Luˇkaꞈ 9:44 - Akha

⁴⁴ “Dawˬ heu dawˬ-ahˇ naˬ bawˇ yaw muiˬ paˬ-ehˇ ciˬ kʼmˇ taˬ de. Tsawˇhaˬ-euˬ Zaˬmaˇ-ahˇ aˬ cawˬ-euˬ aˬ laꞈ laꞈ kʼoeˇ a nehˬ tehꞈ-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁴ “Nawmaf dawq heudeuq-anr naqbawr ciqkhmr-awr juiruiq taq-awq. Aqjeq mirnae aernar-aq, Tsawrhaq-euq Zaqyo, aqcawq-euq aqlaf-euq lafkhoer ya’anr-ir taef-a.”

Luˇkaꞈ 9:44 Iomraidhean Croise

2 Saˬmeuˬlaˆ 24:14

Daˬbiˇ ehˇ-eu, “Ngaˬ-ahˇ zahˬ dui dui miˇ-a. Ehˇ kʼawꞈ, tsawˇ haˬ neh bi kʼehˬ-eu jeˬ-ahˇ ngaˇ maˬ daˬ mawꞈ nya. Kʼehˬ-eu lehˇ ya bi kʼehˬ naˇ, Sahˬpaˬ Miˬyehˇ-aˬ, gʼawˬ shaˬ gaˬ nya-eu miˇ neh, aˬ yawꞈ neh bi kʼehˬ ma.”

Maꞈtehˬ 16:21

Kʼoeˇ ngeh nah neh aˇ dahˬ beh-awˇ, zaˬ lahˇ deuˬ-ahˇ Yeˬsuˇ heu loꞈ-ehˇ bya cehˆ ni ehˇ nehˬ-euˬ meh. “Yeˬluˇsaˬlehˬ meuˬ-ahˇ ngaˇ le-awˇ, aˬ yuiꞈ aˬ tsu deuˬ, piˇ ma aˬ yuiꞈ deuˬ hawˇ-eu, Zahˇ dawˬ kʼoꞈ dawˬ mehˬ-eu saˬ laˬ deuˬ, ngaˬ-ahˇ gʼawˬ mya jeˬ jahˇ nehˬ laꞈ gaˇ ya daˬ dui dui-eu yaw duˬ baw meh. Aˬ cawˬ ngaˬ-ahˇ sehꞈ tehꞈ-a. Ehˇ kʼawꞈ, smˬ nah byah laˇ naˇ, Miˬyehˇ ngaˬ-ahˇ paˇ bi gʼoꞈ dehꞈ laˇ tehꞈ-a.”

Maꞈtehˬ 26:2

“Nyiˬ nah dzeuˇ naˇ, Baˬsaˬkaˬ Bawˬ-iˬ gʼeh-eu aˇ yamˬ keuˆ le-euˬ naw maꞈ siˬ nya meh. Kʼoeˇ ngeh, Tsawˇhaˬ-euˬ Zaˬmaˇ-ahˇ laꞈ yaꞈ kʼoeˇ taˆ bi taꞈ sehꞈ-eu gʼaˇ duˬ a nehˬ tehꞈ-a.”

Maˬkuˆ 8:31

Kʼoeˇ naˇ, Yeˬsuˇ aˬ yawꞈ-euˬ zaˬ lahˇ deuˬ-ahˇ heu loꞈ-ehˇ mehˬ nehˬ tsoˆ nehˬ-euˬ meh. “Tsawˇhaˬ-euˬ Zaˬmaˇ-aˬ, gʼawˬ mya jeˬ-ahˇ ya daˬ dui dui tehꞈ-a. Tsawˇ mawˬ tsawˇ kʼaˆ deuˬ, piˇ ma aˬ yuiꞈ deuˬ hawˇ-eu, Zahˇ dawˬ kʼoꞈ dawˬ mehˬ-eu saˬ laˬ deuˬ neh byehˇ dzeh nehˬ-euˬ jeˬ-ahˇ ya daˬ tehꞈ-a. Aˬ cawˬ neh bi sehꞈ gaˇ keuˆ ni ya daˬ tehꞈ-a. Ehˇ kʼawꞈ, smˬ nah naˇ, paˇ gʼoꞈ dehꞈ laˇ tehꞈ-a.”

Maˬkuˆ 9:31

Aˬ jeˬ miˇ neh ehˇ naˇ, aˬ yawꞈ-euˬ zaˬ lahˇ deuˬ-ahˇ aˬ yawꞈ heu loꞈ-ehˇ mehˬ nehˬ luꞈ-eu meh. “Tsawˇhaˬ-euˬ Zaˬmaˇ-aˬ, aˬ yawꞈ-ahˇ sehꞈ-eu deuˬ-euˬ aˬ laꞈ laꞈ kʼoeˇ aˬ cawˬ neh bi a nehˬ-awˇ bi sehꞈ tehꞈ-a. Ehˇ kʼawꞈ, smˬ nah byah laˇ naˇ, aˬ yawꞈ paˇ gʼoꞈ dehꞈ laˇ tehꞈ-a.”

Luˇkaꞈ 1:66

Kʼaˇ ya gaˬ-euˬ tsawˇ haˬ yawˬ gʼaˬ na luꞈ, nui ma laꞈ kʼoeˇ shaˇ noeˬ shaˇ noeˬ-ehˇ, “Zaˬ kʼoeˇ gʼaˬ aˬ joˆ-ehˇ gʼeh-eu tsawˇ haˬ pyeuꞈ laˇ-eu lehˇ gʼeh-eu maˬ siˬ miˇ-a” lehˇ ehˇ-eu meh. Aˬ jeˬ miˇ neh ehˇ naˇ, SahˬpaˬMiˬyehˇ-euˬ baoˬ aˬ yawꞈ kʼoeˇ taˆ jaˆ-eu yaw duˬ baw-eu meh.

Luˇkaꞈ 18:31

Zaˬ lahˇ tseˇ nyiꞈ gʼaˬ-ahˇ Yeˬsuˇ kuˇ doˆ-awˇ, heu loꞈ-ehˇ ehˇ nehˬ-euˬ meh. “Aˬ dui maꞈ Yeˬluˇsaˬlehˬ meuˬ-ahˇ le luꞈ-eu ma. Tsawˇhaˬ-euˬ Zaˬmaˇ gaˇ kawˆ Miˬyehˇ gʼaˇ duˬ ngehˬ dah-eu deuˬ neh kʼaˇ boꞈ taˬ-euˬ yawˬ jeˬ na luꞈ, kʼoeˇ gaˇ byah laˇ jiˇ tehꞈ-a.

Luˇkaꞈ 2:19

Maˬliˇ-aˬ, gaˇ kawˆ kʼoeˇ deuˬ dawˬ tawˆ luꞈ juiˇ taˬ-awˇ, nui ma laꞈ kʼoeˇ shaˇ noeˬ shaˇ noeˬ-ehˇ jawˇ-euˬ meh.

Luˇkaꞈ 2:51

Kʼoeˇ naˇ, aˬ yawꞈ nyaꞈ nehˬ-ehˇ Naˬzaˬlehˇ meuˬ-ahˇ Yeˬsuˇ gʼoꞈ-iˇ-awˇ, ehˇ dawˬ naˇ haˬ naˇ haˬ-ehˇ jawˇ-euˬ meh. Aˬ yawꞈ-euˬ aˬ ma-aˬ, gaˇ kawˆ kʼoeˇ deuˬ dawˬ tawˆ luꞈ, nui ma laꞈ kʼoeˇ juiˇ taˬ-euˬ meh.

Luˇkaꞈ 24:44

Kʼoeˇ naˇ, aˬ yawꞈ maꞈ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ maˬ ehˇ, Miˬyehˇ gʼaˇ duˬ ngehˬ dah-eu deuˬ neh boꞈ taˬ-euˬ sahˬ boꞈ deuˬ laꞈ kʼoeˇ maˬ ehˇ, Ja ceuˬ-eu sahˬ boꞈ laꞈ kʼoeˇ maˬ ehˇ, ngaˬ-euˬ gaˇ kawˆ boꞈ taˬ-euˬ yawˬ jeˬ na luꞈ, heu loꞈ-ehˇ pyeuꞈ laˇ-awˇ ya byah laˇ meh lehˇ, ngaˇ naw maꞈ nehˬ-ehˇ jawˇ ngeh neh naw maꞈ-ahˇ ehˇ nehˬ-euˬ ma.”

Luˇkaꞈ 9:22

Aˬ yawꞈ ehˇ-eu, “Tsawˇhaˬ-euˬ Zaˬmaˇ-aˬ, gʼawˬ mya jeˬ-ahˇ ya daˬ dui dui-awˇ, tsawˇ mawˬ tsawˇ kʼaˆ deuˬ, piˇ ma aˬ yuiꞈ deuˬ hawˇ-eu, Zahˇ dawˬ kʼoꞈ dawˬ mehˬ-eu saˬ laˬ deuˬ neh bi byehˇ dzeh tehꞈ-a. Aˬ cawˬ neh bi sehꞈ gaˇ keuˆ ni ya daˬ tehꞈ-a. Ehˇ kʼawꞈ, smˬ nah byah laˇ naˇ, Miˬyehˇ neh aˬ yawꞈ-ahˇ paˇ bi gʼoꞈ dehꞈ laˇ tehꞈ-a.”

Yoˇhaˬ 16:31

Aˬ yawꞈ maꞈ-ahˇ Yeˬsuˇ ehˇ nehˬ-eu, “Naw maꞈ nymˬ-mˇ jah duˬ gʼaˬ maˬ loˇ.

Yoˇhaˬ 16:4

Ehˇ kʼawꞈ, tsawˇ haˬ kʼoeˇ deuˬ naw maꞈ-ahˇ kʼoeˇ loꞈ-ehˇ kʼehˬ nehˬ kʼaˆ nehˬ laꞈ-eu aˇ yamˬ keuˆ le ngeh, kʼoeˇ loꞈ-ehˇ keuˆ le tehꞈ-a lehˇ ngaˬ neh naw maꞈ-ahˇ ehˇ taˬ-euˬ gaˇ naw maꞈ bi noeˬ mawˇ-eu gʼaˇ duˬ, ngaˇ naw maꞈ-ahˇ naꞈ ngeh neh heu loꞈ-ehˇ ehˇ nehˬ-eu ma.” Naw maꞈ ngaˬ-euˬ zaˬ lahˇ pyeuꞈ laˇ beh beh ngeh, gaˇ kawˆ heu naw maꞈ-ahˇ ngaˇ maˬ ehˇ nehˬ-aˬ. Aˬ jeˬ miˇ neh ehˇ naˇ, naw maꞈ nehˬ-ehˇ ngaˬ-euˬ gʼawˇ mawˇ jawˇ-euˬ ma.

Yoˇhaˬ 19:11

Yeˬsuˇ ehˇ-eu, “Miˬyehˇ neh nawˬ-ahˇ baoˬ biꞈ taˬ-euˬ miˇ neh, nawˇ ngaˬ-euˬ kʼoeˇ taˆ baoˬ jaˆ-eu meh. Kʼoeˇ miˇ neh, ngaˬ-ahˇ nawˬ-euˬ aˬ laꞈ laꞈ kʼoeˇ a nehˬ laˇ-euˬ gʼaˬ-aˬ, nawˇ naˆ maˬ tseˇ iˬ baˇ huiˬ dzehˬ meh.”

Gʼaˬkʼehˇ 2:23

Miˬyehˇ-aˬ, yaw beh neh aˬ yawꞈ neh lehˬ hmˬ taˬ-euˬ loꞈ-ehˇ, Yeˬsuˇ-ahˇ naw maꞈ-euˬ aˬ laꞈ laꞈ kʼoeˇ a nehˬ-eu gʼaˇ duˬ, naꞈ ngeh neh noeˬ tsehˆ taˬ gʼaˬ-euˬ meh. Kʼoeˇ naˇ, iˬ baˇ mˇ-eu tsawˇ haˬ deuˬ neh laꞈ yaꞈ kʼoeˇ taˆ bi taꞈ tehˬ-eu laꞈ kʼoeˇ, naw maꞈ aˬ yawꞈ-ahˇ sehꞈ-euˬ meh.

HeˬByehˇ 2:1

Kʼoeˇ miˇ neh, aˬ dui-ahˇ yawˬ paw yawˬ maˬ bi tsahˇ jiˆ gʼeh-eu gʼaˇ duˬ, aˬ dui ya gaˬ taˬ-euˬ yaw tsaˬ yaw dawˇ jeˬ-ahˇ heu naˆ maˬ tseˇ ziꞈ dah ni ya tuˆ tehˬ taˬ meh.