Luˇkaꞈ 3:2 - Akha

² Aˬnaˬ hawˇ-eu Gaˬyaˬpaˇ aˬ nyaꞈ-aˬ, piˇ ma yaw huiˬ geuꞈ luꞈ-eu meh. Kʼoeˇ ngeh, bawˇ tsahˬ bawˇ dahˇ-ahˇ Zaˬkaˬliˇ-euˬ aˬ li Yoˇhaˬ jawˇ gaˇ, Miˬyehˇ-euˬ dawˬ keuˆ le-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Aqna hawr-eu Gaqyaqpar pirma yawhuiq geufluf ngae, Zeqkaqlir-euq zaqyo Yorhaq bawrtsanq bawrdanr-anr jawr-eu gar Miqyaer-euq dawq keuvle-euq mae.

Luˇkaꞈ 3:2 Iomraidhean Croise

Iˇsaˬyaˇ 40:3

Teˇ saˇ guˇ doˆ laˇ gaˇ naˇ haˬ sheˇ. “Sahˬpaˬ Miˬyehˇ gʼaˇ duˬ bawˇ tsahˬ bawˇ dahˇ-ahˇ gaˇ ma shaˇ dahˇ-awˬ. Aˬ dui-euˬ Miˬyehˇ gʼaˇ duˬ kʼaˇ shuiꞈ deh-ahˇ gaˇ ma laˆ saˆ-awˬ.

Yeˬlaˬmiˇ 1:2

Aˬmo-euˬ aˬ li Yawˇshiˆ gʼaˬ, Yuˇdaˆ miˇ kʼahˬ-ahˇ sahˬ paˬ geuꞈ-awˇ uˆ lahˇ-euˬ tseˇ smˇ kʼoꞈ tiˬ kʼoꞈ-ahˇ, Yeˬlaˬmiˇ kʼoeˇ taˆ Sahˬpaˬ Miˬyehˇ-euˬ dawˬ keuˆ le-euˬ meh.

Yeˬlaˬmiˇ 2:1

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh.

Yeˬsaˬgeˬlaˇ 1:3

Baˬbuˇloˬ miˇ kʼahˬ Ceˬbaˬ lawˇ baˬ lawˇ dzeˇ kʼoeˇ gaˇ, Sahˬpaˬ Miˬyehˇ ngaˬ-ahˇ dawˬ ngehˬ cawˬ le-euˬ ngaˇ ya gaˬ-awˇ, aˬ yawꞈ-euˬ baoˬ ngaˬ-euˬ kʼoeˇ taˆ keuˆ le-euˬ meh.

Yawˇnaˆ 1:1

Aˬmiˇtehˇ-euˬ aˬ li Yawˇnaˆ jawˇ gaˇ, Sahˬpaˬ Miˬyehˇ-euˬ dawˬ heu loꞈ-ehˇ keuˆ le-euˬ meh.

Miˇkaˬ 1:1

Yoˇdaˬ, Aˬkaˆ, Heˬsaˬgiˇ, heu deuˬ Yuˇdaˆ miˇ kʼahˬ-euˬ sahˬ paˬ geuꞈ-euˬ aˇ yamˬ-ahˇ, Mawˇleˇshehˆ meuˬ-ahˇ jawˇ-euˬ Miˇkaˬ jawˇ gaˇ Sahˬpaˬ Miˬyehˇ-euˬ dawˬ keuˆ le-euˬ meh. Saˬmaˬliˆ meuˬ hawˇ-eu Yuˇdaˆ miˇ kʼahˬ-ahˇ taꞈ leˇ-eu gaˇ kawˆ heu deuˬ dawˬ tawˆ luꞈ, Miˇkaˬ-ahˇ Sahˬpaˬ Miˬyehˇ pah mehˬ nehˬ-euˬ meh.

Zeˬpaˬniˇ 1:1

Heu-aˬ, Aˬmo-euˬ aˬ li Yawˇshiˆ sahˬ paˬ geuꞈ-awˇ Yuˇdaˆ miˇ kʼahˬ-ahˇ uˆ lahˇ-eu aˇ nah aˇ yamˬ laꞈ kʼoeˇ Zeˬpaˬniˇ jawˇ gaˇ keuˆ le-euˬ Sahˬpaˬ Miˬyehˇ-euˬ dawˬ meh. (Sahˬ paˬ Heˬsaˬgiˇ-ahˇ neh gui ka leꞈ-euˬ Zeˬpaˬniˇ -euˬ tsuiꞈ-aˬ, Heˬsaˬgiˇ, Aˬmaˬliˇ, Geˬdaˬliˇ, Kuˇshi, Zeˬpaˬniˇ lehˇ meh.)

Maꞈtehˬ 11:7

Yoˇhaˬ-euˬ zaˬ lahˇ kʼoeˇ deuˬ gʼoꞈ dzeuˇ ngeh, Yeˬsuˇ tsawˇ haˬ aˇ maꞈ kʼoeˇ deuˬ-ahˇ, Yoˇhaˬ-euˬ gaˇ kawˆ heu loꞈ-ehˇ ja mehˬ nehˬ-euˬ meh. “Bawˇ tsahˬ bawˇ dahˇ-ahˇ Yoˇhaˬ jawˇ gaˇ naw maꞈ iˇ ngeh, aˬ jeˬ-ahˇ ya mawˇ ni noeˬ tmˬ-awˇ iˇ teˬ. Aˇ toꞈ aˇ bawˬ-ahˇ jaˬ lehˇ baw nyeh gaˇ haw-iˇ teˬ loˇ.

Maꞈtehˬ 26:3

Kʼoeˇ naˇ, piˇ ma aˬ yuiꞈ gʼaˬ hawˇ-eu miˇ kʼahˬ zaˬ-euˬ aˬ yuiꞈ aˬ tsu deuˬ, Piˇ ma Yaw huiˬ gʼaˬ pyeuꞈ-eu Gaˬyaˬpaˇ-euˬ nymˇ-ahˇ uiˬ leˇ-euˬ meh.

Maˬkuˆ 1:2

Gaˇ kawˆ heu-aˬ, Miˬyehˇ gʼaˇ duˬ ngehˬ dah-eu Iˇsaˬyaˇ neh heu loꞈ-ehˇ boꞈ-euˬ gaˇ aˇ dahˬ beh taˬ-euˬ meh. “Miˬyehˇ heu loꞈ-ehˇ ehˇ-eu meh. ‘Haw yawˬ, nawˇ iˇ-eu gaˇ ma-ahˇ, lehˬ hmˬ laˆ saˆ taˬ-eu gʼaˇ duˬ, ngaˬ-euˬ gʼaˬ kʼehˇ tiˬ gʼaˬ-ahˇ ngaˇ, nawˬ-euˬ mehˬ hu pyehˬ gʼeh-eu ma.

Luˇkaꞈ 1:80

Aˬ li kʼoeˇ li huiˬ laˇ-awˇ, nui ma gʼawˇ mawˇ nyiˬ jeˬ luꞈ huiˬ laˇ mahˇ laˇ luꞈ-eu meh. Iˇsaˬleˬlaˆ tsawˇ haˬ deuˬ mehˬ shi aˬ yawꞈ maˬ doˆ laˇ kʼoeˇ keuˆ ni, bawˇ tsahˬ bawˇ dahˇ-ahˇ jawˇ-euˬ meh.

Yoˇhaˬ 1:23

Yoˇhaˬ ehˇ-eu, “‘SahˬpaˬMiˬyehˇ oe-eu gʼaˇ duˬ gaˇ ma shaˇ dahˇ-awˬ’ lehˇ, bawˇ tsahˬ bawˇ dahˇ laꞈ kʼoeˇ tsawˇ haˬ tiˬ gʼaˬ guˇ tehꞈ-a lehˇ, Miˬyehˇ gʼaˇ duˬ ngehˬ dah-eu Iˇsaˬyaˆ neh ehˇ-euˬ kʼoeˇ ngaˇ ma.”

Yoˇhaˬ 18:24

Kʼoeˇ naˇ, aˬ yawꞈ-ahˇ paꞈ tawꞈ taˬ-euˬ maˬ puiˇ nehˬ ni, Aˬna neh aˬ yawꞈ-ahˇ Piˇ ma Yaw huiˬ gʼaˬ pyeuꞈ-eu Gaˬyaˬpaˇ jawˇ gaˇ bi sheuˬ ha-iˇ-euˬ meh.

Gʼaˬkʼehˇ 4:6

Piˇ ma Yaw huiˬ gʼaˬ pyeuꞈ-eu Aˬna hawˇ-eu Gaˬyaˬpaˇ, Yoˇhaˬ, Aˬleˬsaˬduˇ hawˇ-eu, Piˇ ma Yaw huiˬ gʼaˬ-euˬ aˬ yuiꞈ aˬ nyiˇ deuˬ-ahˇ aˬ yawꞈ maꞈ tahˬ dzoeˇ-euˬ meh.