Luˇkaꞈ 5:1 - Akha

¹ Tiˬ nah-aˬ, Geˬneˬsaˬlehˇ lah lah dzeˇ Yeˬsuˇ yawꞈ luꞈ ngeh, Miˬyehˇ-euˬ dawˬ kawˬ naˇ haˬ-eu gʼaˇ duˬ, tsawˇ haˬ aˇ maꞈ maꞈ ma aˬ yawꞈ jawˇ gaˇ tah uˇ le luꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Yeqsur, Geqneqsaqlaer lan landzer yawfluf ngae, tsawrhaq armaf mafma, Miqyaer-euq dawq narhaq-eu laer aqyawf jawr-eu gar tan’urlef luf-eu mae.

Luˇkaꞈ 5:1 Iomraidhean Croise

Bawˇtsahˬ 34:11

Sheˬpamˬ-ahˇ neh naˇ, laꞈ oˆ paw Aˬiˇnaˆ meuˬ-euˬ nahˇ ma doˆ kʼehˬ paw jaˆ-eu Haˬlaˬbeˬlaˇ meuˬ-ahˇ keuˆ ni iˇ gʼeh-awˇ, Gaˬliˬlehˇ lah-euˬ nahˇ ma doˆ kʼehˬ paw jaˆ-eu gawˬ jawˬ deuˬ-ahˇ daˆ doˆ leˇ-eu meh.

Maꞈtehˬ 11:12

Iˇ cuꞈ shawˇ-eu Yoˇhaˬ dawˬ mehˬ mehˬ-euˬ aˇ yamˬ kʼoeˇ yamˬ-ahˇ neh iˬ nah keuˆ ni, mˬ taˆ Miˇkʼahˬ-aˬ, yaw doeˇ jahˇ nehˬ-euˬ gʼawˬ mya jeˬ-ahˇ daˬ dzeuˇ laꞈ-euˬ meh. Haiˬ-eu tsawˇ haˬ deuˬ, miˇ kʼahˬ kʼoeˇ kʼahˬ-ahˇ deuˆ gʼaˬ-eu lehˇ leh jeh-eu meh.

Maꞈtehˬ 14:34

Aˬ yawꞈ maꞈ lah tsehˆ doˆ-awˇ, Geˬneˬsaˬlehˇ miˇ kʼahˬ-ahˇ le-euˬ meh.

Maˬkuˆ 3:9

Tsawˇ haˬ aˇ maꞈ kʼoeˇ myaˬ dui dui-eu miˇ neh, aˬ yawꞈ-ahˇ tahˬ tehˬ laˇ gaˇ guˆ-awˇ, aˬ yawꞈ-euˬ gʼaˇ duˬ lawˬ tiˬ laˇ lehˬ hmˬ taˬ-awˬ lehˇ, zaˬ lahˇ deuˬ-ahˇ aˬ yawꞈ ehˇ nehˬ-euˬ meh.

Maˬkuˆ 4:1

Lah lah dzeˇ, Yeˬsuˇ tiˬ poˆ paˇ mehˬ paˇ tsoˆ-euˬ meh. Aˬ yawꞈ jawˇ gaˇ uiˬ le-euˬ tsawˇ haˬ aˇ maꞈ myaˬ dui dui-eu miˇ neh, aˬ yawꞈ lawˬ laꞈ kʼoeˇ uˇ-iˇ-awˇ nuiˇ-euˬ meh. Lawˬ kʼoeˇ laˇ lah kʼoeˇ taˆ jaˆ-awˇ, tsawˇ haˬ aˇ maꞈ lah lah dzeˇ yawꞈ luꞈ-eu meh.

Maˬkuˆ 5:24

Kʼoeˇ ngeh, Yaˬiˇluˆ-euˬ mehˬ nah Yeˬsuˇ caw teh gʼeh-euˬ meh. Yeˬsuˇ-euˬ mehˬ nah caw teh luꞈ-eu tsawˇ haˬ aˇ maꞈ myaˬ dui dui-eu miˇ neh, aˬ yawꞈ-euˬ tiˬ jawˬ tsawˇ haˬ maˬ tahˬ paˆ coeˇ ni cah luꞈ-eu meh.

Maˬkuˆ 6:53

Aˬ yawꞈ maꞈ lah tsehˆ doˆ-awˇ, Geˬneˬsaˬlehˇ miˇ kʼahˬ-ahˇ iˇ keuˆ ngeh, lawˬ paꞈ tawꞈ yaꞈ-euˬ meh.

Luˇkaꞈ 12:1

Tsawˇ haˬ aˇ heˇ aˇ muiˇ gʼaˬ uiˬ laˇ-awˇ, tiˬ gʼaˬ tiˇ gʼaˬ nawˬ tehˬ nawˬ tehˬ-ehˇ shaˬ luꞈ ngeh, Yeˬsuˇ aˬ yawꞈ-euˬ zaˬ lahˇ deuˬ-ahˇ heu loꞈ-ehˇ ehˇ nehˬ-euˬ meh. “Paˬliˬsehˇ deuˬ-euˬ dehˬ tseˬ-ahˇ yahˇ-awˬ. Kʼoeˇ-aˬ, awꞈ-aꞈ tahˬ kʼoˬ -ahˇ duˇ-eu meh.

Luˇkaꞈ 5:2

Kʼoeˇ ngeh, lawˬ nyiˬ laˇ lah lah dzeˇ gʼeu doˆ taˬ-euˬ gaˇ aˬ yawꞈ ya mawˇ-euˬ meh. Ngaˬ shaˬ poˆ-eu tsawˇ haˬ deuˬ lawˬ laꞈ nyiˇ iˇ doˆ-awˇ, za laˆ bu luꞈ-eu meh.

Luˇkaꞈ 8:22

Tiˬ nah-aˬ, Yeˬsuˇ aˬ yawꞈ-euˬ zaˬ lahˇ deuˬ nehˬ-ehˇ lawˬ-ahˇ dziˬ-awˇ, “Lah nui baˬ-ahˇ tsehˆ-iˇ kaˇ-euˇ” lehˇ ehˇ-awˇ iˇ-euˬ meh.

Luˇkaꞈ 8:23

Aˬ yawꞈ maꞈ lawˬ dziˬ-awˇ iˇ luꞈ ngeh, Yeˬsuˇ yuꞈ kʼaˆ-euˬ meh. Ja pyuˬ ni, lah kʼoeˇ taˆ jaˬ lehˇ lehˇ ma baw gʼeh leꞈ-awˇ, lawˬ laꞈ kʼoeˇ iˇ cuꞈ dahˬ byah laˇ luꞈ-eu miˇ neh, aˬ yawꞈ maꞈ ga nuiꞈ-iˇ paˬ-ehˇ pyeuꞈ laˇ taˬ-euˬ meh.

Luˇkaꞈ 8:33

Nehꞈ kʼoeˇ deuˬ tsawˇ haˬ kʼoeˇ gʼaˬ-euˬ laꞈ kʼoeˇ neh doˆ-iˇ-awˇ, aˬ zaꞈ kʼoeˇ deuˬ laꞈ kʼoeˇ uˇ-iˇ-euˬ meh. Kʼoeˇ ngeh, aˬ zaꞈ kʼoeˇ maꞈ maꞈ lah-ehˇ, gawˬ jawˬ baˬ gʼa gʼa pyaꞈ-ahˇ sehˇ ka gʼeh-awˇ, lah-ahˇ ga puꞈ sehꞈ jiˇ-euˬ meh.

Luˇkaꞈ 8:45

Kʼoeˇ ngeh, “Ngaˬ-ahˇ toeˬ ciˆ-euˬ aˬ suˇ gʼaˬ-a” lehˇ Yeˬsuˇ ehˇ-eu meh. Tsawˇ haˬ tiˬ gʼaˬ-iˬ Yeˬsuˇ-ahˇ toeˬ ciˆ-euˬ ma lehˇ maˬ ehˇ-a. Beˬtuˆluˆ ehˇ-eu, “Sahˬpaˬ-oˇ, nawˬ-euˬ tiˬ jawˬ tsawˇ haˬ tiˬ teuˇ jawˇ-awˇ, nawˇ jawˇ gaˇ tah uˇ laˇ luꞈ nga tawˇ.”

Yoˇhaˬ 1:40

Tiˬ gʼaˬ-aˬ, Siˇmoˬ Beˬtuˆluˆ-euˬ mehˇ nmˇ Aˬdehˬlehˬ meh.

Yoˇhaˬ 6:1

Kʼoeˇ naˇ, Gaˬliˬlehˇ lah-euˬ nui baˬ-ahˇ Yeˬsuˇ tsehˆ-iˇ-euˬ meh. (Gaˬliˬlehˇ lah-ahˇ Deˬbeˬliˇ lah lehˇ kʼawꞈ kuˇ-eu meh.)

Dawˬmehˬ 3:17

Aˬ yawꞈ maꞈ-euˬ miˇ kaˬ nahˇ ma ga kʼehˬ paw dzeˇ dzaˬ-aˬ, Yawˇdaˬ lawˇ baˬ-ahˇ keuˆ ni pyeuꞈ-awˇ, laꞈ taˆ paw jaˆ-eu Gaˬliˬlehˇ lah-ahˇ neh aˇ dahˬ beh-awˇ, laꞈ oˆ paw jaˆ-eu Shiˇ-eu iˬ ma laˆ shaˆ-ahˇ neh nahˇ ma doˆ kʼehˬ paw jaˆ-eu Piˇsaˬgaˬ gawˬ jawˬ dawˬ dahˬ-ahˇ keuˆ ni meh.

HeˬByehˇ 13:7

Naw maꞈ-ahˇ Miˬyehˇ dawˬ kawˬ mehˬ-euˬ aˬ yuiꞈ aˬ tsu deuˬ-ahˇ taˬ ngehˇ. Aˬ yawꞈ maꞈ aˬ joˆ-ehˇ dehꞈ yaꞈ jaˇ yaꞈ-awˇ shiˇ-euˬ gaˇ kawˆ-ahˇ shaˇ noeˬ-awˇ, aˬ yawꞈ maꞈ-euˬ jah-eu jeˬ-ahˇ dzaw geuꞈ-awˬ.

Yawˇshuˆ 12:3

Gaˬliˬlehˇ lah-ahˇ neh Yawˇdaˬ deh kʼawꞈ caw caw-ehˇ, Shiˇ-eu iˬ ma laˆ shaˆ-euˬ nahˇ ma doˆ kʼehˬ paw jaˆ-eu Behˬjaˬshiˇmoˇ meuˬ-ahˇ neh Piˇsaˬgaˬ gawˬ jawˬ-ahˇ keuˆ ni, miˇ kʼahˬ kʼoeˇ kʼahˬ tehꞈ meh.

Yawˇshuˆ 13:27

Yawˇdaˬ deh kʼawꞈ-ahˇ jaˆ-eu Behˬhaˬlamˬ meuˬ, Behˬnymˇlaˬ meuˬ, Suˇkoˆ meuˬ, Saˬpoˬ meuˬ heu deuˬ hawˇ-eu, Heˬshaˬboˬ sahˬ paˬ Siˇhoˬ-euˬ miˇ kʼahˬ kʼaˇ dzeˇ-eu deuˬ kʼawꞈ, aˬ yawꞈ maꞈ-euˬ miˇ kʼahˬ laꞈ kʼoeˇ ahˇ-eu meh. Aˬ yawꞈ maꞈ-euˬ miˇ kʼahˬ nahˇ ma ga kʼehˬ paw miˇ kaˬ-aˬ, Yawˇdaˬ lawˇ baˬ caw caw-ehˇ, laꞈ taˆ paw jaˆ-eu Gaˬliˬlehˇ lah-ahˇ keuˆ ni meh.