawˇ luꞈ-eu aˬ yawꞈ neh tseˇ doˆ-euˬ tsawˇ haˬ deuˬ bi sheuˬ uiˬ laꞈ tehꞈ-a.

Maꞈtehˬ 3:12

Aˬ yawꞈ-euˬ aˬ laꞈ-ahˇ, cehˇ baw shawˇ-eu baw seu tuˆ tehˬ taˬ-euˬ meh. Cehˇ maˇ deuˬ-ahˇ cehˇ jiˇ laꞈ kʼoeˇ pi ahˇ-awˇ, cehˇ kʼawꞈ deuˬ-ahˇ-aˬ, tiˬ jawˇ-iˬ maˬ miˆ-iˇ-eu miˬ dzaˬ tsawˬ bu laꞈ kʼoeˇ baꞈ puiˆ tehꞈ-a.”

Maꞈtehˬ 8:20

Tsawˇ haˬ kʼoeˇ gʼaˬ-ahˇ Yeˬsuˇ ehˇ nehˬ-eu, “Byaˬ hiˇ-aˬ bahˬ baw meh. Aˇ jiˇ kʼawꞈ bahˬ baw meh. Ehˇ kʼawꞈ, Tsawˇ haˬ-euˬ Zaˬmaˇ -aˬ, uˬ duˬ baꞈ daˇ-awˇ naˬ kʼaˇ tiˬ gaˇ-iˬ maˬ za-a.”

Maˬkuˆ 13:27

Aˬ yawꞈ-euˬ mˬ taˆ gʼaˬ kʼehˇ deuˬ-ahˇ miˇ ma oeˬ coeˇ oeˬ pyawˬ-ahˇ aˬ yawꞈ pyehˬ gʼeh-awˇ, mˬ dzeˇ miˇ dzeˇ kʼoeˇ dzeˇ heu dzeˇ doˆ ni jawˇ luꞈ-eu, Miˬyehˇ neh tseˇ doˆ-euˬ tsawˇ haˬ deuˬ bi sheuˬ uiˬ laꞈ tehꞈ-a.

Lormav 2:16

Kʼoeˇ miˇ neh, ngaˇ mehˬ luꞈ-eu Laˬ kʼaˬ cehˇ-eu Guiˬ lahˬ dawˬ heu ehˇ mawꞈ-eu-aˬ, tsawˇ haˬ zaˬ-euˬ nui ma laꞈ kʼoeˇ zaꞈ taˬ-euˬ nui noeˬ kʼoeˇ-ahˇ, Yeˬsuˇ Ka li-ahˇ gʼoe-awˇ Miˬyehˇ yaˇ kʼaˬ daˇ ngeh Nah, kʼoeˇ loꞈ-ehˇ daˇ tehꞈ-a.

HeˬByehˇ 1:14

Toˆ-ehˇ ngeuˇ naˇ, mˬ taˆ gʼaˬ kʼehˇ deuˬ aˬ jeˬ-a. Aˬ yawꞈ maꞈ-aˬ, ka kʼoꞈ-eu jeˬ za-eu tsawˇ haˬ deuˬ-ahˇ bi caw ba-eu gʼaˇ duˬ Miˬyehˇ neh kʼehˇ gʼeh leꞈ-euˬ, aˬ yawꞈ-euˬ gaˇ mˇ-eu yaw sahˇ deuˬ pyeuꞈ-eu meh.

Panmaeq 21:27

Ehˇ kʼawꞈ, maˬ muiˬ maˬ shawˇ-eu jeˬ tiˬ jeˬ-iˬ meuˬ kʼoeˇ meuˬ laꞈ kʼoeˇ maˬ ya hehˇ ahˇ gʼeh-a. Shaꞈ dawˇ-eu jeˬ mˇ-eu tsawˇ haˬ hawˇ-eu jaˬ myawꞈ myawꞈ-eu tsawˇ haˬ deuˬ kʼawꞈ, maˬ ya uˇ leˇ-a. Yawˇzaˬ-euˬ dehꞈ-eu saꞈ laˇ sahˬ boꞈ laꞈ kʼoeˇ tsawˇ myahˇ ahˇ-eu tsawˇ haˬ deuˬ tehꞈ-ehˇ kʼoeˇ gaˇ ya uˇ leˇ-eu meh.