Nawˇ hawˇ-eu zaˬ miˬ zaˬ naw nyaꞈ yaw kaˬ, tiˬ gʼaˬ tiˇ gʼaˬ muiˇ ni ngaˇ jahˇ ma. Aˬ yawꞈ-euˬ zaˬ deuˬ hawˇ-eu nawˬ-euˬ zaˬ deuˬ, aˬ myah luꞈ tiˬ gʼaˬ tiˇ gʼaˬ muiˇ tehꞈ-a. Aˬ yawꞈ-euˬ zaˬ deuˬ nawˬ-euˬ uˬ duˬ nawˬ pyehˆ-awˇ, aˬ yawꞈ maꞈ-euˬ aˬ kuiˇ kuiˇ nuiꞈ-ahˇ nawˇ toˆ tehꞈ-a” lehˇ ehˇ nehˬ-euˬ meh.
Luˇkaꞈ 4:18 - Akha18 “Sahˬpaˬ Miˬyehˇ-euˬ Yaw sahˇ-aˬ, ngaˬ-euˬ kʼoeˇ taˆ keuˆ le-euˬ meh. Aˬ jeˬ miˇ neh ehˇ naˇ, shaˬ-eu zahˬ-eu tsawˇ haˬ deuˬ-ahˇ, guiˬ lahˬ dawˬ bi mehˬ-eu gʼaˇ duˬ, aˬ yawꞈ ngaˬ-ahˇ tseˇ doˆ-euˬ meh. paꞈ taˬ-euˬ deuˬ-ahˇ pyehˬ nehˬ-awˇ, myaˆ behꞈ deuˬ myaˆ nuiˆ mawˇ laˇ ni, bi kʼehˬ-euˬ deuˬ ya law-iˇ ni, dawˬ tsaꞈ dawˬ dzawˇ mˇ-eu gʼaˇ duˬ, aˬ yawꞈ ngaˬ-ahˇ kʼehˇ leꞈ-euˬ meh. Faic an caibideilYawshawr Yaerbof Dawqma Sarjax Yawshuif Jaceuq-eu Hawr-eu Dawqdaq18 “Sanqpaq Miqyaer-euq muiq-eu Saflar, ngaq-euq khoertav jawrluf-eu mae. Aqjeq mirnae aernar-aq, ngar, irshaqzaq-anr guiqlanqdawq bimaeq-eu gharduq, Aqyawf, ngaq-anr tsaqtsov naeqlaf-euq mae. Nuima nar-eu deuq-anr lavsavtaq naeq-awr, Bi paftawf taq-euq deuq-anr pyaeqnaeq-euq uqtaf, Myavbaef deuq-anr bi mawrnya lar-awr, Khaeq-awr khav-eu gar ya daqluf-eu deuq-anr pyaeqnaeq-eu hawr-eu, Faic an caibideil |
Luˇkaꞈ 4:18
56 Iomraidhean Croise
Yaw tsaˬ yaw dawˇ jeˬ bi mˇ-eu gʼaˇ duˬ, Guˇluˆ-ahˇ ngaˇ gʼeu tuˇ-euˬ ma. Aˬ yawꞈ iˇ-eu gaˇ ma ngaˇ shaˇ dawˇ ma. Ngaˬ-euˬ Yeˬluˇsaˬlehˬ meuˬ aˬ yawˬ gawˬ muiˬ-awˇ, aˬ cawˬ miˇ kʼahˬ-ahˇ nyehꞈ gʼeh-euˬ ngaˬ-euˬ tsawˇ haˬ deuˬ-ahˇ, aˬ yawꞈ pyehˬ kʼoꞈ doˆ laꞈ tehꞈ-a. Ehˇ kʼawꞈ, laꞈ nmꞈ nmꞈ-awˇ aˇ poeˬ biꞈ-euˬ miˇ neh, aˬ yawꞈ kʼoeˇ loꞈ-ehˇ mˇ-eu maˬ ngeuˇ-a” lehˇ, Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ ehˇ-eu meh.
Kʼoeˇ naˇ, naw maꞈ nehˬ-ehˇ ngaˇ dawˬ ma saˇ jaˇ dzaˬ ma. Mˬ maˬ maˬ byaˆ zaˇ ziˇ naw maꞈ bi geuꞈ tsehˆ-eu gʼaˇ duˬ, ngaˬ-euˬ baoˬ hawˇ-eu ngaˬ-euˬ dawˬ deuˬ, naw maꞈ-ahˇ ngaˇ biꞈ gʼaˬ-euˬ ma. Nymˬ-mˇ neh aˇ dahˬ beh-awˇ ngaˬ-euˬ dawˬ-ahˇ naw maꞈ ya naˇ haˬ geuꞈ-awˇ, naw maꞈ-euˬ zaˬ hawˇ-eu oeˬ paˬ oeˬ ma deuˬ-ahˇ kʼawꞈ, mˬ maˬ maˬ byaˆ zaˇ ziˇ jiˇ ni ya mehˬ daˆ leꞈ meh.”
Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-euˬ yaw sahˇ, ngaˬ-euˬ kʼoeˇ taˆ keuˆ le-euˬ meh. Yaw shaˬ zaˬ-ahˇ laˬ kʼaˬ cehˇ-eu guiˬ lahˬ dawˬ tsaꞈ gaˬ-eu gʼaˇ duˬ, nui ma tsawˬ paˆ-euˬ deuˬ-ahˇ laˆ saˆ-eu gʼaˇ duˬ, aˬ cawˬ miˇ kʼahˬ-ahˇ bi nyehꞈ gʼeh-euˬ deuˬ hawˇ-eu, paꞈ kuˆ laꞈ kʼoeˇ ka lahˇ taˬ-euˬ tsawˇ haˬ deuˬ-ahˇ, ya buˬ ya law-iˇ meh lehˇ tsaꞈ gaˬ-eu gʼaˇ duˬ, aˬ yawꞈ ngaˬ-ahˇ tseˇ doˆ-awˇ pyehˬ gʼeh leꞈ-euˬ meh.
“Shiꞈ tseˇ kʼoꞈ, shiꞈ poˆ lehˇ ehˇ-euˬ-aˬ, nawˬ-euˬ tsawˇ jeuˬ hawˇ-eu naw maꞈ-euˬ muiˬ-eu shawˇ-eu meuˬ-ahˇ iˬ baˇ hawˇ-eu yaw haiˬ jeˬ laꞈ kʼoeˇ ka kʼoꞈ nehˬ-eu gʼaˇ duˬ, Miˬyehˇ neh dza taˬ-euˬ aˇ yamˬ-ahˇ ehˇ-eu meh. Yaw sahˇ laꞈ kʼoeˇ kʼaˇ ya siˬ kʼaˇ ya mawˇ-euˬ loꞈ-ehˇ aˬ diˇ aˬ maˇ keuˆ le-awˇ, muiˬ-eu shawˇ-eu Uˬ duˬ tahˬ nymˇ nymˇ ma paˇ ya a nehˬ-eu aˇ nah bi keuˆ le-eu gʼaˇ duˬ, iˬ baˇ mˇ-eu jeˬ aˇ saˬ bi saˬ le-awˇ, mˬ maˬ maˬ byaˆ zaˇ ziˇ ziꞈ-eu yaw tsaˬ yaw dawˇ jeˬ ziꞈ dah ni bi jaˆ le tehꞈ-a.
Yoˇhaˬ-euˬ gʼaˬ kʼehˇ kʼoeˇ nyiˬ gʼaˬ-ahˇ aˬ yawꞈ ehˇ nehˬ-eu,“Naw nyaꞈ gʼoꞈ-iˇ-awˇ, naw nyaꞈ neh kʼaˇ ya gaˬ kʼaˇ ya mawˇ-euˬ jeˬ, Yoˇhaˬ-ahˇ dzawˇ nehˬ-iˇ-awˬ. Myaˆ behꞈ mawˇ nya laˇ-euˬ, kuiˇ kuˆ cah nya laˇ-euˬ, coi doi shawˇ laˇ-euˬ , tsawˇ shiˇ gʼoꞈ dehꞈ laˇ-euˬ, shaˬ zaˬ zahˬ zaˬ deuˬ Laˬ kʼaˬ cehˇ-eu Guiˬ lahˬ dawˬ ya gaˬ-euˬ, gaˇ kawˆ heu deuˬ dzawˇ nehˬ-iˇ-awˬ.
Naˬzaˬlehˇ tsawˇ haˬ Yeˬsuˇ gaˇ kawˆ maˬ ehˇ, aˬ yawꞈ-euˬ kʼoeˇ taˆ Miˬyehˇ neh Muiˬ-eu shawˇ-eu Yaw sahˇ Miˬyehˇ hawˇ-eu baoˬ aˬ joˆ-ehˇ shehˆ daˆ nehˬ-euˬ gaˇ kawˆ maˬ ehˇ, naw maꞈ siˬ luꞈ meh. Miˬyehˇ aˬ yawꞈ nehˬ-ehˇ jawˇ-eu miˇ neh, aˬ yawꞈ yawˬ gaˇ na luꞈ iˇ doe-awˇ, yaw muiˬ jeˬ mˇ mˇ-ehˇ, Nehꞈ-euˬ baoˬ uˬ moˆ shaˬ luꞈ-eu tsawˇ haˬ deuˬ-ahˇ naˇ gawˇ laˆ taˬ nehˬ-euˬ meh.
Aˬ yawꞈ maꞈ jah-eu laꞈ kʼoeˇ iˬ baˇ pyehˬ nehˬ-euˬ jeˬ-ahˇ za-awˇ, Miˬyehˇ neh tseˇ doˆ-euˬ tsawˇ haˬ deuˬ nehˬ-ehˇ jawˇ duˬ za nya ni aˬ yawꞈ maꞈ-euˬ myaˆ nuiˆ nawˇ pah nehˬ-awˇ, yaw zahˇ laꞈ kʼoeˇ neh yaw shehꞈ-ahˇ ya sheuˬ kʼoꞈ laꞈ nehˬ-awˇ, Saˬdaˬ-euˬ baoˬ uˬ moˆ jawˇ luꞈ-eu deuˬ-ahˇ Miˬyehˇ jawˇ paw ya sheuˬ kʼoꞈ laꞈ nehˬ meh’ lehˇ ehˇ-eu meh.
Ngaˇ gaˬ-euˬ aˬ yuiꞈ aˬ nyiˇ Ka li zaˬ deuˬ-oˇ, ngaˇ ehˇ gaˇ naˇ haˬ sheˇ. Jah-eu jeˬ laꞈ kʼoeˇ smˇ muiˬ muiˬ-eu tsawˇ haˬ pyeuꞈ laˇ-awˇ, Miˬyehˇ-ahˇ gaˬ-eu tsawˇ haˬ deuˬ-ahˇ biꞈ-eu gʼaˇ duˬ aˬ yawꞈ neh saˇ jaˇ dzaˬ taˬ-euˬ miˇ kʼahˬ-ahˇ bi uˇ leˇ-eu lehˇ, miˇ tsaˬ heu kʼoeˇ taˆ dehꞈ luꞈ-eu shaˬ-eu zahˬ-eu tsawˇ haˬ deuˬ-ahˇ Miˬyehˇ neh tseˇ doˆ taˬ-euˬ meh.
Ehˇ kʼawꞈ, naw maꞈ-aˬ, tseˇ doˆ-euˬ tsawˇ haˬ pyeuꞈ-awˇ, Sahˬpaˬ-euˬ piˇ ma deuˬ pyeuꞈ-eu meh. Muiˬ-eu shawˇ-eu tsawˇ haˬ pyeuꞈ-awˇ, Miˬyehˇ-euˬ tsawˇ haˬ pyeuꞈ-eu meh. Miˬyehˇ neh mˇ-euˬ zahˬ leˇ paˬ-ehˇ gʼeh-eu gaˇ deuˬ aˬ cawˬ-ahˇ bi ja meh-eu gʼaˇ duˬ, naw maꞈ-ahˇ Miˬyehˇ tseˇ doˆ-euˬ meh. Aˬ yawꞈ-aˬ, yaw zahˇ laꞈ kʼoeˇ naw maꞈ-ahˇ kuˇ doˆ-awˇ, zahˬ leˇ paˬ-ehˇ gʼeh-eu aˬ yawꞈ-euˬ yaw shehꞈ laꞈ kʼoeˇ sheuˬ uˇ nehˬ laꞈ-euˬ meh.
Sanasan