Maꞈtehˬ 12:2 - Akha

² Paˬliˬsehˇ deuˬ kʼoeˇ gaˇ mawˇ ngeh, Yeˬsuˇ-ahˇ heu loꞈ-ehˇ ehˇ nehˬ-euˬ meh. “Haw sheˇ. Nawˬ-euˬ zaˬ lahˇ deuˬ Jawˇ nah-ahˇ maˬ mˇ kʼmˬ-eu jeˬ mˇ luꞈ ngaˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Paqliqsaer deuq khoer-anr mawr-awr Yeqsur-anr aernaeq-eu, “Hawsher-eq. Nawq-euq zaqlanr deuq landaw jawrnan-anr maq janrkhmq-eu jeq janrluf-eu nga.”

Maꞈtehˬ 12:2 Iomraidhean Croise

Doˆ-iˇ 23:12

“Tiˬ jaw laꞈ kʼoeˇ, koꞈ nah gaˇ mˇ-awˬ. Ehˇ kʼawꞈ, nawˬ-euˬ zaˬ kʼaˆ deuˬ hawˇ-eu, nawˬ-ahˇ gʼaˬ mahˇ mahˇ dzaˬ-eu boeˇ miˬ siˬ kʼaˬ deuˬ maˬ ehˇ, nawˬ-euˬ jeˬ zaˬ deuˬ maˬ ehˇ, gʼaˬ naˬ ya naˬ ni, shiꞈ nah tiˬ nah-ahˇ nawˇ gaˇ maˬ ya mˇ-a.

Doˆ-iˇ 35:2

Naw maꞈ yawˬ ha-euˬ gaˇ mˇ-eu gʼaˇ duˬ, aˇ yamˬ koꞈ nah jaˆ-eu meh. Ehˇ kʼawꞈ, shiꞈ nah tiˬ nah-aˬ, Sahˬpaˬ Miˬyehˇ pyeuꞈ-eu ngaˬ-ahˇ a nehˬ taˬ-euˬ muiˬ-eu shawˇ-eu gʼaˬ naˬ-naˬ-eu aˇ nah pyeuꞈ-eu meh. Aˇ nah kʼoeˇ nah laꞈ kʼoeˇ, gaˇ mˇ-eu tsawˇ haˬ aˬ geu gʼaˬ maˬ kaˬ, sehꞈ nehˬ gaˇ ya daˬ tehꞈ-a.

Iˇsaˬyaˇ 58:13

Sahˬpaˬ Miˬyehˇ heu loꞈ-ehˇ ehˇ-eu meh. “Jawˇ nah muiˬ-eu shawˇ-eu meh lehˇ siˬ-awˇ, yawˬ ha-euˬ nui kʼahˇ maˬ poˆ ni jawˇ-eu uˬ taꞈ, ngaˬ-euˬ nah muiˬ nah shawˇ-ahˇ taˬ huiˬ-eu laꞈ kʼoeˇ, maˬ mˇ maˬ shaˇ maˬ iˇ maˬ laˇ tsehˆ ni jawˇ-awˇ, maˬ muiˬ dawˬ doeˇ maˬ ngehˬ maˬ tmˇ doˆ ni jawˇ naˇ,

Maꞈtehˬ 12:10

Aˬ laꞈ tiˬ pyawˬ shiˇ-euˬ tsawˇ haˬ tiˬ gʼaˬ kʼoeˇ gaˇ jawˇ-eu meh. Yeˬsuˇ-ahˇ yaw lehˬ poˆ mawꞈ-eu tsawˇ haˬ deuˬ Yeˬsuˇ-ahˇ ehˇ-eu, “Jawˇ nah-ahˇ naˇ gawˇ laˆ taˬ nehˬ-eu Zahˇ dawˬ kʼoꞈ dawˬ-ahˇ maˬ bahˬ-a loˇ.”

Maꞈtehˬ 12:3

Yeˬsuˇ ehˇ-eu, “Daˬbiˇ hawˇ-eu aˬ yawꞈ-euˬ mehˬ nah caw teh-eu tsawˇ haˬ deuˬ hawˬ mehꞈ laˇ ngeh, Daˬbiˇ aˬ joˆ-ehˇ jahˇ-euˬ gaˇ kawˆ naw maꞈ maˬ ya gui haw-aˬ loˇ.

Maˬkuˆ 2:24

Paˬliˬsehˇ deuˬ Yeˬsuˇ-ahˇ ehˇ-eu, “Haw sheˇ. Aˬ jeˬ miˇ neh Jawˇ nah ngeh nah maˬ mˇ kʼmˬ-eu jeˬ aˬ yawꞈ maꞈ mˇ ta.”

Luˇkaꞈ 14:3

Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˬsehˇ deuˬ-ahˇ Yeˬsuˇ naˇ haˬ-eu, “Jawˇ nah ngeh nah naˇ-eu tsawˇ haˬ-ahˇ laˆ taˬ nehˬ-eu zahˇ dawˬ kʼoꞈ dawˬ-ahˇ bahˬ ta loˇ.”

Luˇkaꞈ 23:56

Kʼoeˇ naˇ, aˬ yawꞈ maꞈ gʼoꞈ leˇ-awˇ, Yeˬsuˇ-euˬ gʼawˇ mawˇ-ahˇ laˆ saˆ-eu gʼaˇ duˬ tsiˇ yaw saw gʼawˬ mya jeˬ lehˬ hmˬ leˇ-euˬ meh. Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ, Jawˇ nah kʼoeˇ nah-ahˇ aˬ yawꞈ maꞈ gʼaˬ naˬ naˬ-euˬ meh.

Luˇkaꞈ 6:2

Paˬliˬsehˇ tiˬ paˆ na deuˬ ehˇ-eu, “Aˬ jeˬ miˇ neh Jawˇ nah-ahˇ maˬ mˇ kʼmˬ-eu jeˬ naw maꞈ mˇ te.”