Maꞈtehˬ 13:3 - Akha

³ Aˬ yawꞈ yaw jeˬ ma jeˬ ja ja-ehˇ, gʼawˬ mya jeˬ mehˬ nehˬ tsoˆ nehˬ-euˬ meh. “Siˬ yoeˬ sehˬ-eu tsawˇ haˬ tiˬ gʼaˬ siˬ yoeˬ sehˬ-iˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Aqyawf yawjeq majeq dawq zmq-awr nae aqyawf maf-anr ghawqmya jeq maeqnaeq-eu lafkhoer heulof-aer aer-eu mae: “Siqyoeq saeq-eu tiq ghaq siqyoeq saeq-ir-euq mae.

Maꞈtehˬ 13:3 Iomraidhean Croise

Jaceuq 49:4

Tsawˇ mawˬ dawˬ daˬ-ahˇ ngaˇ shaˇ noeˬ-awˇ, deuˇ-mˬ diˬ-awˇ dawˬ tsuiꞈ yuˇ doˆ ma.

Jaceuq 78:2

Tsawˇ gahˇ ahˇ-eu dawˬ daˬ deuˬ ngaˇ zmˬ-awˇ, dzeuˇ yaꞈ-euˬ gaˇ kawˆ dawˬ tsuiꞈ pah mehˬ nehˬ ma.

Yeˬsaˬgeˬlaˇ 17:2

“Tsawˇ haˬ zaˬ-oˇ, Iˇsaˬleˬlaˆ tsawˇ haˬ deuˬ-ahˇ yaw jeˬ ma jeˬ gaˇ kawˆ tiˬ hmˬ ja mehˬ nehˬ-awˬ.

Yeˬsaˬgeˬlaˇ 20:49

Ehˇ kʼawꞈ, ngaˇ heu loꞈ-ehˇ shaˇ ju-euˬ ma. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, ngaˬ-ahˇ kʼoeˇ loꞈ-ehˇ taˬ bi ehˇ-iˇ neh laꞈ. Ngaˇ aˬ myah luꞈ dawˬ yehˆ tehꞈ-ehˇ yehˆ yehˆ-ehˇ jawˇ meh lehˇ aˬ yawꞈ maꞈ ehˇ luꞈ meh.”

Miˇkaˬ 2:4

Aˇ nah kʼoeˇ nah-ahˇ naw maꞈ-ahˇ naˬ gʼa-eu caˇ dawˬ aˬ cawˬ caˇ-eu laꞈ kʼoeˇ, naw maꞈ neh ya daˬ-euˬ jeˬ gʼaˇ duˬ noeˬ shaˬ-eu gaˇ kawˆ heu loꞈ-ehˇ dawˬ kawˬ kawˬ-awˇ caˇ tehꞈ-a. ‘Nga maꞈ bi laˆ deuˬ dui dui-awˇ, geuꞈ-eu jeˬ maˬ paˇ ahˇ miˇ-a. Nga maꞈ-euˬ miˇ tsaˬ kʼawꞈ, Sahˬpaˬ Miˬyehˇ neh yuˇ doˆ-awˇ, nga maꞈ-ahˇ nyehꞈ gʼeh-euˬ deuˬ-ahˇ, aˬ yawꞈ neh biꞈ ahˇ nehˬ-euˬ meh.’ lehˇ caˇ tehꞈ-a.”

Haˬbaˬkuˆ 2:6

Kʼaˇ jawˇ kʼaˇ deuˬ yawꞈ-ahˇ bye-awˇ, yaˬ kʼehˇ maˬ toˇ-ehˇ jawˇ nmˇ loˇ. “Aˬ cawˬ-euˬ pyuˇ shuiˇ baꞈ uiˬ-awˇ, smˇ muiˬ aˬ da geuꞈ-eu gʼaˬ-oˇ, nawˇ dehꞈ dzaˬ-eu aˇ nah aˇ yamˬ, nymˇ le-euˬ siˬ nya ma loˇ” lehˇ, yaˬ kʼehˇ yaˬ gaˇ ya daˬ tehꞈ-a.

Maꞈtehˬ 13:4

Aˬ yawꞈ siˬ yoeˬ sehˬ ngeh, siˬ yoeˬ tiˬ paˆ na deuˬ gaˇ ma-ahˇ ga-iˇ-awˇ, aˇ jiˇ neh bi gʼoˆ dzaˬ jiˇ-euˬ meh.

Maꞈtehˬ 13:53

Yeˬsuˇ yaw jeˬ ma jeˬ kʼoeˇ deuˬ ja mehˬ gʼaˬ ngeh, jawˇ duˬ kʼoeˇ tsahˇ-ahˇ neh doˆ-iˇ-awˇ,

Maꞈtehˬ 22:1

Yeˬsuˇ yaw jeˬ ma jeˬ ja-awˇ, aˬ yawꞈ maꞈ-ahˇ heu loꞈ-ehˇ paˇ ehˇ nehˬ-euˬ meh.

Maꞈtehˬ 24:32

“Siˬ guˬ aˇ bawˇ-ahˇ haw-awˇ, yamˬ law toꞈ-awˬ. Laꞈ myaˆ myaˆ laˇ-awˇ baw nmˬ nmˬ doˆ laˇ naˇ, jawˇ la doˆ le meh lehˇ naw maꞈ siˬ nya meh.

Maˬkuˆ 12:1

Kʼoeˇ naˇ, Yeˬsuˇ aˬ yawꞈ maꞈ-ahˇ yaw jeˬ ma jeˬ heu hmˬ ja mehˬ nehˬ-euˬ meh. “Tsawˇ haˬ tiˬ gʼaˬ aˬ gaꞈ gaꞈ yaˇ tiˬ yaˇ ka-awˇ, yaˇ kmˇ mˇ jawˬ-awˇ, aˬ gaꞈ dzaˇ uiˇ nawˬ-eu duˬ kʼahˬ jahˇ-awˇ, yaˇ kmˇ-ahˇ loꞈ-eu nymˇ goˇ tiˬ nymˇ tsoˆ-euˬ meh. Kʼoeˇ naˇ, yaˇ kmˇ mˇ-eu deuˬ-ahˇ mˇ paˆ bi paˆ yaꞈ-awˇ, yawˬ kʼahˬ yawˬ miˇ yawˬ-ahˇ iˇ-euˬ meh.

Maˬkuˆ 12:12

Yuˇdaˆ tsawˇ haˬ aˬ yuiꞈ aˬ tsu deuˬ Yeˬsuˇ-ahˇ nyehꞈ-eu lehˇ leh jeh-eu meh. Aˬ jeˬ miˇ neh ehˇ naˇ, aˬ yawꞈ yaw jeˬ ma jeˬ heu hmˬ ja-eu-aˬ, aˬ yawꞈ maꞈ-ahˇ ehˇ mawꞈ-eu meh lehˇ, aˬ yawꞈ maꞈ siˬ nya-eu meh. Ehˇ kʼawꞈ, aˬ yawꞈ maꞈ tsawˇ haˬ aˇ maꞈ-ahˇ guˆ-eu miˇ neh, aˬ yawꞈ-ahˇ maˬ nyehꞈ ni doˆ-iˇ-euˬ meh.

Maˬkuˆ 3:23

Kʼoeˇ miˇ neh, aˬ yawꞈ maꞈ-ahˇ Yeˬsuˇ kuˇ-awˇ, yaw jeˬ ma jeˬ ja mehˬ-eu laꞈ kʼoeˇ, heu loꞈ-ehˇ ehˇ nehˬ-euˬ meh. “Nehꞈ Saˬdaˬ yawˬ haˇ yawˬ ha aˬ joˆ-ehˇ teh doˆ nya ta.

Maˬkuˆ 4:13

Kʼoeˇ naˇ, aˬ yawꞈ maꞈ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Yaw jeˬ ma jeˬ heu hmˬ naw maꞈ-ahˇ maˬ gʼoˆ shaw laˇ nya loˇ. Toˆ-ehˇ ngeuˇ naˇ, yaw jeˬ ma jeˬ kʼaˇ ja mehˬ-euˬ dawˬ tawˆ luꞈ-ahˇ naw maꞈ aˬ joˆ-ehˇ gʼoˆ shaw nya nmˇ.

Maˬkuˆ 4:33

Yeˬsuˇ-aˬ, kʼoeˇ loꞈ-ehˇ gʼeh-eu yaw jeˬ ma jeˬ ja ja-ehˇ, aˬ yawꞈ maꞈ kʼaˇ gʼoˆ shaw nya gaˇ keuˆ ni Miˬyehˇ dawˬ kawˬ mehˬ nehˬ-euˬ meh.

Luˇkaꞈ 12:41

Beˬtuˆluˆ ehˇ-eu, “Sahˬpaˬ-oˇ, yaw jeˬ ma jeˬ heu hmˬ nga maꞈ-ahˇ tehꞈ-ehˇ ehˇ nehˬ laꞈ te loˇ. Maˬ ngeuˇ naˇ, dawˬ tawˆ luꞈ-ahˇ ehˇ nehˬ te loˇ.”

Luˇkaꞈ 8:10

Yeˬsuˇ aˬ yawꞈ maꞈ-ahˇ ehˇ nehˬ-eu, “Miˬyehˇ Miˇkʼahˬ gaˇ kawˆ aˬ cawˬ maˬ gʼoˆ shaw nya-eu zaꞈ taˬ-euˬ jeˬ-ahˇ gʼoˆ shaw nya-eu tsawˇ gahˇ deuˬ, naw maꞈ-ahˇ biꞈ taˬ gʼaˬ-euˬ meh. Ehˇ kʼawꞈ, nui deuˬ-aˬ, ya mawˇ-euˬ kʼawꞈ maˬ siˬ nya-ehˇ, ya gaˬ-euˬ kʼawꞈ maˬ gʼoˆ shaw nya-eu miˇ neh, yaw jeˬ ma jeˬ ja-awˇ ya mehˬ nehˬ-eu meh.

Yoˇhaˬ 16:25

“Ngaˇ yaw jeˬ ma jeˬ ja ja-ehˇ, gaˇ kawˆ heu deuˬ naw maꞈ-ahˇ mehˬ nehˬ-euˬ ma. Ehˇ kʼawꞈ, ngaˇ yaw jeˬ ma jeˬ maˬ paˇ ja ni, Aˬda gaˇ kawˆ naw maꞈ-ahˇ dawˇ coe ni ya ehˇ nehˬ-eu aˇ nah keuˆ le tehꞈ-a.