Maꞈtehˬ 13:40 - Akha

⁴⁰ Shmˇ ma-ahˇ gʼoˆ uiˬ-awˇ, miˬ dzaˬ-ahˇ baꞈ puiˆ-eu loꞈ-ehˇ, miˇ tsaˬ heu aˇ saˬ saˬ ngeh nah kʼoeˇ loꞈ-ehˇ pyeuꞈ laˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁰ “Shmrma-anr dzanq-awr, miqdzaq nae keuqdzae-eu lof-aer, mirtsaq heu arsaqsaq ngae nan khoerlof-aer pyeuflar taef-a.

Maꞈtehˬ 13:40 Iomraidhean Croise

Maꞈtehˬ 12:32

Tsawˇhaˬ-euˬ Zaˬmaˇ-ahˇ ngehˬ bahˬ tmˇ bahˬ-euˬ tsawˇ haˬ-ahˇ, Miˬ yehˇ iˬ baˇ pyehˬ nehˬ nya tehꞈ-a. Ehˇ kʼawꞈ, Muiˬ-eu shawˇ-eu Yaw sahˇ Miˬyehˇ-ahˇ ngehˬ bahˬ tmˇ bahˬ-euˬ tsawˇ haˬ-ahˇ, mˬ maˬ maˬ byaˆ zaˇ ziˇ iˬ baˇ maˬ pyehˬ nehˬ nya-a.

Maꞈtehˬ 13:22

Aˬ gah gah yaˇ-ahˇ ga-iˇ-euˬ siˬ yoeˬ lehˇ ehˇ-eu-aˬ, dawˬ kʼoeˇ deuˬ-ahˇ ya gaˬ-euˬ kʼawꞈ, shiˬ shaˬ jiˇ gaˇ kawˆ kʼahˬ lahˇ-eu jeˬ hawˇ-eu, pyuˇ shuiˇ myawˬ gahˬ-ahˇ gaˬ-eu nui ma neh bi uˆ tehˬ-awˇ, aˇ siˬ maˬ siˬ le nya-eu tsawˇ haˬ deuˬ-ahˇ ehˇ mawꞈ-eu meh.

Maꞈtehˬ 13:39

Shmˇ ma sehˬ kʼoeˬ-eu muiˇ-eu gʼaˬ lehˇ ehˇ-eu-aˬ, Nehꞈ sahˬ paˬ-ahˇ ehˇ-eu meh. Cehˇ laˆ luiˆ-eu aˇ yamˬ lehˇ ehˇ-eu-aˬ, miˇ tsaˬ heu aˇ saˬ saˬ-eu aˇ yamˬ-ahˇ ehˇ-eu meh. Cehˇ yehˬ cehˇ diˬ-eu tsawˇ haˬ deuˬ lehˇ ehˇ-eu-aˬ, mˬ taˆ gʼaˬ kʼehˇ deuˬ-ahˇ ehˇ-eu meh.

Maꞈtehˬ 13:49

Miˇ tsaˬ heu aˇ saˬ saˬ-eu aˇ nah keuˆ le ngeh, kʼoeˇ loꞈ-ehˇ pyeuꞈ laˇ tehꞈ-a. Mˬ taˆ gʼaˬ kʼehˇ deuˬ doˆ le-awˇ, haiˬ-eu tsawˇ haˬ deuˬ hawˇ-eu yaw tsaˬ yaw dawˇ tsawˇ haˬ deuˬ-ahˇ tseˇ paˆ le tehꞈ-a.

Maꞈtehˬ 24:3

Saˬloˬ gawˬ jawˬ-ahˇ Yeˬsuˇ nuiˇ luꞈ ngeh, zaˬ lahˇ deuˬ tehꞈ-ehˇ aˬ yawꞈ jawˇ gaˇ laˇ-awˇ ehˇ-eu, “Uˬ duˬ tahˬ nymˇ nymˇ ma cawˆ-iˇ-eu aˇ yamˬ kʼoeˇ aˬ myah keuˆ le ta lehˇ ehˇ nehˬ laꞈ sheˇ. Miˇ tsaˬ heu aˇ saˬ saˬ-eu dawˬ peh peh laˇ-awˇ, nawˇ zaꞈ le-eu aˇ yamˬ keuˆ le-euˬ nga lehˇ, aˬ jeˬ-ahˇ haw-awˇ ya siˬ nmˇ.”

Maꞈtehˬ 28:20

Ngaˬ neh naw maꞈ-ahˇ dawˬ kʼaˇ biꞈ taˬ-euˬ yawˬ jeˬ na luꞈ, aˬ yawꞈ maꞈ naˇ haˬ-awˇ caw teh ni mehˬ nehˬ tsoˆ nehˬ-awˬ. Miˇ tsaˬ heu aˇ saˬ saˬ ngeh keuˆ ni, naw maꞈ nehˬ-ehˇ aˬ myah luꞈ ngaˇ jawˇ ma.”

1 Gawˇliˬtu 10:11

Gaˇ kawˆ kʼoeˇ deuˬ aˬ yawꞈ maꞈ kʼoeˇ taˆ keuˆ le-euˬ kʼoeˇ-aˬ, aˬ cawˬ bi dzaw geuꞈ-eu gʼaˇ duˬ pyeuꞈ-awˇ, aˬ dui kʼawꞈ dzaw geuꞈ-awˇ bi yahˇ-eu gʼaˇ duˬ boꞈ ka leꞈ-euˬ meh. Aˬ jeˬ miˇ neh ehˇ naˇ, aˬ duiˬ-euˬ ziˇ heu ziˇ-ahˇ miˇ tsaˬ heu aˇ saˬ saˬ-eu aˇ yamˬ peh le taˬ-euˬ meh.

HeˬByehˇ 9:26

Kʼoeˇ loꞈ-ehˇ ya lawˇ law nmˇ-aˬ, mˬ beh miˇ beh ngeh neh aˇ dahˬ beh-awˇ, aˬ yawꞈ gʼawˬ mya poˆ ya kamˇ shiˇ-euˬ tehꞈ-a. Ehˇ kʼawꞈ, nymˬ-mˇ miˇ tsaˬ heu aˇ saˬ saˬ-eu dawˬ peh peh laˇ-euˬ aˇ yamˬ heu laꞈ kʼoeˇ, mˬ maˬ maˬ byaˆ zaˇ ziˇ gʼaˇ duˬ gmˬ ni aˬ yawꞈ tiˬ poˆ tehꞈ-ehˇ doˆ le-awˇ, aˬ yawꞈ-euˬ gʼawˇ mawˇ lawˇ nehˬ-eu laꞈ kʼoeˇ, iˬ baˇ yuˇ dzeh le-euˬ meh.