Luˇkaꞈ 8:3 - Akha

³ Heˬloˆ-euˬ saˇ naˇ-ahˇ gaˇ mˇ-eu Kuˇzaˬ-euˬ nymˇ dahˬ Yoˇaˬnaˆ tiˬ gʼaˬ, Suˬsaˇnaˬ tiˬ gʼaˬ hawˇ-eu, nui deuˬ gʼawˬ mya gʼaˬ meh. Zaˬ miˬ zaˬ kʼoeˇ deuˬ-aˬ, yawˬ ha kʼaˇ jaˆ-eu jeˬ yuˇ doˆ-awˇ, Yeˬsuˇ hawˇ-eu aˬ yawꞈ-euˬ zaˬ lahˇ deuˬ-ahˇ caw ba nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Heqlor-euq myawqganq-anr hawpir-eu Kursav-euq nymrdanq Yorhaqna, Sursaqnav hawr-eu zaqmiq aqbur nuideuq ghawqmya ghaq, aqyawf naeq-aer ir-euq mae. Zaqmiq aqbur heudeuq-aq, yawqha-euq pyurshuir myawqganq zmqzmq-aer, Yeqsur hawr-eu ghaqkhaer deuq-anr ngaeqghae danteq naeq-euq mae.

Luˇkaꞈ 8:3 Iomraidhean Croise

1 Laˬsaˬbaˬ 29:14

“Ehˇ kʼawꞈ, ngaˇ hawˇ-eu ngaˬ-euˬ tsawˇ haˬ deuˬ nawˬ-ahˇ biꞈ nehˬ-eu tiˬ jeˬ-iˬ maˬ jaˆ. Aˬ jeˬ miˇ neh ehˇ naˇ, yawˬ jeˬ na luꞈ nawˬ neh biꞈ laꞈ-euˬ tehꞈ-ehˇ pyeuꞈ-awˇ, nawˬ neh biꞈ laꞈ-euˬ jeˬ nawˬ-ahˇ paˇ biꞈ kʼoꞈ nehˬ-eu tehꞈ ma.

Iˇsaˬyaˇ 23:18

Aˬ yawꞈ neh gaꞈ za-euˬ pyuˇ deuˬ Sahˬpaˬ Miˬyehˇ-ahˇ damˬ nehˬ tehꞈ-a. Pyuˇ kʼoeˇ deuˬ-ahˇ nui gaˇ maˬ paˇ jeˬ hmˬ-ehˇ, Sahˬpaˬ Miˬyehˇ-ahˇ uˬ duˬ tahˬ-eu tsawˇ haˬ deuˬ gʼaˇ duˬ, dzaˬ dzaˬ dawˇ dawˇ hawˇ-eu dm gʼaˬ dm lmˇ zeuˇ gaˇ zmˬ tehꞈ-a.

Maꞈtehˬ 14:1

Aˇ yamˬ kʼoeˇ yamˬ-ahˇ, Yeˬsuˇ tsawˇ myahˇ doˆ-eu gaˇ kawˆ, Gaˬliˬlehˇ miˇ kʼahˬ-ahˇ uˆ lahˇ-eu sahˬ paˬ Heˬloˆ ya gaˬ-awˇ,

Maꞈtehˬ 14:3

Heˬloˆ-aˬ, Yoˇhaˬ-ahˇ nyehꞈ-eu gʼaˇ duˬ dawˬ biꞈ-awˇ, tawˬ-ahˇ bi dawˆ taˬ-euˬ meh. Aˬ yawꞈ-euˬ mehˇ nmˇ Piˇliˇpuˆ-euˬ miˬ zaˬ Heˬloˇdiˇ baˬ da neh, aˬ yawꞈ kʼoeˇ loꞈ-ehˇ jahˇ-euˬ meh.

Maꞈtehˬ 14:6

Heˬloˆ dehꞈ le-euˬ aˇ nah-ahˇ noeˬ keuˆ-eu bawˬ-iˬ gʼeh luꞈ ngeh, tsawˇ haˬ dawˬ tawˆ luꞈ-euˬ mehˬ shi Heˬloˇdiˇ-euˬ aˬ buˇ gaˇ nyeh nyeh mehˬ gaˇ, Heˬloˆ nui ma tsaˬ dui dui-euˬ meh.

Maꞈtehˬ 2:11

Aˬ yawꞈ maꞈ nymˇ laꞈ kʼoeˇ uˇ leˇ ngeh, zaˬ nahˬ hawˇ-eu aˬ ma Maˬliˇ-ahˇ ya mawˇ-awˇ, pawˬ tsuiꞈ pawˬ dmˬ dmˬ-awˇ uˬ duˬ tahˬ-euˬ meh. Aˬ yawꞈ maꞈ neh yuˇ laꞈ-euˬ laꞈ sawˬ deuˬ pyeuꞈ-eu shuiˇ, lawˇ baoˬ, muˇ laˬ, heu deuˬ yuˇ doˆ-awˇ, aˬ yawꞈ-ahˇ damˬ nehˬ-euˬ meh.

Maꞈtehˬ 20:8

“Uˬ ciꞈ ciꞈ le ngeh, aˬ gaꞈ yaˇ kmˇ-euˬ yaw sahˇ gʼaˬ, aˬ gaꞈ yaˇ kmˇ laꞈ kʼoeˇ gaˇ mˇ gaˇ aˬ yuiꞈ geuꞈ-awˇ bi haw bi pyaˆ-euˬ gʼaˬ-ahˇ kuˇ-awˇ ehˇ nehˬ-eu, ‘Gaˇ mˇ le-euˬ tsawˇ haˬ deuˬ-ahˇ kuˇ-awˇ gʼaˬ gaˇ poeˬ biꞈ nehˬ-awˬ. Jeˬ nah nah saˬ mˇ le-euˬ deuˬ-ahˇ jeˬ huˬ biꞈ-awˇ, jeˬ hu hu saˬ mˇ le-euˬ deuˬ-ahˇ biꞈ saˬ saˬ-awˬ.’

Maꞈtehˬ 25:40

Kʼoeˇ ngeh, aˬ yawꞈ maꞈ-ahˇ Sahˬ paˬ heu loꞈ-ehˇ ehˇ nehˬ tehꞈ-a. ‘Ngaˬ-euˬ aˬ yuiꞈ aˬ nyiˇ heu deuˬ laꞈ kʼoeˇ, aˬ cawˬ naˆ maˬ tseˇ nyiˇ teˬ-eu gʼaˬ-ahˇ naw maꞈ neh ngehˬ gʼeh nehˬ-euˬ jeˬ-aˬ, ngaˬ-ahˇ ngehˬ gʼeh nehˬ laꞈ gaˇ duˇ-eu meh lehˇ, ngaˇ naw maꞈ-ahˇ maˇ jawˆ ni ehˇ-eu ma.’

Maꞈtehˬ 26:11

Shaˬ-eu zahˬ-eu tsawˇ haˬ deuˬ naw maꞈ nehˬ-ehˇ aˬ myah luꞈ jawˇ tehꞈ-a. Ehˇ kʼawꞈ, ngaˇ naw maꞈ nehˬ-ehˇ aˬ myah luꞈ jawˇ-eu maˬ ngeuˇ.

Maꞈtehˬ 27:55

Gaˬliˬlehˇ miˇ kʼahˬ-ahˇ neh Yeˬsuˇ mehˬ nah caw teh laꞈ-awˇ, Yeˬsuˇ-ahˇ caw ba luꞈ-eu zaˬ miˬ zaˬ gʼawˬ mya gʼaˬ, ui cuiˆ gaˇ mahˇ kaˬ gaˇ jawˇ-awˇ haw luꞈ-eu meh.

Luˇkaꞈ 24:10

Zaˬ miˬ zaˬ kʼoeˇ deuˬ-aˬ, Maˬliˇ Maˬgaˬdaˬlaˇ, Yoˇaˬnaˆ, Yaˬkoˆ-euˬ aˬ ma Maˬliˇ aˬ ha maꞈ meh. Aˬ yawꞈ maꞈ hawˇ-eu aˬ yawꞈ maꞈ nehˬ-ehˇ jawˇ-eu zaˬ miˬ zaˬ nui deuˬ neh, Gʼaˬ kʼehˇ deuˬ-ahˇ gaˇ kawˆ kʼoeˇ deuˬ dzawˇ nehˬ-euˬ meh.

Yoˇhaˬ 12:6

Shaˬ zaˬ zahˬ zaˬ deuˬ gʼaˇ duˬ shaˇ noeˬ-awˇ aˬ yawꞈ kʼoeˇ loꞈ-ehˇ ehˇ-eu maˬ ngeuˇ-a. Aˬ yawꞈ smˇ kʼoeˬ tiˬ gʼaˬ miˇ neh, kʼoeˇ loꞈ-ehˇ gʼeh-eu dawˬ ngehˬ-eu meh. Aˬ yawꞈ-aˬ, pyuˇ pawˬ behˆ tawˬ-eu pyuˇ jeˬ hmˬ-eu gʼaˬ pyeuꞈ-awˇ, tiˬ poˆ na pyuˇ daˬ yuˇ-awˇ aˬ yawꞈ-euˬ gʼaˇ duˬ zmˬ-eu tsawˇ haˬ pyeuꞈ-eu meh.

Gʼaˬkʼehˇ 13:1

Aˬdiˇawˬ Ka li zaˬ aˇ muˇ laꞈ kʼoeˇ, Miˬyehˇ gʼaˇ duˬ ngehˬ dah-eu deuˬ hawˇ-eu mehˬ-eu tsoˆ-eu saˬ laˬ deuˬ jawˇ-eu meh. Tsawˇ haˬ kʼoeˇ deuˬ-aˬ, Baˬnaˬbaˇ, Niˇgaˬ lehˇ kuˇ-eu Suˇmoˬ, Kuˇleˬniˬ miˇ kʼahˬ-ahˇ neh laˇ-euˬ Luˇgiˇ, sahˬ paˬ Heˬloˆ nehˬ-ehˇ tiˬ kawˆ loꞈ-ehˇ huiˬ laˇ-euˬ Maˬneˬ hawˇ-eu, Sawˇluˆ aˬ ha maꞈ meh.

2 Gawˇliˬtu 8:9

Aˬ dui-euˬ Sahˬpaˬ Yeˬsuˇ Ka li neh mˇ nehˬ laꞈ-euˬ guiˬ lahˬ-ahˇ naw maꞈ siˬ nya luꞈ meh. Aˬ yawꞈ smˇ muiˬ muiˬ dui dui-eu kʼawꞈ, naw maꞈ gʼaˇ duˬ iˇ shaˬ zaˬ pyeuꞈ le-euˬ meh. Aˬ yawꞈ iˇ shaˬ shaˬ-euˬ baˬ da neh naw maꞈ smˇ muiˬ bi muiˬ laˇ-eu gʼaˇ duˬ, kʼoeˇ loꞈ-ehˇ mˇ le-euˬ meh.

Piˇliˇpiˆ 4:22

Heu gaˇ kʼaˇ jawˇ-eu Miˬyehˇ-euˬ tsawˇ haˬ deuˬ naw maꞈ-ahˇ dawˬ cawˬ puˬ ahˇ laꞈ-euˬ meh. Kʼoeˇ naˆ maˬ tseˇ, sahˬ paˬ Gehˇsaˬ-euˬ hawˇ nymˇ-ahˇ gaˇ mˇ luꞈ-eu deuˬ kawꞈ, naw maꞈ-ahˇ dawˬ cawˬ puˬ ahˇ laꞈ-euˬ meh.

1 Tiˆmoˇseˬ 5:10

Kʼoeˇ uˬ taꞈ, yaw muiˬ jeˬ heu loꞈ-ehˇ mˇ taˬ-euˬ jaˆ-eu tsawˇ haˬ ya bi pyeuꞈ meh. Yawˬ ha-euˬ zaˬ deuˬ-ahˇ yaw muiˬ paˬ-ehˇ bo saˆ huiˬ-eu, daˬ yah-ahˇ yaw muiˬ-ehˇ ha-eu, Ka li zaˬ deuˬ gʼaˇ duˬ nyiˇ-eu teˬ-eu gaˇ deuˬ mˇ nehˬ-eu, shaˬ laˇ zahˬ laˇ-euˬ deuˬ-ahˇ caw ba-eu, yaw muiˬ jeˬ-ahˇ gʼaˬ byehˆ maˬ byehˆ ni mˇ-eu, heu loꞈ-ehˇ gʼeh-eu gaˇ deuˬ-ahˇ mˇ-eu tsawˇ haˬ ya bi pyeuꞈ-eu meh.