Maꞈtehˬ 1:19 - Akha

¹⁹ Yoˇsehˆ-aˬ, yaw tsaˬ yaw dawˇ tsawˇ haˬ tiˬ gʼaˬ pyeuꞈ-eu meh. Ehˇ kʼawꞈ, Maˬliˇ-euˬ myaˆ pyawˬ naˇ mehˇ cawˆ ni aˬ yawꞈ maˬ jahˇ mawꞈ-eu miˇ neh, aˬ yawꞈ-ahˇ maˬ bi siˬ-ehˇ ciˬ cuˇ ni gʼawˬ tsehˆ ma lehˇ noeˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Aqyawf-euq yoshuif Yorsaev-aq, tsaq-awr dawr-eu tsawrhaq mae. Aqyawf, Maqliv-anr aqcawq-euq maeqshi myavpyawq narmaer maqbi cawv-ir mawf-eu mirnae, aqcawq-anr maqbi siqni ghawq ma laer noeqtaq-euq mae.

Maꞈtehˬ 1:19 Iomraidhean Croise

Aˇ dahˬ 38:24

Kʼoeˇ sawˇ miˇ tsa ba la smˇ siˬ keuˆ laˇ-awˇ, “Nawˬ-euˬ kuiˬ ma Taˬmaˬ kʼaˇ dehꞈ mawꞈ-eu dehꞈ-awˇ aˬ nyiˇ pi leˇ taˬ nga” lehˇ, Yuˇdaˆ-ahˇ aˬ cawˬ ehˇ nehˬ ngeh, “Aˬ yawꞈ-ahˇ laꞈ nyiˇ sheuˬ doˆ-awˇ miˬ dzaˬ dzah puiˆ sehꞈ-awˬ” lehˇ, Yuˇdaˆ ehˇ kʼoꞈ nehˬ-euˬ meh.

Aˇ dahˬ 6:9

Heu-aˬ, Noˇaˬ-euˬ gaˇ kawˆ pyeuꞈ-eu meh. Aˬ yawꞈ-aˬ, Sheˬmaˆ, Haˬmaˇ, Yaˬpahˇ lehˇ myahˇ-euˬ aˬ li smˬ li jawˇ-eu meh. Noˇaˬ-euˬ ziˇ-ahˇ, miˇ tsaˬ kʼoeˇ taˆ iˬ baˇ maˬ mˇ-ehˇ dawˇ coe ni dehꞈ-euˬ tsawˇ haˬ Noˇaˬ tiˬ gʼaˬ jawˇ-eu tehꞈ meh. Aˬ yawꞈ-aˬ, Miˬyehˇ-ahˇ cawˬ cawˬ taꞈ-awˇ dehꞈ-euˬ meh.

Uˬ duˬ 19:20

“Tsawˇ haˬ tiˬ gʼaˬ na, yawˬ ha-euˬ zaˬ miˬ zaˬ zaˬ kʼaˆ-ahˇ, aˬ cawˬ-euˬ ma nyiˇ bi geuꞈ-eu gʼaˇ duˬ ahˬ nehˬ ma lehˇ saˇ jaˇ dzaˬ gʼaˬ-euˬ kʼawꞈ, zeuˇ-eu gʼaˬ pyuˇ maˬ biꞈ tsehˆ mi naˆ-ehˇ, zaˬ miˬ zaˬ kʼoeˇ gʼaˬ nehˬ-ehˇ aˬ yawꞈ paˇ yuꞈ taꞈ ngeh, aˬ yawꞈ hawˇ-eu zaˬ miˬ zaˬ zaˬ kʼaˆ kʼoeˇ gʼaˬ-ahˇ maˬ ya sehꞈ-a. Kʼehˬ-eu tehꞈ-ehˇ ya kʼehˬ nehˬ meh. Aˬ jeˬ miˇ neh ehˇ naˇ, zaˬ miˬ zaˬ kʼoeˇ gʼaˬ aˬ yawꞈ-euˬ zaˬ kʼaˆ pyeuꞈ luꞈ-a siˬ.

Uˬ duˬ 20:10

Iˇsaˬleˬlaˆ tsawˇ haˬ cawˬ cawˬ, kʼaˬ dzeˇ zaˬ tiˬ gʼaˬ aˬ cawˬ-euˬ miˬ zaˬ-ahˇ bahˬ naˇ, bahˬ-euˬ kʼaˬ dzeˇ zaˬ hawˇ-eu zaˬ miˬ zaˬ kʼoeˇ nyiˬ gʼaˬ luꞈ, sehꞈ nehˬ gaˇ ya daˬ tehꞈ-a.

Maˬkuˆ 10:4

Aˬ yawꞈ maꞈ ehˇ-eu, “Miˬ zaˬ kʼoꞈ-eu sahˬ boꞈ tiˬ dzeh boꞈ nehˬ gʼaˬ naˇ, yawˬ ha-euˬ miˬ zaˬ-ahˇ kʼoꞈ-awˇ bi gʼoꞈ-iˇ nya meh lehˇ, Moˇseˬ neh ehˇ taˬ-euˬ jaˆ meh.”

Maˬkuˆ 6:20

Heˬloˆ-aˬ, Yoˇhaˬ-ahˇ guˆ-eu meh. Aˬ jeˬ miˇ neh ehˇ naˇ, Yoˇhaˬ-aˬ, muiˬ-eu shawˇ-eu yaw tsaˬ yaw dawˇ tsawˇ haˬ tiˬ gʼaˬ pyeuꞈ-eu meh lehˇ, aˬ yawꞈ siˬ nya-eu meh. Kʼoeˇ miˇ neh, maˬ bi ca laˇ ni haw piˇ nehˬ luꞈ-eu meh. Yoˇhaˬ-euˬ dawˬ kʼaˇ ya gaˬ ngeh aˬ yawꞈ nui ma maˬ saˇ kʼawꞈ, Yoˇhaˬ mehˬ-euˬ dawˬ-ahˇ aˬ yawꞈ naˇ haˬ mawꞈ-eu nui ma ahˇ-eu meh.

Luˇkaꞈ 2:25

Kʼoeˇ ngeh yamˬ-ahˇ, Suˇmoˬ lehˇ myahˇ-euˬ tsawˇ haˬ tiˬ gʼaˬ Yeˬluˇsaˬlehˬ meuˬ-ahˇ jawˇ-eu meh. Aˬ yawꞈ-aˬ, Miˬyehˇ-ahˇ guˆ-eu nui ma ahˇ-eu tsawˇ haˬ yaw muiˬ tiˬ gʼaˬ pyeuꞈ-awˇ, Iˇsaˬleˬlaˆ tsawˇ jeuˬ ka kʼoꞈ-eu jeˬ za-eu aˇ nah-ahˇ dawˬ luꞈ-eu tiˬ gʼaˬ meh. Muiˬ-eu shawˇ-eu Yaw sahˇ Miˬyehˇ aˬ yawꞈ nehˬ-ehˇ jawˇ-eu meh.

Gʼaˬkʼehˇ 10:22

Aˬ ha smˇ gʼaˬ ehˇ-eu, “Guiˇ maꞈ-ahˇ uˆ lahˇ-eu yaw huiˬ yaw mahˇ pyeuꞈ-eu Gawˬneˬliˇ neh nga maꞈ-ahˇ kʼehˇ leꞈ-euˬ meh. Aˬ yawꞈ-aˬ, Miˬyehˇ-ahˇ uˬ duˬ tahˬ-eu tsawˇ haˬ yaw muiˬ tiˬ gʼaˬ pyeuꞈ-awˇ, Yuˇdaˆ tsawˇ haˬ dawˬ tawˆ luꞈ aˬ yawꞈ-ahˇ yaw zeu baw-eu meh. Nawˬ-ahˇ aˬ yawꞈ-euˬ nymˇ-ahˇ kuˇ ahˇ-awˇ, nawˬ neh ngehˬ-euˬ tmˇ-euˬ dawˬ-ahˇ naˇ haˬ-eu gʼaˇ duˬ, Miˬyehˇ-euˬ mˬ taˆ gʼaˬ kʼehˇ tiˬ gʼaˬ aˬ yawꞈ-ahˇ ehˇ le-euˬ meh.”

Gʼaˬkʼehˇ 27:39

Uˬ bya bya laˇ-euˬ kʼawꞈ, saˇ baoˬ laꞈ kʼoeˇ gaˇ mˇ-eu tsawˇ haˬ deuˬ iˬ ma laˆ shaˆ lawˇ deh-ahˇ yaw muiˬ paˬ-ehˇ maˬ mawˇ duˬ nya-a. Ehˇ kʼawꞈ, iˬ ma laˆ shaˆ lawˇ gʼoꞈ lawˇ deh tiˬ tsahˇ haw mawˇ-awˇ, gʼeh nya naˇ, saˇ baoˬ-ahˇ kʼoeˇ gaˇ bi coeˬ daˆ gʼeh ma lehˇ aˬ yawꞈ maꞈ noeˬ tsehˆ-euˬ meh.

2 Gawˇliˬtu 1:15

Nga maꞈ gʼaˇ duˬ naw maꞈ kʼahˬ sehˇ jehˆ kʼaˇ za meh lehˇ ngaˇ siˬ duˬ-eu miˇ neh, naw maꞈ laˬ kʼaˬ nyiˬ poˆ bi cehˇ-eu gʼaˇ duˬ, naw maꞈ jawˇ gaˇ oe ma lehˇ yaw beh ngaˇ lehˬ hmˬ taˬ-euˬ ma.

Dawˬmehˬ 22:20

“Ehˇ kʼawꞈ, kʼaˬ dzeˇ zaˬ gʼaˬ neh ehˇ-euˬ loꞈ-ehˇ tsaˬ-awˇ, zaˬ miˬ aˬ buˇ kʼoeˇ gʼaˬ miˬ shuiꞈ pyeuꞈ-eu gaˇ kawˆ saˇ kiˇ maˬ jaˆ naˇ,