Luˇkaꞈ 8:2 - Akha

² Zaˬ miˬ zaˬ tiˬ deuˬ kʼawꞈ, aˬ yawꞈ nehˬ-ehˇ iˇ-euˬ meh. Zaˬ miˬ zaˬ kʼoeˇ deuˬ-aˬ, Yeˬsuˇ neh nehꞈ bi teh doˆ-euˬ deuˬ hawˇ-eu, naˇ gawˇ gʼawˬ mya jeˬ bi laˆ taˬ-euˬ deuˬ pyeuꞈ-eu meh. Aˬ yawꞈ maꞈ-aˬ, nehꞈ shiꞈ mawˇ uˇ-eu bi teh doˆ-euˬ gʼaˬ pyeuꞈ-eu Maˬgaˬdaˬlaˇ lehˇ kuˇ-euˬ Maˬliˇ tiˬ gʼaˬ,

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Yeqsur nae naef yawjawf ur-eu gar taedov naeq-euq hawr-eu nar-awr gawr-eu bi taqler-euq zaqmiq aqbur tiqpavnav deuq khawf aqyawf naeq-aer ir-euq mae. Aqyawf maf-euq lafkhoer, naef shif mawr ur-eu gar bi taedov-euq Maqgaqdaqlar laer kur-eu Maqliv,

Luˇkaꞈ 8:2 Iomraidhean Croise

Maꞈtehˬ 4:24

Yeˬsuˇ-euˬ gaˇ kawˆ Suˇliˆ miˇ kʼahˬ kʼahˬ lah ni gaˬ doe-iˇ-awˇ, pyaˬ-eu tsawˇ haˬ deuˬ, naˇ gawˇ gʼawˬ mya jeˬ pi luꞈ-eu tsawˇ haˬ deuˬ, nehꞈ uˇ-eu tsawˇ haˬ deuˬ, mawˇ bawˬ seu-eu tsawˇ haˬ deuˬ hawˇ-eu, kuiˇ shiˇ laꞈ shiˇ shiˇ-eu tsawˇ haˬ deuˬ-ahˇ aˬ yawꞈ jawˇ gaˇ sheuˬ uiˬ laꞈ-awˇ, aˬ yawꞈ laˆ taˬ-euˬ meh.

Maˬkuˆ 16:1

Jawˇ nah dzeuˇ ngeh, Maˬliˇ Maˬgaˬdaˬlaˇ, Yaˬkoˆ-euˬ aˬ ma Maˬliˇ hawˇ-eu, Saˬloˬmeˬ aˬ ha smˇ gʼaˬ, Yeˬsuˇ-euˬ gʼawˇ mawˇ-ahˇ shehˆ daˆ nehˬ-iˇ-eu gʼaˇ duˬ, tsiˇ yaw saw gʼawˬ mya jeˬ zeuˇ-euˬ meh.

Maˬkuˆ 16:9

(Tiˬ jaw laꞈ kʼoeˇ aˇ dahˬ beh-eu nah uˬ shawˬ yaw naꞈ-ehˇ, Yeˬsuˇ shiˇ-euˬ paˇ gʼoꞈ dehꞈ laˇ ngeh, aˬ yawꞈ neh nehꞈ shiꞈ mawˇ teh doˆ nehˬ-euˬ gʼaˬ pyeuꞈ-eu Maˬliˇ Maˬgaˬdaˬlaˇ jawˇ gaˇ jeˬ huˬ doˆ le-euˬ meh. (Zaˬ miˬ zaˬ kʼoeˇ smˇ gʼaˬ Beˬtuˆluˆ hawˇ-eu aˬ yawꞈ-euˬ cawˬ deuˬ jawˇ gaˇ iˇ-awˇ, aˬ yawꞈ maꞈ-ahˇ kʼaˇ ehˇ nehˬ-euˬ jeˬ dawˬ tawˆ luꞈ, yaw nymˇ nymˇ-ehˇ dzawˇ poˆ nehˬ-euˬ meh.

Luˇkaꞈ 23:27

Tsawˇ haˬ aˇ maꞈ maꞈ ma hawˇ-eu, Yeˬsuˇ gʼaˇ duˬ noeˬ shaˬ-awˇ tsawˇ ngoeˇ ngoeˇ luꞈ-eu zaˬ miˬ zaˬ deuˬ, Yeˬsuˇ mehˬ nah caw teh luꞈ-eu meh.

Luˇkaꞈ 23:49

Yeˬsuˇ-euˬ cawˬ deuˬ hawˇ-eu, Gaˬliˬlehˇ miˇ kʼahˬ-ahˇ neh aˬ yawꞈ-euˬ mehˬ nah caw teh laꞈ-euˬ zaˬ miˬ zaˬ kʼoeˇ deuˬ, ui cuiˆ gaˇ mahˇ kaˬ gaˇ yawꞈ-awˇ haw-euˬ meh.

Luˇkaꞈ 23:55

Gaˬliˬlehˇ miˇ kʼahˬ-ahˇ neh Yeˬsuˇ-euˬ mehˬ nah caw teh laꞈ-euˬ tsawˇ haˬ deuˬ Yoˇsehˆ nehˬ-ehˇ iˇ-awˇ, lmˬ bymˇ hawˇ-eu Yeˬsuˇ-ahˇ kʼoeˇ gaˇ aˬ joˆ-ehˇ baꞈ pahˬ yaꞈ-euˬ gaˇ mawˇ duˬ yaꞈ-euˬ meh.

Luˇkaꞈ 8:30

“Nawˬ-euˬ tsawˇ myahˇ aˬ joˆ-ehˇ myahˇ teˬ” lehˇ Yeˬsuˇ naˇ haˬ ngeh, “Ngaˬ-euˬ tsawˇ myahˇ ‘Yehˇ yehˇ maꞈ’ lehˇ myahˇ-euˬ ma” lehˇ aˬ yawꞈ ehˇ-eu meh. Nehꞈ gʼawˬ mya ni aˬ yawꞈ laꞈ kʼoeˇ uˇ luꞈ-eu miˇ neh, aˬ yawꞈ kʼoeˇ loꞈ-ehˇ ehˇ-eu meh.

Yoˇhaˬ 19:25

Yeˬsuˇ-euˬ laꞈ yaꞈ dawˬ peh tehˬ ni yawꞈ luꞈ-eu tsawˇ haˬ deuˬ-aˬ, Yeˬsuˇ-euˬ aˬ ma, Yeˬsuˇ-euˬ aˬ mui, Gaˬlawˇpaˇ-euˬ nymˇ dahˬ pyeuꞈ-eu Maˬliˇ hawˇ-eu, Maˬgaˬdaˬlaˇ meuˬ-ahˇ jawˇ-eu Maˬliˇ, aˬ ha oeˬ gʼaˬ meh.

Gʼaˬkʼehˇ 1:14

Aˬ yawꞈ maꞈ-aˬ, zaˬ miˬ zaˬ deuˬ hawˇ-eu, Yeˬsuˇ-euˬ aˬ ma Maˬliˇ hawˇ-eu Yeˬsuˇ-euˬ aˬ nyiˇ deuˬ nehˬ-ehˇ tiˬ kawˆ loꞈ-ehˇ, tiˬ kʼehˬ maˬ taˬ ni uiˬ leˇ-awˇ guiˬ lahˬ shaˇ-eu meh.