Luˇkaꞈ 4:2 - Akha

² Kʼoeˇ gaˇ, Nehꞈsahˬpaˬ aˬ yawꞈ-ahˇ muˇ juˇ juˇ gaˇ oeˬ tseˇ nah byah ni ya daˬ-euˬ meh. Aˇ yamˬ kʼoeˇ myah ni gʼeh-eu laꞈ kʼoeˇ, aˬ yawꞈ tiˬ jeˬ-iˬ maˬ dzaˬ-euˬ miˇ neh, aˇ yamˬ kʼoeˇ dzeuˇ ngeh jawˇ, hawˬ mehꞈ mehꞈ dui dui laˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² naef sanqpaq nae murjur jur-euq gar 40 nan byanni yadaq-euq mae. Khoermyav nan-euq lafkhoer, aqyawf tiqjeq-iq maqdzaq-aq. Arnan khoerdeuq dzeur-euq nar-aq, aqyawf maeflar-euq mae.

Luˇkaꞈ 4:2 Iomraidhean Croise

Aˇ dahˬ 3:15

Nawˇ hawˇ-eu zaˬ miˬ zaˬ naw nyaꞈ yaw kaˬ, tiˬ gʼaˬ tiˇ gʼaˬ muiˇ ni ngaˇ jahˇ ma. Aˬ yawꞈ-euˬ zaˬ deuˬ hawˇ-eu nawˬ-euˬ zaˬ deuˬ, aˬ myah luꞈ tiˬ gʼaˬ tiˇ gʼaˬ muiˇ tehꞈ-a. Aˬ yawꞈ-euˬ zaˬ deuˬ nawˬ-euˬ uˬ duˬ nawˬ pyehˆ-awˇ, aˬ yawꞈ maꞈ-euˬ aˬ kuiˇ kuiˇ nuiꞈ-ahˇ nawˇ toˆ tehꞈ-a” lehˇ ehˇ nehˬ-euˬ meh.

1 Sahˬpaˬ 19:8

Kʼoeˇ ngeh, Eˇliˇyaˆ tuˇ-awˇ dzaˬ-euˬ dawˇ-euˬ meh. Muiˬ-eu shawˇ-eu Siˇnaˆ gawˬ jawˬ-ahˇ, oeˬ tseˇ nah keuˆ ni aˬ yawꞈ cah keuˆ gʼeh nya ni, dzaˇ kʼoeˇ aˬ yawꞈ-ahˇ gʼaˬ bi ahˇ laˇ-euˬ meh.

Iˇsaˬtaˆ 4:16

“Nawˇ iˇ-awˇ Suˇsaˬ meuˬ-ahˇ kʼaˇ jawˇ-eu Yuˇdaˆ tsawˇ haˬ dawˬ tawˆ luꞈ-ahˇ tiˬ gaˇ tehꞈ-ehˇ kuˇ uiˬ-awˇ, smˬ nah keuˆ ni tiˬ jeˬ-iˬ maˬ dzaˬ maˬ dawˇ ni lah-eu daw-eu laꞈ kʼoeˇ, ngaˬ-euˬ gʼaˇ duˬ guiˬ lahˬ shaˇ-awˬ. Ngaˇ hawˇ-eu ngaˬ-euˬ zaˬ kʼaˆ zaˬ miˬ zaˬ deuˬ kʼawꞈ, kʼoeˇ loꞈ-ehˇ lah ma. Kʼoeˇ naˇ, zahˇ sahˇ kʼoꞈ-ahˇ bahˬ kʼawꞈ ehˬ-ehˇ ngeuˇ-iˬ. Sahˬ paˬ jawˇ gaˇ ngaˇ le ma. Kʼoeˇ loꞈ-ehˇ mˇ-eu baˬ da neh ngaˇ ya shiˇ naˇ kʼawꞈ, nui kʼahˇ shiˇ ma.”

Doˆ-iˇ 24:18

Gawˬ jawˬ-ahˇ Moˇseˬ daˆ leˇ-awˇ, mˬ dmˇ laꞈ kʼoeˇ le uˇ leꞈ-euˬ meh. Oeˬ tseˇ nah oeˬ tseˇ miˇ keuˆ ni, aˬ yawꞈ kʼoeˇ gaˇ jawˇ-euˬ meh.

Doˆ-iˇ 34:28

Oeˬ tseˇ nah oeˬ tseˇ miˇ keuˆ ni, Moˇseˬ tiˬ jeˬ-iˬ maˬ dzaˬ maˬ dawˇ ni, Sahˬpaˬ Miˬyehˇ nehˬ-ehˇ kʼoeˇ gaˇ jawˇ-euˬ meh. Dawˬ ma saˇ jaˇ dawˬ deuˬ pyeuꞈ-eu zahˇ dawˬ kʼoꞈ dawˬ tseˇ dawˬ-ahˇ, kʼaˬ lo teˇ byaꞈ kʼoeˇ taˆ aˬ yawꞈ boꞈ-euˬ meh.

Yawˇnaˆ 3:7

Niˇnaˬbeˬ meuˬ-ahˇ jawˇ-eu tsawˇ haˬ deuˬ-ahˇ aˬ yawꞈ heu loꞈ-ehˇ dawˬ biꞈ-awˇ bi guˇ gaˬ doe-euˬ meh. “Heu-aˬ, sahˬ paˬ hawˇ-eu aˬ yawꞈ-euˬ gaˇ mˇ-eu yaw huiˬ yaw mahˇ deuˬ neh biꞈ-euˬ dawˬ pyeuꞈ-eu meh. Tsawˇ haˬ maˬ ehˇ, mawˇ neˇ maˬ ehˇ, yawˇ maˬ ehˇ, tiˬ jeˬ-iˬ maˬ dzaˬ maˬ dawˇ ni ya lah meh.

Maꞈtehˬ 21:18

Yawˬ nah yawˬ uˬ shawˬ yaw naꞈ-ehˇ, Yeˬluˇsaˬlehˬ meuˬ-ahˇ Yeˬsuˇ gʼoꞈ leˇ ngeh, hawˬ mehꞈ mehꞈ laˇ-euˬ meh.

Maꞈtehˬ 4:2

Maˬ dzaˬ maˬ dawˇ ni oeˬ tseˇ nah oeˬ tseˇ miˇ jawˇ keuˆ laꞈ ngeh, Yeˬsuˇ hawˬ mehꞈ mehꞈ dui dui laˇ-euˬ meh.

Luˇkaꞈ 4:3

Kʼoeˇ ngeh, Nehꞈsahˬpaˬ aˬ yawꞈ-ahˇ ehˇ nehˬ-eu, “Nawˇ Miˬyehˇ-euˬ Zaˬmaˇ pyeuꞈ-eu ngeuˇ naˇ, Kʼaˬ lo heu deuˬ-ahˇ kaˬ muˇ pyeuꞈ laˇ-awˬ lehˇ dawˬ biꞈ-awˬ tawˇ.”

Yoˇhaˬ 4:6

Yaˬkoˆ-euˬ lah duˬ kʼoeˇ gaˇ jaˆ-eu meh. Yeˬsuˇ gaˇ ma cah doeˇ laꞈ-euˬ miˇ neh, lah duˬ dawˬ peh nuiˇ-euˬ meh. Kʼoeˇ-aˬ, nah loˆ ceh ngeh yamˬ meh.

Dawˬmehˬ 9:18

Kʼoeˇ naˇ, oeˬ tseˇ nah oeˬ tseˇ miˇ keuˆ ni, Sahˬpaˬ Miˬyehˇ-euˬ mehˬ shi ngaˇ awˆ byaˆ-awˇ, maˬ dzaˬ maˬ dawˇ ni jawˇ-euˬ ma. Naw maꞈ Sahˬpaˬ Miˬyehˇ-ahˇ mˇ bahˬ-awˇ, aˬ yawꞈ nui ma pehˇ ni jahˇ-euˬ baˬ da neh, ngaˇ kʼoeˇ loꞈ-ehˇ jawˇ-euˬ ma.

Dawˬmehˬ 9:25

“Kʼoeˇ miˇ neh, oeˬ tseˇ nah oeˬ tseˇ miˇ keuˆ ni, Sahˬpaˬ Miˬyehˇ mehˬ shi moꞈ tsahˬ-ehˇ awˆ byaˆ-awˇ ngaˇ jawˇ-euˬ ma. Aˬ jeˬ miˇ neh ehˇ naˇ, naw maꞈ-ahˇ laˆ luˬ laˆ seˇ nehˬ-eu gʼaˇ duˬ aˬ yawꞈ noeˬ tsehˆ taˬ-euˬ ngaˇ siˬ duˬ-eu ma.

Dawˬmehˬ 9:9

Sahˬpaˬ Miˬyehˇ neh naw maꞈ nehˬ-ehˇ dzaˬ-euˬ dawˬ ma saˇ jaˇ boꞈ taˬ-euˬ kʼaˬ lo teˇ byaꞈ laˬ leˇ-eu gʼaˇ duˬ, Siˇnaˆ gawˬ jawˬ-ahˇ ngaˇ daˆ leˇ-euˬ ma. Oeˬ tseˇ nah oeˬ tseˇ miˇ keuˆ ni, tiˬ jeˬ-iˬ maˬ dzaˬ maˬ dawˇ-ehˇ, kʼoeˇ gaˇ ngaˇ jawˇ-euˬ ma.

HeˬByehˇ 2:18

Nymˬ-mˇ, iˬ baˇ muˇ juˇ juˇ gaˇ ya daˬ luꞈ-eu tsawˇ haˬ-ahˇ aˬ yawꞈ ngehˬ gʼeh nehˬ nya-eu meh. Aˬ jeˬ miˇ neh ehˇ naˇ, aˬ yawꞈ-euˬ mawˇ do kʼawꞈ, iˬ baˇ muˇ juˇ juˇ-eu jeˬ hawˇ-eu kʼehˬ-eu kʼaˆ-eu jeˬ-ahˇ ya daˬ dzeuˇ yaꞈ-euˬ meh.

HeˬByehˇ 4:15

Aˬ dui-euˬ Piˇma Yaw huiˬ gʼaˬ-aˬ, aˬ dui-euˬ gʼaˬ baˬ duˬ-ahˇ gʼawˬ shaˬ gaˬ-eu maˬ siˬ nya-eu gʼaˬ maˬ ngeuˇ-a. Aˬ dui loꞈ-ehˇ muˇ juˇ juˇ-eu yawˬ jeˬ na luꞈ-ahˇ ya daˬ haw-euˬ Piˇma Yaw huiˬ tiˬ gʼaˬ aˬ dui jawˇ-eu ma. Ehˇ kʼawꞈ, aˬ yawꞈ iˬ baˇ maˬ mˇ haw-aˬ.

1 Saˬmeuˬlaˆ 17:16

Gawˇliˇyaˆ-aˬ, Iˇsaˬleˬlaˆ tsawˇ haˬ deuˬ aˬ yawꞈ-ahˇ guiˇ deuˆ laˇ-awˬ lehˇ, oeˬ tseˇ nah byah ni yawˬ shawˬ yawˬ miˇ na luꞈ guˇ luꞈ-eu meh.