Maꞈtehˬ 1:2 - Akha

² Aˬbyaˬ-euˬ aˬ li Iˇtsaˆ, Iˇtsaˆ-euˬ aˬ li Yaˬkoˆ, Yaˬkoˆ-euˬ aˬ li Yuˇdaˆ aˬ ha mehˇ nmˇ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Aqbyaqhaq-euq zaqyo-aq, Irtsav mae. Irtsav-euq zaqyo-aq, Yaqkov mae. Yaqkov-euq zaqyo-aq, Yurdav hawr-eu aqyawf-euq maernmr deuq mae.

Maꞈtehˬ 1:2 Iomraidhean Croise

Aˇ dahˬ 25:19

Heu-aˬ, Aˬbyaˬhaˬ-euˬ aˬ li Iˇtsaˆ-euˬ gaˇ kawˆ pyeuꞈ-eu meh.

Aˇ dahˬ 25:26

Jeˬ nah dehꞈ le-euˬ gʼaˬ-aˬ, Iˇsawˇ-euˬ aˬ kuiˇ kuiˇ nuiꞈ-ahˇ ziꞈ dah ni tsuˆ tehˬ-awˇ dehꞈ doˆ le-euˬ miˇ neh, Yaˬkoˆ lehˇ myahˇ nehˬ-euˬ meh. Aˬ yawꞈ nyaꞈ nmˇ dehꞈ le ngeh, Iˇtsaˆ koꞈ tseˇ kʼoꞈ kʼawˆ laˇ-euˬ meh.

1 Laˬsaˬbaˬ 1:28

Aˬbyaˬhaˬ-aˬ, Iˇtsaˆ hawˇ-eu Iˇshaˬmeˬlaˇ lehˇ myahˇ-euˬ aˬ li nyiˬ li jawˇ-eu meh.

1 Laˬsaˬbaˬ 1:34

Aˬbyaˬhaˬ-euˬ aˬ li Iˇtsaˆ-aˬ, Iˇsawˇ hawˇ-eu Yaˬkoˆ lehˇ myahˇ-euˬ aˬ li nyiˬ li jawˇ-eu meh.

Iˇsaˬyaˇ 41:8

“Ehˇ kʼawꞈ, ngaˬ-euˬ zaˬ kʼaˆ Iˇsaˬleˬlaˆ-oˇ, nawˇ ngaˬ neh tseˇ doˆ-eu tsawˇ jeuˬ pyeuꞈ-awˇ, ngaˬ-euˬ cawˬ Aˬbyaˬhaˬ-euˬ zaˬ deuˬ uˆ deuˬ meh.

Iˇsaˬyaˇ 51:2

Naw maꞈ-euˬ aˬ da yaw dzahˇ Aˬbyaˬhaˬ-ahˇ shaˇ noeˬ-awˬ. Aˬ ma ma dzahˇ Saˬlaˇ-ahˇ noeˬ keuˆ-awˬ. Aˬbyaˬhaˬ-ahˇ ngaˇ kuˇ doˆ ngeh zaˬ maˬ jawˇ kʼawꞈ, ngaˇ guiˬ lahˬ biꞈ-awˇ zaˬ oeˬ sahˇ le ngeh, aˬ yawꞈ-euˬ zaˬ deuˬ uˆ deuˬ maˬ gui jiˇ coeˇ-a.

Bawˇtsahˬ 1:26

Yuˇdaˆ-euˬ zaˬ deuˬ uˆ deuˬ laꞈ kʼoeˇ, nyiˬ tseˇ kʼoꞈ-ahˇ neh laꞈ taˆ paw-euˬ guiˇ kʼaˇ deuˆ nya-eu kʼaˬ dzeˇ zaˬ dawˬ tawˆ luꞈ-ahˇ, aˇ jeuˬ aˬ yawꞈ jeuˬ yawꞈ hawˇ-eu nymˇ jiˇ aˬ yawꞈ jiˇ yawꞈ-ahˇ kʼaˇ taꞈ-euˬ loꞈ-ehˇ, tiˬ gʼaˬ saˇ-iˬ tiˬ gʼaˬ-euˬ tsawˇ myahˇ yuˇ-euˬ meh.

Maꞈtehˬ 1:1

Heu-aˬ, Aˬbyaˬhaˬ hawˇ-eu Daˬbiˇ-ahˇ neh gui ka leꞈ-euˬ Yeˬsuˇ Ka li-euˬ tsuiꞈ meh.

Maꞈtehˬ 1:3

Taˬmaˬ o neh dehꞈ le-euˬ Yuˇdaˆ-euˬ aˬ li Paˬyehˆ hawˇ-eu Zeˬlahˬ, Paˬyehˆ-euˬ aˬ li Heˬzaˬloˬ, Heˬzaˬloˬ-euˬ aˬ li Lam,

Gʼaˬkʼehˇ 7:8

Kʼoeˇ naˇ, Miˬyehˇ neh Aˬbyaˬhaˬ-ahˇ baˆ kʼoˆ mehˬ dzaˬ yehˬ-eu zahˇ bi jahˇ-eu laꞈ kʼoeˇ, dawˬ ma saˇ jaˇ dzaˬ-euˬ meh. Kʼoeˇ miˇ neh, Iˇtsaˆ dehꞈ le-awˇ tiˬ jaw byah laˇ ngeh, Aˬbyaˬhaˬ neh aˬ yawꞈ-euˬ aˬ li Iˇtsaˆ-ahˇ baˆ kʼoˆ mehˬ dzaˬ yehˬ nehˬ-euˬ meh. Kʼoeˇ loꞈ-ehˇ duˇ ni, Iˇtsaˆ gʼeh, aˬ yawꞈ-euˬ aˬ li Yaˬkoˆ-ahˇ baˆ kʼoˆ mehˬ dzaˬ yehˬ nehˬ-euˬ meh. Yaˬkoˆ gʼeh, aˬ yawꞈ-euˬ aˬ li tseˇ nyiꞈ li-ahˇ baˆ kʼoˆ mehˬ dzaˬ yehˬ nehˬ-euˬ meh. Aˬ li kʼoeˇ tseˇ nyiꞈ liˬ-aˬ, aˬ dui tsawˇ jeuˬ-euˬ tsawˇ myahˇ doˆ-eu aˬ poeˬ deuˬ pyeuꞈ-eu meh.

HeˬByehˇ 11:11

Aˬbyaˬhaˬ mawˬ dui dui laˇ-awˇ, aˬ yawꞈ-euˬ nymˇ dahˬ zaˬ ciˬ zaˬ cu mˇ yamˬ dzeuˇ-euˬ kʼawꞈ zaˬ paˇ jawˇ le nya-euˬ kʼoeˇ-aˬ, jah-eu jeˬ baˬ da neh meh. Miˬyehˇ-aˬ, aˬ yawꞈ neh saˇ jaˇ dzaˬ-euˬ loꞈ-ehˇ mˇ byah tehꞈ-a lehˇ aˬ yawꞈ jah-euˬ meh.

HeˬByehˇ 7:14

Aˬ yawꞈ Yuˇdaˆ tsawˇ jeuˬ laꞈ kʼoeˇ dehꞈ le-euˬ meh lehˇ yawˬ gʼaˬ na luꞈ siˬ nya-meh. Piˇ ma bi geuꞈ-eu gaˇ kawˆ Moˇseˬ ehˇ ngeh, tsawˇ jeuˬ heu jeuˬ-ahˇ maˬ ehˇ-aˬ.

Panmaeq 7:5

Yuˇdaˆ tsawˇ jeuˬ laꞈ kʼoeˇ tiˬ muiˇ nyiˬ heˇ gʼaˬ, Luˇbeˬ tsawˇ jeuˬ laꞈ kʼoeˇ tiˬ muiˇ nyiˬ heˇ gʼaˬ, Gaˆ tsawˇ jeuˬ laꞈ kʼoeˇ tiˬ muiˇ nyiˬ heˇ gʼaˬ,