Luˇkaꞈ 9:5 - Akha

⁵ Naw maꞈ-ahˇ maˬ kʼaˇ ha geuꞈ nehˬ laꞈ-eu meuˬ deuˬ-ahˇ neh naw maꞈ doˆ-iˇ ngeh, aˬ kuiˇ pehˬ zaˬ-ahˇ lehꞈ-eu kʼaˬ lehˇ sawˆ kʼaˇ nehˬ yaꞈ-awˬ. Kʼoeˇ-aˬ, aˬ yawꞈ maꞈ-euˬ yaw lehˬ siˬ leˇ ni mˇ-eu saˇ kiˇ meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Nawmaf-anr maqha-eu deuq-euq meuq-anr nae dov-ir ngae, nawmaf-euq aqkuir-anr laeflar-euq khaqlaer byuqkhar yaf-awq. Khoer-aq, aqyawf maf-euq yawlaeq bi dovlar-eu sarkir pyeuf-eu mae.”

Luˇkaꞈ 9:5 Iomraidhean Croise

Neˬhaˬmiˇ 5:13

Kʼoeˇ naˇ, ngaˬ-euˬ joꞈ-ahˇ paꞈ luꞈ-eu pawˬ behˆ ngaˇ lehˆ doˆ-awˇ, aˬ yawꞈ maꞈ mehˬ shi byuˬ kʼaˇ mehˬ nehˬ-awˇ heu loꞈ-ehˇ ehˇ nehˬ-euˬ ma. “Yawˬ ha neh saˇ jaˇ dzaˬ taˬ-euˬ loꞈ-ehˇ maˬ mˇ-eu tsawˇ haˬ-ahˇ Miˬyehˇ heu loꞈ-ehˇ byuˬ kʼaˇ nehˬ tehꞈ-a. Naw maꞈ-euˬ nymˇ deuˬ hawˇ-eu naw maꞈ kʼaˇ jaˆ-eu yawˬ jeˬ na luꞈ-ahˇ Miˬyehˇ yuˇ kʼoꞈ jiˇ-awˇ, tiˬ jeˬ-iˬ maˬ jaˆ ni bi jawˇ nehˬ laꞈ tehꞈ-a.” Kʼoeˇ ngeh, kʼoeˇ gaˇ kʼaˇ uiˬ laˇ-euˬ yawˬ gʼaˬ na luꞈ, “Aˬmiˬ” lehˇ ehˇ-awˇ, Sahˬpaˬ miˬyehˇ-euˬ guiˬ lahˬ-ahˇ ja ceuˬ-euˬ meh. Aˬ yuiꞈ aˬ tsu deuˬ kʼawꞈ yawˬ ha neh saˇ jaˇ kʼaˇ dzaˬ taˬ-euˬ loꞈ-ehˇ mˇ-euˬ meh.

Maꞈtehˬ 10:18

Naw maꞈ ngaˬ-euˬ mehˬ nah caw teh-eu baˬ da neh, aˬ cawˬ naw maꞈ-ahˇ paꞈ-awˇ, uˆ lahˇ-eu sahˬ paˬ sahˬ ma deuˬ jawˇ gaˇ gʼeu gʼeh tehꞈ-a. Kʼoeˇ loꞈ-ehˇ pyeuꞈ laˇ-eu laꞈ kʼoeˇ, sahˬ paˬ sahˬ ma kʼoeˇ deuˬ hawˇ-eu, Yuˇdaˆ tsawˇ haˬ maˬ ngeuˇ-eu deuˬ-ahˇ naw maꞈ laˬ kʼaˬ cehˇ-eu guiˬ lahˬ dawˬ ya mehˬ tehꞈ-a.

Maˬkuˆ 6:11

Naw maꞈ-ahˇ maˬ ha geuꞈ-ehˇ, naw maꞈ mehˬ gaˇ maˬ naˇ haˬ mawꞈ-eu jawˇ duˬ-ahˇ naw maꞈ iˇ zaˬ naˇ, naw maꞈ doˆ-iˇ ngeh, aˬ kuiˇ pehˬ zaˬ-ahˇ lehꞈ-eu kʼaˬ lehˇ sawˆ kʼaˇ nehˬ yaꞈ-awˬ. Kʼoeˇ-aˬ, aˬ yawꞈ maꞈ-euˬ yaw lehˬ siˬ leˇ ni mˇ-eu saˇ kiˇ meh.”

Maˬkuˆ 9:37

“Ngaˬ-euˬ tsawˇ myahˇ uˬ moˆ heu loꞈ-ehˇ gʼeh-eu zaˬ yaw nyiˇ tiˬ gʼaˬ-ahˇ ha geuꞈ-eu tsawˇ haˬ-aˬ, ngaˬ-ahˇ ha geuꞈ gaˇ duˇ-eu meh. Ngaˬ-ahˇ ha geuꞈ-eu tsawˇ haˬ-aˬ, ngaˬ-ahˇ tehꞈ-ehˇ ha geuꞈ-eu maˬ ngeuˇ-a. Ngaˬ-ahˇ kʼehˇ gʼeh leꞈ-euˬ gʼaˬ-ahˇ kʼawꞈ ha geuꞈ gaˇ duˇ-eu meh.”

Luˇkaꞈ 10:16

Kʼoeˇ naˇ, zaˬ lahˇ deuˬ-ahˇ Yeˬsuˇ ehˇ nehˬ-eu, “Naw maꞈ neh mehˬ-euˬ dawˬ-ahˇ naˇ haˬ geuꞈ-eu tsawˇ haˬ-aˬ, ngaˬ-euˬ dawˬ-ahˇ naˇ haˬ geuꞈ gaˇ duˇ-eu meh. Naw maꞈ neh mehˬ-euˬ dawˬ-ahˇ maˬ naˇ haˬ geuꞈ-eu tsawˇ haˬ-aˬ, ngaˬ-euˬ dawˬ-ahˇ maˬ naˇ haˬ geuꞈ gaˇ duˇ-eu meh. Ngaˬ-euˬ dawˬ-ahˇ maˬ naˇ haˬ geuꞈ-eu tsawˇ haˬ-aˬ, ngaˬ-ahˇ kʼehˇ gʼeh leꞈ-euˬ gʼa-euˬ dawˬ-ahˇ maˬ naˇ haˬ geuꞈ gaˇ duˇ-eu meh.”

Luˇkaꞈ 5:14

Yeˬsuˇ aˬ yawꞈ-ahˇ dawˬ biꞈ-awˇ ehˇ nehˬ-eu, “Tsawˇ haˬ tiˬ gʼaˬ-ahˇ-iˬ maˬ ehˇ nehˬ ni, tiˬ poˆ tehꞈ-ehˇ piˇ ma jawˇ gaˇ le-awˇ, nawˬ-euˬ gʼawˇ mawˇ bi pyehˆ tseˇ haw leˇ-awˬ. Kʼoeˇ naˇ, nawˇ naˇ gawˇ taˬ leˇ-euˬ gaˇ kawˆ tsawˇ haˬ yawˬ gʼaˬ na luꞈ bi siˬ duˬ-eu gʼaˇ duˬ, Moˇseˬ neh dawˬ biꞈ taˬ-euˬ lawˇ-eu shehˇ-eu jeˬ lawˇ-iˇ-awˬ.”

Luˇkaꞈ 9:4

Naw maꞈ nymˇ tiˬ nymˇ-ahˇ nymˇ daˆ daˆ leˇ shaw naˇ, jawˇ duˬ kʼoeˇ tsahˇ-ahˇ kʼaˇ jawˇ kʼoeˇ keuˆ ni, nymˇ daˆ taˬ daˆ paˇ.

Luˇkaꞈ 9:48

aˬ yawꞈ maꞈ-ahˇ heu loꞈ-ehˇ ehˇ nehˬ-euˬ meh. “Ngaˬ-euˬ tsawˇ myahˇ uˬ moˆ zaˬ yaw nyiˇ heu gʼaˬ-ahˇ kʼaˇ ha geuꞈ-eu tsawˇ haˬ-aˬ, ngaˬ-ahˇ ha geuꞈ gaˇ duˇ-eu meh. Ngaˬ-ahˇ kʼaˇ ha geuꞈ-eu tsawˇ haˬ-aˬ, ngaˬ-ahˇ kʼehˇ gʼeh leꞈ-euꞈ gʼaˬ-ahˇ kʼawꞈ ha geuꞈ gaˇ duˇ-eu meh. Aˬ jeˬ miˇ neh ehˇ naˇ, naw maꞈ laꞈ kʼoeˇ aˬ cawˬ naˆ maˬ tseˇ nyiˇ dzehˬ-eu gʼaˬ-aˬ, aˬ cawˬ naˆ maˬ tseˇ huiˬ dzehˬ-eu gʼaˬ pyeuꞈ-eu meh.”

Gʼaˬkʼehˇ 13:51

Gʼaˬ kʼehˇ kʼoeˇ nyiˬ gʼaˬ-aˬ, aˬ yawꞈ nyaꞈ-euˬ aˬ kuiˇ pehˬ zaˬ-ahˇ lehꞈ-eu kʼaˬ lehˇ aˬ yawꞈ maꞈ-ahˇ sawˆ kʼaˇ nehˬ yaꞈ-awˇ Iˇgawˇniˇ meuˬ-ahˇ le-euˬ meh.

Gʼaˬkʼehˇ 18:6

Aˬ yawꞈ maꞈ aˬ yawꞈ mehˬ gaˇ maˬ naˇ haˬ ni aˬ yawꞈ-ahˇ yaw doeˇ ehˇ ngeh, aˬ yawꞈ pehˇ kʼahˬ byuˬ kʼaˇ-awˇ ehˇ nehˬ-eu, “Naw maꞈ dehꞈ-eu jeˬ-ahˇ smˬ naˇ, naw maꞈ-euˬ iˬ baˇ meh. Ngaˬ-ahˇ tiˬ jeˬ-iˬ maˬ taꞈ. Iˬ nah taꞈ naˇ, aˬ cawˬ tsawˇ jeuˬ-ahˇ ngaˇ mehˬ-iˇ ma.”