Luˇkaꞈ 4:4 - Akha

⁴ Yeˬsuˇ aˬ yawꞈ-ahˇ ehˇ kʼoꞈ nehˬ-eu, “‘Dzaˬ dzaˬ dawˇ dawˇ baˬ da neh tehꞈ-ehˇ tsawˇ haˬ zaˬ yaw dehꞈ dehꞈ nya-eu maˬ ngeuˇ-a’ lehˇ, Jaˇliꞈ laꞈ kʼoeˇ ehˇ taˬ-euˬ meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Khoerngae, Yeqsur, aqyawf-anr aerkhof naeq-eu, “ ‘Tsawrhaqzaq-aq, dzaqdzaq dawrdawr-euq baqda’nae taef-aer daefnya-eu maqngeur-a.’ Aerkhawf, ‘Miqyaer-euq khaqmae-anr nae dovle-euq dawq yawqdawq navluf-euq baqda’nae daefnya-eu mae,’ (Dm 8:3) laer, Yaerbof-euq lafkhoer boftaq-euq mae”

Luˇkaꞈ 4:4 Iomraidhean Croise

Doˆ-iˇ 23:25

Naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˬ-ahˇ naw maꞈ uˬ duˬ tahˬ naˇ, ngaˇ naw maꞈ-ahˇ dzaˬ dzaˬ dawˇ dawˇ hawˇ-eu iˇ cuꞈ guiˬ lahˬ biꞈ-awˇ, naw maꞈ kʼoeˇ taˆ naˇ-eu gawˇ-eu jeˬ maˬ bi keuˆ le ni yuˇ dzeh ma.

Iˇsaˬyaˇ 8:20

Aˬ yawꞈ maꞈ-ahˇ naw maꞈ heu loꞈ-ehˇ ehˇ kʼoꞈ nehˬ-awˬ. “Sahˬpaˬ Miˬyehˇ mehˬ nehˬ tsoˆ nehˬ laꞈ-eu jeˬ-ahˇ naˇ haˬ geuꞈ-awˬ. Nyiˇ paˬ shaˆ ma deuˬ ehˇ gaˇ taˬ naˇ haˬ. Aˬ yawꞈ maꞈ neh ehˇ-euˬ jeˬ naw maꞈ gʼaˇ duˬ tiˬ jeˬ-iˬ gaˇ dahˇ maˬ tsoeˬ-a.”

Yeˬlaˬmiˇ 49:11

Naw maꞈ tsawˇ haˬ muˇ coe aˬ nmˇ deuˬ ngaˬ nehˬ-ehˇ taˬ yaꞈ-awˬ. Ngaˇ haw piˇ nehˬ ma. Naw maꞈ-euˬ miˬ coeˬ miˬ ma deuˬ ngaˬ-ahˇ gʼoe nya meh.

Maꞈtehˬ 4:4

Yeˬsuˇ ehˇ-eu, “‘Dzaˬ-eu jeˬ baˬ da neh tehꞈ-ehˇ tsawˇ haˬ zaˬ yaw dehꞈ dehꞈ nya-eu maˬ ngeuˇ-a. Miˬyehˇ-euˬ kʼaˬ meh-ahˇ neh kʼaˇ doˆ le-euˬ dawˬ yawˬ dawˬ na luꞈ baˬ da neh dehꞈ nya-eu meh’ lehˇ, Jaˇ liꞈ laꞈ kʼoeˇ boꞈ taˬ-euˬ meh.”

Maꞈtehˬ 6:31

Kʼoeˇ miˇ neh, aˬ joˆ-ehˇ ya dzaˬ ya dawˇ-eu gaˇ kawˆ hawˇ-eu, aˬ joˆ-ehˇ ya dm ya gʼaˬ-eu gaˇ kawˆ kʼahˬ taˬ lahˇ.

Luˇkaꞈ 22:35

Kʼoeˇ naˇ, Yeˬsuˇ aˬ yawꞈ-euˬ zaˬ lahˇ deuˬ-ahˇ ehˇ nehˬ-eu, “Ngaˇ naw maꞈ-ahˇ, pyuˇ pawˬ behˆ, pehˇ tahˬ, sehˬ nawˆ, heu deuˬ maˬ bi yuˇ ni kʼehˇ gʼeh ngeh, naw maꞈ tiˬ jeˬ paˬ loˬ-euˬ jaˆ te loˇ.” Aˬ yawꞈ maꞈ ehˇ-eu, “Tiˬ jeˬ-iˬ maˬ loˬ-aˬ.”

Luˇkaꞈ 4:10

Aˬ jeˬ miˇ neh ehˇ naˇ, Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. ‘Nawˬ-ahˇ bi bo saˆ-eu gʼaˇ duˬ, Miˬyehˇ aˬ yawꞈ-euˬ mˬ taˆ gʼaˬ kʼehˇ deuˬ-ahˇ kʼehˇ leꞈ tehꞈ-a.’

Luˇkaꞈ 4:3

Kʼoeˇ ngeh, Nehꞈsahˬpaˬ aˬ yawꞈ-ahˇ ehˇ nehˬ-eu, “Nawˇ Miˬyehˇ-euˬ Zaˬmaˇ pyeuꞈ-eu ngeuˇ naˇ, Kʼaˬ lo heu deuˬ-ahˇ kaˬ muˇ pyeuꞈ laˇ-awˬ lehˇ dawˬ biꞈ-awˬ tawˇ.”

Luˇkaꞈ 4:8

Yeˬsuˇ aˬ yawꞈ-ahˇ ehˇ kʼoꞈ nehˬ-eu, “‘Nawˬ-euˬ Miˬyehˇ pyeuꞈ-eu SahˬpaˬMiˬyehˇ-ahˇ tehꞈ-ehˇ nawˇ uˬ duˬ ya tahˬ-awˇ, aˬ yawꞈ-euˬ nui kʼahˇ tehꞈ-ehˇ ya mˇ meh’ lehˇ, Jaˇliꞈ laꞈ kʼoeˇ ehˇ taˬ-euˬ meh.”

Eˇpeˇsu 6:17

Ka kʼoꞈ-eu jeˬ pyeuꞈ-eu shmˇ uˬ kʼoˆ kʼoˆ-awˇ, Yaw sahˇ Miˬyehˇ neh biꞈ laꞈ-euˬ mi cehˇ pyeuꞈ-eu Miˬyehˇ-euˬ dawˬ kawˬ-ahˇ tuˆ tehˬ taˬ-awˬ.

Dawˬmehˬ 8:3

Aˬ yawꞈ naw maꞈ-ahˇ bi mehꞈ bi shuꞈ-awˇ, naw maꞈ hawˇ-eu naw maꞈ-euˬ aˬ poeˬ aˬ bawˇ deuˬ tiˬ jawˇ-iˬ maˬ ya dzaˬ haw-euˬ maˬ naˆ kaˬ muˇ naw maꞈ-ahˇ aˬ yawꞈ bi dzaˬ-euˬ meh. Dzaˬ-eu dawˇ-eu jeˬ -ahˇ tehꞈ-ehˇ gʼoe-awˇ tsawˇ haˬ zaˬ yaw dehꞈ ya dehꞈ-eu maˬ ngeuˇ-a. Ehˇ kʼawꞈ, Sahˬpaˬ Miˬyehˇ neh kʼaˇ ngehˬ kʼaˇ tmˇ-euˬ jeˬ baˬ da neh tsawˇ haˬ zaˬ yaw dehꞈ ya dehꞈ-eu gaˇ kawˆ naw maꞈ-ahˇ mehˬ nehˬ tsoˆ nehˬ mawꞈ-euˬ miˇ neh, aˬ yawꞈ kʼoeˇ loꞈ-ehˇ mˇ mehˬ-euˬ meh.