Luˇkaꞈ 7:21 - Akha

²¹ Kʼoeˇ ngeh kʼeh tseuˆ ni, naˇ-eu gawˇ-eu tsawˇ haˬ deuˬ, yaw jaw pyaˬ-eu tsawˇ haˬ deuˬ hawˇ-eu, nehꞈ yaw jawꞈ uˇ-eu tsawˇ haˬ gʼawˬ mya ni-ahˇ Yeˬsuˇ laˆ taˬ nehˬ-awˇ, myaˆ behꞈ gʼawˬ mya gʼaˬ-ahˇ myaˆ nuiˆ bi mawˇ laˇ-euˬ tiˬ dehˬ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Aryamq khoeryamq-euq lafkhoer, Yeqsur-aq, nargawr ghawqmya jeq bi taqler luf-awr shaqzanq ghawqmya jeq-anr lavsav luf-euq uqtaf, naef yawjawf ur-eu gar taedovnaeq luf-awr myavbaef ghawqmya ghaq-anr khawf myavnuiv bi mawrnyalar luf-eu mae.

Luˇkaꞈ 7:21 Iomraidhean Croise

1 Sahˬpaˬ 8:37

“Miˇ kʼahˬ heu kʼahˬ kʼoeˇ taˆ, mehꞈ-eu shuꞈ-eu jeˬ hawˇ-eu yaw jaw naˇ-eu naˇ gawˇ gawˇ ma keuˆ le ngeh maˬ ehˇ, lahˇ dui dui-eu jaˬ lehˇ hawˇ-eu nyoiˬ oiˬ nyehˇ bahˇ gʼawˬ mya jeˬ baˬ da neh dzaˬ la gʼo cehˇ deuˬ ya cawˆ-iˇ ngeh maˬ ehˇ, muiˇ-eu deuˬ nawˬ-euˬ tsawˇ haˬ deuˬ-ahˇ guiˇ deuˆ le ngeh maˬ ehˇ, shaˬ zahˬ naˇ gawˇ keuˆ le ngeh maˬ ehˇ,

Uˬ duˬ 14:48

Piˇ ma paˇ haw le ngeh, nymˇ kʼoeˇ nymˇ-ahˇ laˆ saˆ gʼaˬ naˇ kʼah, nyawˬ naˇ-eu maˇ naˇ paˇ doˆ laˇ taˬ-euˬ maˬ ya mawˇ naˇ, nymˇ kʼoeˇ nymˇ yaw shawˇ meh lehˇ aˬ yawꞈ ya daˇ tsehˆ meh. Aˬ jeˬ miˇ neh ehˇ naˇ, nyawˬ naˇ-eu maˇ naˇ kʼoeˇ byoˆ tsehˆ-euˬ meh.

Maꞈtehˬ 4:23

Gaˬliˬlehˇ miˇ kʼahˬ doe ni Yeˬsuˇ cah-awˇ, aˬ yawꞈ maꞈ-euˬ uˬ duˬ tahˬ nymˇ laꞈ kʼoeˇ mehˬ-eu tsoˆ-eu jeˬ mˇ-awˇ, Miˬyehˇ Miˇ kʼahˬ-ahˇ taꞈ leˇ-eu laˬ kʼaˬ cehˇ-eu guiˬ lahˬ dawˬ mehˬ-eu uˬ taꞈ, naˇ gawˇ gʼawˬ mya jeˬ pi luꞈ-eu tsawˇ haˬ deuˬ-ahˇ kʼawꞈ, laˆ taˬ nehˬ-euˬ meh.

Maꞈtehˬ 4:24

Yeˬsuˇ-euˬ gaˇ kawˆ Suˇliˆ miˇ kʼahˬ kʼahˬ lah ni gaˬ doe-iˇ-awˇ, pyaˬ-eu tsawˇ haˬ deuˬ, naˇ gawˇ gʼawˬ mya jeˬ pi luꞈ-eu tsawˇ haˬ deuˬ, nehꞈ uˇ-eu tsawˇ haˬ deuˬ, mawˇ bawˬ seu-eu tsawˇ haˬ deuˬ hawˇ-eu, kuiˇ shiˇ laꞈ shiˇ shiˇ-eu tsawˇ haˬ deuˬ-ahˇ aˬ yawꞈ jawˇ gaˇ sheuˬ uiˬ laꞈ-awˇ, aˬ yawꞈ laˆ taˬ-euˬ meh.

Maˬkuˆ 3:10

Aˬ jeˬ miˇ neh ehˇ naˇ, tsawˇ haˬ gʼawˬ mya ni-ahˇ aˬ yawꞈ naˇ gawˇ laˆ taˬ nehˬ haw-euˬ miˇ neh, naˇ-eu tsawˇ haˬ dawˬ tawˆ luꞈ, aˬ yawꞈ-ahˇ toeˬ ciˆ-eu lehˇ tahˬ tahˬ-ehˇ oe luꞈ-eu meh.

Maˬkuˆ 5:29

Yeˬsuˇ-euˬ pehˇ kʼahˬ-ahˇ aˬ yawꞈ toeˬ ciˆ-euˬ nehˬ-ehˇ, aˬ yawꞈ shiˬ doˆ luꞈ-eu tiˬ poˆ tehꞈ-ehˇ tsiˇ leˇ-awˇ, aˬ yawꞈ-euˬ naˇ gawˇ taˬ leˇ-euˬ gaˇ kawˆ, gʼawˇ mawˇ laꞈ kʼoeˇ siˬ duˬ leˇ-euˬ meh.

Maˬkuˆ 5:34

Yeˬsuˇ aˬ yawꞈ-ahˇ ehˇnehˬ-eu, “Ngaˬ buˇ-oˇ. Nawˬ-euˬ jah-eu nui ma nawˬ-ahˇ bi taˬ leˇ-euˬ meh. Nui ma saˇ lehˆ ni gʼoꞈ-iˇ-awˬ. Nawˬ-euˬ naˇ gawˇ teu tiˬ jawˇ-iˬ maˬ paˇ naˇ poˆ laˇ-aˇ.”

Luˇkaꞈ 7:20

Aˬ yawꞈ maꞈ Yeˬsuˇ jawˇ gaˇ iˇ keuˆ-awˇ naˇ haˬ-eu, “Iˇ cuꞈ shawˇ-eu Yoˇhaˬ neh nga maꞈ-ahˇ nawˇ jawˇ gaˇ kʼehˇ gʼeh leꞈ-awˇ, oe tehꞈ-a lehˇ aˬ yawꞈ neh ehˇ-euˬ kʼoeˇ gʼaˬ nawˇ ma loˇ. Maˬ ngeuˇ naˇ, yawˬ gʼaꞈ yawˬ oe gaˇ nga maꞈ noeˬ tmˬ-awˇ ya dawˬ gaˇ ehˇ ta loˇ lehˇ bi naˇ haˬ le-euˬ meh.”

HeˬByehˇ 12:6

Aˬ jeˬ miˇ neh ehˇnaˇ, Sahˬpaˬ Miˬyehˇ gaˬ-eu gʼaˬ-ahˇ, aˬ yawꞈ mehˬ paˇ tsoˆ paˇ nehˬ-awˇ, Yawꞈ-euˬ zaˬ lehˇ sawˇ-euˬ gʼaˬ-ahˇ, aˬ yawꞈ diˬ paˇ dzaw paˇ-eu meh.”