Maˬkuˆ 12:5 - Akha

⁵ Yaˇ kmˇ-euˬ yaw sahˇ kʼoeˇ gʼaˬ zaˬ kaˆ tiˬ gʼaˬ paˇ kʼehˇ gʼeh ngeh, aˬ yawꞈ maꞈ neh bi sehꞈ-euˬ meh. Zaˬ kʼaˆ nui deuˬ gʼawˬ mya gʼaˬ-ahˇ kʼawꞈ, diˬ-eu deuˬ-ahˇ diˬ-awˇ, sehꞈ-eu deuˬ-ahˇ sehꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Khoernar-aq, yarsanr ghaq, kuirlaf zaqkhav yawqghaq yawq-anr parbi le ngae, aqyawfmaf, aqyawf-anr saef-euq mae. Khoernar-aq, kuirlaf zaqkhav nuideuq ghawqmya ghaq-anr parbi le ngae, aqyawfmaf, tiqpavnav deuq-anr diq-awr, tiqpavnav deuq-anr saef-euq mae.

Maˬkuˆ 12:5 Iomraidhean Croise

Luˇkaꞈ 6:36

Naw maꞈ-euˬ Aˬda gʼawˬ shaˬ gaˬ-eu nui ma ahˇ-eu loꞈ-ehˇ, naw maꞈ kʼawꞈ ahˇ-awˬ.

Maˬkuˆ 9:13

Naw maꞈ-ahˇ ngaˇ ehˇ nehˬ nyaˇ. Eˇliˇyaˆ oe gʼa-euˬ meh. Ehˇ kʼawꞈ, Jaˇliꞈ laꞈ kʼoeˇ ehˇ taˬ-euˬ loꞈ-ehˇ, tsawˇ haˬ zaˬ deuˬ aˬ yawꞈ-ahˇ yehˬ bawˬ sehˇ lu-ehˇ kʼaˇ gʼeh mawꞈ-eu gʼeh nehˬ-euˬ meh.”

Maꞈtehˬ 23:37

“Yeˬluˇsaˬlehˬ-oˇ, Yeˬluˇsaˬlehˬ-oˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ-ahˇ nawˇ sehꞈ-awˇ, Miˬyehˇ neh kʼehˇ gʼeh leꞈ-euˬ tsawˇ haˬ deuˬ-ahˇ nawˇ kʼaˬ lo neh biˬ-euˬ meh. Ya ciˆ ya ma-euˬ aˬ dahˇ uˬ moˆ ya ciˆ ya zaˬ deuˬ-ahˇ uˆ kaˬ nehˬ-eu loꞈ-ehˇ, nawˬ-euˬ zaˬ deuˬ-ahˇ ngaˇ aˇ myaˆ poˆ uˆ kaˬ nehˬ mawꞈ-eu nga. Ehˇ kʼawꞈ, nawˇ ngaˬ-ahˇ kʼoeˇ loꞈ-ehˇ maˬ bi uˆ kaˬ nehˬ laꞈ-a.

Maꞈtehˬ 22:6

Tiˬ paˆ na deuˬ-aˬ, aˬ yawꞈ-euˬ zaˬ kʼaˆ kʼoeˇ deuˬ-ahˇ nyehꞈ-awˇ, yehˬ bawˬ sehˇ lu-ehˇ jahˇ-awˇ sehꞈ-euˬ meh.

Maꞈtehˬ 5:12

Laˬ kʼaˬ cehˇ dui dui-awˬ. Aˬ jeˬ miˇ neh ehˇ naˇ, mˬ kʼoeˇ taˆ naw maꞈ gʼaˇ duˬ lehˬ hmˬ taˬ-euˬ laꞈ sawˬ huiˬ dui dui meh. Naw maꞈ-euˬ mehˬ hu dehꞈ dzeuˇ jawˇ dzeuˇ yaꞈ-euˬ Miˬyehˇ gʼaˇ duˬ ngehˬ dah-eu deuˬ kʼawꞈ, kʼoeˇ loꞈ-ehˇ kʼehˬ nehˬ kʼaˆ nehˬ gaˇ ya daˬ-euˬ meh.

Neˬhaˬmiˇ 9:30

Nawˇ nui ma gʼawˬ mahˇ ni taˬ-awˇ, tiˬ kʼoꞈ saˇ-iˬ tiˬ kʼoꞈ aˬ yawꞈ maꞈ-ahˇ mehˬ-euˬ meh. Miˬyehˇ gʼaˇ duˬ ngehˬ dah-eu deuˬ-ahˇ nawˬ-euˬ Yaw sahˇ sheuˬ gʼeh nehˬ-awˇ, aˬ yawꞈ maꞈ-ahˇ dawˬ bi ngehˬ cawˬ kʼawꞈ, aˬ yawꞈ maꞈ naˬ bawˇ maˬ gaˬ leˇ-eu miˇ neh, aˬ cawˬ tsawˇ jeuˬ deuˬ neh aˬ yawꞈ maꞈ-ahˇ nawˇ bi deuˆ gʼaˬ-euˬ meh.

Maˬkuˆ 12:4

Kʼoeˇ naˇ, yaˇ kmˇ-euˬ yaw sahˇ kʼoeˇ gʼaˬ zaˬ kʼaˆ yawˬ gʼaˬ yawˬ paˇ kʼehˇ gʼeh-euˬ meh. Zaˬ kʼaˆ kʼoeˇ gʼaˬ-ahˇ kʼawꞈ, aˬ yawꞈ maꞈ neh uˬ duˬ-ahˇ diˬ-awˇ, shaꞈ dawˇ dui dui-eu jeˬ jahˇ nehˬ-euˬ meh.

Maˬkuˆ 12:6

Kʼoeˇ ngeh poˆ jawˇ, aˬ yawꞈ kʼehˇ gʼeh paˬ-ehˇ gʼeh-eu tsawˇ haˬ-aˬ, aˬ yawꞈ gaˬ dui dui-eu aˬ yawꞈ-euˬ aˬ li tiˬ gʼaˬ dzehˇ-eu tehꞈ meh. Aˇ saˬ saˬ ngeh poˆ, aˬ yawꞈ-euˬ aˬ li kʼoeˇ gʼaˬ-ahˇ yaˇ kmˇ mˇ paˆ paˆ-eu tsawˇ haˬ kʼoeˇ deuˬ jawˇ gaˇ kʼehˇ gʼeh-euˬ meh. ‘Ngaˬ li-ahˇ maˇ diˇ-aˬ, aˬ yawꞈ maꞈ yaw zeu baw tehꞈ-a lehˇ ngaˇ siˬ duˬ ma’ lehˇ aˬ yawꞈ ehˇ-eu meh.