Luˇkaꞈ 8:9 - Akha

⁹ Yaw jeˬ ma jeˬ kʼoeˇ hmˬ-euˬ dawˬ tsuiꞈ, Yeˬsuˇ-ahˇ zaˬ lahˇ deuˬ naˇ haˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Khoerngae, aqyawf-euq zaqlanr deuq, Yeqsur-anr narhaq-eu, “Yawjeq majeq dawq heudawq, dawqtsuif aqjox-aer aermawf-eu la?”

Luˇkaꞈ 8:9 Iomraidhean Croise

Hawˇseˬ 6:3

Sahˬpaˬ Miˬyehˇ-ahˇ siˬ nya ni, aˬ dui leh jeh dui dui kaˇ-euˇ, Uˬ bya bya shawˇ laˇ-eu loꞈ-ehˇ, yehˇ gʼahˇ ahˇ dahˬ beh le luꞈ ngeh, miˇ tsaˬ tahˬ kʼawˇ-ahˇ yehˇ shehˬ-eu, uˬ yehˇ yaw duˬ baw-eu loꞈ-ehˇ, aˬ yawꞈ aˬ dui jawˇ gaˇ oe-eu, yaw duˬ baw meh” lehˇ ehˇ-eu meh.

Maꞈtehˬ 13:10

Kʼoeˇ naˇ, zaˬ lahˇ deuˬ Yeˬsuˇ jawˇ gaˇ laˇ-awˇ ehˇ-eu, “Nawˇ tsawˇ haˬ aˇ maꞈ-ahˇ mehˬ nehˬ tsoˆ nehˬ ngeh, aˬ jeˬ miˇ neh yaw jeˬ ma jeˬ ja ja-ehˇ mehˬ nehˬ te.”

Maꞈtehˬ 13:18

“Siˬ yoeˬ sehˬ-eu gaˇ kawˆ yaw jeˬ ma jeˬ-euˬ dawˬ tsuiꞈ-ahˇ naˇ haˬ sheˇ.

Maꞈtehˬ 13:36

Yeˬsuˇ tsawˇ haˬ aˇ maꞈ maꞈ ma jawˇ gaˇ neh doˆ-iˇ-awˇ, iˇ kahˇ laꞈ kʼoeˇ uˇ leˇ ngeh, aˬ yawꞈ-euˬ zaˬ lahˇ deuˬ aˬ yawꞈ jawˇ gaˇ laˇ-awˇ ehˇ-eu, “Deh yaˇ-ahˇ dehꞈ-eu shmˇ ma gaˇ kawˆ yaw jeˬ ma jeˬ kʼoeˇ hmˬ-euˬ dawˬ tsuiꞈ tiˬ poˆ ja mehˬ laꞈ sheˇ.”

Maꞈtehˬ 15:15

Beˬtuˆluˆ ehˇ-eu, “Dawˬ teu dawˬ-euˬ dawˬ tsuiꞈ nga maꞈ gʼoˆ shaw nya ni tiˬ poˆ ehˇ mehˬ laꞈ sheˇ.”

Maˬkuˆ 4:10

Yeˬ suˇ tiˬ gʼaˬ tehꞈ-ehˇ jawˇ luꞈ ngeh, aˬ yawꞈ dawˬ mehˬ mehˬ gaˇ ya gaˬ-euˬ tsawˇ haˬ tiˬ paˆ na deuˬ, zaˬ lahˇ tseˇ nyiꞈ gʼaˬ nehˬ-ehˇ aˬ yawꞈ jawˇ gaˇ laˇ-awˇ, yaw jeˬ ma jeˬ ja mehˬ-euˬ gaˇ kawˆ dawˬ tsuiꞈ naˇ haˬ laˇ-euˬ meh.

Maˬkuˆ 4:34

Yaw jeˬ ma jeˬ maˬ ja ni maˬ mehˬ nehˬ-a. Ehˇ kʼawꞈ, aˬ yawꞈ-euˬ zaˬ lahˇ deuˬ nehˬ-ehˇ tehꞈ-ehˇ jawˇ ngeh, gaˇ kawˆ koeˇ deuˬ-euˬ dawˬ tsuiꞈ dawˬ tawˆ luꞈ, yaw muiˬ paˬ-ehˇ ja mehˬ nehˬ-euˬ meh.

Yoˇhaˬ 15:15

Aˬ kaˇ naˇ, ngaˇ naw maꞈ-ahˇ zaˬ kʼaˆ lehˇ maˬ paˇ kuˇ ma. Aˬ jeˬ miˇ neh ehˇ naˇ, zaˬ kʼaˆ-aˬ, yawˬ ha-euˬ baw leˬ aˬ jeˬ mˇ luꞈ-eu gaˇ kawˆ maˬ siˬ nya-a. Ngaˇ naw maꞈ-ahˇ ngaˬ-euˬ cawˬ lehˇ kuˇ ma. Aˬ jeˬ miˇ neh ehˇ naˇ, ngaˬ Da neh kʼaˇ ehˇ nehˬ laꞈ-euˬ jeˬ naw maꞈ-ahˇ ngaˇ dzawˇ nehˬ gʼaˬ jiˇ-euˬ ma.