Luˇta 1:12 - Akha

¹² Naw nyaꞈ gʼoꞈ-iˇ-awˬ. Ngaˇ mawˬ laˇ gʼaˬ-euˬ miˇ neh, aˬ cawˬ-ahˇ paˇ dahˬ dzaˬ-iˇ-eu aˇ yamˬ kʼawꞈ maˬ paˇ ngeuˇ meh. Nymˇ ciꞈ neh, aˬ cawˬ-ahˇ ngaˇ paˇ dahˬ dzaˬ-iˇ-awˇ, aˬ li nyiˬ li paˇ jawˇ le law hawˇ kʼawꞈ,

Luˇta 1:12 Iomraidhean Croise

Aˇ dahˬ 17:17

Aˬbyaˬhaˬ-aˬ, pawˬ tsuiꞈ pawˬ dmˬ dmˬ-awˇ, baˬ ba miˇ tsa tuˆ ni awˆ byaˆ taˬ-euˬ meh. Ehˇ kʼawꞈ, “Tsawˇ haˬ tiˬ gʼaˬ aˇ kʼoꞈ tiˬ yaˇ byah laˇ taˬ-euˬ gaˇ zaˬ paˇ jawˇ le nya ta loˇ. Saˬlaˇ aˇ kʼoꞈ gʼoeˬ tseˇ byah laˇ-euˬ zaˬ ciˬ zaˬ cu paˇ mˇ nya ta siˬ loˇ” lehˇ, aˬ yawꞈ-euˬ nui ma laꞈ kʼoeˇ noeˬ doˆ laˇ-awˇ, uiˇ kʼoeˬ-euˬ meh.

Aˇ dahˬ 38:11

Kʼoeˇ naˇ, “Ngaˬ li Sheˬlahˬ maˬ huiˬ laˇ kʼoeˇ keuˆ ni, nawˬ da-euˬ nymˇ-ahˇ gʼoꞈ-iˇ-awˇ, miˬ coeˬ miˬ ma geuꞈ tawˬ-iˇ-awˬ lehˇ, aˬ yawꞈ-euˬ kuiˬ ma Taˬmaˬ-ahˇ Yuˇdaˆ ehˇ nehˬ-euˬ meh. Aˬ yawꞈ-euˬ aˬ li aˬ yuiꞈ nyiˬ gʼaˬ shiˇ-euˬ loꞈ-ehˇ, Sheˬlahˬ gʼaˬ paˇ shiˇ gaˇ guˆ-eu miˇ neh, Yuˇdaˆ kʼoeˇ loꞈ-ehˇ ehˇ-eu meh. Kʼoeˇ ngeh, Taˬmaˬ gʼaˬ aˬ yawꞈ aˬ da-euˬ nymˇ-ahˇ gʼoꞈ jawˇ-iˇ-euˬ meh.

1 Tiˆmoˇseˬ 5:9

Aˇ kʼoꞈ koꞈ tseˇ dzehˬ-iˇ-euˬ miˬ coeˬ miˬ ma deuˬ hawˇ-eu, tiˬ zahˇ tehꞈ-ehˇ iˇ haw-euˬ mi coeˬ miˬ ma deuˬ-ahˇ maˬ ngeuˇ naˇ, maˇ maˇ ni miˬ coeˬ miˬ ma meh lehˇ maˬ sawˇ nya-a.

Luˇta 1:11

Ehˇ kʼawꞈ, aˬ yawꞈ nyaꞈ-ahˇ Nawˇmi ehˇ nehˬ-eu, “Ngaˬ-euˬ aˬ tsu deuˬ-oˇ, naw nyaꞈ gʼoꞈ-iˇ-eu tsaˬ tehꞈ-a. Aˬ jeˬ miˇ neh ngaˬ-euˬ mehˬ nah caw teh laˇ mawꞈ-eu nya. Naw nyaꞈ-ahˇ bi sheuˬ-eu aˬ li paˇ jawˇ laˇ nya ni, ngaˇ zaˬ ciˬ zaˬ cu mˇ-eu aˇ yamˬ maˬ paˇ ngeuˇ ma.

Luˇta 1:13

aˬ yawꞈ nyaꞈ-ahˇ paˇ mˇ dzaˬ laˇ-eu lehˇ, aˬ yawꞈ nyaꞈ huiˬ loˆ laˇ ngeh keuˆ ni, naw nyaꞈ dawˬ coeˇ tehꞈ-a loˇ. Kʼoeˇ ngeh keuˆ ni, aˬ cawˬ-ahˇ maˬ mˇ dzaˬ-iˇ ni naw nyaꞈ jawˇ coeˇ tehꞈ-a loˇ. Ngaˬ-euˬ aˬ tsu deuˬ-oˇ, kʼoeˇ loꞈ-ehˇ maˬ pyeuꞈ laˇ nya-eu gaˇ kawˆ naw nyaꞈ siˬ nya meh. Sahˬpaˬ Miˬyehˇ ngaˬ-ahˇ byehˇ dzeh yaꞈ-euˬ miˇ neh, naw nyaꞈ-ahˇ ngaˇ gʼawˬ shaˬ gaˬ dui dui miˇ-a.”