Luˇkaꞈ 7:13 - Akha

¹³ Miˬ coeˬ miˬ ma kʼoeˇ gʼaˬ-ahˇ Sahˬpaˬ Yeˬsuˇ ya mawˇ ngeh, gʼawˬ shaˬ haw gaˬ-awˇ, “Taˬ ngoeˇ” lehˇ ehˇ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Sanqpaq Yeqsur, miqcoeq miqma khoerghaq-anr ya’mawr ngae, aqyawf-anr ghawqshaq hawgaq-awr, “Taqngoer” laer aernaeq-euq mae.

Luˇkaꞈ 7:13 Iomraidhean Croise

Jaceuq 103:13

Aˬ da zaˬ-ahˇ gaˬ-euˬ loꞈ-ehˇ, aˬ yawꞈ-ahˇ taˬ huiˬ-eu tsawˇ haˬ deuˬ-ahˇ Sahˬpaˬ Miˬyehˇ gaˬ-eu meh.

Jaceuq 86:15

Ehˇ kʼawꞈ Sahˬpaˬ Miˬyehˇ-oˇ, nawˇ-aˬ gʼawˬ shaˬ gaˬ nya-awˇ, gʼoeˇ-eu gaˬ-eu jeˬ byah-eu Miˬyehˇ pyeuꞈ-eu uˬ taꞈ, nui ma gʼawˬ mahˇ ni taˬ nya-awˇ gʼawˬ shaˬ gaˬ-eu laꞈ kʼoeˇ, saˇ jaˇ ziꞈ-eu meh.

Jaceuq 86:5

Nawˇ nga maꞈ kʼoeˇ taˆ muiˬ-awˇ iˬ baˇ pyehˬ-eu laꞈ kʼoeˇ, nawˬ-ahˇ guiˬ lahˬ shaˇ-eu tsawˇ haˬ deuˬ-ahˇ, maˬ tsehˆ leˇ ni gaˬ-eu meh.

Iˇsaˬyaˇ 63:9

Aˬ yawꞈ maꞈ ya daˬ-eu shaˬ zahˬ dawˬ tawˆ laꞈ kʼoeˇ, aˬ yawꞈ maꞈ-ahˇ aˬ yawꞈ ka kʼoꞈ-euˬ meh. Mˬ taˆ gʼaˬ kʼehˇ aˬ yawꞈ maꞈ-ahˇ ka kʼoꞈ-euˬ maˬ ngeuˇ-a. Sahˬpaˬ Miˬyehˇ mawˇ do oe-awˇ ka kʼoꞈ-euˬ meh. Aˬ yawꞈ maꞈ-ahˇ aˬ yawꞈ maˬ haw ni byehˇ dzeh-euˬ, tiˬ jawˇ-iˬ maˬ jaˆ-a.

Yeˬlaˬmiˇ 31:20

“Iˇsaˬleˬlaˆ nawˇ ngaˇ gaˬ dzehˬ-eu aˬ li ma. Aˬ cawˬ naˆ maˬ tseˇ gaˬ-euˬ gʼaˬ nawˇ ma. Nawˬ-euˬ tsawˇ myahˇ ngaˇ kʼaˇ kuˇ ngeh, nawˬ-ahˇ gaˬ-eu maˬ jiˇ leˇ-ehˇ, nawˬ-ahˇ noeˬ-eu maˬ byoˆ-iˇ nya. Nawˬ-ahˇ ngaˇ gʼawˬ shaˬ aˬ diˇ gaˬ nehˬ ma.

Maˬkuˆ 8:2

“Tsawˇ haˬ heu deuˬ-ahˇ ngaˇ gʼawˬ shaˬ gaˬ dui dui nya. Aˬ yawꞈ maꞈ ngaˬ nehˬ-ehˇ jawˇ luꞈ-eu smˬ nah byah laˇ-awˇ, dzaˬ-euˬ tiˬ jeˬ-iˬ ma paˇ jaˆ meh.

Luˇkaꞈ 10:1

Kʼoeˇ naˇ, Sahˬpaˬ Yeˬsuˇ-aˬ, zaˬ lahˇ shiꞈ tseˇ nyiꞈ gʼaˬ paˇ tseˇ doˆ-awˇ, nyiˬ gʼaˬ-euˬ tiˬ muˇ bi muˇ-awˇ, aˬ yawꞈ kʼaˇ iˇ-eu lehˇ gʼeh-eu meuˬ deuˬ hawˇ-eu pu deuˬ doe ni, aˬ yawꞈ-euˬ mehˬ hu kʼehˇ gʼeh-euˬ meh.

Luˇkaꞈ 11:1

Tiˬ poˆ-aˬ, Yeˬsuˇ jawˇ duˬ tiˬ tsahˇ-ahˇ guiˬ lahˬ shaˇ luꞈ-eu meh. Aˬ yawꞈ guiˬ lahˬ shaˇ gʼaˬ ngeh, aˬ yawꞈ-euˬ zaˬ lahˇ tiˬ gʼaˬ aˬ yawꞈ-ahˇ ehˇ-eu, “Sahˬpaˬ-oˇ, Yoˇhaˬ neh aˬ yawꞈ-euˬ zaˬ lahˇ deuˬ-ahˇ mehˬ nehˬ-euˬ loꞈ-ehˇ, guiˬ lahˬ aˬ joˆ-ehˇ ya shaˇ-eu gaˇ kawˆ nga maꞈ-ahˇ mehˬ nehˬ laꞈ-awˬ.”

Luˇkaꞈ 11:39

Kʼoeˇ ngeh, Sahˬpaˬ Yeˬsuˇ aˬ yawꞈ-ahˇ heu loꞈ-ehˇ ehˇ nehˬ-euˬ meh. “Naw maꞈ Paˬliˬsehˇ deuˬ-aˬ, naˬ bo hawˇ-eu kʼmˬ maˬ-ahˇ laꞈ nyiˇ paw joˆ shawˇ-eu meh. Ehˇ kʼawꞈ, naw maꞈ-euˬ laꞈ kʼoeˇ paw-aˬ, mehˇ juiˇ juiˇ-eu nui ma hawˇ-eu, yaw haiˬ jeˬ mˇ mawꞈ-eu nui noeˬ tiˬ byah ni ahˇ-eu meh.

Luˇkaꞈ 12:42

Sahˬpaˬ Yeˬsuˇ ehˇ-eu, “Saˇ jaˇ ziꞈ-awˇ zaˬ siˬ tsawˇ gahˇ ahˇ-eu zaˬ kʼaˆ aˬ geu gʼaˬ-a. Aˬ yawꞈ-aˬ, nymˇ jiˇ-ahˇ haw-eu pyaˆ-eu gʼaˇ duˬ hawˇ-eu, zaˬ kʼaˆ nui deuˬ-ahˇ aˇ yamˬ tsaˬ tsaˬ ni bi dzaˬ bi dawˇ-eu gʼaˇ duˬ, baw leˬ neh kʼehˇ taˬ-euˬ zaˬ kʼaˆ kʼoeˇ gʼaˬ meh.

Luˇkaꞈ 13:15

Sahˬpaˬ Yeˬsuˇ aˬ yawꞈ-ahˇ ehˇ kʼoꞈ nehˬ-eu, “Awꞈ-aꞈ tahˬ kʼoˬ-ahˇ duˇ-eu tsawˇ haˬ deuˬ-oˇ, naw maꞈ Jawˇ nah ngeh nah yawˬ ha-euˬ jeˬ zaˬ jeˬ kuˆ-ahˇ paꞈ taˬ-euˬ mawˇ neˇ hawˇ-eu mahˬ tahˬ laˆ puiˇ-awˇ, iˇ cuꞈ maˬ tsahˇ dawˇ-iˇ loˇ.

Luˇkaꞈ 17:5

“Nga maꞈ jah-eu jeˬ bi myaˬ laˇ nehˬ laꞈ” lehˇ, gʼaˬ kʼehˇ deuˬ Sahˬpaˬ Yeˬsuˇ-ahˇ shaˇ-eu meh.

Luˇkaꞈ 17:6

Sahˬpaˬ Yeˬsuˇ ehˇ-eu, “Naw maꞈ jah-eu jeˬ gʼawˬ paꞈ aˇ nuiˆ hui ni ahˇ naˇ, boeˬ dzaˇ aˇ bawˇ heu bawˇ-ahˇ, ‘Nawˬ-euˬ duˬ ciˇ dawˬ tawˆ luꞈ gʼawˇ doˆ gʼeh-awˇ, iˬ ma laˆ shaˆ-ahˇ dehꞈ-iˇ-awˬ’ lehˇ ehˇ nehˬ ngeh, boeˬ dzaˇ heu bawˇ naw maꞈ-euˬ dawˬ naˇ haˬ tehꞈ-a.

Luˇkaꞈ 18:6

Sahˬpaˬ Yeˬsuˇ ehˇ-eu, “Maˬ sui maˬ dawˇ-eu yaˇ kʼaˬ daˇ-eu tsawˇ haˬ kʼoeˇ gʼaˬ ehˇ-eu gaˬ maˬ loˇ.

Luˇkaꞈ 19:8

Saˬgehˇ tuˇ-awˇ, Sahˬpaˬ Yeˬsuˇ-ahˇ ehˇ nehˬ-eu, “Sahˬpaˬ-oˇ, ngaˬ-euˬ pyuˇ shuiˇ myawˬ gahˬ tiˬ paˆ, shaˬ-eu zahˬ-eu tsawˇ haˬ deuˬ-ahˇ biꞈ ma. Ngaˬ neh tsawˇ haˬ tiˬ gʼaˬ na-ahˇ tiˬ jeˬ paˬ myawꞈ dzaˬ taˬ-euˬ jaˆ naˇ, oeˬ bymˇ tsoeˬ kʼoꞈ nehˬ ma.”

Luˇkaꞈ 22:61

Kʼoeˇ ngeh, Sahˬpaˬ Yeˬsuˇ zeuˆ pyawˇ leꞈ-awˇ, Beˬtuˆluˆ-ahˇ haw-euˬ meh. “Nymˇ ciꞈ ya poeˇ maˬ doeˇ laˇ mi naˆ-ehˇ, ngaˬ-ahˇ maˬ siˬ lehˇ smˬ poˆ keu ni nawˇ pyehˇ tehꞈ-a” lehˇ, Sahˬpaˬ Yeˬsuˇ neh aˬ yawꞈ-ahˇ ehˇ nehˬ-euˬ dawˬ kʼoeˇ dawˬ-ahˇ Beˬtuˆluˆ noeˬ doˆ leˇ-euˬ meh.

Luˇkaꞈ 24:3

Ehˇ kʼawꞈ, laꞈ kʼoeˇ uˇ-iˇ haw ngeh, Sahˬpaˬ Yeˬsuˇ-euˬ gʼawˇ mawˇ maˬ jaˆ gaˇ ya mawˇ-euˬ meh.

Luˇkaꞈ 24:34

“Sahˬpaˬ Yeˬsuˇ gʼoꞈ dehꞈ laˇ-euˬ yaw duˬ baw meh. Aˬ yawꞈ-euˬ gʼawˇ mawˇ Siˇmoˬ-ahˇ bi mawˇ le-euˬ meh” lehˇ, aˬ yawꞈ maꞈ ehˇ luꞈ-eu meh.

Luˇkaꞈ 7:12

Meuˬ-euˬ lahˇ kʼehˬ dawˬ peh aˬ yawꞈ le keuˆ ngeh, tsawˇ shiˇ baꞈ pahˬ-iˇ-eu lehˇ doˆ le luꞈ gaˇ ya mawˇ-euˬ meh. Miˬ coeˬ miˬ ma ti gʼaˬ aˬ li tiˬ li tehꞈ-ehˇ jawˇ-eu bi shiˇ-euˬ meh. Meuˬ-ahˇ jawˇ-eu tsawˇ haˬ gʼawˬ mya ni, miˬ coeˬ miˬ ma kʼoeˇ gʼaˬ nehˬ-ehˇ doˆ le luꞈ-eu meh.

Luˇkaꞈ 7:14

Aˬ yawꞈ le-awˇ, seuˆ yoꞈ-ahˇ toeˬ ciˆ ngeh, seuˆ yoꞈ baꞈ luꞈ-eu tsawˇ haˬ deuˬ naˬ leˇ-euˬ meh. “Aˬ nyiˇ-oˇ, tuˇ laˇ-awˬ lehˇ nawˬ-ahˇ ngaˇ ehˇ-eu ma” lehˇ, shiˇ-euˬ kʼoeˇ gʼaˬ-ahˇ Yeˬsuˇ ehˇ nehˬ-euˬ meh.

Luˇkaꞈ 7:19

Kʼoeˇ naˇ, Yoˇhaˬ-aˬ, aˬ yawꞈ-euˬ zaˬ lahˇ nyiˬ gʼaˬ-ahˇ kuˇ-awˇ, Sahˬpaˬ Yeˬsuˇ jawˇ gaˇ kʼehˇ gʼeh-awˇ heu loꞈ-ehˇ bi naˇ haˬ-iˇ-euˬ meh. “Oe tehꞈ-a lehˇ Yoˇhaˬ ehˇ-eu kʼoeˇ gʼaˬ nawˇ ma loˇ. Maˬ ngeuˇ naˇ, yawˬ gʼaˬ yawˬ oe gaˇ nga maꞈ noeˬ tmˬ-awˇ ya dawˬ gaˇ ehˇ ta loˇ.”

Luˇkaꞈ 8:52

Kʼoeˇ gaˇ jawˇ-eu tsawˇ haˬ deuˬ aˬ buˇ kʼoeˇ buˇ gʼaˇ duˬ tsawˇ ngoeˇ ngoeˇ-awˇ, noeˬ shaˬ luꞈ-eu meh. Yeˬsuˇ aˬ yawꞈ maꞈ-ahˇ ehˇ nehˬ-eu, “Taˬ ngoeˇ. Aˬ yawꞈ shiˇ-euˬ maˬ ngeuˇ-a. Yuꞈ kʼaˆ taˬ-euˬ tehꞈ meh.”

Yoˇhaˬ 11:2

Maˬliˇ-aˬ, Sahˬpaˬ Yeˬsuˇ-euˬ aˬ kuiˇ-ahˇ tsiˇ yaw saw jeˬ shehˆ daˆ-awˇ aˬ yawꞈ-euˬ uˬ duˬ tsehˇ kahˇ neh shiˆ gui nehˬ-euˬ zaˬ miˬ zaˬ kʼoeˇ gʼaˬ meh. Naˇ luꞈ-eu Laˬzaˬluˇ-aˬ, Maˬliˇ-euˬ aˬ mahˇ aˬ da meh.

Yoˇhaˬ 11:3

“Sahˬpaˬ-oˇ, nawˇ gʼoeˇ dui dui-eu gʼaˬ naˇ luꞈ meh” lehˇ, Maˬliˇ hawˇ-eu Maˬta aˬ nyaꞈ nmˇ neh Yeˬsuˇ jawˇ gaˇ bi tsaꞈ gaˬ leˇ-euˬ meh.

Yoˇhaˬ 20:13

“Zaˬ miˬ aˬ buˇ-oˇ, aˬ jeˬ miˇ neh ngoeˇ te” lehˇ mˬ taˆ gʼaˬ kʼehˇ kʼoeˇ nyiˬ gʼaˬ ehˇ-eu meh. Aˬ yawꞈ ehˇ-eu, “Aˬ yawꞈ maꞈ neh ngaˬ-euˬ sahˬ paˬ-ahˇ baꞈ doˆ gʼeh-awˇ, aˬ gaˇ baꞈ taˬ-iˇ-euˬ maˬ siˬ ngaˇ.”

Yoˇhaˬ 20:15

Yeˬsuˇ aˬ yawꞈ-ahˇ ehˇ nehˬ-eu, “Zaˬ miˬ aˬ buˇ-oˇ, aˬ jeˬ miˇ neh ngoeˇ te. Nawˇ aˬ suˇ gʼaˬ-ahˇ poˆ luꞈ te.” Yeˬsuˇ-ahˇ yaˇ kmˇ laˆ saˆ-eu tsawˇ haˬ nga lehˇ duˇ-awˇ ehˇ-eu, “Aˬ yuiꞈ-oˇ, nawˬ neh aˬ yawꞈ-ahˇ baꞈ doˆ gʼeh-euˬ ngeuˇ naˇ, aˬ gaˇ baꞈ taˬ teˬ lehˇ ngaˬ-ahˇ tiˬ poˆ ehˇ nehˬ laꞈ-awˬ. Aˬ yawꞈ-ahˇ ngaˇ baꞈ kʼoꞈ laˬ-iˇ ma.”

Yoˇhaˬ 4:1

Yoˇhaˬ-euˬ mehˬ nah caw teh-eu deuˬ myaˆ maˬ tseˇ, Yeˬsuˇ-euˬ mehˬ nah caw teh-awˇ Yeˬsuˇ neh iˇ cuꞈ bi shawˇ nehˬ-euˬ tsawˇ haˬ deuˬ myaˬ dzehˬ-eu gaˇ kawˆ, Paˬ liˬ sehˇ deuˬ-ahˇ gaˬ keuˆ leˇ-euˬ meh.

Yoˇhaˬ 6:23

Ehˇ kʼawꞈ, Sahˬpaˬ Yeˬsuˇ neh Miˬyehˇ-euˬ guiˬ lahˬ-ahˇ ja ceuˬ-awˇ aˬ yawꞈ maꞈ kaˬ muˇ dzaˬ-euˬ jawˇ duˬ kʼoeˇ tsahˇ-euˬ dawˬ peh, Deˬbeˬliˇ meuˬ-ahˇ neh lawˬ tiˬ deuˬ oe-euˬ meh.

1 Gawˇliˬtu 7:30

Tsawˇ ngoeˇ ngoeˇ luꞈ-eu tsawˇ haˬ deuˬ kʼawꞈ, maˬ noeˬ shaˬ-eu loꞈ-ehˇ jawˇ-awˬ. Uiˇ luꞈ-eu tsawˇ haˬ deuˬ kʼawꞈ, laˬ kʼaˬ maˬ cehˇ-eu loꞈ-ehˇ jawˇ-awˬ.

1 Teˇsaˬloˇni 4:13

Aˬ yuiꞈ aˬ nyiˇ Ka li zaˬ deuˬ-oˇ, noeˬ tmˬ kʼaˇ maˬ za-eu laꞈ nyiˇ paw-euˬ tsawˇ haˬ deuˬ noeˬ shaˬ-eu loꞈ-ehˇ naw maꞈ maˬ ya noeˬ shaˬ-eu gʼaˇ duˬ, shiˇ-euˬ tsawˇ haˬ deuˬ aˬ joˆ-ehˇ pyeuꞈ-eu gaˇ kawˆ bi siˬ mawꞈ miˇ-a.

HeˬByehˇ 2:17

Ehˇ mawꞈ-eu dawˬ tsuiꞈ-aˬ, tsawˇ haˬ zaˬ-ahˇ Miˬyehˇ iˬ baˇ pyehˬ nehˬ nya ni, saˇ jaˇ ziꞈ-awˇ gʼawˬ shaˬ gaˬ-eu nui ma ahˇ-eu Miˬyehˇ-euˬ gaˇ mˇ-eu Piˇma Yaw huiˬ gʼaˬ geuꞈ-eu gʼaˇ duˬ, yawˬ jeˬ na luꞈ laꞈ kʼoeˇ aˬ yawꞈ-euˬ mehˇ nmˇ pyeuꞈ-eu tsawˇ haˬ zaˬ deuˬ loꞈ-ehˇ maˇ maˇ ni tsawˇ haˬ zaˬ ya pyeuꞈ tsehˆ-euˬ meh.

HeˬByehˇ 4:15

Aˬ dui-euˬ Piˇma Yaw huiˬ gʼaˬ-aˬ, aˬ dui-euˬ gʼaˬ baˬ duˬ-ahˇ gʼawˬ shaˬ gaˬ-eu maˬ siˬ nya-eu gʼaˬ maˬ ngeuˇ-a. Aˬ dui loꞈ-ehˇ muˇ juˇ juˇ-eu yawˬ jeˬ na luꞈ-ahˇ ya daˬ haw-euˬ Piˇma Yaw huiˬ tiˬ gʼaˬ aˬ dui jawˇ-eu ma. Ehˇ kʼawꞈ, aˬ yawꞈ iˬ baˇ maˬ mˇ haw-aˬ.

Yaˇ kʼaˬ daˇ 10:16

Kʼoeˇ naˇ, boeˇ miˬ siˬ kʼaˬ deuˬ-euˬ miˬ yehˇ deuˬ-ahˇ aˬ yawꞈ maꞈ byehˇ dzeh-awˇ, Sahˬpaˬ Miˬyehˇ-ahˇ uˬ duˬ tahˬ ngeh, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ gʼawˬ shaˬ haw gaˬ-euˬ meh.