Luˇkaꞈ 4:41 - Akha

⁴¹ Tsawˇ haˬ gʼawˬ mya gʼaˬ laꞈ kʼoeˇ uˇ-eu nehꞈ deuˬ kʼawꞈ, “Nawˇ-aˬ, Miˬyehˇ-euˬ Zaˬmaˇ meh” lehˇ guˇ guˇ-ehˇ doˆ-iˇ jiˇ-euˬ meh. Nehꞈ kʼoeˇ deuˬ dawˬ maˬ bi ngehˬ doˆ laˬ ni, Yeˬsuˇ yaw kʼaˆ kʼaˆ-ehˇ dehˬ-euˬ meh. Aˬ jeˬ miˇ neh ehˇ naˇ, aˬ yawꞈ Ka li pyeuꞈ-eu gaˇ kawˆ aˬ yawꞈ maꞈ siˬ nya-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴¹ “Nawr-aq, Miqyaer-euq Zaqyo Kali mae” laer gurgur-aer naefdeuq khawf ghawqmya ghaq-euq lafkhoer nae dovle-euq mae. Aqyawf-aq, Kali mae laer aqyawfmaf siqnya-eu mirnae, Yeqsur, aqyawf maf-anr dawq maqbi ngaeqni daeq-euq mae.

Luˇkaꞈ 4:41 Iomraidhean Croise

Maꞈtehˬ 26:63

Ehˇ kʼawꞈ, Yeˬsuˇ dawˬ maˬ ngehˬ ni ciˬ cuˇ ni jawˇ-eu meh. Piˇ ma Yaw huiˬ gʼaˬ dawˬ tiˬ poˆ paˇ ehˇ-eu, “Dehꞈ luꞈ-eu Miˬyehˇ-euˬ tsawˇ myahˇ uˬ moˆ, ngaˇ nawˬ-ahˇ heu loꞈ-ehˇ bi kamˬ-eu ma. Nawˇ, Ka li lehˇ ehˇ-eu Miˬyehˇ-euˬ Zaˬmaˇ ngeuˇ ma loˇ.”

Maꞈtehˬ 4:3

Kʼoeˇ ngeh, Nehꞈ sahˬ paˬ aˬ yawꞈ jawˇ gaˇ oe-awˇ ehˇ-eu, “Nawˇ Miˬyehˇ-euˬ Zaˬ maˇ pyeuꞈ-eu ngeuˇ naˇ, kʼaˬ lo heu deuˬ-ahˇ kaˬ muˇ pyeuꞈ laˇ-awˬ lehˇ dawˬ biꞈ-awˬ tawˇ.”

Maꞈtehˬ 8:16

Kʼoeˇ ngeh nah uˬ ciꞈ ciꞈ le ngeh, nehꞈ uˇ-eu tsawˇ haˬ gʼawˬ mya ni Yeˬsuˇ jawˇ gaˇ sheuˬ laꞈ-euˬ meh. Aˬ yawꞈ dawˬ tehꞈ-ehˇ ngehˬ-awˇ, nehꞈ kʼoeˇ deuˬ-ahˇ teh doˆ nehˬ jiˇ-euˬ meh. Naˇ-eu tsawˇ haˬ dawˬ tawˆ luꞈ-ahˇ kʼawꞈ, aˬ yawꞈ laˆ taˬ nehˬ-euˬ meh.

Maꞈtehˬ 8:29

Aˬ yawꞈ nyaꞈ Yeˬsuˇ-ahˇ ya mawˇ-eu nehˬ-ehˇ, “Miˬyehˇ-euˬ Zaˬmaˇ-oˇ, nawˇ nga nyaꞈ-ahˇ a jeˬ taꞈ te. Aˇ yamˬ maˬ keuˆ laˇ mi naˆ-ehˇ nga nyaꞈ-ahˇ kʼehˬ nehˬ kʼaˆ nehˬ le-eu lehˇ oe teˬ loˇ” lehˇ, guˇ guˇ-ehˇ ehˇ-eu meh.

Maꞈtehˬ 8:4

Kʼoeˇ naˇ, aˬ yawꞈ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Gaˇ kawˆ heu tsawˇ haˬ tiˬ gʼaˬ-ahˇ-iˬ maˬ ja mehˬ ni yahˇ-awˬ. Ehˇ kʼawꞈ, piˇ ma jawˇ gaˇ iˇ-awˇ, nawˬ-euˬ gʼawˇ mawˇ-ahˇ bi pyehˆ tseˇ duˬ-awˬ. Kʼoeˇ naˇ, nawˬ-euˬ naˇ gawˇ taˬ leˇ-euˬ gaˇ kawˆ aˬ cawˬ bi siˬ duˬ-eu gʼaˇ duˬ, Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ lawˇ-eu shehˇ-eu jeˬ mˇ-iˇ-awˬ.”

Maˬkuˆ 1:25

Yeˬsuˇ aˬ yawꞈ-ahˇ dehˬ-awˇ ehˇ-eu, “Ciˬ cuˇ ni jawˇ-awˇ, tsawˇ haˬ teu gʼaˬ-euˬ laꞈ kʼoeˇ neh doˆ-iˇ-awˬ.”

Maˬkuˆ 1:32

Nahˇ ma ga ahˇ-awˇ uˬ ciꞈ ciꞈ le ngeh, naˇ-eu tsawˇ haˬ deuˬ hawˇ-eu nehꞈ uˇ-eu tsawˇ haˬ dawˬ tawˆ luꞈ-ahˇ, Yeˬsuˇ jawˇ gaˇ sheuˬ laꞈ-euˬ meh.

Maˬkuˆ 1:34

Naˇ gawˇ gʼawˬ mya jeˬ ahˇ-eu tsawˇ haˬ gʼawˬ mya ni-ahˇ Yeˬsuˇ laˆ taˬ nehˬ-awˇ, nehꞈ uˇ-eu tsawˇ haˬ gʼawˬ mya gʼaˬ-ahˇ nehꞈ teh doˆ nehˬ-euˬ meh. Nehꞈ kʼoeˇ deuˬ-ahˇ aˬ yawꞈ dawˬ tiˬ dawˬ-iˬ maˬ bi ngehˬ doˆ laˇ-a. Aˬ jeˬ miˇ neh ehˇ naˇ, aˬ yawꞈ aˬ suˇ gʼaˬ pyeuꞈ-eu nehꞈ kʼoeˇ deuˬ siˬ nya-eu meh.

Maˬkuˆ 3:11

Nehꞈ yaw jawꞈ uˇ-eu tsawˇ haˬ deuˬ aˬ yawꞈ-ahˇ kʼaˇ mawˇ le ngeh, aˬ yawꞈ-euˬ mehˬ shi ga byaˆ-awˇ, “Nawˇ-aˬ, Miˬyehˇ-euˬ Zaˬmaˇ meh” lehˇ guˇ-eu meh.

Luˇkaꞈ 4:39

Aˬ yawꞈ-euˬ dawˬ peh Yeˬsuˇ yawꞈ leˇ-awˇ, naˇ gawˇ-ahˇ dehˬ ngeh, pyaˬ-eu taˬ leˇ-awˇ, tiˬ poˆ tehꞈ-ehˇ tsawˬ tuˇ laˇ-awˇ, aˬ yawꞈ maꞈ-ahˇ hawˬ byawˇ laˆ dawˆ nehˬ-euˬ meh.

Yoˇhaˬ 20:31

Ehˇ kʼawꞈ, heu gaˇ kʼaˇ boꞈ taˬ-euˬ heu deuˬ-aˬ, Yeˬsuˇ-aˬ Meˬsiˇya hawˇ-eu Miˬyehˇ-euˬ Zaˬmaˇ pyeuꞈ-eu naw maꞈ jah laˇ ni maˬ ehˇ, naw maꞈ aˬ yawꞈ-ahˇ jah-eu laꞈ kʼoeˇ dehꞈ-eu jeˬ za nya ni maˬ ehˇ, boꞈ taˬ-euˬ jeˬ pyeuꞈ-eu ma.

Yaˬkoˆ 2:19

Miˬyehˇ tiˬ gʼaˬ tehꞈ-ehˇ jawˇ-eu meh lehˇ nawˇ jah-eu miˇ neh maˬ gaˇ dzehˬ ma lehˇ noeˬ te loˇ. Nehꞈ deuˬ kʼawꞈ kʼoeˇ loꞈ-ehˇ jah-awˇ, guˆ guˆ-ehˇ yaw dzuˬ dzuˬ luꞈ meh.