Maꞈtehˬ 11:1 - Akha

¹ Yeˬsuˇ-aˬ, aˬ yawꞈ-euˬ zaˬ lahˇ tseˇ nyiꞈ gʼaˬ-ahˇ gaˇ kawˆ kʼoeˇ deuˬ mehˬ nehˬ gʼaˬ ngeh, dawˬ peh jaˆ-eu meuˬ deuˬ-ahˇ dawˬ mehˬ mehˬ-awˇ mehˬ nehˬ tsoˆ nehˬ-eu gʼaˇ duˬ, kʼoeˇ gaˇ neh doˆ-iˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Khoerngae, heulof-aer pyeuflar-euq mae. Yeqsur, zaqlanr 12 ghaq-anr khoerlof-aer dawq bifghaq-euq nar-aq, meuqdeuq-anr dawqmaeq maeq-awr, maeqnaeq tsovnaeq-eu laer khoergar nae dov-ir-euq mae.

Maꞈtehˬ 11:1 Iomraidhean Croise

Maꞈtehˬ 28:20

Ngaˬ neh naw maꞈ-ahˇ dawˬ kʼaˇ biꞈ taˬ-euˬ yawˬ jeˬ na luꞈ, aˬ yawꞈ maꞈ naˇ haˬ-awˇ caw teh ni mehˬ nehˬ tsoˆ nehˬ-awˬ. Miˇ tsaˬ heu aˇ saˬ saˬ ngeh keuˆ ni, naw maꞈ nehˬ-ehˇ aˬ myah luꞈ ngaˇ jawˇ ma.”

Maꞈtehˬ 4:23

Gaˬliˬlehˇ miˇ kʼahˬ doe ni Yeˬsuˇ cah-awˇ, aˬ yawꞈ maꞈ-euˬ uˬ duˬ tahˬ nymˇ laꞈ kʼoeˇ mehˬ-eu tsoˆ-eu jeˬ mˇ-awˇ, Miˬyehˇ Miˇ kʼahˬ-ahˇ taꞈ leˇ-eu laˬ kʼaˬ cehˇ-eu guiˬ lahˬ dawˬ mehˬ-eu uˬ taꞈ, naˇ gawˇ gʼawˬ mya jeˬ pi luꞈ-eu tsawˇ haˬ deuˬ-ahˇ kʼawꞈ, laˆ taˬ nehˬ-euˬ meh.

Maꞈtehˬ 7:28

Yeˬsuˇ dawˬ kʼoeˇ deuˬ mehˬ nehˬ tsoˆ nehˬ gʼaˬ ngeh, aˬ yawꞈ mehˬ nehˬ tsoˆ nehˬ gaˇ ya gaˬ-euˬ tsawˇ haˬ aˇ maꞈ kʼoeˇ deuˬ zahˬ dui dui leˇ-euˬ meh.

Maꞈtehˬ 9:35

Meuˬ doe ni, pu doe ni Yeˬsuˇ iˇ-awˇ, uˬ duˬ tahˬ nymˇ laꞈ kʼoeˇ dawˬ mehˬ dawˬ tsoˆ tsoˆ-euˬ meh. Miˬyehˇ Miˇkʼahˬ gaˇ kawˆ laˬ kʼaˬ cehˇ-eu guiˬ lahˬ dawˬ mehˬ-awˇ, naˇ gawˇ yawˬ jeˬ na luꞈ-ahˇ laˆ taˬ nehˬ-euˬ meh.

Maˬkuˆ 6:12

Kʼoeˇnaˇ, tsawˇ haˬ zaˬ deuˬ iˬ baˇ bi noeˬ poˆ-eu gʼaˇ duˬ, aˬ yawꞈ maꞈ iˇ-awˇ dawˬ mehˬ mehˬ-iˇ-euˬ meh.

Luˇkaꞈ 23:5

Ehˇ kʼawꞈ, Yeˬsuˇ-ahˇ yaw lehˬ poˆ-eu tsawˇ haˬ kʼoeˇ deuˬ yaw kʼaˆ-ehˇ paˇ leh jeh laˇ-awˇ ehˇ-eu, “Yuˇdaˆ miˇ kʼahˬ kʼahˬ lah ni miˇ kʼahˬ zaˬ deuˬ luiˬ gʼa laˇ ni aˬ yawꞈ mehˬ luꞈ tsoˆ luꞈ-eu meh. Gaˬliˬlehˇ miˇ kʼahˬ-ahˇ mehˬ dahˬ beh-awˇ, nymˬ-mˇ heu gaˇ mehˬ keuˆ laˇ-euˬ meh.”

Luˇkaꞈ 8:1

Kʼoeˇ naˇ, gʼawˬ myahˇ maˬ gʼeh-ehˇ, tiˬ meuˬ saˇ-iˬ tiˬ meuˬ, tiˬ pu saˇ-iˬ tiˬ pu, Yeˬsuˇ iˇ-awˇ, Miˬyehˇ Miˇkʼahˬ gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ mehˬ-ehˇ cah-euˬ meh. Zaˬ lahˇ tseˇ nyiꞈ gʼaˬ kʼawꞈ, aˬ yawꞈ nehˬ-ehˇ iˇ-euˬ meh.

Yoˇhaˬ 15:10

Ngaˬ Da-euˬ dawˬ-ahˇ ngaˇ naˇ haˬ geuꞈ-awˇ, ngaˬ Da-euˬ gʼoeˇ-eu gaˬ-eu jeˬ laꞈ kʼoeˇ ngaˇ jawˇ-eu loꞈ-ehˇ, naw maꞈ ngaˬ-euˬ dawˬ-ahˇ naˇ haˬ geuꞈ naˇ, ngaˬ-euˬ gʼoeˇ-eu gaˬ-eu jeˬ laꞈ kʼoeˇ naw maꞈ jawˇ tehꞈ-a.

Yoˇhaˬ 15:14

Ngaˬ neh dawˬ biꞈ taˬ-euˬ loꞈ-ehˇ naw maꞈ mˇ naˇ, naw maꞈ ngaˬ-euˬ cawˬ ma.

Gʼaˬkʼehˇ 1:2

Aˬ yawꞈ-ahˇ mˬ kʼoeˇ taˆ bi ciˬ daˆ kʼoꞈ gʼeh ngeh nah-ahˇ keuˆ ni boꞈ taˬ-euˬ ma. Aˬ yawꞈ-ahˇ mˬ kʼoeˇ taˆ maˬ bi ciˬ kʼoꞈ daˆ kʼoꞈ leꞈ mi naˆ-ehˇ, aˬ yawꞈ-euˬ gʼaˬ kʼehˇ bi geuꞈ-eu gʼaˇ duˬ aˬ yawꞈ neh tseˇ doˆ-euˬ tsawˇ haˬ deuˬ-ahˇ, Muiˬ-eu shawˇ-eu Yaw sahˇ Miˬyehˇ-euˬ baoˬ-ahˇ gʼoe-eu laꞈ kʼoeˇ aˬ yawꞈ mehˬ yaꞈ tsoˆ yaꞈ-euˬ meh.

Gʼaˬkʼehˇ 10:38

Naˬzaˬlehˇ tsawˇ haˬ Yeˬsuˇ gaˇ kawˆ maˬ ehˇ, aˬ yawꞈ-euˬ kʼoeˇ taˆ Miˬyehˇ neh Muiˬ-eu shawˇ-eu Yaw sahˇ Miˬyehˇ hawˇ-eu baoˬ aˬ joˆ-ehˇ shehˆ daˆ nehˬ-euˬ gaˇ kawˆ maˬ ehˇ, naw maꞈ siˬ luꞈ meh. Miˬyehˇ aˬ yawꞈ nehˬ-ehˇ jawˇ-eu miˇ neh, aˬ yawꞈ yawˬ gaˇ na luꞈ iˇ doe-awˇ, yaw muiˬ jeˬ mˇ mˇ-ehˇ, Nehꞈ-euˬ baoˬ uˬ moˆ shaˬ luꞈ-eu tsawˇ haˬ deuˬ-ahˇ naˇ gawˇ laˆ taˬ nehˬ-euˬ meh.

Gʼaˬkʼehˇ 10:42

Miˇ kʼahˬ zaˬ deuˬ-ahˇ dawˬ mehˬ mehˬ-awˇ, dehꞈ luꞈ-eu deuˬ-ahˇ maˬ ehˇ, shiˇ-euˬ deuˬ-ahˇ maˬ ehˇ, yaˇ kʼaˬ bi daˇ-eu gʼaˇ duˬ Miˬyehˇ neh tseˇ doˆ-euˬ gʼaˬ-aˬ, aˬ yawꞈ meh lehˇ saˇ kiˇ kamˬ-eu gʼaˇ duˬ, nga maꞈ-ahˇ aˬ yawꞈ dawˬ biꞈ laꞈ-euˬ meh.

1 Teˇsaˬloˇni 4:2

Nga maꞈ Sahˬpaˬ Yeˬsuˇ-euˬ baoˬ-ahˇ gʼoe-awˇ naw maꞈ-ahˇ mehˬ nehˬ-euˬ dehꞈ-eu jawˇ-eu gaˇ kawˆ naw maꞈ siˬ nya meh.

2 Teˇsaˬloˇni 3:10

Nga maꞈ naw maꞈ nehˬ-ehˇ jawˇ ngeh, “Maˬ mˇ nahˇ-eu tsawˇ haˬ-ahˇ hawˬ taˬ bi dzaˬ” lehˇ ehˇ-euˬ ma.

2 Teˇsaˬloˇni 3:6

Aˬ yuiꞈ aˬ nyiˇ Ka li zaˬ deuˬ-oˇ, Sahˬpaˬ Yeˬsuˇ Ka li-euˬ tsawˇ myahˇ uˬ moˆ, nga maꞈ naw maꞈ-ahˇ heu loꞈ-ehˇ dawˬ biꞈ-eu ma. Aˬ yuiꞈ aˬ nyiˇ Ka li zaˬ deuˬ laꞈ kʼoeˇ, maˬ mˇ maˬ shaˇ nahˇ-eu deuˬ hawˇ-eu nga maꞈ neh mehˬ-euˬ tsoˆ-euˬ dawˬ-ahˇ maˬ caw teh-eu deuˬ nehˬ-ehˇ cawˬ taˬ cawˬ.

1 Tiˆmoˇseˬ 6:14

Nawˬ-ahˇ biꞈ taˬ-euˬ dawˬ deuˬ-ahˇ naˇ haˬ geuꞈ-awˇ, Sahˬpaˬ Yeˬsuˇ Ka li oe-eu aˇ nah-ahˇ keuˆ ni ziꞈ dah ni tuˆ tehˬ taˬ-awˬ.