Luˇkaꞈ 6:8 - Akha

⁸ Yeˬsuˇ aˬ yawꞈ maꞈ-euˬ nui noeˬ haw mawˇ-awˇ, aˬ laꞈ tiˬ pyawˬ shiˇ-euˬ tsawˇ haˬ kʼoeˇ gʼaˬ-ahˇ “Heu gaˇ yawꞈ laˇ-awˬ” lehˇ ehˇ nehˬ ngeh, tsawˇ haˬ kʼoeˇ gʼaˬ kʼoeˇ gaˇ yawꞈ leˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Yeqsur, aqyawf maf-euq nuinoeq-anr siqnya-awr, lafshir shir-eu khoerghaq-anr aernaeq-eu, “Tur-awr heugar yawf-awq.” Khoerngae, khoerghaq turlar-awr yawf-euq mae.

Luˇkaꞈ 6:8 Iomraidhean Croise

1 Laˬsaˬbaˬ 28:9

Kʼoeˇ naˇ, Sawˇlaˬmoˬ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Ngaˬ li-oˇ, nawˬ da-euˬ Miˬyehˇ-ahˇ nawˇ siˬ nya-awˇ, nawˬ-euˬ nui ma gʼawˇ mawˇ dawˬ tawˆ luꞈ aˬ yawꞈ-euˬ nui kʼahˇ mˇ-awˬ lehˇ, ngaˇ nawˬ-ahˇ dawˬ biꞈ-eu ma. Aˬ dui-euˬ nui noeˬ nui duˇ dawˬ tawˆ luꞈ aˬ yawꞈ siˬ nya meh. Aˬ yawꞈ jawˇ gaˇ nawˇ jiˆ uˇ leˇ naˇ, aˬ yawꞈ nawˬ-ahˇ ha geuꞈ tehꞈ-a. Ehˇ kʼawꞈ, nawˇ aˬ yawꞈ-ahˇ byehˇ dzeh naˇ, aˬ yawꞈ nawˬ-ahˇ tiˬ ziˇ byehˇ dzeh nehˬ laꞈ tehꞈ-a.

1 Laˬsaˬbaˬ 29:17

Tsawˇ haˬ yawˬ gʼaˬ na luꞈ-euˬ nui ma-ahˇ nawˇ lawˬ haw-awˇ, nui ma tiˬ siˬ tehꞈ-ehˇ taˬ luꞈ-eu miˇ neh, nawˇ laˬ kʼaˬ cehˇ meh lehˇ ngaˇ siˬ nya ma. Nui ma dawˇ coe ni jaˆ-awˇ, nui ma keuˆ dui dui-eu laꞈ kʼoeˇ, heu deuˬ dawˬ tawˆ luꞈ nawˬ-ahˇ ngaˇ damˬ nehˬ-eu ma. Heu gaˇ uiˬ laˇ taˬ-euˬ nawˬ-euˬ tsawˇ haˬ deuˬ kʼawꞈ, laˬ kʼaˬ cehˇ-eu laꞈ kʼoeˇ nawˬ-ahˇ damˬ-eu jeˬ yuˇ laꞈ-euˬ gaˇ ngaˇ ya mawˇ-euˬ ma.

Yawˇbaˆ 42:2

“Sahˬpaˬ Miˬyehˇ-oˇ, nawˇ baoˬ dawˬ tawˆ luꞈ jaˆ-awˇ, kʼaˇ mˇ mawꞈ-eu jeˬ mˇ nya meh lehˇ ngaˇ siˬ nya ma.

Jaceuq 44:21

Miˬyehˇmaˬsiˬ-ehˇjawˇnmˇloˇ. Nui noeˬnoeˬkʼoeˬ-euˬgaˇkeuˆni, aˬyawꞈsiˬjiˇmawˇjiˇluꞈmeh.

Iˇsaˬyaˇ 42:4

Noeˬ tmˬ-eu jeˬ hawˇ-eu nui ma kʼaˬ duˬ ni taˬ-euˬ jeˬ, byoˆ-iˇ ni aˬ yawꞈ maˬ mˇ-ehˇ, miˇ tsaˬ kʼoeˇ taˆ yaw tsaˬ yaw dawˇ jeˬ-ahˇ aˬ yawꞈ laˆ ziꞈ tehꞈ-a. Gaˇ mahˇ kaˬ gaˇ jawˇ-eu miˇ kʼahˬ tsawˇ jeuˬ, aˬ yawꞈ-euˬ zahˇ dawˬ kʼoꞈ dawˬ-ahˇ noeˬ tmˬ tehꞈ-a.”

Maꞈtehˬ 9:4

Ehˇ kʼawꞈ, aˬ yawꞈ maꞈ-euˬ nui ma laꞈ kʼoeˇ noeˬ luꞈ-eu jeˬ-ahˇ Yeˬsuˇ siˬ nya-awˇ, heu loꞈ-ehˇ ehˇ nehˬ-euˬ meh. “Aˬ jeˬ miˇ neh naw maꞈ-euˬ nui ma laꞈ kʼoeˇ maˬ muiˬ-eu jeˬ shaˇ noeˬ luꞈ te.

Maˬkuˆ 3:3

Aˬ laꞈ tiˬ pyawˬ shiˇ-euˬ tsawˇ haˬ kʼoeˇ gʼaˬ-ahˇ, “Mehˬ shi paw doˆ laˇ-awˬ” lehˇ, Yeˬsuˇ ehˇ nehˬ-euˬ meh.

Luˇkaꞈ 13:12

Yeˬsuˇ aˬ yawꞈ-ahˇ ya mawˇ ngeh, kuˇ-awˇ, “Zaˬ miˬ zaˬ-oˇ, nawˬ-euˬ naˇ gawˇ-ahˇ nawˇ buˬ-iˇ-euˬ meh” lehˇ ehˇ nehˬ-euˬ meh.

Luˇkaꞈ 5:22

Aˬ yawꞈ maꞈ kʼoeˇ loꞈ-ehˇ ehˇ luꞈ-eu Yeˬsuˇ siˬ nya-awˇ, heu loꞈ-ehˇ ehˇ nehˬ-euˬ meh. “Naw maꞈ aˬ jeˬ miˇ neh teu loꞈ-ehˇ shaˇ noeˬ luꞈ te.

Luˇkaꞈ 6:9

Yeˬsuˇ aˬ yawꞈ maꞈ-ahˇ ehˇ nehˬ-eu, “Naw maꞈ-ahˇ ngaˇ naˇ haˬ nyaˇ. Jawˇ nah ngeh nah Zahˇ dawˬ kʼoꞈ dawˬ aˬ dui-ahˇ aˬ jeˬ bi mˇ laꞈ ta. Yaw muiˬ jeˬ bi mˇ laꞈ ta loˇ. Maˬ muiˬ-eu jeˬ bi mˇ laꞈ ta loˇ. Aˬ cawˬ-euˬ saꞈ laˇ-ahˇ ka kʼoꞈ-eu jeˬ bi mˇ laꞈ ta loˇ. Aˬ cawˬ-euˬ saꞈ laˇ-ahˇ laˆ cawˆ-eu jeˬ bi mˇ laꞈ ta loˇ.”

Yoˇhaˬ 2:25

Aˬ yawꞈ maꞈ-euˬ gaˇ kawˆ aˬ yawꞈ-ahˇ ja mehˬ-eu maˬ loˬ-a. Aˬ jeˬ miˇ meh ehˇ naˇ, tsawˇ haˬ-euˬ nui ma-ahˇ aˬ yawꞈ siˬ nya-eu meh.

Yoˇhaˬ 21:17

Yeˬsuˇ aˬ yawꞈ-ahˇ smˬ poˆ tiˬ poˆ paˇ naˇ haˬ-eu, “Yoˇhaˬ-euˬ aˬ li Siˇmoˬ-oˇ, nawˇ ngaˬ-ahˇ gaˬ ma loˇ.” “Nawˇ ngaˬ-ahˇ gaˬ ma loˇ” lehˇ Yeˬsuˇ aˬ yawꞈ-ahˇ smˬ poˆ naˇ haˬ keuˆ laꞈ-euˬ miˇ neh, Beˬtuˆluˆ nui ma maˬ saˇ-ehˇ, heu loꞈ-ehˇ ehˇ kʼoꞈ nehˬ-euˬ meh. “Sahˬpaˬ-oˇ, nawˇ yawˬ jeˬ na luꞈ siˬ nya meh. Ngaˇ nawˬ-ahˇ aˇ naˆ ni gaˬ-eu nawˇ siˬ nya meh.” Yeˬsuˇ aˬ yawꞈ-ahˇ ehˇ nehˬ-eu, “Ngaˬ-euˬ yawˇ deuˬ-ahˇ bo saˆ-awˬ.

Yoˇhaˬ 9:4

Uˬ ciꞈ maˬ ciꞈ le kʼoeˇ keuˆ ni, ngaˬ-ahˇ kʼehˇ gʼeh leꞈ-euˬ gʼaˬ-euˬ gaˇ-ahˇ aˬ dui ya mˇ meh. Tsawˇ haˬ tiˬ gʼaˬ-iˬ gaˇ maˬ mˇ nya-eu uˬ ciꞈ aˇ yamˬ keuˆ le luꞈ meh.

Gʼaˬkʼehˇ 20:24

Ehˇ kʼawꞈ, ngaˬ-euˬ gʼawˇ mawˇ heu-aˬ, tiˬ jeˬ-iˬ maˬ poeˬ maˬ lawˬ-a lehˇ ngaˇ noeˬ jiˇ taˬ-euˬ ma. Ngaˇ ya mˇ-eu saˬ saˬ naˬ gaˇ heu mˇ jiˇ-awˇ, Sahˬpaˬ Yeˬsuˇ neh ngaˬ-ahˇ biꞈ taˬ-euˬ Miˬyehˇ gʼawˬ shaˬ gaˬ-eu jeˬ gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ-eu gaˇ heu mˇ luiˆ yaꞈ nya ni noeˬ tsoˆ taˬ-euˬ ma.

Gʼaˬkʼehˇ 26:26

Sahˬ paˬ Aˬgiˇpaˆ-oˇ, gaˇ kawˆ heu deuˬ nawˬ-euˬ mehˬ shi kʼaˬ duˬ ni ngaˇ ehˇ peuˬ ma. Aˬ jeˬ miˇ neh ehˇ naˇ, gaˇ kawˆ heu nawˇ siˬ luꞈ-eu meh. Gaˇ kawˆ heu baˇ zaꞈ-ahˇ pyeuꞈ laˇ-euˬ maˬ ngeuˇ-eu miˇ neh, yawˬ jeˬ na luꞈ nawˇ siˬ jiˇ meh lehˇ ngaˇ ehˇ tsehˆ peuˬ ma.

Piˇliˇpiˆ 1:28

Naw maꞈ ya shaˬ ya zahˬ ni mˇ luꞈ-eu tsawˇ haˬ deuˬ-ahˇ taˬ guˆ. Aˬ myah luꞈ nui ma kʼaˬ duˬ ni jawˇ-awˬ. Kʼoeˇ loꞈ-ehˇ jawˇ naˇ, naw maꞈ gʼaˬ leˇ-awˇ aˬ yawꞈ maꞈ smˬ-iˇ-eu yaw duˬ baw-eu ngaˇ lehˇ siˬ duˬ leˇ tehꞈ-a. Naw maꞈ gʼaˬ leˇ nya ni mˇ-eu gʼaˬ-aˬ, Miˬyehˇ meh.

HeˬByehˇ 4:13

Miˬyehˇ-euˬ mehˬ shi dehˬ kaˬ zaꞈ taˬ nya-eu tiˬ jeˬ-iˬ maˬ jaˆ-a. Kʼaˇ beh taˬ-euˬ yawˬ jeˬ na luꞈ aˬ yawꞈ-euˬ myaˆ nuiˆ mehˬ shi bya cehˆ ni pah dzeh taˬ-euˬ gaˇ duˇ-eu meh. Aˬ dui neh kʼaˇ mˇ kʼaˇ shaˇ taˬ-euˬ jeˬ dawˬ tawˆ luꞈ, aˬ yawꞈ mehˬ shi aˬ dui ya dzawˇ mehˬ leˇ-eu meh.

1 Beˬtuˆluˆ 4:1

Ka li-euˬ shiˬ shaˬ jiˇ gʼawˇ mawˇ kʼehˬ-eu kʼaˆ-eu jeˬ-ahˇ ya daˬ-euˬ-aˬ, naw maꞈ kʼawꞈ aˬ yawꞈ noeˬ-eu loꞈ-ehˇ noeˬ nya ni lehˬ hmˬ taˬ-awˬ. Aˬ jeˬ miˇ neh ehˇ naˇ, shiˬ shaˬ jiˇ gʼawˇ mawˇ kʼehˬ-eu kʼaˆ-eu jeˬ-ahˇ ya daˬ-euˬ tsawˇ haˬ-aˬ, iˬ baˇ-ahˇ ziˇ tsehˆ-euˬ meh.

Panmaeq 2:23

Aˬ yawꞈ-euˬ mehˬ nah kʼaˇ caw teh-eu deuˬ-ahˇ ngaˇ sehꞈ ma. Kʼoeˇ ngeh jawˇ, tsawˇ haˬ yawˬ gʼaˬ na luꞈ-euˬ nui noeˬ nui duˇ dawˬ tawˆ luꞈ-ahˇ ngaˇ siˬ nya-eu gaˇ kawˆ, Ka li zaˬ aˇ muˇ dawˬ tawˆ luꞈ-ahˇ siˬ leˇ tehꞈ-a. Naw maꞈ yawˬ gʼaˬ na luꞈ-ahˇ yawˬ ha neh kʼaˇ mˇ taˬ-euˬ loꞈ-ehˇ ngaˇ mˇ kʼoꞈ nehˬ ma.