Maꞈtehˬ 11:5 - Akha

⁵ Myaˆ behꞈ mawˇ nya laˇ-euˬ, kuiˇ kuˆ cah nya laˇ-euˬ, coiˬ doi shawˇ laˇ-euˬ naˬ bawˬ gaˬ nya laˇ-euˬ, tsawˇ shiˇ gʼoꞈ dehꞈ laˇ-euˬ, shaˬ zaˬ zahˬ zaˬ deuˬ Laˬ kʼaˬ cehˇ-eu Guiˬ lahˬ dawˬ ya gaˬ-euˬ, gaˇ kawˆ heu deuˬ dzawˇ nehˬ-iˇ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Myavbaef mawrnyalar, kuircawv cannyalar, coiqdoi nar-eu tsawrhaq shawrlar, naqbawq deuq gaqnyalar, shir-euq tsawrhaq ghofdaef lar-awr, irshaqzaq deuq guiqlanqdawq yagaq-euq mae.

Maꞈtehˬ 11:5 Iomraidhean Croise

2 Sahˬpaˬ 5:14

Kʼoeˇ ngeh, Yawˇdaˬ lawˇ baˬ-ahˇ Neˬmaˬ iˇ-awˇ, Eˇliˇshehˇ neh kʼaˇ ehˇ nehˬ-euˬ loꞈ-ehˇ shiꞈ poˆ keuˆ ni iˇ byoˆ byoˆ ngeh, aˬ yawꞈ-euˬ naˇ gawˇ taˬ tsehˆ leˇ-awˇ, aˬ yawꞈ-euˬ shaˬ jiˇ kʼawꞈ, zaˬ yaw nyiˇ-euˬ shaˬ jiˇ loꞈ-ehˇ muiˬ laˇ shawˇ laˇ-euˬ meh.

2 Sahˬpaˬ 5:7

Sahˬ boꞈ kʼoeˇ taꞈ-ahˇ Iˇsaˬleˬlaˆ sahˬ paˬ gui gʼaˬ ngeh, aˬ yawꞈ dm luꞈ-eu mehˬ tsoeˬ cehˬ pyaˬ-awˇ ehˇ-eu, “Tsawˇ haˬ heu gʼaˬ-euˬ naˇ gawˇ laˆ saˆ taˬ nehˬ-awˬ lehˇ, Suˇliˆ sahˬ paˬ ngaˬ-ahˇ aˬ joˆ-ehˇ ehˇ nya-eu nga. Ngaˇ-aˬ, tsawˇ haˬ-ahˇ laˆ dehꞈ laˆ shiˇ nya-eu baoˬ ahˇ-eu miˬyehˇ nga lehˇ aˬ yawꞈ noeˬ ta loˇ. Aˬ yawꞈ ngaˬ-ahˇ nui ma laˆ pehˇ-awˇ, ceh dzaˬ-eu gaˇ ma poˆ-eu lehˇ gʼeh-eu ngaˇ.”

Jaceuq 146:8

myaˆ behꞈ-ahˇ bi dahˇ laˇ-eu meh. Coˬ-iˇ-euˬ tsawˇ haˬ deuˬ-ahˇ aˬ yawꞈ ciˬ tuˇ nehˬ-awˇ, tsaˬ-eu dawˇ-eu aˬ yawꞈ-euˬ tsawˇ haˬ deuˬ-ahˇ, aˬ yawꞈ gʼawˬ shaˬ gaˬ-eu meh.

Jaceuq 22:26

Shaˬzaˬzahˬzaˬya dzaˬdehˆ-awˇ, SahˬpaˬMiˬyehˇ-ahˇpoˆ-eu deuˬ, aˬyawꞈ-ahˇ ya ja ceuˬtehꞈ-a. Mˬmaˬmaˬbyaˇzaˇziˇjiˇni, yawˬmaꞈbaw le za le luꞈ-uˇ.

Doˆ-iˇ 4:11

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Tsawˇ haˬ zaˬ-ahˇ aˬ suˇ gʼaˬ neh kʼaˬ meh beh tsoꞈ nehˬ taˬ ta. Tsawˇ haˬ zaˬ naˬ bawˬ bawˬ-iˇ ni maˬ ehˇ, aˬ dzawˬ dzawˬ-iˇ ni maˬ ehˇ, aˬ suˇ gʼaˬ jahˇ nehˬ ta. Sahˬpaˬ Miˬyehˇ neh jahˇ nehˬ-euˬ maˬ ngeuˇ-a loˇ.

Iˇsaˬyaˇ 29:18

Aˇ nah aˇ yamˬ kʼoeˇ keuˆ le ngeh, naˬ bawˬ deuˬ sahˬ boꞈ gui gaˇ gaˬ nya-awˇ, yaw zahˇ laꞈ kʼoeˇ jawˇ-euˬ myaˆ behꞈ deuˬ kʼawꞈ, myaˆ nuiˆ bye-awˇ mawˇ nya tehꞈ-a.

Iˇsaˬyaˇ 29:19

Nui ma nahˬ yu ni gʼeh-eu deuˬ tiˬ poˆ, Sahˬpaˬ Miˬyehˇ laꞈ kʼoeˇ laˬ kʼaˬ paˇ ya cehˇ-awˇ, aˬ cawˬ mehˬ shi iˇ shaˬ shaˬ luꞈ-eu deuˬ, Iˇsaˬleˬlaˆ-euˬ muiˬ-eu shawˇ-eu Miˬyehˇ laꞈ kʼoeˇ, laˬ kʼaˬ cehˇ nui saˇ oꞈ tehꞈ-a.

Iˇsaˬyaˇ 43:8

Miˬyehˇ heu loꞈ-ehˇ ehˇ-eu meh. “Ngaˬ-euˬ tsawˇ jeuˬ-ahˇ yaˇ kʼaˬ daˇ gaˇ kuˇ daˆ-awˬ. Aˬ yawꞈ maꞈ myaˆ nuiˆ tsoꞈ luꞈ kʼawꞈ maˬ mawˇ nya-ehˇ, naˬ bawˇ tsoꞈ kʼawꞈ maˬ gaˬ nya-a.

Iˇsaˬyaˇ 66:2

Boeˬ boeˬ luˆ luˆ dawˬ tawˆ ngaˬ neh beh-awˇ, nui nahˬ nui yu ahˇ-awˇ noeˬ poˆ noeˬ paˇ-eu deuˬ hawˇ-eu, ngaˬ-ahˇ guˆ-awˇ ngaˬ-euˬ ehˇ dawˬ naˇ haˬ geuꞈ-eu deuˬ-ahˇ, ngaˇ nui ma tsaˬ-eu ma.

Zaˬkaˬliˇ 11:7

Yawˇ gaꞈ-eu deuˬ neh sehꞈ-eu gʼaˇ duˬ zeuˇ taˬ-euˬ yawˇ deuˬ-ahˇ ngaˇ bo-euˬ ma. Daˇ cuiˇ nyiˬ cuiˇ ngaˇ tuˆ tehˬ taˬ-euˬ ma. Tiˬ cuiˇ-ahˇ “Gʼawˬ shaˬ gaˬ-eu jeˬ” lehˇ myahˇ-awˇ, biˬ cuiˇ-ahˇ “nui ma gm-eu jeˬ” lehˇ myahˇ-euˬ ma. Kʼoeˇ naˇ, yawˇ kʼoeˇ deuˬ-ahˇ ngaˇ bo-euˬ ma.

Maꞈtehˬ 10:8

Naˇ-eu tsawˇ haˬ deuˬ-ahˇ laˆ taˬ nehˬ-awˇ, shiˇ-euˬ tsawˇ haˬ deuˬ-ahˇ laˆ dehꞈ nehˬ-awˬ. Coiˬ doi naˇ-eu tsawˇ haˬ deuˬ-ahˇ bi shawˇ laˇ-awˇ , nehꞈ uˇ-eu tsawˇ haˬ deuˬ-ahˇ nehꞈ teh doˆ nehˬ-awˬ. Kʼoeˇ loꞈ-ehˇ mˇ nya-eu baoˬ naw maꞈ aˇ poeˬ maˬ biꞈ ni za-euˬ loꞈ-ehˇ, aˇ poeˬ maˬ yuˇ ni yawꞈ ngehꞈ-ehˇ caw ba nehˬ-awˬ.

Maꞈtehˬ 11:4

Yeˬsuˇ ehˇ-eu, “Naw maꞈ gʼoꞈ-iˇ-awˇ, naw maꞈ neh kʼaˇ ya gaˬ kʼaˇ ya mawˇ-euˬ jeˬ Yoˇhaˬ-ahˇ dzawˇ nehˬ-iˇ-awˬ.

Maꞈtehˬ 12:13

Kʼoeˇ naˇ, aˬ laꞈ tiˬ pyawˬ shiˇ-euˬ tsawˇ haˬ kʼoeˇ gʼaˬ-ahˇ, “Aˬ laꞈ caw ja-awˬ” lehˇ Yeˬsuˇ ehˇ nehˬ-euˬ meh. Tsawˇ haˬ kʼoeˇ gʼaˬ aˬ laꞈ cawˬ ja ngeh, aˬ laꞈ yawˬ pyawˬ yawˬ loꞈ-ehˇ paˇ muiˬ kʼoꞈ laˇ-euˬ meh.

Maꞈtehˬ 21:14

Myaˆ behꞈ hawˇ-eu kuiˇ shiˇ laꞈ shiˇ deuˬ Uˬ duˬ tahˬ nymˇ nymˇ ma-ahˇ Yeˬsuˇ jawˇ gaˇ laˇ-awˇ bi laˆ taˬ-euˬ meh.

Maꞈtehˬ 5:3

“Nui ma laꞈ kʼoeˇ shaˬ-eu zahˬ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, mˬ taˆ miˇ kʼahˬ-aˬ, aˬ yawꞈ maꞈ-euˬ miˇ kʼahˬ pyeuꞈ-eu meh.

Maꞈtehˬ 9:30

Kʼoeˇ ngeh, aˬ yawꞈ nyaꞈ myaˆ nuiˆ mawˇ laˇ-euˬ meh. Aˬ yawꞈ nyaꞈ-ahˇ Yeˬsuˇ ehˇ nehˬ-eu, “Ngaˬ neh naw nyaꞈ-ahˇ myaˆ nuiˆ bi mawˇ laˇ-euˬ gaˇ kawˆ heu, aˬ cawˬ tiˬ gʼaˬ-ahˇ-iˬ maˬ bi siˬ ni yaw kʼaˆ kʼaˆ-ehˇ yahˇ-awˬ.”

Maˬkuˆ 7:37

Kʼoeˇ loꞈ-ehˇ ja gaˇ kʼaˇ ya gaˬ-euˬ tsawˇ haˬ dawˬ tawˆ luꞈ zahˬ dui dui leˇ-euˬ meh. Aˬ yawꞈ maꞈ ehˇ-eu, “A yawꞈ neh kʼaˇ mˇ-euˬ yawˬ jeˬ na luꞈ aˇ naˆ ni muiˬ-eu nga. Naˬ bawˬ deuˬ naˬ bawˇ gaˬ nya laˇ-awˇ, aˬ dzawˬ deuˬ dawˬ ngehˬ nya laˇ gaˇ keuˆ ni aˬ yawꞈ mˇ nya-euˬ nga.”

Maˬkuˆ 9:25

Aˬ yawꞈ maꞈ jawˇ gaˇ tsawˇ haˬ aˇ maꞈ cehˆ laꞈ luꞈ gaˇ Yeˬsuˇ ya mawˇ ngeh, nehꞈ kʼoeˇ mawˇ-ahˇ dawˬ biꞈ-awˇ ehˇ nehˬ-eu, “Aˬ dzawˬ bi dzawˬ-iˇ-awˇ naˬ bawˬ bi bawˬ-iˇ-eu nehꞈ-oˇ, aˬ li teu li laꞈ kʼoeˇ neh doˆ le-awˬ. Aˬ kaˇ naˇ, aˬ yawꞈ laꞈ kʼoeˇ tiˬ jawˇ-iˬ taˬ paˇ uˇ-iˇ lehˇ nawˬ-ahˇ ngaˇ dawˬ biꞈ-eu ma.”

Luˇkaꞈ 4:18

“Sahˬpaˬ Miˬyehˇ-euˬ Yaw sahˇ-aˬ, ngaˬ-euˬ kʼoeˇ taˆ keuˆ le-euˬ meh. Aˬ jeˬ miˇ neh ehˇ naˇ, shaˬ-eu zahˬ-eu tsawˇ haˬ deuˬ-ahˇ, guiˬ lahˬ dawˬ bi mehˬ-eu gʼaˇ duˬ, aˬ yawꞈ ngaˬ-ahˇ tseˇ doˆ-euˬ meh. paꞈ taˬ-euˬ deuˬ-ahˇ pyehˬ nehˬ-awˇ, myaˆ behꞈ deuˬ myaˆ nuiˆ mawˇ laˇ ni, bi kʼehˬ-euˬ deuˬ ya law-iˇ ni, dawˬ tsaꞈ dawˬ dzawˇ mˇ-eu gʼaˇ duˬ, aˬ yawꞈ ngaˬ-ahˇ kʼehˇ leꞈ-euˬ meh.

Yoˇhaˬ 10:25

Yeˬsuˇ ehˇ-eu, “Ngaˇ naw maꞈ-ahˇ ehˇ nehˬ gʼaˬ dzeuˇ-euˬ ma. Ehˇ kʼawꞈ, naw maꞈ ngaˬ-ahˇ maˬ jah-a. Ngaˬ Da-euˬ baoˬ-ahˇ gʼoe-awˇ ngaˬ neh mˇ-euˬ gaˇ deuˬ, ngaˬ-euˬ gʼaˇ duˬ saˇ kiˇ kamˬ luꞈ meh.

Yoˇhaˬ 10:38

Ehˇ kʼawꞈ, ngaˬ Da neh bi mˇ-euˬ gaˇ deuˬ-ahˇ ngaˇ mˇ luꞈ-eu yaw duˬ baw naˇ, naw maꞈ ngaˬ-euˬ mawˇ do-ahˇ maˬ jah kʼawꞈ, ngaˬ neh mˇ-euˬ gaˇ deuˬ-ahˇ jah-eu tsaˬ tehꞈ-a. Aˬda ngaˬ-euˬ laꞈ kʼoeˇ jawˇ-awˇ, ngaˇ Aˬda-euˬ laꞈ kʼoeˇ jawˇ-eu gaˇ kawˆ naw maꞈ siˬ duˬ nya ni kʼoeˇ loꞈ-ehˇ jah-eu tsaˬ tehꞈ-a.”

Yoˇhaˬ 2:23

Baˬ saˬ kaˬ bawˬ-iˬ gʼeh-eu aˇ yamˬ laꞈ kʼoeˇ, Yeˬluˇsaˬlehˬ meuˬ-ahˇ Yeˬsuˇ jawˇ luꞈ ngeh, aˬ yawꞈ neh mˇ-euˬ kʼaˆ jeˬ-ehˇ gʼeh-eu bi siˬ bi mawˇ-eu jeˬ-ahˇ aˬ cawˬ ya mawˇ-awˇ, tsawˇ haˬ gʼawˬ mya ni aˬ yawꞈ-ahˇ jah laˇ-euˬ meh.

Yoˇhaˬ 3:2

Tiˬ miˇ-aˬ, Yeˬsuˇ jawˇ gaˇ aˬ yawꞈ le-awˇ, heu loˬ-ehˇ ehˇ nehˬ-euˬ meh. “Saˬ laˬ-oˇ, nawˇ-aˬ Miˬyehˇ neh kʼehˇ gʼeh leꞈ-euˬ saˬ laˬ tiˬ gʼaˬ meh lehˇ nga maꞈ siˬ nya ma. Miˬyehˇ aˬ yawꞈ laꞈ kʼoeˇ maˬ jawˇ naˇ, tsawˇ haˬ tiˬ gʼaˬ-iˬ nawˬ neh mˇ-euˬ kʼaˆ jeˬ-ehˇ gʼeh-eu heu jeˬ maˬ mˇ mehˬ nya-aˇ.”

Yoˇhaˬ 5:36

Ehˇ kʼawꞈ, Yoˇhaˬ neh saˇ kiˇ kamˬ-euˬ naˆ maˬ tseˇ huiˬ dzehˬ-eu ngaˬ-euˬ gaˇ kawˆ saˇ kiˇ kamˬ taˬ-euˬ jaˆ ma. Ngaˬ Da neh ngaˬ-ahˇ bi mˇ laꞈ-euˬ ngaˬ neh mˇ-euˬ gaˇ kʼoeˇ deuˬ ngaˬ-euˬ dah zaˇ dawˬ ngehˬ gaˇ duˇ ni, Aˬda neh ngaˬ-ahˇ kʼehˇ gʼeh leꞈ-euˬ meh lehˇ saˇ kiˇ kamˬ-eu jeˬ pyeuꞈ-eu meh.

Yoˇhaˬ 9:7

“Siˇlamˬ lah-ahˇ myaˆ duꞈ puꞈ shawˇ-iˇ-awˬ” lehˇ ehˇ nehˬ-euˬ meh. (Siˇlamˬ lehˇ ehˇ-eu dawˬ tsuiꞈ-aˬ, ‘Kʼehˇ gʼeh-euˬ’ lehˇ ehˇ mawꞈ-eu meh.) Kʼoeˇ ngeh, tsawˇ haˬ kʼoeˇ gʼaˬ myaˆ duꞈ puꞈ shawˇ-iˇ-awˇ, myaˆ nuiˆ mawˇ laˇ-awˇ gʼoꞈ laˇ-euˬ meh.

Gʼaˬkʼehˇ 2:22

“Aˬ yuiꞈ aˬ nyiˇ Iˇsaˬleˬlaˆ tsawˇ haˬ deuˬ-oˇ, ngaˇ ehˇ gaˇ yaw muiˬ paˬ-ehˇ naˇ haˬ sheˇ. Naˬzaˬlehˇ tsawˇ haˬ Yeˬsuˇ-aˬ, maˇ maˇ ni Miˬyehˇ neh bi oe-euˬ gʼaˬ pyeuꞈ-eu gaˇ kawˆ, aˬ yawꞈ-ahˇ gʼoe-eu laꞈ kʼoeˇ Miˬyehˇ neh mˇ-euˬ zahˬ leˇ paˬ-ehˇ gʼeh-eu gaˇ kʼoeˇ deuˬ saˇ kiˇ kamˬ luꞈ meh. Gaˇ kawˆ kʼoeˇ deuˬ naw maꞈ-euˬ mehˬ shi pyeuꞈ dzeuˇ yaꞈ-euˬ miˇ neh, naw maꞈ yaw muiˬ paˬ-ehˇ siˬ duˬ meh.

Yaˬkoˆ 2:5

Ngaˇ gaˬ-euˬ aˬ yuiꞈ aˬ nyiˇ Ka li zaˬ deuˬ-oˇ, ngaˇ ehˇ gaˇ naˇ haˬ sheˇ. Jah-eu jeˬ laꞈ kʼoeˇ smˇ muiˬ muiˬ-eu tsawˇ haˬ pyeuꞈ laˇ-awˇ, Miˬyehˇ-ahˇ gaˬ-eu tsawˇ haˬ deuˬ-ahˇ biꞈ-eu gʼaˇ duˬ aˬ yawꞈ neh saˇ jaˇ dzaˬ taˬ-euˬ miˇ kʼahˬ-ahˇ bi uˇ leˇ-eu lehˇ, miˇ tsaˬ heu kʼoeˇ taˆ dehꞈ luꞈ-eu shaˬ-eu zahˬ-eu tsawˇ haˬ deuˬ-ahˇ Miˬyehˇ neh tseˇ doˆ taˬ-euˬ meh.