Luˇkaꞈ 7:6 - Akha

⁶ Kʼoeˇ ngeh, aˬ yawꞈ maꞈ nehˬ-ehˇ Yeˬsuˇ iˇ nehˬ-euˬ meh. Yaw huiˬ yaw mahˇ kʼoeˇ gʼaˬ-euˬ nymˇ-ahˇ maˬ kaˬ maˬ kaˇ-ehˇ iˇ keuˆ ngeh, yaw huiˬ yaw mahˇ kʼoeˇ gʼaˬ aˬ yawꞈ-euˬ cawˬ deuˬ-ahˇ Yeˬsuˇ jawˇ gaˇ kʼehˇ gʼeh leꞈ-awˇ, heu loꞈ-ehˇ bi ehˇ le-euˬ meh.“Sahˬpaˬ-oˇ, nawˇ ngaˬ-euˬ nymˇ-ahˇ oe-eu lehˇ gaˇ ma maˬ bi cah coeˬ mawꞈ nya. Aˬ jeˬ miˇ neh ehˇ naˇ, ngaˬ-euˬ nymˇ-ahˇ nawˇ bi uˇ laˇ paˬ-ehˇ, ngaˇ tiˬ pawꞈ-iˬ maˬ geuˇ nya.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Khoerngae, Yeqsur, aqyawfmaf naeq-aer ir-euq mae. Khoerghaq-euq nymr-anr nae ardzaeq-aer maqkaq-eu gar irkeuv ngae, yardzoeq guirhuq khoerghaq, aqyawf-euq cawq heumyav ghaq-anr Yeqsur jawr-eu gar khaerlaf-awr, heulof-aer bi’aer lar-euq mae, “Sanqpaq-or! Nawq-euq mawrdo-anr coeqlarni taqjanr. Aqjeq mirnae aernar-aq, nawr, ngaq-euq irkanr urle-eu gar ngar maqgeux nya.

Luˇkaꞈ 7:6 Iomraidhean Croise

Aˇ dahˬ 32:10

Nawˬ-euˬ zaˬ kʼaˆ pyeuꞈ-eu ngaˇ-aˬ, nawˇ gʼawˬ shaˬ gaˬ-eu jeˬ hawˇ-eu, nawˬ-euˬ saˇ jaˇ ziꞈ-eu jeˬ-ahˇ za-eu maˬ geuˇ-a. Aˇ hu ngaˇ Yawˇdaˬ lawˇ baˬ tsehˆ doˆ ngeh, ngaˬ-euˬ aˬ laꞈ laꞈ kʼoeˇ gawˬ yoeˬ tiˬ yoeˬ tehꞈ-ehˇ ahˇ-euˬ kʼawꞈ, nymˬ-mˇ ngaˇ gʼoꞈ doˆ laˇ ngeh poˆ jawˇ, ngaˬ nehˬ-ehˇ tsawˇ haˬ nyiˬ muˇ ahˇ-eu ma.

Dawqdaq 29:23

Nui ma huiˬ-eu mahˇ-eu jeˬ nawˬ-ahˇ laˆ shaˬ-awˇ, nui nahˬ nui yu ahˇ naˇ, aˬ cawˬ nawˬ-ahˇ yaw zeu baw tehꞈ-a.

Maꞈtehˬ 20:28

Tsawˇhaˬ-euˬ Zaˬmaˇ kʼawꞈ, aˬ cawˬ neh bi mˇ cu-eu gʼaˇ duˬ oe-euˬ maˬ ngeuˇ-a. Aˬ cawˬ gʼaˇ duˬ mˇ le-euˬ uˬ taꞈ, tsawˇ haˬ gʼawˬ mya ni-ahˇ ka kʼoꞈ-eu gʼaˇ duˬ shiˇ dah le-eu lehˇ oe-euˬ meh.”

Maꞈtehˬ 3:11

Naw maꞈ iˬ baˇ noeˬ poˆ-euˬ gaˇ kawˆ bi siˬ bi mawˇ-eu gʼaˇ duˬ, iˇ cuꞈ neh naw maꞈ-ahˇ ngaˇ iˇ cuꞈ shawˇ nehˬ ma. Ehˇ kʼawꞈ, ngaˬ-euˬ mehˬ nah oe luꞈ-eu gʼaˬ-aˬ, Muiˬ-eu shawˇ-eu Yaw sahˇ Miˬyehˇ laꞈ kʼoeˇ hawˇ-eu, miˬ dzaˬ laꞈ kʼoeˇ naw maꞈ-ahˇ iˇ cuꞈ shawˇ nehˬ laꞈ tehꞈ-a. Aˬ yawꞈ-aˬ, ngaˇ naˆ maˬ tseˇ huiˬ dui mahˇ dui dui-awˇ, ngaˇ-aˬ, aˬ yawꞈ-euˬ sehˬ nawˆ yuˇ nehˬ-eu tehꞈ-ehˇ kʼawꞈ maˬ geuˇ nya.

Maˬkuˆ 5:24

Kʼoeˇ ngeh, Yaˬiˇluˆ-euˬ mehˬ nah Yeˬsuˇ caw teh gʼeh-euˬ meh. Yeˬsuˇ-euˬ mehˬ nah caw teh luꞈ-eu tsawˇ haˬ aˇ maꞈ myaˬ dui dui-eu miˇ neh, aˬ yawꞈ-euˬ tiˬ jawˬ tsawˇ haˬ maˬ tahˬ paˆ coeˇ ni cah luꞈ-eu meh.

Luˇkaꞈ 5:8

Kʼoeˇ loꞈ-ehˇ pyeuꞈ laˇ-euˬ gaˇ Siˇmoˬ Beˬtuˆluˆ ya mawˇ ngeh, Yeˬsuˇ-euˬ mehˬ shi aˬ yawꞈ pawˬ tsuiꞈ pawˬ dmˬ dmˬ-awˇ ehˇ-eu, “Sahˬpaˬ-oˇ, ngaˇ jawˇ gaˇ neh doˆ-iˇ-awˬ. Ngaˇ-aˬ, iˬ baˇ huiˬ dui dui-eu tsawˇ haˬ tiˬ gʼaˬ ma.”

Luˇkaꞈ 7:4

Aˬ yawꞈ maꞈ Yeˬsuˇ jawˇ gaˇ iˇ keuˆ ngeh, Yeˬsuˇ-ahˇ shaˇ dui dui-awˇ ehˇ-eu, “Tsawˇ haˬ heu gʼaˬ-ahˇ nawˇ caw ba nehˬ paˬ-ehˇ gʼeh dui dui meh.

Luˇkaꞈ 7:5

Aˬ dui-euˬ tsawˇ jeuˬ-ahˇ aˬ yawꞈ gaˬ-awˇ, aˬ dui-euˬ gʼaˇ duˬ uˬ duˬ tahˬ nymˇ tsoˆ nehˬ laꞈ-euˬ meh.”

Luˇkaꞈ 7:7

Kʼoeˇ miˇ neh, nawˇ jawˇ gaˇ ngaˬ-euˬ gʼawˇ mawˇ maˬ oe-euˬ ma. Dawˬ tehꞈ-ehˇ biꞈ leꞈ-awˇ, ngaˬ-euˬ zaˬ kʼaˆ-ahˇ bi taˬ leˇ nehˬ laꞈ-awˬ.

Luˇkaꞈ 8:49

Yeˬsuˇ kʼoeˇ loꞈ-ehˇ ehˇ luꞈ ngeh, Yuˇdaˆ tsawˇ haˬ-euˬ uˬ duˬ tahˬ nymˇ-ahˇ uˆ lahˇ-eu aˬ yuiꞈ aˬ tsu-euˬ nymˇ-ahˇ neh tsawˇ haˬ tiˬ gʼaˬ laˇ-awˇ, Yaˬiˇluˆ-ahˇ ehˇ-eu, “Nawˬ buˇ shiˇ tsehˆ gʼaˬ-euˬ meh. Saˬ laˬ-ahˇ maˬ paˇ laˆ bahˬ kʼawꞈ gʼaˬ meh.”

Gʼaˬkʼehˇ 10:38

Naˬzaˬlehˇ tsawˇ haˬ Yeˬsuˇ gaˇ kawˆ maˬ ehˇ, aˬ yawꞈ-euˬ kʼoeˇ taˆ Miˬyehˇ neh Muiˬ-eu shawˇ-eu Yaw sahˇ Miˬyehˇ hawˇ-eu baoˬ aˬ joˆ-ehˇ shehˆ daˆ nehˬ-euˬ gaˇ kawˆ maˬ ehˇ, naw maꞈ siˬ luꞈ meh. Miˬyehˇ aˬ yawꞈ nehˬ-ehˇ jawˇ-eu miˇ neh, aˬ yawꞈ yawˬ gaˇ na luꞈ iˇ doe-awˇ, yaw muiˬ jeˬ mˇ mˇ-ehˇ, Nehꞈ-euˬ baoˬ uˬ moˆ shaˬ luꞈ-eu tsawˇ haˬ deuˬ-ahˇ naˇ gawˇ laˆ taˬ nehˬ-euˬ meh.

Yaˬkoˆ 4:10

Sahˬpaˬ Miˬyehˇ-euˬ mehˬ shi nui ma nahˬ yu ni taˬ-awˬ. Aˬ yawꞈ naw maꞈ-ahˇ ciˬ huiˬ ciˬ mahˇ nehˬ laꞈ tehꞈ-a.

Yaˬkoˆ 4:6

Ehˇ kʼawꞈ, Miˬyehˇ neh biꞈ laꞈ-euˬ guiˬ lahˬ yaw dzahˇ-aˬ, kʼoeˇ naˆ maˬ tseˇ naꞈ dzehˬ-eu meh. “Nui ma huiˬ-eu mahˇ-eu tsawˇ haˬ-ahˇ Miˬyehˇ muiˇ-awˇ, nui nahˬ nui yu ahˇ-eu tsawˇ haˬ-ahˇ guiˬ lahˬ biꞈ-eu meh” lehˇ, Jaˇliꞈ laꞈ kʼoeˇ ehˇ taˬ-euˬ meh.