Maꞈtehˬ 10:10 - Akha

¹⁰ Pehˇ tahˬ maˬ ehˇ, pehˇ kʼahˬ hawˇ-eu sehˬ nawˆ aˇ dzehˬ maˬ ehˇ, gawˬ yoeˬ maˬ ehˇ, yuˇ gʼeh-eu maˬ loˬ-a. Aˬ jeˬ miˇ neh ehˇ naˇ, gaˇ mˇ-eu tsawˇ haˬ-aˬ, yawˬ ha kʼaˇ loˬ-eu jeˬ za geuˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Garpaer-euq gharduq paertanr taqshaf ghae, paerkhanq nyiq kanr taq yurghae, saeqnawv hawr-eu gawqyoeq khawf taq yurghae. Aqjeq mirnae aernar-aq, gar mr-eu tsawrhaq-aq, dzaqdzaq dawrdawr za-eu geux-eu mae.

Maꞈtehˬ 10:10 Iomraidhean Croise

Bawˇtsahˬ 18:31

Dzehˬ laˇ-euˬ kʼoeˇ deuˬ-ahˇ, naw maꞈ hawˇ-eu naw maꞈ-euˬ miˬ sawˇ zaˬ deuˬ jawˇ duˬ maˬ tseˇ ni dzaˬ nya meh. Aˬ jeˬ miˇ neh ehˇ naˇ, kʼoeˇ-aˬ, Sehˬ gʼawˆ laꞈ kʼoeˇ naw maꞈ gaˇ mˇ-eu miˇ neh za-euˬ gʼaˬ gaˇ poeˬ meh.

Maꞈtehˬ 10:11

“Naw maꞈ meuˬ tiˬ meuˬ na-ahˇ iˇ keuˆ ngeh maˬ ehˇ, pu tiˬ pu na-ahˇ iˇ keuˆ ngeh maˬ ehˇ, naw maꞈ-ahˇ ha geuꞈ mawꞈ-eu tsawˇ haˬ poˆ mawˇ-awˇ, kʼoeˇ gaˇ kʼaˇ jawˇ kʼoeˇ keuˆ ni, tsawˇ haˬ kʼoeˇ gʼaˬ-euˬ nymˇ-ahˇ jawˇ-awˬ.

Maˬkuˆ 6:8

Aˬ yawꞈ maꞈ gaˇ ma doˆ-iˇ ngeh, gawˬ yoeˬ maˬ ngeuˇ naˇ nui jeˬ tiˬ jeˬ-iˬ maˬ yuˇ ni iˇ-eu gʼaˇ duˬ, aˬ yawꞈ dawˬ biꞈ-euˬ meh. Kaˬ muˇ maˬ hehˇ gʼeh-ehˇ, pehˇ tahˬ maˬ pi-eu uˬ taꞈ, joꞈ paꞈ-ahˇ pyuˇ maˬ dawˆ ahˇ ni,

Luˇkaꞈ 3:11

Aˬ yawꞈ ehˇ-eu, “Pehˇ kʼahˬ nyiˬ kahˇ jaˆ-eu tsawˇ haˬ, maˬ jaˆ-eu tsawˇ haˬ-ahˇ tiˬ kahˇ biˇ nehˬ-awˇ, dzaˬ dzaˬ dawˇ dawˇ jaˆ-eu tsawˇ haˬ kʼawꞈ, maˬ jaˆ-eu deuˬ-ahˇ biˇ nehˬ-awˬ.”

Luˇkaꞈ 9:3

Aˬ yawꞈ maꞈ-ahˇ aˬ yawꞈ ehˇ nehˬ-eu, “Naw maꞈ gaˇ ma doˆ-iˇ ngeh, tiˬ jeˬ-iˬ maˬ yuˇ ni iˇ-awˬ. Gawˬ yoeˬ maˬ ehˇ, pehˇ tahˬ maˬ ehˇ, dzaˬ dzaˬ dawˇ dawˇ maˬ ehˇ, pyuˇ maˬ ehˇ, mehˬ tsoeˬ dzeˇ paˇ maˬ ehˇ, tiˬ jeˬ-iˬ maˬ yuˇ ni iˇ-awˬ.

2 Tiˆmoˇseˬ 4:13

Nawˇ laˇ ngeh, Daˬloˇ meuˬ-ahˇ Gaˬpuˆ jawˇ gaˇ bi jaˆ-euˬ ngaˬ-euˬ pehˇ kʼahˬ kʼoeˇ kahˇ tiˬ poˆ yuˇ laꞈ-awˬ. Sahˬ boꞈ paˇ yoˆ kʼoeˇ deuˬ kʼawꞈ yuˇ laꞈ-awˬ. Shaˬ kʼoˆ sahˬ boꞈ paˇ yoˆ kʼoeˇ deuˬ maˬ ngehˇ ni yuˇ laꞈ-awˬ.

1 Saˬmeuˬlaˆ 17:40

Kʼoeˇ naˇ, aˬ yawꞈ-euˬ yawˇ bo-eu gawˬ yoeˬ yuˇ-awˇ, lawˇ gawˆ-ahˇ ga-eu kʼaˬ lo lo juˇ ngaˬ siˬ gʼoˆ-awˇ, pehˇ tahˇ-ahˇ dawˆ ahˇ-euˬ meh. Aˬ yawꞈ-euˬ caˬ oeˬ lehˬ hmˬ-awˇ, Gawˇliˇyaˆ jawˇ gaˇ le-euˬ meh.

1 Saˬmeuˬlaˆ 9:7

Sawˇluˆ ehˇ-eu, “Aˇ nyaꞈ aˬ yawꞈ jawˇ gaˇ le naˇ aˬ jeˬ yuˇ gʼeh nehˬ nmˇ. Aˇ nyaꞈ-euˬ pehˇ tahˇ laꞈ kʼoeˇ kaˬ muˇ maˬ paˇ ahˇ meh. Aˇ nyaꞈ aˬ yawꞈ-ahˇ biꞈ paˬ-ehˇ aˬ jeˬ paˇ ahˇ ta.”