Luˇkaꞈ 9:8 - Akha

⁸ Tiˬ paˆ na deuˬ-aˬ, “Eˇliˇyaˆ doˆ le-euˬ ngaˇ” lehˇ ehˇ-awˇ, tiˬ paˆ na deuˬ-aˬ, “Aˇ hu ba-euˬ Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ na gʼoꞈ dehꞈ laˇ-euˬ ngaˇ” lehˇ ehˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Tiqpavnav deuq-aq, Erlirya dovlar-euq nga laer aer-awr, tiqpavnav deuq-aq, arhuba-euq Miqyaer gharduq ngaeqdan-eu tiqghaqnav ghofdaef lar-euq nga laer khawf aer-eu mae.

Luˇkaꞈ 9:8 Iomraidhean Croise

Maꞈtehˬ 16:14

Aˬ yawꞈ maꞈ ehˇ-eu, “Tiˬ paˆ na deuˬ Iˇ cuꞈ shawˇ-eu Yoˇhaˬ nga lehˇ ehˇ-awˇ, tiˬ paˆ na deuˬ Eˇliˇyaˆ nga lehˇ ehˇ-eu meh. Tiˬ paˆ na deuˬ-aˬ, Yeˬlaˬmiˇ maˬ ngeuˇ naˇ, Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ na ngaˇ lehˇ ehˇ-eu meh.”

Maꞈtehˬ 17:10

Kʼoeˇ naˇ, zaˬ lahˇ deuˬ Yeˬsuˇ-ahˇ naˇ haˬ-eu, “Eˇliˇyaˆ jeˬ huˬ oe meh lehˇ, Zahˇ dawˬ kʼoꞈ dawˬ mehˬ-eu saˬ laˬ deuˬ aˬ jeˬ miˇ neh ehˇ ta.”

Maˬkuˆ 6:15

Tiˬ paˆ na deuˬ-aˬ, aˬ yawꞈ-ahˇ Eˇliˇyaˆ nga lehˇ ehˇ-awˇ, tiˬ paˆ na deuˬ-aˬ, “Aˇ hu ba Miˬyehˇ gʼaˇ duˬ ngehˬ dah-euˬ tsawˇ haˬ deuˬ-ahˇ duˇ-eu Miˬyehˇ gʼaˇ duˬ ngehˬ dah-eu tsawˇ haˬ ngaˇ” lehˇ ehˇ-eu meh.

Maˬkuˆ 8:28

Zaˬ lahˇ deuˬ aˬ yawꞈ-ahˇ ehˇ nehˬ-eu, “Tsawˇ haˬ tiˬ paˆ na deuˬ nawˬ-ahˇ Iˇ cuꞈ shawˇ-eu Yoˇhaˬ nga lehˇ ehˇ-eu meh. Tiˬ paˆ na deuˬ-aˬ, Eˇliˇyaˆ nga lehˇ ehˇ-awˇ, tiˬ paˆ na deuˬ-aˬ, Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ na ngaˇ lehˇ ehˇ-eu meh.”

Luˇkaꞈ 9:19

Aˬ yawꞈ maꞈ aˬ yawꞈ-ahˇ ehˇ-eu, “Tsawˇ haˬ tiˬ paˆ na deuˬ nawˬ-ahˇ Iˇ cuꞈ shawˇ-eu Yoˇ haˬ nga lehˇ ehˇ-eu meh. Tiˬ paˆ na deuˬ-aˬ, Eˇliˇyaˆ nga lehˇ ehˇ-awˇ, tiˬ paˆ na deuˬ-aˬ, aˇ hu baˬ-euˬ Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ na paˇ gʼoꞈ dehꞈ laˇ-euˬ ngaˇ lehˇ ehˇ-eu meh.”

Yoˇhaˬ 1:21

Aˬ yawꞈ maꞈ ehˇ-eu, “Toˆ-ehˇ ngeuˇ naˇ, nawˇ aˬ suˇ gʼaˬ te. Eˇliˇyaˆ te loˇ.” Yoˇhaˬ ehˇ-eu, “Maˬ ngeuˇ.” Aˬ yawꞈ maꞈ ehˇ-eu, “Miˬyehˇ gʼaˇ duˬ ngehˬ dah-eu tsawˇ haˬ te loˇ.” Yoˇhaˬ ehˇ-eu, “Maˬ ngeuˇ.”